اين انت الآن منى

[نسيم الشمال]

ذكراك ما ذكراك لو استطيع انساك أو اعرف السلوان................................................................اين انتِ الآن مني ؟؟؟

[الأميرالحب]

كيف لي ان انساك
وانتي نبض القلب
كيف لي ان انساك
وانتي روحي وريحاني
كيف لي ان انساك
وانتي دمي الفي وريد
وحاتك انتي يالغاليه
هواك جوه الضلوع مصيون
وريدك بيهو الدنيا تهون
وحبك شغل البال والقلب الحنون


اين انتي الان مني

[ام صبا]

وهمست ليك
اسرع تعال
محتاجه ليك
محتاجه اقعد معاك براي
واتذكر ايامنا الزمان
لما كنت دوام معاي
والليلة جد محتاجاك معاي
وقلت اتخيلك قاعد قريب حداي
والخاطر سرح
وقعدنا والليل والقمر
وكان الجو رهيب
والليل عجيب
وآهـ يا مناي
حضنت ايديك فى دلال
وقلت فيك اجمل كلام
يا مبتداي ومنتهاي
وانت الفرح ساعة يطل
يخفف الآمى واساي
وانت البشتهيك
ساعة الحاره تكون عزاي
وهمست لي وهمست لي
طال شوقى ليك
أين أنت الآن منى

[الأميرالحب]

وجيت فارد شراع الشوق لحاف
ولقيتك بسمه في زمني الجفاف
ياغيمه تمطر للعاشقين رزاز
وانا بيك ازداد شوق المزاد
فاين انتي الان مني

[ام صبا]

مرت ايام السعد وطل الغياب
ومشيت بعيد غريبه لا هنا ولا احباب
أين أنت الآن منى

[لبيب]

[align=center]ياااااااااااااااااااه كم أشتاقك



اين انت الآن مني ![/align][/size]

[طلال الحكيم]

بتذكرك لما أقعد تحت الشجر
هناك.. وأكون براي
وبتذكرك كمان لما يكونو
كل الناس معاي
وبتذكرك لما أدندن كلمات
مكتوبة فيك يا غايبة
من ألحان غناي
وغابت شمس وطلع القمر
وغطاه السحاب
زي ما غطي وشك مني القدر
وأنا تحت الشجر
يلفحني النسيم .. شايل معاه
ذرات مطر
يا حليل جلوسك جنبي
في ليلة سمر
يا حبي ويا دواي
ويا ريد السنين
ويا بهجة صفاي
وأنا في رجاك مهما طال نواك
ومهما فرقنا القدر
وبرجاك معاي
ظل الشجر ... وهبات النسيم
وقطرات مطر
برجاك معاي .. برضو القمر
وأشواقي الحبيسة
وجواهري النفيسة
يا نور القمر


أين أنت ألآن مني

[ام صبا]

بتذكرك
بتذكر لما ما القاك معاي
و لما يطول الليل علي
ويزيد عذابات السهر
بتذكرك وكيف انسى لحظاتنا ديك
وعناقنا فى ساعة السمر
نتلاقى فى نشوى وهيام
وحديتنا داك وقت المطر
الكون سكون والجو عليل
وانا لا اتهدأ حيلي ولا فتر
نتساقى كأسات الهوى
والظل جميل تحت الشجر
بتذكرك
ياريت تعود ايامنا ديك
والقاك انا وانت والليل والقمر
واحكى للناس قصة غرام
مع انسان جميل غالي وندر
ونقول كلام فى الحب رقيق
يحرك كمان حتى الحجر
اصله الغرام لغيرك حرام
لاي انسان فى البشر
انا غير هواك ما بتمنى شى
ياريت تحن ترحمنى من ظلم القدر

أين أنت الآن منى

[لبيب]

[align=center]عن الفرح الحنين والشوق

وعن رقة ولطافة وذوق

وعن ذكرى التلاقي زمان

وكيف اصبح وقتنا الهاني

في زحمة سنين ايامنا زي مسروق


أين أنت الآن مني ![/align][/size]

[هجره]

المكان حولي أصبح سجناَ ...



الأجواء تكاد تخنقني ...



أضحك للآخرين ... والأحزان تبكي في فؤادي ..




أتحدث إليهم .... وأنا معكِ





فأين أنت مني الآن ؟؟

[هجره]

أين انتي الآن مني ......


أين هل تدرين عني ......


أم نسيتي ذكرياتي ......


بين وديان التــمني .......


الشوق قد حطم قلبي....


والأمل فيه يغــــــني ......


اين انتي الآن مني .. اين هل تدرين عني


سرت وحدي حائراً بين الدروب ....


باحثاً عن ذكرياتي بين لحظات الغروب ...


كالشمـــوع ..... واقفاً وحدي أذوب ...


والليالي حزنت من اجل حزني...

[لبيب]

لازلت أبحر في غرامك هائما
أبدا فما جف المداد

فأين أنت الآن مني !

[ام صبا]

يا شاغلني وما بتفكر ابدا فيا
ليك وهبت حناني وليك قليبي هديه
متين بتبادلنى حنيني
ومتين تسعد بلقاك عينيه
القاك وتسعد ايامي
ومتين زمان معاك يبسم ليا
أين أنت الآن منى

[طلال الحكيم]

ويسلم زولي الشاغل افاكري
وديمة معاه بخيالي ... يسلم ليا
مابقدر أنساهو أبدا وأسلاهو
ده هو الحب الكامن فيا

ما بقدر أجفاك أبدا يا غالية
ما بقدر والله وحات عينيا

أين أنت الآن مني

[ام صبا]

انا صادقه فى حبى
وليك دائما تلقانى وفيا
ريدى اليك ما فيه مظنه
وكتير بتمنى رضاك عليا
حاولت اخفى شعورى عليك
لمن لقيتك ما سائل فيا
ليه تتعمد هجرانى وانت
بتعرف انك اغلى
من روحى وعينيه
أين أنت الآن منى

[طلال الحكيم]

كنت بشوف نظراتك
وأنا متمنى تكون النظرة إليا
ومن الشوق الفيها
قلت أكيد.. وأبدا ما ليا
بس لقيت الدنيا بتضحك
والأيام مبتهجة
لم لقيت الأيدي الناعمة
بين إيديا

أين أنت الآن مني

[ام صبا]

يا بهجة ايامى وافراحه
ومنية عينيا
مهما اقول انا عن حبك
بلقاه عليك شويه
متين القاك اتهنى
متى ياغالي بترضى عليا

أين أنت الآن منى

[Batta]

عوافي عليك ام صبا وعوافي عليك طلالو

جد زينتو أين أنت الآن مني.

وأين أنت الآن مني

[ودالعمده2010]

أنا قلبي عارف
حبّو ليك
إخلاصو ظاهر
في عينيك
ومهما بعدت
بيرجو فيك
ودا كلّو حاصل
وما عليك
ما تقدر الموقف
تكون أبرّ
عليك الله
وأين أنت الآن مني

[ودالعمده2010]

يا زهور الربيع تفتحى
وافتحى ابواب الحياه لكل زهرة تأبى التفتح
فاليوم عيد ميلاد زهرتي

اليوم اجمل الايام واروع الليالى
اليوم غنت الساعات
ورقصت الثوانى
اين انتي الان مني ؟؟؟؟؟؟؟؟