منتدى أنا سوداني

همس البوح كتب:جزبني العنوان فشدنتي وعجبتني رائحتة القهوة لانها من نوع اخر غير المالوف

لها نكهة الالفة ورائحة الود ومسكره بالاحترام المتبادل

شكرا لصاحب البوست ولك من شارك في نجاح البوست

تقبلوا مروري

لكم التحية

الأميرالحب كتب:

الفنجان ريحتو جابتني من بره
اتاريهو قاعد فيهو الغالي ابو صديغ
كع كع كع
الليله ما وقع عنتر

هاهاااااااااااااااي حبابك

قبل السين والجين

سلام علييييييييكم

وعليكم الثلام يا عمو

1/ ابوصديق في سطور

سوداني اسمر البشرة الطول 5.5 العيون عثلية الشعر اسود

2/ مارايك في صداقة المنتديات

صداقة فكرية في المقام الأول لأن ماتكتبه يعكس دواخلك ومدي نضجك الفكري ويضئ لنا جانب من
شخصيتك .
3/ كيف يتعامل ابوصديق مع اسرته ( لانو خاشين علي سجن الجواز )

قصدك العيال ام المدام هنالك فرق

4/ كيف تنظر الي علاقتك مع اصدقاء انا سوداني

علاقة سطرناها بمداد حبنا وسمونا بها فاصبحت عائلية


5/ ليه الشاب يتزوج بنت اصغر منه بعشرات السنين

عشان لمّا تخرّف ( ده لو لسسسه ماخرّفت ) تلقي زول إسندك


6/ انت تزوجت عشان ترتاح ولاعشان تتبهدل
اذا كان ترتاح اوصف لنا مدي الراحه
واذا تعذبت اوصف لنا عذابك
أكيييييد بحثا عن السعادة والإستقرار وإكمال نصف الدين وهذه سنّة الحياة

7/ ابو صديق والغربه اوصف لنا غربتك

وجودي في بلد عربي وتواجد الكثير من أهلي وعائلتي بقربي يجعلني اشعر
وسهولة الحياة في الأمارات تجعلها عوامل جذب وتنسيك هموم ماتعانيه في بلدك
من مشقة وعنت في ابسط مقومات العيش كبني آدم..

جايك راجع لمن يكبو ليك البكري والتاني

خلاص بالمرة جيب معاك ملاح النعيمية

بحلم كتب:[shfaf2]

والله وانا زعلانة انى ما لحقتك يا سروفة
لكن اهاا ما قصرو معاكى يا غالية
واهاا نلحق الزوق ابو صديق

تسلمي يا غااااااالية

فى رجال بتحب خلفة الاولاد اكتر من البنات
هل انت من النوع دا ولو لا تقول ايه عنهم؟؟؟

ياستي البجيبو ربنا كلو كويّس بس بيني وبينك البنات تربيتهم صعبة شوية
وعايزة حرص شديد و، وأقول لمن يفضل الأولاد علي البنات أنهن طريقك إلي الجنة
إذا أحسنت تربيتهنّ وزوجتهن لمن يخاف الله فيهنّ.
هل انت من مدمنى النت؟؟ لا
وبتجلس قدر ايه على النت؟؟؟

اوقات ساعتين أشوف إيميلاتي وشوية بحوث للعيال
وماذا يدور في العالم وشوية لفة علي المنتديات نقابل الأحباب

وعندك كم من الاولاد الله يحفظهم ليك ؟؟

ولدين وبنتين ويحفظك يا ستي

وايه رائيك فى الراجل المتزوج اللى بيشاغل البنات؟؟؟

إحتمال عقدة نقص وبقايا مراهقة ونزوات متأخرة
وايه رائيك فى البنات اللى بتكون عارفه ان الانسان دا متزوج
وبرضو بتجارى انه يشاغلها ؟؟؟

ربما يعتقدن أنه صاحب خبرة في الحياة وذا تجارب وتحب تتعلم منه
شيئاً جديدا...يوجد مقولة تقول
فى شعر تفصل بين الوقاحة والجرائة
امتى تقول البنت دى وقحة وامتى تقول دى جريئة؟؟

ما اعتقد أنها بهذه الضخامة لكن هنالك حدود لكل شئ ويجب علي الكل عدم تجاوزها
سواء البنت او الولد.
وكفاية كدا علشان ما نشغلك عن الاولاد ههههههههههههههه

[/shfaf2]

