وأطمئنك أنا لم ولا أمَّل، وإن كان تكرار الأسئلة يشعرني بأن الأسئلة فقط من باب الردم وخلاص
ولكن مع ذلك لا أمَّل ، لأني ممكن ببساطة أكتب (السؤال مكرر)
zaina كتب:
السؤال ده كان مفترض يكون فى البداية : هل انت خاطب ولالسة بتدور على العروس؟؟
السؤال دة بس ما يشوفو مجدي عكاشة ههه
ولا واحد ، ولا أنا حاسم أمري نهائياً، ولا أنا محتار في الاختيار،
لأنو في بالي (بيني وبين نفسي) بعض المرشحات، ولم يحن وقت الحسم بعد.
zaina كتب:1/الرياضة هل تمارسها"ولا مافى وقت باعتبار ان رجال الاعمال مافاضين" ؟
بشكل غير منتظم، ومحدود جداً، لأنو أصلاً ما أبذله من مجهود يومياً أعتقد أنو إلى حد ما يغنيني. إذا كنت رجل أعمال ، يمكن كنت أزاولها بشكل منتظم.
zaina كتب:2/لمن يقراء معتز وماهى اجمل الكتب التى قرائتها ولماذا؟
اقرأ على طريقة التيك أوي take away أحتاج لموضوع معين، بغض النظر عن مضمونه ومجاله
بحث في النت، فاختيار المناسب، فـ برنت آوت print out ثم القراءة.
zaina كتب:3/امنية تتمنى ان تتحقق سريعا "غير الزواج" ومن هو مثلك الاعلى وقدوتك فى الحياة ؟
حقيقة الزواج ، هو المرصود حالياً ولا يوجد غيره في الوقت الحالي.
لا يوجد مثل أعلى تحديداً، لكن أمامي شخصيات باخد من كل واحد صفة أو صفات وأحاول انتهاجها.
zaina كتب:4/هل تعرضت للخيانة او الظلم وهل انت مسامح بطبعك "مامكرر"؟
زي كل الناس بنتعرض لظلم إن كان مقصود أو غير مقصود، ونسامح ،
لأننا كذلك يمكن نكون ظلمنا البعض فنطمع في مسامحتهم لنا.
zaina كتب:4/ عندما تتعرض لمشكلة لمن تلجاء ولمن تبوح بما فى قلبك وترتاح للفضفضة اليه؟
حسب المشكلة، ، في مشاكل أعرضها على صديق، وأخرى على أخي، وأخرى على الوالدة
متوقف على طبيعة المشكلة. وغالباً جداً أبوح بها لنفسي.
لي تجربة اغتراب وأوشكت أن أعيدها مرة أخرى، واتخذت القرار بإلغائها بكامل الرضا.
عشان كدة كتبت العبارة دي.
zaina كتب:6/رائيك فى الاكل السودانى وماهى وجبتك المفضلة وهل تدخل المطبخ وتساعد الوالدة احيانا "باعتبارك ماعندك اخوات" ؟
تجربة الاغتراب كشفت لي مدى (تعلقي) بالأكل السوداني،
الوالدة ترفض أن أدخل المطبخ غالباً، وأحياناً تطلب مني ذلك بنفسها.
وأحياناً أخرى هي تكون خارج المنزل، فأدخل المطبخ
zaina كتب:7/ضعف الجامعات السودانية "وعندك جامعة الخرطوم الكان ليها شنة ورنة ومابيدخلوها غير المتميزين" ولكن الان ستجد ان الغالب من الخريجيين "الراس فاضى "وتلقى القراية فقط والاجتهاد ايام الامتحانان "طبعا ليس الكل ولكن الغالب" فى رائيك ايه اللى حصل "؟
تأثر الطلاب بعضهم ببعض،
لمن كان التميز سائد والعدد محدود جداً جداً كان الطالب لا يملك غير التميز (طائعاً أو مجبراً)
عشان ما يكون حالة شاذة،
أما الآن فيوجد المتميز ويوجد غير المبالي، وكلٌ يجد من يتأثر به.
zaina كتب:8/كيف يستطيع الفريق القومى ان يصل يوما ما لكاس العالم ورائيك فى اداء الفريق المصرى فى كاس القارات؟
الموضوع سهل جداً ، بقليل جداً من التخطيط - وهو حتى الآن غائب تماماً
على مستوى الفريق القومي وعلى مستوى الأندية.
