هلاهلا هلا [fot1]kholoud[/fot1]
حمد الله على السلامة ،
وإن شاء الله موفقة في الامتحانات، وتبشرينا بالنتيجة قريب
تكوني عارفة احنا هنا برنامجنا بختلف شوية عنكم،
يعني الواحد يطلع من البيت الصباح، تاني ما برجع البيت إلا بعد الساعة 5
(راحة في النص زي ما عندكم ماف)
عشان كدة الغدا دائماً في مكان العمل سندوتشات ( الليلة كان بيرقر)
الوالدة
الوفاء : صفة مفروضة على المسلم بنص قرآني الغدر: صفة ذميمة نسأل الله أن يجنبنا اقترافها أو الوقوع ضحاياها الولاء: ممكن يكون في محله أو في غير محله (سلاح ذو حدين) الصداقة الحقيقية: سؤال مكرر
نعم
إذا جمال الوالي بيدفع لي زي ما دفع لوارغو 6 مليار دولار
انتي ممكن تقلبي هلالابية؟!
أشكرك كتير أختي [fot1]Kholoud[/fot1]
أسئلتك والله صعبة، لأني ما بحب التعريف،
انتي جيتيني من الامتحانات طوالي بجاي، عشان كدة شبكتيني عرف وأجب بلا أو نعم:D
شكراً كتير [fot1]خلود[/fot1] نورتينا
ههههههههههههههههه الله يدك العافيه أخ معتز ..
باقى ليك بس إختبار القدرات مع الاشيتر والاصيل وزينه بالتوفيق أن شاء الله
6/رائيك فى الاكل السودانى وماهى وجبتك المفضلة وهل تدخل المطبخ وتساعد الوالدة احيانا "باعتبارك ماعندك اخوات" ؟
7/ضعف الجامعات السودانية "وعندك جامعة الخرطوم الكان ليها شنة ورنة ومابيدخلوها غير المتميزين" ولكن الان ستجد ان الغالب من الخريجيين "الراس فاضى "وتلقى القراية فقط والاجتهاد ايام الامتحانان "طبعا ليس الكل ولكن الغالب" فى رائيك ايه اللى حصل "؟
8/كيف يستطيع الفريق القومى ان يصل يوما ما لكاس العالم ورائيك فى اداء الفريق المصرى فى كاس القارات؟
9/ضعف اللغة الانجليزية فى المدارس والجامعات الداء والدواء حسب ماتراه "السؤال ده مامكرر "؟
10/برامج تلفزيونية تحب متابعتها ولمن تطرب من الفنانين ؟
أهلين [fot1]زينا[/fot1] ، أهلين للمرة الكم ما عارف
zaina كتب:
1/السؤال ده ماجاوبت عليه"اقصد بضل رجل ولاضل حيطة ان تقبل الفتاة بالزواج عندما تتخطى سن معينة"خلينا نسميها سن العنوسة كما تطلق فى المجتمع يعنى فوق ال30"برجل غير مناسب لها فقط علشان ترتاح من همسات من حولها "انتا ماعندك اخت بس المقولة دى مطبقة كتييييييير فى مجتمعنا ياريت رائيك بصرااااااحة؟
أنا سألت عن ضل الرجل (مالو يعني؟) عشان أشوف شنو الأسباب الأدت لإطلاق (ضل رجل) عليه.
ودي في الحقيقة بتختلف من حالة لتانية،
ممكن يكون ما فيهو شي يتعيب، أو ممكن يكون معيب كلياً بصورة تكون أقرب لاستحالة الاستمرار
في الزواج والأسرة.
يعني رأي مطلق لا يوجد، لكن ممكن نشوف كل حالة بظروفها.
zaina كتب:
2/اما سؤال انتشار لغة الجسد على الفضائيات ومتطلبات الرجال فى الزواج"اقصد به بقينا فى زمن الشكل الخارجى هو الاهم يعنى انا من خلال معايشتى لمن هم حولى بلقى انو الرجل فى الغالب بقى عايز بنت ذى مابيشوف فى الفضائيات الكمال فى الشكل الخارجى" برغم انو ممكن تلقى هذا الرجل لايتمتع بصفات جمالية ولكن مع ذلك يريد فتاة كاملة الاوصفاف "اذا اثتثنينا انو الانسان بيحب الجمال "فلماذا طلب الكمال فى شريكة الحياة وهو نفسه لايتواجد عنده ؟
طيب إذا كان هو مثلاً بصريح العبارة (ما وجيه)،
وعايز ليهو واحدة جميلة جداً.. يمكن هي ما تقبل بيهو، لانها هي بجمالها عايزة واحد وجيه .!!!
