فطور العريس
مرسل: الخميس 2007.11.1 10:38 am
ماذا تعرف/ تعرفي عن فطور العريس؟
صراحة لا شئ خخخخخخخخخخخخخخخخخخخخخخخخخخخخخخخخخخخخخخخخخخ
تقبل المرور
منتدى أنا سوداني
منتديات سودانية ميه الميه،اغانى سودلنية، حوار عام ،نكات وترفيه ،صور سودانية،مطبخ سودانى
https://anasudani.net/forum/
فطور العريس
صفحة 1 من 1
رد: فطور العريس
مرسل: الخميس 2007.11.1 4:03 pm
رد: فطور العريس
مرسل: الخميس 2007.11.1 8:50 pm
اخونا حمودى
من عاداتنا السوادنية المعروفة من زمن بعيد
فطور العريس
باختصار ام العروس ملزمة تودي لاهل العريس الفطور من صباحية يوم العرس ،، والفطور فيهو كل ما لذ وطاب على الاقل لازم الفطور يكون من خمستااااااشر حلة مظبطه فيها ملاح التقلية والنعيمية واللحمة المحمرة والعصيده والفول ومستلزماته من بيض وجبنه وزيت وطعمية وبيتزا (دي جديده) والشعيرية والسكسكانية وما ننسى الخبائز المشكلة وكمان حاجات جديده بتزيد كل ما كان لسان ام العريس طويل ، وبتزيد وبتحلى اكتر كل ما كانت ام العروس بوباره ، وتزيد اكتر كل ما كان اهل العروس غريب ، يعني ما من اهل العروس ،،
اها رائكم شنو ؟؟ دي عادة سودانية نحافظ عليها ؟؟ ولا تروح مع بعض العادات السودانية الضارة ؟؟؟؟؟؟؟
وانا بسال السؤال دا كمان لانوا في كتير من امهات العرايس بيشتكن من تكلفة الفطور العالية ،، وكمان متعبه ،، يعني لازم ام العروس تجيب صاحباتها وجاراتها ويساهرن في سوات الفظور ،،، وام العروس عليها حاجات كتيره ،، حاجات عايزه ميزانية ووقت زي دق الريحه مثلا وسوات الدلكه ، دا كلو مكلف شديد ؟؟
وبعدين بصراحة كدا بتحصل مشاكل كتيرة بين اهل العروس والعريس بسبب فطور العريس ،، يعني لو ام العروس اتشجعت كدا واعتزرت وقالت والله ما بقدر على الفطور ،، تقوم القيامه في بيت العريس ،، وتسمع كلام كتير من ام العريس ، زي مثلا ما قدرونا النسابة الجداد ،، فضحونا ،، ام العروس ما جابت لينا الفطور ،، هي ما عارفه انو فطور العريس دا تقدير ولا ما عارفه يعني ،،ويبقى الموضوع دا عقده كدا لي جنى الجنا ؟؟؟؟
من عاداتنا السوادنية المعروفة من زمن بعيد
فطور العريس
باختصار ام العروس ملزمة تودي لاهل العريس الفطور من صباحية يوم العرس ،، والفطور فيهو كل ما لذ وطاب على الاقل لازم الفطور يكون من خمستااااااشر حلة مظبطه فيها ملاح التقلية والنعيمية واللحمة المحمرة والعصيده والفول ومستلزماته من بيض وجبنه وزيت وطعمية وبيتزا (دي جديده) والشعيرية والسكسكانية وما ننسى الخبائز المشكلة وكمان حاجات جديده بتزيد كل ما كان لسان ام العريس طويل ، وبتزيد وبتحلى اكتر كل ما كانت ام العروس بوباره ، وتزيد اكتر كل ما كان اهل العروس غريب ، يعني ما من اهل العروس ،،
اها رائكم شنو ؟؟ دي عادة سودانية نحافظ عليها ؟؟ ولا تروح مع بعض العادات السودانية الضارة ؟؟؟؟؟؟؟
وانا بسال السؤال دا كمان لانوا في كتير من امهات العرايس بيشتكن من تكلفة الفطور العالية ،، وكمان متعبه ،، يعني لازم ام العروس تجيب صاحباتها وجاراتها ويساهرن في سوات الفظور ،،، وام العروس عليها حاجات كتيره ،، حاجات عايزه ميزانية ووقت زي دق الريحه مثلا وسوات الدلكه ، دا كلو مكلف شديد ؟؟