وعن المنتخب المصري تفاجأنا بالمستوى المشرف أمام منتخب البرازيل،
وكذلك تفاجأنا بالمستوى المخيب أمام منتخب الولايات المتحدة.
zaina كتب:9/ضعف اللغة الانجليزية فى المدارس والجامعات الداء والدواء حسب ماتراه "السؤال ده مامكرر "؟
موضوع كبير جداً جداً ، لكن أهم سبب برأيي الخوف من اللغة،
بغض النظر عن ما هو سبب الخوف.
zaina كتب:10/برامج تلفزيونية تحب متابعتها ولمن تطرب من الفنانين ؟
الاتجاه المعاكس في قناة الجزيرة، ونقطة حوار في الـ BBC ،
الشيخ متولي الشعراوي رحمه الله في تفسيره للقرآن - غالباً في قناة الرسالة
والشيخ الزنداني، أينما وُجد.
في السابق سمعت عربياً عبد الحليم وفيروز، ومحلياً محمد وردي
الآن حقيقة لا أستمع للغناء، إلا فيما ندر
zaina كتب:11/متى يحزن معتز ومتى يكون سعيدا ؟
أحزن عندما يكون هناك أمر مُحزن، وأفرح عندما يكون هناك أمر مُفرح
zaina كتب:12/متى يفضل معتز ان يختلى مع نفسه فقط؟
أختلي مع نفسي يومياً، وأنزعج إذا لم أجد وقت.. وفي هذه الحالة أعوضه
في سكون الليل قبل الخلود إلى النوم.
شكراً شكراً شكراً شكراً[fot1] زينة [/fot1]
أسئلتك دي تعدت الـ 15 سؤال، كاتبة رقم 4 مرتين،
وبعض الأسئلة تحتوي على سؤالين لا علاقة لهما ببعضهما البعض
بالإضافة للسؤال عن الخطوبة جاء بدون رقم
دعد كتب:والله ربنا يكون في عونك
الناس ديل عصروك شديد
انا جيت مؤازره بس
عشان اتشمر واسلم واحييك على الردود الرائعه
لكن اذا خطر لي سؤال
برجع اسال
سؤال واحد بس:D
هلا هلا هلا وألف مرحبا [fot1]دعــد[/fot1]
حقيقي مرورك وتشمرك:D وسلامك ومؤازرتك وتحيتك
أحدثوا أثر طيب وإحساس جميل في نفسي
وأرحب بسؤالك أو أسئلتك ، وأتشرف جداً بالرد عليها بس سريع ، باقي يوم واحد
الفرح المهاجر كتب:يا استاذ معتز جيتك تانى
1-قال الصادق المهدي زعيم الأنصار رئيس حزب الأمة القومي في الندوة التي أقامتها سفارة السودان بالقاهرة عن حتميات وشبهات التراضي الوطني ضمن فعاليات منتدي السودان الذي تنظمه السفارة ان اتفاق التراضي الوطني بين حزبه والمؤتمر يعطي فرصة لانطلاق العمل الحزبي الذي ينقصه المجهود في هذه الفترة، مشيرا الي أن كثيرا من الأحزاب السياسية في السودان (نايم في العسل)
هل هذة المقولة صحيحة
حقيقة ما فهمت قاصد شنو بـ (نايم في العسل)
لكن بغض النظر عما يقصد، سبق وأن أشرت لأن الصادق المهدي يجيد الحديث
وتأويل الأحاديث ، وغير جدير بقيادة دفة البلاد، وواضح أنه من خلال الانقسامات الكثيرة
في حزبه أنه غير قادر حتى على قيادة حزبه.