أما إذا لقى واحدة جميلة قبلت بيه.. وين المشكلة في الحالة دي!!
لكن أنا بصراحة وهمساً (على الملأ) رأيي انو يكون في تناسب بين الاتنين،
لانو إذا مافي تناسب قد يكون عندو أثر سلبي على الطرفين. فينعكس ذلك سلباً
مثلاً غيرة زائدة (نتيجة لعقدة الفرق) تؤدي لخلافات كتيرة تهدد الاستقرار.
zaina كتب:
3/هل ممكن معتز يشارك شريكته فى اعمال المنزل"يعنى يوم الجمعة مثلا وهل تفضل ان تكون الزوجة عاملة ام ربة بيت؟
ممكن جداً أشارك، بس ما تتعود على كدة
في البداية كنت أفضل أن تكون ربة بيت.
لكن الآن وبعد تجارب ومشاهدات، تغير رأيي
ممكن تكون عاملة، بس ما مطلق، حسب نوع العمل وأهميته، وحاجات تانية يتم النقاش عليها.
zaina كتب:
4/السكن مع اهل الزوج هل تراه يحد من حرية الزوجة داخل البيت ومارائيك فيه؟
لا أحبذ السكن مع الأسر،
من حق الزوجة أن تشعر بأنها في بيتها الخاص وأسرتها
ولكن إذا دعت الظروف الضرورية جداً جداً لذلك، يجب الوعي بذلك والتعايش معه
وإيجاد حلول لمساحة الحرية الخاصة.
zaina كتب:
5/ظاهرة عقد القران مباشرة بعد ان يتقدم العريس الى اهل العروس كيف تفسره "على فكرة هو انتشر فى السودان "؟
نعم انتشر، وهو برأيي شي محمود
أما عن الأسباب التي أدت لانتشارها، ربما يكون وعي الأسر بالإسراع في السترة،
فإطالة الخطبة وُجد أنو في أغلب الأحيان يؤدي إلى مشاكل كتيرة تنتهي بفسخ الخطوبة،
والحاجة دي أثرها سلبي على البنت أكتر من الولد.
فمن باب أولى -طالما الناس جادة ومقتنعة- التعجيل بالعقد
zaina كتب:
6/قاضى سعودى اجاز"فتوى عديييل" بضرب الزوجة اذا كانت مبذرة " والله عارفة انك مابترضاها" سؤالى مقولة "المراة خلقت لمتعة الرجل فقط"هل تراها مطبقة فى فتوى هذا القاضى ؟
أرجو يا زينة عند النظر في الفتاوى والمشاكل الزي دي الانتباه للفوارق بين المجتمعات.
في السعودية المجتمع له وضع خاص يختلف كتير جداً عن وضع المجتمع السوداني.
وبالتالي مشاكلهم تختلف عن المشاكل في مجتمعنا.
zaina كتب:
7/اذا رحت الكوفير علشان تاخذ العروسة وفجاة عاينت للفستان ولقيتوا "يعنى ذى فساتين الزفاف العارية جدا والانتشرت الان"طبعا بعد الشر على ست الحسان " ردت فعلك حتكون شنو بصراااحة؟
في رد سابق أنا قلت من أنصار العقد والغداء فقط (هل لابد من زفاف في هذه الحالة؟!)،
وإذا كان لابد من فستان الزفاف، هي ح تكون عارفة رأيي في طريقة اللبس بشكل عام
وما أظنها ح تفاجئني بفستان شاذ ولا في الزفاف، ولا غيره.
zaina كتب:
8/المكالمات الليلية "ناس جميل وبوثينة" خاصة ايام الاتصالات المجانية بالليل فى السودان "بصراااحة كدة حصل مرة بالليل "يعنى بعد الساعة 12" اتونستا""ماونسة اصحاب فاهمنى يعنى مع شريكتك مثلا" لمن النوم طار من عينيك؟
ياخ والله بتبالغي عديل كدة، عينك عينك كدة ههه
أيوة بس قبل التخفيض في المكالمات (يعني فاتورة عديل)،
دة بدري في زمن سابق وخطوبة سابقة لم يكتب لها النجاح.