تسلمي وكلك ذوق

بعد الزمن كتب:[align=center]ابو صديق

ازيك

ياهلا الغاالي بعدو

ماذا بقي من حلم الصبي

تلاشت كل الاحلام الوردية يا بعدو اخوي وربنا إحضّرنا جديد وليداتنا ونشوفهم مبسوطين


واول حلم كان شنو وهل تحقق

كنت أحلم بدراسة الطيران وللأسف لم يتحقق ولكن كما تعلم اهو طيراناً قسرياً عن الوطن

ابو صديق مسجل غياب من منتدي الخواطر مع توفر الامكانيات لماذا....؟؟؟؟

المشغوليات ، وزي ما عارف عايزه ليها قعدة بي مزااااااااااج

قلت 12 سنة شغل في الامارات ماذا اعطتك وما ذا اخدت منك .....؟؟؟؟

ابعدتني كثيرا عن الوطن وجعلت عيالي ينشئون بعيداً عن ترابه ولكني أحاول جاهداً
أن أجعلهم مواكبي لما يدور بالسودان ولا نغيب كثيراً عنه

ابو صديق الاب هل يختلف عن ابو صديق قبل الابوة

نوعا ما ايوه

ماذا اضافت لك الابوة

الزمن ده التربية بقت زي القابض علي الجُمر والله ومع التطور الحاصل ده
تصعب السيطرة علي العيال لأن الفساد آت لا محال الفضائيات النت وحتي المدارس
والأصدقــاء..

ومن اقرب ابنائك اليك

صـــديق ويحمل إسم المرحوم الوالد

هل انت اب ديكتاتوري مع ابنائك ولا دميقراطي ..........؟؟؟

لازم ويجب عليك ان تكون ديمقراطي وإلا ميدان التحرير قرييييب

وهل ستترك لــــ ابنائك حرية اختيار تخصوصاتهم في المستقبل.....؟؟؟

بالتأكيد

وهل تستخدم مع ابنائك النصيحة واللين والتعقل في حالة ارتكاب خطأ ما ولا العقاب الفوري والاواني
والشدة
يتوقف علي حسب الحالة وعادة ما أناقش أو أعاقب علي ما يحدث بعد فترة تقريباً ساعة ويكون فيها
المخطئ قد راجع نفسه وعرف خطئه ويستعد للمواجهة ( وصدقني في الفترة دي بكون مخلوق تاني خالص)
لأنه بكون عامل حساب ما سيحدث وكتلوك ولا جوك جوك


وهل تضربهم بالسووووط ولا كف عالماشي

لم استعمله قط معهم لأني ما تربيت عليه وعادة ما يكون الجزاء من جنس العمل
يعني مثلا لو ضرب أخوه أو عضاه أو أو ... أمسك الغلطان وأخلي المتظلم يأخذ حقه كاملا
من غير ما أضرب أحد وبهذا بكونو حذرين من الإشتباك مع بعض ( لأن كل واحد بنتقم من التاني وبقسوة )
وهل زواجك كان في عمر مبكر ولا متأخر ولا بين بين ......؟؟؟؟

للأسف كان بين بين وكنت أتمني أن أتزوج من زماااااااان لكن كلو مقدّر ومكتوب ( ولكل أجل كتاب )

وهل تعتقد ان قرارك بالاغتراب كان صائبا

إلي حد ما

وهل ابو صديق قرر العودة نهائيا الى حضن الوطن ولا لسي في مجال للتفكير .......؟؟؟؟

طبعاً لا مجال للتفكير في العودة وانا بصدد الإستعداد للهجــرة

اي المكيفات التالية تتعاطي:

1ـ كوشتينة
2ـ ضمنة
3ـ سيجارة
4ـ صعوط
5ـ
بولينج
6ـ برياردو
7ـ كرة قدم
8ـ كرة سلة

كوتشينه بالمناسبات وكرة طائرة وسباحة

واخيرا اين تقضي الويك اند ........؟؟؟

غالبا علي إحدي الحدائق المجاور للشاطئ لضرب 100 عصفور بحجر

اشرب فنجانك
ولي عودة[/align]

انا عايز كوكا كووووووولا
نشفت ريقنا ياخي

الأميرالحب كتب:

الغالي ابو صديق
اول شئ روق مع شاعرتنا الحبوبه الانيقه
بت الباديه بت المنجل والطوريه والواسوق


http://www.youtube.com/watch?v=ti65ltgz ... re=related



س1 موقف من زوجتك احرجك ورسخ في ذاكرتك ؟.

س2 لو دار الزمن وضعك بين خياران زوجتك وامك وكليهما صدقاتان ؟

س3 هل تحب زوجتك كثيرآ ؟

س4 هل تغار من ولدك حينما يشغل عنك زوجتك ؟

س5 متى يبدى الكراهيه لزوجتك ؟.