الفرح المهاجر كتب:
2- الساحة السودانية بما تشهده من احتقان سياسى وتجاذب حزبى تمر بمرحلة هى الاصعب فى تاريخ السودان منذ الاستقلال، ولابد من اتخاذ خطوات جريئة بقيام حوار وطنى
ماهى الخطوات الممكن اتخاذها فى نظرك لحل الازمة السياسية فى السودان
أولاً وثانياً وأخيراً :
أن يكون في إطار السودان ، والسودان فقط ، وعدم الزج بأي كائن من كان، من خارج السودان
وهو ما نجده أمر بعيد -في الوقت الراهن-
الفرح المهاجر كتب:
3-ونقلت جريدة "الرأى العام" السودانية عن الصادق قوله:" تخوفنا من إحداث فراغ في السلطة المركزية الأمر الذي قد يغري بتنفيذ عملية تصفية حسابات من دول الجوار أو المليشيات المسلحة".
-وقال الصادق: " قمنا بتعبئة التنظيمات الطلابية والنقابية بجانب الجماهير " ، مشيرا إلى أنهم كانوا يسعون لإخراج الف مظاهرة في وقت واحد، غير أنه قال: " وجدنا أن هذا الخط به مخاطر كثيرة من بينها كثرة المليشيات المسلحة والعلاقات المتوترة مع دول الجوار".
بماذا تفسر قول الصادق المهدى
حقيقة يُشكر ويُحمد له تراجعه عن هذه الخطوة، فلا هو ولا غيره يمكن تخيل ما سيترتب
على النزول للشارع في الوقت الحالي.
سؤال ع الطاير انت يا معتز مستحمل الاسئله دي كيف روحك طويله ولااااااااااااا
ولاااااا التانية دي بس
والله متحمل ، نسوي شنو عاد
صوفيا لورين كتب:
سؤال في الفن رايك شنو في الفن السوداني
وإن كنتي ما حددتي ياتو فـن،
إن كنتي بتقصدي الغناء، فالغناء السوداني يمر بمرحلة انتقالية ثانية
إذا افترضنا انو المرحلة الأولى هي مرحلة الحقيبة،
وبعدها جات النقلة للآلات الموسيقية، على يد الراحل إبراهيم الكاشف، فبدأ بترديد أغاني
الحقيبة وبعدها ابتدت الألحان نفسها تتغير عن أغاني الحقيبة.
والمرحلة دي أخدت زمنها على يد الكبار حالياً
إبراهيم عوض - وردي - عثمان حسين - الكابلي، ...الخ
الآن ومن تقريباً بداية التسعينات -برأيي- بدت نقلة جديدة ، وظهر الشباب وابتدوا
ياخدوا الأعمال القديمة ويتغنوا بيها بطرق مختلفة،
والنقد والهجوم الموجه ليهم ، دة الدليل على انو دي مرحلة انتقالية لظهور شكل جديد
في طابع الأغنية السودانية لحناً وأداءً ،
بس لسة ما اعتقد انها تشكلت،
ما زالت تايهة في طور البحث عن قالب عام.
الاخ/ المفيتر اه اقصد الاشيتر
انا طبعا هاجمتك فى مقال تايتنك بس بطريقه موضوعيه وانا بفتكر انها لزيزه
وزى ما بقولو اهلنا مافى محبه الا بعد مابقول عداوه اختلاف اراء
سوالى ماهو رايك فى موضوع تايتنك وهو كلام لازع لكين بادب
رايك بصراخه
توقيع
ابو بكر محمد الطيب
أحزن عندما يكون هناك أمر مُحزن، وأفرح عندما يكون هناك أمر مُفرح
.................................................. أسئلتك دي تعدت الـ 15 سؤال، كاتبة رقم 4 مرتين،
وبعض الأسئلة تحتوي على سؤالين لا علاقة لهما ببعضهما البعض
بالإضافة للسؤال عن الخطوبة جاء بدون رقم
شنو يعنى احزن لما يكون هناك امر محزن"دى مساخة رباطاب ولاشنو ":
.....................................................