zaina كتب:
9/معتز هل انت تحب المرح ام صارم دائما ؟
لا أميل كل الميل للجدية، ولا كل الميل للمرح
zaina كتب:
10/جلسة الاسرة فى العصرية والونسة وشاى المغرب واللمة عادات منتشرة بكثرة فى السودان ولكن الان مع اللهاث وراء لقمة العيش كيف تجدها وهل هى سبب كافى لتباعد افراد الاسرة ؟
أفراد الأسرة يجب أن يجتمعوا بشكل يومي،
مهما كان، ما بالضرورة العصرية أو شاي المغرب، بس لازم يشوفوا وقت حسب المتاح.
zaina كتب:
11/ختان الاناث كيف يراه معتز وهل تراه يحفظ الفتاة من الوقوع فى الرزيلة كما هو مقصود منه حسب مايقولون ؟؟ وهل ستختن ابنتك فى المستقبل؟؟؟؟
تصدقي وتؤمني بالله، مع مرور الموضوع علي كتير جداً، في برامج تلفزيونية،
أو خطب جمعة، أو نقاشات مع بعض الشباب مثلاً
لكن ما كونت لنفسي فكرة قاطعة، يمكن لعدم وجود أهمية للموضوع بالنسبة
لي في الوقت الراهن (ما عندي أخوات، ولا أطفال)
لكن القول بأنه يحفظ الفتاة من الوقوع في الرزيلة ، دة أنا لا أجده منطقي
zaina كتب:
12/متى يطبق معتز هذه الكلمات"لاارى.....لااسمع ......لااتكلم"؟
يمكن أطبق واحدة فيهم أو اتنين منهم ،
لكن كلهم مع بعض
zaina كتب:
13/احب ثلاث اشخاص فى حياتك الشخصية وليس المنتدى "عندك ثلاث وردات لمن ستهديها"؟
ابوالسيد سلامات
"ماتزهج او تمل من كترة الاسئلة الخاتاها ليك دى معليش استحمل اصلا المحاكم دايما ده حالها واستحمل لحدى ماتنتهى على الاقل دى فرصة انو الاعضاء اتعرفوا عليك وعلى شخصيتك عن قرب ولانوا كمان تانى ماحنشوفك فى الراكوبة "
الفرح المهاجر كتب:
1-وإذا افترضنا أسئلة يمكن اشتقاقها من ردود التأويل على المعنى النقيض لمفهوم (السودان الجديد) من قبيل : ما هي حدود (السودان القديم) ؟ وهل هذه الحدود ستحتاج إلى فرز يعيد موضعتها في (السودان الجديد) ؟ أم ستكون ساقطة بالجملة والتقادم ؟ وهل علاقات (السودان الجديد) مع نقيضه (السودان القديم) ستكون على شكل قطيعة أم صيرورة ؟ وماهي حدود القطعية والصيرورة في ذلك ؟ وكيف يمكن تجريد قضية الانتماء بطبيعتها المتعددة عن قضية الحقوق المتصلة بمستوى واحد في علاقات المواطنين ؟ وماهي البرامج الفكرية التي ينطبق عليها هذا الشعار خارج الآيدلوجيا والفهم اللغوي الخام ؟ وكيف يمكن تأسيس قاعدة للتوافق الوطني على هذا الشعار (الذي هو بلاشك لفئة سياسية من السودانيين) ؟ وما هي قابليات تجديد الذاكرة الوطنية على أساس (الحقيقة والمصالحة) ؟ ـ كما حدث في جنوب أفريقيا ـ وغير ذلك من الأسئلة الصلبة أمام السيولة الآيدلوجية لهذا الشعار ؟
ظل شعار (السودان الجديد) منذ أن ظهر كطرح ثم مع التداعيات الدراماتيكية التي صاحبت الأيام الأخيرة للراحل الدكتور جون قرنق في الإعلام الآيديولوجي للحزب الحاكم، ظل يمثل جذباً دعائياً قوياً يلهج به الجميع ولا ينتبه لمعناه إلا القليل.
بيد أن ما يعنينا هنا هو قراءة الجدل حول هذا المفهوم من خلال سياق يحاول أن يتأمّل في الأسئلة التي تنشأ من التفاصيل المعرفية في وجه ذلك الشعار، واختبار جدواها في ضوء المعطيات السياسية التي تختزل الشعار كأيقونة دون أن تنتبه للإشكالات المحايثة له، من حيث تفسير جدواه، والمقدّمات النظرية والجدلية لمضمونه، وقاعدته المعرفية لتحليل خطابات الأزمة السودانية التاريخية على ضوئها، وإدراكها وفق الواقع الموضوعي، وغير ذلك من شروط البرنامج الفكري لأطروحة السودان الجديد.
