منتدى أنا سوداني

ود ابنعوف كتب:

الروعة والاحاسيس اجتمعت فى ضيفتنا اليوم ...انسانة تحلق كالفراشة فى المنتدى
تمتلئ فرحا طفوليا ..
وتشارك ببراءة النبض الشجى
وحروفها تشهد لها بتميزها وروعتها
انسانة ..كتلة من الاحاسيس والمشاعر والمشاعر الحلوة
هى ..
المتألقة احاسيس ..الاسم والوجد والشوق مجتمعة
هلا بيك ياكلك احاسيس

حقيقى اخجلت تواضعى يا بن عوف بكلماتك الانيقة والرااقية كرقى طلتك وحضورك
اشكرك جزيل الشكر على اتاحة السانحة لى بالتشرف والاستمتاع بفنجان قهوة ممبز كهذا

وفنجان جبنة بى شمالها يسوى الدنيا بى حالها

اعتذر جدا عن التاخير لظروف خارجة عن ارادتى بس الايام دى شغالة دوامين من 8 ص لى 11 م (الله لى ساى )
واتفضلو حبابكم عشان الفهوة ماتبرد

بعد الزمن كتب:احاسيس اها ياود بتكورك مالك (هل كنتى بتغيري من احدى زميلاتك في الكلية والسبب شنو)
اى الصراحة لله انا بغييييييييير شديد كمان ومافى الكلية بس فى اى حتى بس ماغيرة عشان جمال او مال او كدا لا انا كنت بغير من ناحية الاهتمام يعنى اذا واحدة من صحباتى انشغلت عنى بواحدة تانية او واحد بحس بغيرة شديدة (اوعى يكون دى فيها عقوبة فى النظام العام كمان ولا شى )كككككككك
ماذا يشغل بال (احاسيو ) معظم اليوم ............؟؟؟
كيف اقضى باقى اليوم ,اما اذا فى شى مهم بفكر فيه ممكن ياثر على لعدة ايام تانية يكونا
ختلاف في وجهة النظر بين (ابوك) وخطيبك (في المستقبل)
ح تقفي في صف منو .............؟؟؟
والدى الف رحمة ونور عليه بس لو فرضنا كنت حاقيف مع وجهة النظر المنطقية اذا كان الموضوع عادى اما اذا اختلاف كبير حاكون برضو مع العقل بس ماحاخسر ابوى عشان راجل حاحترم وجهة نظرو
هل تفكيرين في المستقبل (وهل يخيفك)
اخاف المستقبل بشدة وبفكرفيه بطريقة مخيفة مثلا اى قرار او اى خطوة بخطيها لازم اشوف نتائج القرار على المدى البعيد ممكن تكون كيف
مابحب الندم ابدا
اتفضلي واشربي فنجانك
ولي عودة

فنجان شنو انا بعد رديت على اسعلتك دى لقيت القهوة زاتا بردت
تانى لما تجى تعال بعد اشرب قهوتى
تسلم يابعدو ومرحب بيك فى اى وقت

ود ابنعوف كتب:

فنجان

المتألقة والراائعة احاسيس خير

اسعد الله اوقاتكـ بكل
مساك الله بالخير اخوى واتفضل البيت بيتك والجبنة حبشية عمايل ايديا وحياة عينيا الـــ cv

الc.v:
الاسم صفاء عبدالرحمن,,, الميلاد 7,10,1986 ,,,العنوان الخرطوم -الكلاكلة ,,مربع ..... منزل رقم ....,, الدراسة جامعة السودان للعلوم والتكنولوجيا -بكالاريوس الهندسة المدنية -تخصص انشاءات
سسنة التخرج 2008,,سنوات الخبرة 2 سنة ,,,اجادة برامج اتوكاد ,ايتاب ,برايمفيرا
حاليا شغالة فى شركة اتصالات (مافى مجالى )وشغالة تريننغ فى مجالى
بث تانى فى شنو؟
بنعوف عليك الله ماعملت برينت اوت للصفحة دى وقدم لى فى اى شركة تلقاها قدامك ههههه