طبعا عشان ماتقول الاسئلة كتيرة قمتا دمجت سؤال مع اخر "تفتيحة شديد "
ابو السيد سلامات "غايتو الاسئلة الاجتماعية خلتنا نتعرف على معتز عن قرب بس عليك الله تعمل حنة عريس عشان نجى نحننك كدة مع الوالدة:D :D :D :D :D "
وده بقى السؤال الاخير بس طويل شوية:
رقم التوعية الموجودة فى المجتمع الان ولكن رقم ذلك " موضوع الاطفال اللقطاء فى اذدياد وعندك دار المايقوما فى الخرطوم كل شهر فى جديد حتى اصبحت تعانى من الزيادة وفى جزء بتنهشه الكلاب ويرمى فى الشارع وده مامجرد كلام " ومسالة خداع بعض الشباب للفتيات باكذوبة الحب والجسد لاينفصلان "علشان بتحبينى لازم تتنازلى لى واكيد حاجى اخطبك واعرسك" والفتاة خلينى اسميها الغير واعية " بتكون معلقة املها فى الزواج وللاسف بتصدق كلاموا "رقم ان حيلة الشباب فى هذا الموضوع اصبحت مكشوفة جدا والساذجة فقط هى من تصدقها ورقم معرفة اغلب الفتيات بان الرجل فى مجتمعاتنا لايتزوج من اخطاء معها الا مجبور "وبعد ماالفاس يقع فى الراس يعمل "شتات " وممكن البنت تحمل وممكن تعمل اجهاض"عندك قضية طبيب النساء والتوليد الشهيرة قبل سنتين فى الخرطوم المتعلقة بالاجهاض ولو بتقراء صحيفة قلب الشارع او اى صحيفة اجتماعية سودانية فيها صفحة المشكلات والحلول بتلقى المشاكل المطروحة من النوع ده للاسف كتيييرة ....
فى رائيك ليه البنت لسه بتصدق الشاب فى هذا الموضوع برغم سذاجة الحيلة نفسها وبرغم التوعية هل لان غالبية تفكير هذه الفئة من الاناث عاطفى بحت ومن المسؤل هنا الفتاة ام الشاب ام المجتمع ام الاسرة"ادينى رائيك" ?
"ديل نسيت مااضفتهم "
2/معتز هل تحترم الوقت"يعنى واحد مواعدك او انتا واعده هل بتجى فى نفس المواعيد ولا مواعيدك سودانية ولو حصل عندك مواعيد مع احدهم وتاخر كثيرا شعورك بيكون كيف؟
3/بصراحة اذا جالك حد فى البيت من غير مواعيد او فى وقت غير مناسب هل تتضايق؟
4/هل يخيفك الموت ؟
5/بصراحة هل بكيت يوما "طبعا الوفيات وفقدان الاعزاء ماداخلة هنا" ورائيك فى جملة "دموع الرجل لاتنزل الاعند فقدان عزيز"هل ممكن الكلام ده يكون صحيح"؟
هندسسسسسه كتب:كيفك يا اخوى
الحج هذا العام بدا التسجيل السؤال
ليه هذه الرسوم الخياليه
ومالمقابل
رايك بصراحه
الحج هو المشقه لا زم يكون خمسه نجوم ولى رايك شنو
غالبيها اهلنا ينتظرون الحج ويحوشون له وخاصه حبوباتنا
وهيئه الحج تقول الرسوم 7 مليون ماهو الحل
تصحيح :
على فكرة الانا سمعتوا من الناس البعرفهم المسافرين الحج هذا العام عن طريق الباخرة " قالوا الرسوم اصبحت 7مليون على اعتبار حج سياحى " حسب كلامهم يعنى الانتا قلتها دى بتاعة الباخرة واكيد الطائرة حتكون اغلى من كدة"يعنى احتمال 9او8مليون بس مش متاكدة "
سلامات [fot1]زينة[/fot1] ، نهارك سعيد وسائر الأوقات
zaina كتب:1/ ياابوالسيد انا دايرة رائيك فى حكاية ضرب الزوجات دى بعيدا عن مشاكل المجتمعات والفتاوى فى سؤالى السابق
"يعنى انا فهمى ان ماهو داخل البيوت لايحق للقاضى ان يتدخل فيه "وموضوع التبذير اذا كان الزوج نفسه هو من سمح لها بذلك وهو قادر على ان يوقفها عند حدها من دون تدخل احد اذا كانت مبذرة فلماذا فتوى بالضرب والنبى "ص" قال "مااهانهن الا لئيم " والضرب يقع فى فئة الاهانة "وماضرب رسول الله"ص" امراة قط ولنا فى رسول الله اسوة حسنة "رقم فى قصص السيرة حتلقى قصص لبعض نساء النبى "ص" ممكن هذا القاضى لو كانت امراته عملت نفس المشكلة كان يشوف انها تستحق الضرب" ولارئيك شنو "ياريت توضح "؟
أنا حاولت أختصر الإجابة عن السؤال دة ، لاستبعاد اللجوء لضرب الأنثى بشكل عام، سواء
أخت أو زوجة أو حتى عدوَّة .