الفرح المهاجر كتب:
3- لاأجد ان الحلول الافريقية ستكون فاعلة ،وان حدث وجاءت القوات الافريقية لرعاية (الامة الدافورية) فمن سيمولها !!! حتما سيكون الممول من تلك الجهة ،وكأنك ياأبا زيد لاغزيت ولا !!! وهل لديها برنامج ،أم انها ستكون قوات فصل بين متحاربين!! لذا ينبغي ان نفكر جديا بحلول تقارب اسباب المحنة وتلامس جوهرها العميق والقديم ،ولا بأس ان تكون عربية ولكن غير تقليدية !! وان لانجعل الامر مرهونا بالجامعة العربية فقط فهي مؤسسة استعراضية لاحول لها ولا قوة ،والعاملون فيها وربما اغلبهم من(الحرس القديم) الذين يؤمنون بحلول المخرج حسن الامام في التراجيديا المصرية .
هل ترا هذا حل للخروج من الازمة الدارفورية؟؟
ياخوي الكلام دة قديم خلاص، القوات الأفريقية الآن موجودة في دارفور منذ عامين.
الفرح المهاجر كتب:
4-أنّ الأطراف المتصارعة كثيرة جدًّا، وهي في ازدياد مستمر، والموقف يزداد تعقيدًا يومًا بعد يوم.. خاصةً أننا صرنا نقرأ اليوم عشرات بل مئات التحليلات عن الموضوع، ومن أسماء لا نعرف تاريخها، ولا مدى صدقها وشفافيتها؛ فمنها الحكيم الواعي، ومنها الصهيوني المُغْرِض، كما أن منها المنافق عليم اللسان.
ما هي قصة دارفور؟! وهل يمكن أن تنفصل عن السودان؟
وما هي آليات الحل للمشكلة؟
مشكلة دارفور سؤال مكرر ، ولكن سأعيد الإجابة في تلخيص
القضية بدأت بتهميش ، واستغلال بعض الأيادي الموقف للثأر من الحزب الحاكم
وكذلك استفادت مطامع وأهداف سياسية منسوبة للغرب في تنفيذ مخططات
نحن قد نعلم منها جزء يسير جداً، ولكن لا نعلمها كلها
وبالتالي وضع آليات للحل هي حقيقة فوق التصور،
لأن المشكلة إذا كانت وقف الاقتتال ، هينة
وإذا كانت التهميش ، كذلك سهلة الحل، أما ما لا نعلمه فكيف لنا تخيل آليات!!؟
ولكن عزاءنا أن الله سبحانه وتعالى يسمع ويرى:
اللهم من أراد بنا سوءاً أجعل كيده في نحره، واجعل تدميره في تدبيره
اللهم صلي وسلم وبارك على سيدنا محمد وعلى آله وصحبه أجمعين.
تحية خاصة وتقدير مثله في الخصوصية لأخي [fot1]أسامة خضر [/fot1]
حقيقة سعيد بمشاركتك وعدم بخلك علينا بالأسئلة
اسامه خضر محمد على كتب:
هنالك مقوله تقول ( من الغباء بمكان ان تعامل الناس بأنك اذكى منهم ) رايك فى المقوله دى شنو ورايك فى الاعضاء البكتبوا بالرموز المشفره شنو؟؟
مع تحفظي على إطلاق صفة الغباء ، لكن رأيي انو الواحد يكتب بصورة واضحة
الرموز المشفرة ، قد تترك أثر في نفوس البعض ، قد يتساءل أحدنا هل أنا مقصود بذلك
وهل أنا أقل فهماً عن الآخرين، وهل هناك شلليات ، وهل أنا غير مرغوب فيه.
عشان كدة كلنا أمل انو الناس تكون واضحة في كلماتها،
وإن كان هناك داعي للتشفير من باب الخصوصية
فهناك اقتراح آخر اسمه الرسائل الخاصة وآخر اسمه الماسنجر
دة إذا كنت فهمتك بشكل صحيح.