وبعدين بصراحة كدا بتحصل مشاكل كتيرة بين اهل العروس والعريس بسبب فطور العريس ،، يعني لو ام العروس اتشجعت كدا واعتزرت وقالت والله ما بقدر على الفطور ،، تقوم القيامه في بيت العريس ،، وتسمع كلام كتير من ام العريس ، زي مثلا ما قدرونا النسابة الجداد ،، فضحونا ،، ام العروس ما جابت لينا الفطور ،، هي ما عارفه انو فطور العريس دا تقدير ولا ما عارفه يعني ،،ويبقى الموضوع دا عقده كدا لي جنى الجنا ؟؟؟؟
رد: فطور العريس
مرسل: الخميس 2007.11.1 9:39 pm
فطور العريس من أجمل التقاليد السودانية الأصيلة البتمنى إنها ماتنتهى وتفضل لأنها بتدى العرس زيادة فرحة وبهجة خاصة اليوم القبل مايودو فيه الفطور اللمة حقت اللأهل والغنا والزغاريت لى الصباح دليل الفرحة الشديدة لكن ممكن إكون بى البصيت والمختصر حاجة لذيذة وجميلة وبعدين عدم ودى الفطور بخلق مشاكل عن بعض الناس تأدى لى فرتيق العرس زى ماحصل مع صحبتى أمها ماودت الفطور عشان ماجابو ليها شيلة دكان تمام حصلت شكلا رهيبة ساعة العقد لولا تدخل الأجاويد كان العروس إتطلقت قبل الحبر الأسود ماينشف فى ورقة العقد وبعد العرس المشاكل إتواصلت لى الليلة عشان كدا أحسن أم العريس تجيب شيلة دكان تمام عشان إجيها فطور رهيب
رد: فطور العريس
مرسل: الخميس 2007.11.1 9:44 pm
ما حصل حضرت لي عرس في
السودان ما بعرف لاكن عندنا هنا
العروس بتقوم تسوي برااااها
السودان ما بعرف لاكن عندنا هنا
العروس بتقوم تسوي برااااها
الفقرا وست الودع
مرسل: الخميس 2007.11.1 9:48 pm
من أسواء العادات السودانية عند المرأة السودانية بى الرغم من التقدم الهأهل والتطور فى التعليم وكل حاجة إلا إنو الناس كل يوم زايدين إيمان بى الفقرا وكلام ست الودع ومش بس النسوان لأ كمان الرجال بنافسو النساء فى المشى والإيمان بيهم والبنات بقى مرض مزمن ماعندو علاج عندهم
رد: فطور العريس
مرسل: الخميس 2007.11.1 10:03 pm
الحقيقه العادات السودانيه كتييييره ولكنها في طريقها للزوال رويدا رويدافطور العريس من أجمل التقاليد السودانية الأصيلة البتمنى إنها ماتنتهى
والاحتفاظ بالعادات والحاجات الجميله مسؤليتنا نحن الشباب .
رد: فطور العريس
مرسل: السبت 2007.11.3 5:44 pm
فطور العريس فعلا عادة سودانية جميلة واصيلة.. ولو الناس عملوها زي اهلنا زمان مافيها شي .. لكن المبالغات والهدايا البتهد ابو العروس وتكسر ضهره وتخليه يقول احسن البورة .. .. ونا س شوفوني .. انا بودي احسن من ناس فلان .. خلت الامور تتعقد والناس تشيل الهم .. اتمنى ان الناس تاخد العادات الجميلة والاصيلة وتترك العادات الضارة ... البنشوفهاش ي فطور اليوم
رد: الفقرا وست الودع
مرسل: السبت 2009.12.19 9:36 am
مشكور علي اموضوع الجميلريرى كتب:من أسواء العادات السودانية عند المرأة السودانية بى الرغم من التقدم الهأهل والتطور فى التعليم وكل حاجة إلا إنو الناس كل يوم زايدين إيمان بى الفقرا وكلام ست الودع ومش بس النسوان لأ كمان الرجال بنافسو النساء فى المشى والإيمان بيهم والبنات بقى مرض مزمن ماعندو علاج عندهم