ياسلام حتى جبنك خفيفة وظريفة الله يكتر من امثالك مش زى ناس كدا خخخخخخ

هندسسسسسه كتب:امرقى جاى عشان تحلى الواجب
وانا جاه والقهه عمرى ما رويت فيها

نهر المحبه كتب:

في البدايه الف مبروك عليك الوسام اخ يسري....
وبالجد الموضوع يستحق الكثير الكثير من الاوسمه...
نتمنى ليك التقدم والتميز الدائم في فضاء المنتدى
وتحية للاخت الضيفه العسل
ام الأحاسيس...منوره القهوه اديني شويه كده وبجي بشرب معاك فنجان

ود الزوحي كتب:
يسري يا صديق .. ماشا الله مازلت مبحر عبر رونق وجمال هؤلاء الرائعين .. وفي حضرة البن يحلو الحديث !!

الأميرالحب كتب:

بصراحه كده احي جاسمينا علي فكرة
الشعب يريد استضافة بعد الزمن
غايتو الزول دا
لو دخلوهو هنا
اي واحد في المنتدي والمنتديات المجاروه حيسالو
وربنا يستر عليك يا بعدو
اهاسيسو بعدها بعدو يا ابنعوف
نقولا بالواضح

بسم الله نبدا

1-ماسبب مضايقة الشاب للبنات في الاسواق ؟

2-هل تعقديين ان الشباب هو من يبدا في معاكسة البنت ؟؟

3- ماسبب عدم احتشام البنات اثناء خروجهم

4-هل تعقدين ان التفتح هو سبب ظهور هذه الفتن مثل الكليبات والفضائيات الهابطة

5-هل تتدخل اسرتك في انتقاء ملابسك يضايقك ويحسسك بعدم الرضاء عن نفسك

6-تعتقدين ان ملابس البنت تفرط احترمها عند الخروج من بيتك

7- مامدى تاثير اصدقائك على طباعك وشخصيتك


قلنا نبدا بي خفيف عشان ما نتعبك

الأميرالحب كتب:

سلام يابت الحديقه اقصد اهاسيسو ؟
سلام ياولد الغابة كككككا
ول شئ قبل كلو شئ اجدعي لينا البطاقه الشخشيه ؟
البطاقة اللشخصية انظر الصفخة السابقة
اهاسيسو كيف كانت طفولتها في كلمتين ؟
مرحة,,,مدلله ,,نظام اخر العنقود وكداا
لمراحل التعلميه واين كانت ؟
الابتدائى :المملكة العربية السعودية -الخرج -الثانوى مدرسة الخرطوم الجديدة -الجامعة السودان للعلوم والتكلنوجيا
وما هوتخصصك الان ؟
هندسة مدنية -انشاءات
وهل تعملين في نفس التخصص ام عاطله عن العمل ؟
لامابتوقف على نفس مجالى صراحة يعنى اشتغلت قبل كدا سكرتيرة واشتغلت مهندس ديكور واشتغلت فى مجالى برضو كتير بس حاليا شغالة فى شركة اتصالات (زين عالم شيييين)ماتكلمهم عشان مايقطعو عيشى :064:

اهاسيس واخبار القلب شنوووو ؟
يقطع القلب وسيرتو خخخ مافى شى مودرنا غيرو (الامر معقد )
من هو غدوتك في الحياة؟
كل من علمنى كيف اعيش اعتبره قدوة لى
وهل تعملين بنصيحة غدوتك في حياتك ؟
نوعا ما
تكلمين عن هذه الاعضاء بكل صراحه ؟

اول شئ صاحب الفنجان ما تجامليهو نهائي ؟
يا سلاااااااام ,,,ابن عوف وانتهى الكلام ,,,اكن له كل تقدير واحترام
بت السرف
دى بت السرف ,, هالة من المشاعر والرقة والطيبة والاحترام ,,شاااااعرة بمعنى الكلمة ,,,عملة يندر وجودها فى هذا الزمن واتشرف جدا بصداقتى لها
ودالزوحي
انسان محترم ,,,متعقل ,,,شعره وكلماته تنساب جوا الحنايا فله التحية والتقديرالماسه الخماسيه
اووووو ماستى اول صديقة لى فى المنتدى وهى اخت عزيزة جدا وكاتمة اسرارى ,,,انسانة رائعة بكل ماتحمله الكلمة من معنى
الفار
لفار الفرفار صراحة المنتدى من غيرو سلـــــــــــــــــــطة,,شخص لطيف ,,مرح حبوب ,,ولمن يخش على الخواطر بكون هو ملك الاحاسيس(حتى اسمى ماريحتنى فيه يا الفار غايتو جنس غايتو)