اسامه خضر محمد على كتب:هنالك شعراء عرب اجادوا وابدعوا بما سطروه من قصائد ظلت خالده فى وجدان ثيرا من الشباب العربى ماذا تعرف عن الشاعر الفذ بدرى شاكر السياب والاسطوره نازك الملائكه
للأسف علاقتي بالأدب إطلاعاً متوقفة منذ ما يقرب الـ 8 أعوام،
وكان آخر عهدي به ، بعض القراءة لكتاب الراحل البروفيسور عبد الله الطيب
المرشد إلى فهم أشعار العرب وصناعتها، وبعض الكتب في بحور الشعر.
ممكن أعمل search وأجيب نبذة ، ولكن أفضل الحقيقة
اسامه خضر محمد على كتب: بالنسبه للاوسمه التى توزع على بعض الاعضاء فى المنتدى وانت احدهم هل ترى نفسك جدير بهذا الوسام وفى نظرك ماهى الاسس التى تعطى بموجبها تلك الهدايه (اسف ) الاوسمه
أولاً ، يا حبيب ما دام الأسف ، لك أن تسميها ما شئت
برأيي المتواضع المعايير التي يتم من خلالها ترشيح العضو لوسام، تختلف باسم الوسام نفسه
فهناك وسام لأفضل موضوع، وسام لعضو مميز، ...الخ
كل قسم بالمنتدى به إشراف، الإشراف من خلال مروره الراتب على القسم
يقوم بالمتابعة ، ويكون على علم بتقييم عدد المشاركات ووزنها. ومن ثم يقوم بالترشيح
مبيناً الأسباب التي دعته لترشيح العضو للوسام، ويتم مناقشتها في إطار الإدارة والمشرفين.
والله أعلم.
اسامه خضر محمد على كتب: المعروف ان السيد الصادق المهدى كان له القدح المعلاء فى مشكلة دار فور الا توافقنى الراى ان الصادق المهدى وحسن الترابى ومحمد عثمان الميرغنى هم سبب تخلف السودان
صراحةً نحن في السودان مشكلتنا كبيرة ، لأن الصراعات الحزبية تطغى على مصلحة البلاد
وفي رد سابق تطرقت لذلك بأن هناك أيادي خفية ليس لها علاقة بدارفور وإنما لها ثأر مع
الحزب الحاكم ولم أسمي هذه الأسماء، لأنه بالشي الواضح كل شي جائز عندنا
فكل الأحزاب السلطة هي مطلبها الأول والأساسي،
أما مصلحة البلاد فغائبة تماماً عن أجنداتها
يكثر الحديث عن فصل الدين عن الدولة، ويكثر الحديث عن الانفصال والسودان الجديد،
ويكثر الحديث عن حرية الرأي وحرية كذا وكذا،
ويغيب الحديث تماماً عن مصلحة البلاد والتنمية.
الله غالب
أشكرك بحرارة أخي [fot1]أسامة خضر[/fot1]
حقيقة سعدت وتشرفت بتواجدك
[fot1]السوداني الأصيل[/fot1] سعيد بانضمامك مرة أخرى
السودانى الاصيل كتب:
ما رايك فى الزفاف الذى تظهر به العروس وبعض اجزاء الجسم عاريه
هل تؤيد لبسه بهذه الصوره ؟؟؟
ولو زوجتك اصرت عليه بهذه الطريقه ما هو موقفك ؟؟؟؟
ما مؤيد ولا في الزفاف ولا في غير الزفاف.
وزوجتي -إن شاء الله- ح تكون عارفة حاجات أساسية ، كلانا يتفق عليها ويرضى بها
ومن ضمنها اللبس بشكل عام.
وبناءً عليه ما اعتقد انها ح تصر عليه، لأنها ح تكون سلفاً عارفة رأيي
فإذا في اختلاف ح يكون قبل الزفاف (يعني ما ح نصل لمرحلة الزفاف من أساسو ) .
السودانى الاصيل كتب:
اسباب فشل بعض المغتربين فى الاستقرار بالسودان ؟؟؟؟
عدم الوعي الكامل بأن الوضع في السودان اقتصادياً ومادياً وبالتالي معيشياً ح يكون أقل منه
في الاغتراب.
يعني الواحد يتخيل انو إذا عمل مشروع ممكن يلقى نفس الوضع الكان في الاغتراب،
وهو في الواقع غير ذلك.
