اين انت الآن منى

[ام صبا]

ياغرام روحى وسنينه
ويانغم اوتار حنينه
نحنا منتظرنك تجينا
وتفرح اعماقنا الحزينه
أين أنت الآن منى

[ودالعمده2010]

كلمات تتجدد وهمسات متدفقه

تأخذنا الى عالم اخر

فما علينا الا الاصغاء

ننتظر جديدك دائما

تحياتي

حبيبي وأخي

صمد
أين أنت الآن مني

[الأميرالحب]

ليه يا قلبى الحزين تفتش للعذاب والهم
تخوض فى بحر الغرام الاخرو تتندم
وتحلق فوق غمام الشوق لمن تبدء تتالم
سالتك الله يا قلبى الا تروق وتتعلم
وتنسى شوفة الغزلان خليها براها تتنعم
وخليك يا قليب مدفون داميك الالم.

اين انتي الان منــــــــي

مجنونها
ودكبوشيـــــــة

[ام صبا]

العيد جانا بفرحه
وانا بدونك ما حسيته
عودته قلبي يلاقى حنانك
وفجأة بدون اسباب خليته
ليه تحرم اشواقنا عيونك
وقلبي الكان طامع بقربك
ببعادك ليه جازيته

أين أنت الآن منى

[طلال الحكيم]

العيد من غيرك زي المأتم
والفرح في بعادك أبدا ما لقيته
خلاني وسار بـ وراك
وأنا من حزني عليك كمان خليته
كنت بحس معاك بالفرحة
وجابها العيد لديارنا
لكني وحاتك ما حسيته

أين أنت الآن مني

[ام صبا]

العيد فى غيابك ما بنحسه
ولا فرح فى بعادك يوم لاقيته
مالو لو بادلته ياغالي غرامي
كنت ملكته قليبى
وبحنان عليك ضميته
وكنت حسيت بحبى اليك
وقليبي قليل ارضيته
وسقيتنى حنانك وحنك
وانا من زمان لهواك ناديته
تعال اسقينى غرامك
وانا عشانك عشقت الكون وهويته

أين أنت الآن منى

[الأميرالحب]

العيد الجاب الناس لينا ماجابك
وين انتي ياغلا القلب المتيم
وحاتك مسختي العيد بي بعادك
لازارنا طيف لازارنا حنانك


فاين انتي الآن مني

[طلال الحكيم]

كل الناس فرحت بالعيد
إلا العيد أنا ما جاني
وبسمع ضحكات اللقيا
وبشوف أحضان وتهاني
بعد عينيك أنا ما بعرف عيد
وعيدي الفيهو جديدي
يوم ألقاك ويوم تلقاني

أين أنت الآن مني

[ام صبا]

عيدى معاك افراح وتهانى
وحتى العيد لو كان فى بعادك
برضو بحسه عشانك منيه
واهدى الناس افراح وامانى
واعيش احلم بقربك
واتمنى اجيك واروى حنانى

أين أنت الآن منى

[الأميرالحب]

اقول بكرة افارق اوادعك
القى نفسى راجع اواعدك
لا قدرت ارحل معاك لمدارك
لا قدرت ارجع منك افارقك
لما الليل يحل احزن اعانى
لما الصباح يطل تزيد احزانى
ارحل عنك اتاريك جواى معانى
خائف اوادعك خائف احن تانى
انت جواى ساكنة عمق الخاطر
لو نسيتى ايامنا انا لسه فاكر
لا قدرت اشيلك منى و اسافر
لا قادر اتخيل غيرك انت باكر


فاين انتي الآن مني

[ام صبا]

شلتك امل جواي وعشتك خيال
وواقعي بيك كان الفرح
وكان العشم يسعد بيك
قلبي الحزين الانجرح
وفرحت بلقياك كتير
أين أنت الآن منى

[طلال الحكيم]

كيف الفرحة تجيني
وإنت يا روح القلب بعيدة
وأكيف اسعد وأتهنا
ونار أشواقي قايدة شديدة
تعالي تعالي يا نور العين
نفرح ونتهنا في دنيا جديدة

أين أنت الآن مني

[الأميرالحب]

أقول في نفسي وأنا أعايد الناس
متى بشوفك تكمل أفراح عيدي

أجامل وربي عليم ٍ بالإحساس
وشهوة شعوري وأنت عني بعيدي


اين انتي الان مني

[ام صبا]

تعال نتعاهد
نصون الريد لاتنساني لا انساك
وكل ايامنا تصبح عيد
وننسى الماضى واحزانه
ومن عمرى ليك ازيد
لانك انت مناي وكل الحب
وانا بهواك وحبي ليك اكيد

[طلال الحكيم]

وكيف أنساك
ومهما تكوني قلبي معاك
عهدي معاك نظرة شوق
وغنوة ريد تحكي نداك
وكل الناس توفي بوفانا
لأني حبيبك وأنا بهواك

أين أنت الآن مني

[ام صبا]

ما نسيتك ولا بنساك
وكان حاولت ما بقدر
لانك انت روح الروح
وريدك كل يوم بيزيد يكبر
وكل ما احاول اتناسا
يزيد الحب علي ويكتر
واتمناك لحظة شوق
واتمناك ياريت تبين تظهر
أين أنت الآن منى

[طلال الحكيم]

وكان الحب البينا دوام
أسمى وأكبر
وأغلى وأندر
ونهر الريد الورافة ضفافة
كل يوم بالشوق يتفجر
مامكن يطوينا جفاف
ده عود الريد كل يوم أخضر
وحتى النسيان ما بقدر ينسينا
أبدا ما بقدر

أين أنت الآن مني

[ام صبا]

انساك كيف وانا كل يوم
بذكرك
حتى لو بعدت خطاك
وهانت عليك ايامى المعاك
بذكرك
ولو قلت لي عز اللقاء
وصعب درب الوصال
ولقانا بيك اصبح محال
بذكرك
انساك كيف

أين أنت الآن منى

[طلال الحكيم]

أنساك ؟أبدا ما ممكن .. كيف أنساك
أنا روحي بتطلع من الفرحة
يوم تلقاك
ويا ريت لو لي أكتر من قلب
عشان كل واحد يغرق في هواك

أين أنت الآن مني

[ام صبا]

كيف انسى عمر قضيته وانا فى رجاك
وبتذكرك
ومهما تغيب وتنسى الحبيب
الكان قريب بتذكرك
لما الغيوم تنزل رذاذ
والجو يطيب بذكرك
واتمناك واسعد معاك
واتذكرك
أين أنت الآن منى