وهناك طرق كتيرة للتعامل مع الأنثى بشكل عام ، ومن وجهة نظري حتى الذي يلجأ لضرب الأنثى
ليس ذلك بدافع التأديب أو لجعلها (لا تسرف) كما في المثال أعلاه، قد يكون مدفوعاً بالغضب
(والله أعلم)
أما عن الفتوى، فكثيرة هي الفتاوى التي يجب الوقوف عليها. نحن في زمن أصبحت الفتاوى
فيه نفسها تأتي بشكل مخيف يستوجب التوقف عنده من أولي الشأن.
أضرب مثالين بسيطين:
مر علي مثالين بسيطين أحداهما في قناة (الاقتصادية) كان المحاور يستضيف شيخاً
لا أذكر اسمه، حاول معه مُقدم البرنامج الوصول لتحديد معيار للإسراف،
وهو بحد ذاته أمر صعب ومخيف، ووجه كلامه للشيخ مباشر أن العباءة التي يرتديها
غالية الثمن هل تأتي في باب الإسراف؟ حتى أن الشيخ تغيرت معالم وجهه
وطفق مدافعاً عن نفسه.
ومثال آخر: في قناة الجزيرة في برنامج (الشريعة والحياة) استضاف البرنامج
الشيخ القرضاوي، وأيضا حاول مقدم البرنامج مع الشيخ القرضاوي لتحديد
الرفاه والزهد ، ومعيار لذلك. وكان الشيخ القرضاوي -برأيي- حكيماً في الإفلات
من ذلك.
هنا تكمُن خطورة هذا النقاش، فهل الشيخ في هذه الحالة يحق له وضع معيار لذلك؟!!!
هذا موضوع كبير وهنا لا أقصد الفتوى، ولكن أقصد متى أحتاج للشيخ ليفتيني؟!!
موضوع جدير بالنقاش والوقوف عنده، ليس من قبلنا ، ولكن من قبل من هم في مكان
الإجابة على السائلين في مثل هذه الأمور الدينية وتستوجب القياس.
zaina كتب:2/1/قصيدة" تقرير سرى من بلاد قمعستان" لنزار قبانى "بصراحة هل هذه القصيدة تعكس حال حكوماتنا عموما فى العالم العربى ككل وليس السودان فقط:"دايراك تعلق لى عليها وده جزء منها:
باسم الملايين التي تساق نحو الذبح كالقطعان .....باسم الذين انتزعت اجفانهم واقتلعت اسنانهم ..وذوبوا في حامض الكبريت كالديدان..باسم الذين ما لهم صوت ولا رأي ولا لسان ... باسم الجماهير التي تجلس كالابقار...تحت الشاشة الصغيرة...باسم الجماهير التي يسقونها الولاءبالملاعق الكبيرة...باسم الجماهير التي تتضرع لله لكي يديم القائد العظيم.....وحزمة البرسيم...انني مواطن يسكن مدينة ليس بها سكان..ليس لها شوارع...ليس لها ارصفة...ليس بهاجرائد غير التي تطبعها مطابع السلطان… عنوانها؟؟؟
اخاف ان ابوح بالعنوان
نحن -العرب- حالنا يختلف عن الغرب، فمحاولة اعتبار الغرب والديمقراطيات الغربية
نموذج يُحتذى ، هذا أجده من رأيي غير صائب. ويطول الحديث لتفسير ذلك
فقط أورد نقطة واحدة (الاختلاف في الدين ومصدر تشريعات القوانين)
فالغرب الحرية والديمقراطية عندهم مفتوحة لأبعد الحدود.