عشان كدة المغترب الناوي يرجع للسودان بشكل نهائي، يكون مقتنع بدوافعه تماماً
إن كانت دوافعه أن يكون وسط الأهل وينعم بحق المواطنة (الغالباً بكون مفقود بدرجات
مختلفة في الاغتراب) عليه أن يضع في الاعتبار أن الوضع مادياً أقل عنه في بلد المهجر.
والحديث يطول لنضع كل المعايير والدوافع بين الاغتراب والعودة
ووضعها في كفتي ميزان ومن ثم ترجيح أيهما أصلح للمغترب.
(شايفك فاتح بوست تقريباً يدور حول هذا الموضوع، خلينا نحييه في يومٍ ما
للوقوف تفصيلاً على بعض الأمور)
السودانى الاصيل كتب:
ما هى ظروف تسجيلك بالمنتدى ؟؟؟؟
حقيقة ما كان عندي أي عهد بالمنتديات، فقط رأيت زميلة لي مسجلة في منتدى
وكانت تطلعني بين الحين والآخر على بعض المواضيع والحوارات فالفكرة عجبتني.
فعملت بحث لمنتديات، وأطل علي أنا سوداني.
وبس
السودانى الاصيل كتب:
عدد الاعضاء الذين التقيت بهم من المنتدى شحصيا ؟؟؟؟
ولا واحد للأسف،
في اتنين زملان وأخوة معاي كانو مسجلين
وتقريباً تركوا المنتدى والنت عموماً لتغيير ظروف تواجدهم.
يعني ديل بعرفهم أصلاً من غير المنتدى
يا استاذ معتز جيتك تانى
1-قال الصادق المهدي زعيم الأنصار رئيس حزب الأمة القومي في الندوة التي أقامتها سفارة السودان بالقاهرة عن حتميات وشبهات التراضي الوطني ضمن فعاليات منتدي السودان الذي تنظمه السفارة ان اتفاق التراضي الوطني بين حزبه والمؤتمر يعطي فرصة لانطلاق العمل الحزبي الذي ينقصه المجهود في هذه الفترة، مشيرا الي أن كثيرا من الأحزاب السياسية في السودان (نايم في العسل)
هل هذة المقولة صحيحة
2- الساحة السودانية بما تشهده من احتقان سياسى وتجاذب حزبى تمر بمرحلة هى الاصعب فى تاريخ السودان منذ الاستقلال، ولابد من اتخاذ خطوات جريئة بقيام حوار وطنى
ماهى الخطوات الممكن اتخاذها فى نظرك لحل الازمة السياسية فى السودان
3-ونقلت جريدة "الرأى العام" السودانية عن الصادق قوله:" تخوفنا من إحداث فراغ في السلطة المركزية الأمر الذي قد يغري بتنفيذ عملية تصفية حسابات من دول الجوار أو المليشيات المسلحة".
-وقال الصادق: " قمنا بتعبئة التنظيمات الطلابية والنقابية بجانب الجماهير " ، مشيرا إلى أنهم كانوا يسعون لإخراج الف مظاهرة في وقت واحد، غير أنه قال: " وجدنا أن هذا الخط به مخاطر كثيرة من بينها كثرة المليشيات المسلحة والعلاقات المتوترة مع دول الجوار".
بماذا تفسر قول الصادق المهدى
أهلاااااااااااااان [fot1]سونا[/fot1] ، هاو دو يو دو
احسان كتب:
ما هي نظرتك للحياه وما هي خطتك المستقبلية ولا انت بتقول كدا نعيش اليوم وبكري ساهل ؟
أنا بقول نعيش اليوم وبكرة ساهل ههه
الحياة بضع ليها أهداف قصيرة الأجل،
يعني مثلاً يكون هدف، الواحد يخطط ليهو حسب قدرتو وطاقتو بعد خمسة شهور (كمثال)
ويبتدي يسعى في هدوء للتنفيذ، أحياناً بتجي عوائق تحتاج لمعالجة
أو تحتاج لتغيير بسيط في الهدف بما ترتب جراء ذاك العائق..