امال الناس
انسانة جميلة الروح والكلمة تبعث السعادة والمرح اينما وجدت
ابو صديق
هو الصديق وقت الضيق,,,,والاب الحنون ,,,والاخ الكبير الدايما بوجهنا للصح ادامك الله لنا فخرا ابو صديق وربنا مايحرمنا من تواجدك معنا
جاسمينا
فراشة المنتدى الجميلة الرقيقة ,,,تحلق فى كل ركن فتجبرك على الاستمتاع بمشاهدتها ومتابعتها اين ما ذهبت
هندسسسسسسسه
شخص جميل الروح , لطيف ,,اجتماعى ,,,وهو صديق مخلص يعتمد عليه بجد ا
لثلج الدافئ
انسانة عسسل ومواضيعها جميلة ومميزة
وختام الاعضاء وليس بختام الاسئله

الامير الحب
اووووو ود كبوشية ,,كبير الجعليه ,,,شخص حبوب ,,,مميز,, راقى
اهاسيسو شعورك وانتي بتتجغمي في الفنجان ؟
شعور لايوصف وانا كل سؤال برد عليه برجعنى لزكرى حلوة او مرة مااقصرت معاى تب يا الامير مايقصرن ايامك ان شالله
اهاسيسو واختيارك للتخصص هل كان منك والله احدآ ما له الدور في الاختيار ؟
والله انا كان لى حرية الاختيار وماكنت قاصدة المدنية تحديدا بس لما دخلتها عجبتنى وكان عندى فرصة احول بس انا اقتنعت انى دايراهاا
شربي الفنجان دا بكل هدوء وبرجع ليك يالمطيره عينيك
ترجع وييييييييييين تانى انت داير ابنعوف يقفل القهوة ولا شنو اذا كان فنجانك الاول بس اخد منى يومين باقى الزباين ديل نقول ليهم الدوائر مشغولة ولاكيف هههههه اوعى اشوف وشك حايم تانى بى هنا كااااااااااااك

وبكره بتصل علي المريسيل والشمّالي
يجو يزنقوك زنقه السوار للقذافي

راجع ليك اصبري

ممممممممممممممممممممممممم

بعد الزمن كتب:

يا صفاء (الاستمارة ناقصة) كملها (مربع ورقم البيت) ضروري عشان يسري يمرق ليك شهادة سكن
من اللجنة الشعبية)

برمه :بالمناسبة كانت عندي زميلة اسمها صفاء كنت بشمها وقاطعا معها
في الله ولي الله

[quote="jasmina"][/QUOTE
صراحة خلال الدراسة مابزكر شى حاليا بس خلال العمل اصعب موقف مريت بيه لما مدير الشركة مسكنى موقع مكون من 18 وحدة سكنية وكنت براااى صراحة دخلت فى صراع طويل مع نفسى هل حاقدر ولا لا وفى الاخير الحمدلله ربنا قدرنى ووصلت ال18 بيت لمرحلة السقف وبعد داك شردت ( عشان كان وقعت مايلقونى ) صراحة دا كان تحدى لى


مشكوووورة جاسمينا صراحة قهوتك دسمة بس جميلة وحاسة انى زاتى استفدت منها
عقبال مانزورك فى قهوتك ياااارب

بلسم حياتى كتب:

مبروووووك الوسام ودابنعوف

احاسيس منورة القهوة وربنا يعينك

منورة بوجودك يا بلسم انتى دعوتك حلوة برضو لكن براها مابتنفع جيبى قلمى وتعالى حلى معاى الواجب دا