أما نحن فإذا انتهجنا ذلك سواءً بما يخص الحكم والولاية أو الحريات الشخصية
سنصطدم بتعاليم ديننا.
لذا من الخطأ محاولة الوصول للديمقراطية الغربية عندنا كعرب.
ولكن هناك مساحة مُعتبرة ينادي بها ديننا ، وهي مفقودة لحد كبير .
وأكتفي بهذا القدر في هذا الحيز مع الحاجة الشديدة للإطالة لإحاطة الموضوع تفصيلاً.
شكر كتير [fot1]Zaina[/fot1] ، وماشي على باقي الأسئلة
أنا ذاتي عندي سؤال لنفسي ح أطرحه وأجيب عليه
فيما يخص تغيب أخواننا الأعزاء عن المنتدى
zaina كتب: ابو السيد سلامات "غايتو الاسئلة الاجتماعية خلتنا نتعرف على معتز عن قرب بس عليك الله تعمل حنة عريس عشان نجى نحننك كدة مع الوالدة:D :D "
بكلمك في وقتو إن شاء الله
zaina كتب:
رقم التوعية الموجودة فى المجتمع الان ولكن رقم ذلك " موضوع الاطفال اللقطاء فى اذدياد وعندك دار المايقوما فى الخرطوم كل شهر فى جديد حتى اصبحت تعانى من الزيادة وفى جزء بتنهشه الكلاب ويرمى فى الشارع وده مامجرد كلام " ومسالة خداع بعض الشباب للفتيات باكذوبة الحب والجسد لاينفصلان "علشان بتحبينى لازم تتنازلى لى واكيد حاجى اخطبك واعرسك" والفتاة خلينى اسميها الغير واعية " بتكون معلقة املها فى الزواج وللاسف بتصدق كلاموا "رقم ان حيلة الشباب فى هذا الموضوع اصبحت مكشوفة جدا والساذجة فقط هى من تصدقها ورقم معرفة اغلب الفتيات بان الرجل فى مجتمعاتنا لايتزوج من اخطاء معها الا مجبور "وبعد ماالفاس يقع فى الراس يعمل "شتات " وممكن البنت تحمل وممكن تعمل اجهاض"عندك قضية طبيب النساء والتوليد الشهيرة قبل سنتين فى الخرطوم المتعلقة بالاجهاض ولو بتقراء صحيفة قلب الشارع او اى صحيفة اجتماعية سودانية فيها صفحة المشكلات والحلول بتلقى المشاكل المطروحة من النوع ده للاسف كتيييرة ....
فى رائيك ليه البنت لسه بتصدق الشاب فى هذا الموضوع برغم سذاجة الحيلة نفسها وبرغم التوعية هل لان غالبية تفكير هذه الفئة من الاناث عاطفى بحت ومن المسؤل هنا الفتاة ام الشاب ام المجتمع ام الاسرة"ادينى رائيك" ?
أولاً يا زينة أنا أندهش إنك دائماً بتعزي الحالات دي (تسليم البنت نفسها للولد) ضحية غش
عشان يجي يخطبها ويتزوجها. دة كلام غير منطقي
الولد والبنت كلٌ منهما لديه الرغبة ، وهذه الرغبة تلتهب عند اختلاءهما ببعض. فلما الاختلاء؟!!
القصص التي تروى في المجلات، كلٌ يقصها بطريقته، أكيد البنت إذا ارتكبت الزنا، وظهر الحمل
ح تحاول تظهر أنها ضحية غش، لأنه يصعب عليها تقول (أنا ما حسيت بنفسي واتبعت الشهوة
وسلمت نفسي) .
المسئولية عليهم كلهم، ولكن أكبرها على البنت وأسرتها -برأيي- ليه ما تراعي لأهلها،
إذا كان أهلها وثقوا فيها، وأدوها مساحة حرية، ليه ما تفكر في نفسها وفي أهلها، حتى
إذا طلب منها الشاب الذي تحبه ذلك !!!