وبعد التنفيذ ، بإذن الله، أبتدي في رسم مخطط آخر جديد (وهكذا دواليك)
احسان كتب:
هل حصل سافر برىالسودان ولو سافرتا بتتمني انك تسافر اني وما ترجع ولا العكس؟
حصل سافرت، واتغربت في السعودية أربع سنوات تقريباً
وبتمنى قدر ما أقدر أسافر ليها تاني وتالت
لحج أو عمرة وزيارة الرسول صلى الله عليه وسلم
:004: :
سمح ببتعد ليك منها،،،
وبجيك راجعه،،
لما تفضى من زنزون العسل،،،
والله البت دي مكيفاني كييييييييييييف :D
الاشيتر كتب:
معتز اشك في ان عاشقة توتيل هي روضه الحاج هل يساورك هذا الشك ؟
:
blink: :
أبو شتره حبيبنا،،،شترتها شديييييد المره دي،،،
روضـــــه الحــــاج شــخــصــيـــاً،،،
وأنا
لكن مابالغت عديل كده،،،
مجرد المقارنه بين شاعره بقامة روضة الحاج،،،
وشخصي الضعيف شرف لي،،،،تسلم يالغالي،،،
والله كان ما كلام معتز الفوق ده كان مليتك جنس عربي:D
،،،،
الاخ معتز سيد ماهي نظرتك للوضع الراهن لإيران وماهو المتوقع مستقبلياً بالنسبة للاحداث التي نراها يومياً في ايران ؟؟؟؟؟
كالعادة ، انتخابات، أحد المرشحين موالي للغرب والولايات المتحدة (معتدل)
والآخر مناهض للغرب والولايات المتحدة وإسرائيل (ممثل الشر بالنسبة لهم).
حاول الغرب الاستفادة من التوترات التي أعقبت نتائج الانتخابات الإيرانية،
للتخلص من أحمدي نجاد والحصول على حكومة (معتدلة) -كما يطلقون على حلفائهم-
يمكن التوصل معها لاتفاق بشأن البرنامج النووي.
لكنهم بدأوا يتراجعوا ، لأنهم أحسوا فعلاً بخطورة الوضع المرة دي،
فالانتخابات نتائجها سليمة، والطعون المقدمة من الخاسر (موسوي)
تم النظر فيها والبت بنزاهتها.
عموماً إيران هي حقيقي شوكة حوت بالنسبة للولايات المتحدة وإسرائيل
وأي محاولة لاستخدام القوة عواقبها هذه المرة وخيمة على سائر المنطقة
ومصالحها وعلى الاقتصاد العالمي المتراجع أصلاً ويصارع في استعادة عافيته.
ولو ما كدة أعتقد أنو بوش ما كان ح يفوت فرصة لضربها
أوباما في وضع لا يُحسد عليه
1/ ياابوالسيد انا دايرة رائيك فى حكاية ضرب الزوجات دى بعيدا عن مشاكل المجتمعات والفتاوى فى سؤالى السابق
"يعنى انا فهمى ان ماهو داخل البيوت لايحق للقاضى ان يتدخل فيه "وموضوع التبذير اذا كان الزوج نفسه هو من سمح لها بذلك وهو قادر على ان يوقفها عند حدها من دون تدخل احد اذا كانت مبذرة فلماذا فتوى بالضرب والنبى "ص" قال "مااهانهن الا لئيم " والضرب يقع فى فئة الاهانة "وماضرب رسول الله"ص" امراة قط ولنا فى رسول الله اسوة حسنة "رقم فى قصص السيرة حتلقى قصص لبعض نساء النبى "ص" ممكن هذا القاضى لو كانت امراته عملت نفس المشكلة كان يشوف انها تستحق الضرب" ولارئيك شنو "ياريت توضح "؟
2/1/قصيدة" تقرير سرى من بلاد قمعستان" لنزار قبانى "بصراحة هل هذه القصيدة تعكس حال حكوماتنا عموما فى العالم العربى ككل وليس السودان فقط:"دايراك تعلق لى عليها وده جزء منها:
باسم الملايين التي تساق نحو الذبح كالقطعان .....باسم الذين انتزعت اجفانهم واقتلعت اسنانهم ..وذوبوا في حامض الكبريت كالديدان..باسم الذين ما لهم صوت ولا رأي ولا لسان ... باسم الجماهير التي تجلس كالابقار...تحت الشاشة الصغيرة...باسم الجماهير التي يسقونها الولاءبالملاعق الكبيرة...باسم الجماهير التي تتضرع لله لكي يديم القائد العظيم.....وحزمة البرسيم...انني مواطن يسكن مدينة ليس بها سكان..ليس لها شوارع...ليس لها ارصفة...ليس بهاجرائد غير التي تطبعها مطابع السلطان… عنوانها؟؟؟
اخاف ان ابوح بالعنوان
( 
الليلة كان بيرقر)
ههه
.
: 