الأهل إذا أعطوا البنت الثقة يجب أن تكون بهذا الفهم :
(يا بنتنا العزيزة نحن وثقنا بكِ، لكِ أن تذهبي الجامعة، ولكِ أن تعملي، لكِ
أن تخرجي من البيت لساعات وتعودي، لثقتنا بك، فكوني قدر هذه الثقة)
الحالات الكتيرة الاتكلمتي عنها ، ما كلها البنت ضحية غش وخداع،
هناك فتيات يتبعن أهوائهن، وأحياناً يغفلون عن اتخاذ التدابير اللازمة للحيلولة دون الحمل
zaina كتب:
2/معتز هل تحترم الوقت"يعنى واحد مواعدك او انتا واعده هل بتجى فى نفس المواعيد ولا مواعيدك سودانية ولو حصل عندك مواعيد مع احدهم وتاخر كثيرا شعورك بيكون كيف؟
أحترم الوقت ، لكن لا أعطي مواعيد محددة، يعني ما بقول : أنا بجيك الساعة 5
بقول أنا بجيك من 5 لـ 6 . (إلا عند الضرورة طبعاً)
وإذا عندي مواعيد مع أحد ، ولم يأتِ، أنا بكون عامل حسابي، بكون عامل حساب انو
قد لا يأتي في مواعيده.
وحقيقة الموبايلات سهلت الحاجة دي، يعني دائماً بكون في تأكيد انه المواعيد قائمة أو ألغيت
أو فيها تأخير شوية.
zaina كتب:
3/بصراحة اذا جالك حد فى البيت من غير مواعيد او فى وقت غير مناسب هل تتضايق؟
نعم، لكن لا أظهر ذلك، وبصراحة أنا أجيد المخارجة في هذه الحالات دون أن يشعر الزائر بذلك
zaina كتب:
4/هل يخيفك الموت ؟
لا ، لا يخيفني الموت
ولكن يخيفني ما بعد الموت، هل أنا جاهز ومستعد لملاقاة ربي والحساب في القبر ثم يوم البعث للجزاء الأبدي
(اللهم نسألك الجنة وما قرب إليها من قول و عمل، ونعوذ بك من النار وما قرب إليها من قول وعمل)
zaina كتب:
5/بصراحة هل بكيت يوما "طبعا الوفيات وفقدان الاعزاء ماداخلة هنا" ورائيك فى جملة "دموع الرجل لاتنزل الاعند فقدان عزيز"هل ممكن الكلام ده يكون صحيح"؟
نعم، تدمع عيني ، ولكن قليلون جداً من رأوها
[fot1]زينة[/fot1] ، الرجال بشر لهم دموع، فقط لا يحبون إظهارها.
وأخيراً ، تم بحمد الله
حقيقة سعدت بكل أسئلتك وإن كانت كتيرة وطويلة
لكن تشرفت بالردود عليها وأشكرك بكميات مهولة
هندسسسسسه كتب:كيفك يا اخوى
الحج هذا العام بدا التسجيل السؤال
ليه هذه الرسوم الخياليه
ومالمقابل
رايك بصراحه
الحج هو المشقه لا زم يكون خمسه نجوم ولى رايك شنو
غالبيها اهلنا ينتظرون الحج ويحوشون له وخاصه حبوباتنا
وهيئه الحج تقول الرسوم 7 مليون ماهو الحل
لكن والله يا مان بتبالغ ، وأنا ذنبي شنو طيب
أولاً الحج لمن استطاع إليه سبيلا،
وحقيقة حاولت الملم شوية معلومات فلقيت فعلاً كلام [fot1]زينة[/fot1] صحيح
انو الرسوم 7000 ج بالباخرة ، و8000 ج بالطائرة
وكمان لقيت المبررات في موقع صحيفة الرأي العام، لزيادة تكاليف السكن في مكة
فمشيت قلت نعمل مقارنة بأسعارها في مصر،
لقيت انو في مصر الرسوم بالطائرة 12769 ج مصري أي ما يعادل تقريباً 2380 دولار
وبالمقارنة مع الرسوم في السودان 8000ج أي ما يعادل تقريباً 3478 دولار
يعني بزيادة 1098 دولار تقريباً عن مصر
ولكن بحسب الرأي العام في مناقشات في البرلمان لتقليل هذه الرسوم ، والله أعلم
وإن كان تكرار الأسئلة يشعرني بأن الأسئلة فقط من باب الردم وخلاص