س6 هل تراعي ظروف زوجتك ؟

س7 اذا طنشتك زوجتك يوم تشيله بخاطرك دوم ؟


الاسئله علي كبفك تجاوب وفيك تعمل رايح ياغالي

يا الأمير يااااااااااااا حب أسعلتك دي تعسفية ياخي
وبرجع ليك لو الظروف سمحت

jasmina كتب:

هههههههههه

اهلين عمو ....الناس دي استلمتك طوالي كده

انا من النوع لو لقيتك مزنوق بزيدك زياده

مااا محرية فيك يا دكتوره وهلا بيكي

(دراسة الحقوق ) بين الماضي والحاضر ...احكي؟

نفس المواد تقريبا وحاليا إستحدثو علم الجرائم الإلكترونية وسابقا لم يُسن قانون
بالتجريم

هل بتنصح طالب يستشيرك انو يدرس حقوق ولماذا ؟

اكيييييييد ،،بث الزمن العلينا ده صعب قول الحق وصعب تلقي آذان صاغية وبالعربي مافي عدالة
وانما محسوبية وترك الشريف وسحق الطبقة الكادحة .

وشنو نصيحتك ليه عشان يتقدم وينجح في المجال ده ؟

ياريت دراسته تكون قانون دولي وللاسف الهند متمكنه في هذا المجال وتطبقه بالنص.

وهل بتنصح فتاه انها تدرس حقوق ؟؟ وليه ؟؟ معليش ممكن تفصل

عااااادي المراءة الآن في كل المجالات مبدعة ومشرّفة وبإمكانها ان تنافس

لو بقيت يوم من الايام استاذ في المجال ده شنو الحاجات الحتغيرها

وتعتقد انها مناسبه تتغير عشان تخلي دراسه الحقوق افضل ؟؟

لابد من اعادة صياغة المناهج لتواكب المستجدات ..

احكي لينا اجمل يوم قضيتو في عملك ؟كيف كانت ملامحو ؟؟

بالنسبة لطبيعة عملي فهو استشاري لشركة اجنبية بالامارات ومهمتي متابعة القضايا
وتحصيل ديون الشركة وتسجيل البلاغات لدي مراكز الشرطة وتجهيز المرافعات للمحامي
المختص بكل قضية ..

واحكي لينا اسؤا يوم مر عليك في عملك برضو ؟؟

كان وقفة عيد الأضحي الماضي ولم أتمكن من التبليغ علي شركة وهرب اصحابها
خارج الدولة قبل التعميم عليهم ولكن الحمد لله توصلنا لهم عن طريق الإنتربول

الامير اداك فرصه تعمل رايح اما انا لا اسالتي كلها اجباريه

اتمني اكون وفقت في الإجابه
ولي عوده بفنجان قهوتو اخف

شنو بعد الردم ده كلو
لالا يا دكتورة

الأميرالحب كتب:

الغالي ابو صديق
اول شئ روق مع شاعرتنا الحبوبه الانيقه
بت الباديه بت المنجل والطوريه والواسوق


http://www.youtube.com/watch?v=ti65ltgz ... re=related



س1 موقف من زوجتك احرجك ورسخ في ذاكرتك ؟.

س2 لو دار الزمن وضعك بين خياران زوجتك وامك وكليهما صدقاتان ؟

س3 هل تحب زوجتك كثيرآ ؟

س4 هل تغار من ولدك حينما يشغل عنك زوجتك ؟

س5 متى يبدى الكراهيه لزوجتك ؟.

س6 هل تراعي ظروف زوجتك ؟

س7 اذا طنشتك زوجتك يوم تشيله بخاطرك دوم ؟


الاسئله علي كبفك تجاوب وفيك تعمل رايح ياغالي

هاجر يوسف حسين كتب:نهاركم طييب جبنتكم دى ولله جات فى وقت عجيييب ادونى فنجاااان

انتي تستاهلي الضبيحة والله مش فنجان بس

بس بدون ماتطيروه لى من راسى شايفة فى سؤعلات بطير الجبنة هههههه

المونت كتب:

الصــــــــــــــــــــــــــــــــــــ عزبنا ألحقونا بى فنجان ــــــــــــــداع

بت السرف كتب:

هلا بالغالى ابو صديق..

منتظراك ومطالبك ومارديت على وزغت منى ؟؟؟
دة نسميهو شنو ؟؟

زغت منك شنو انا كاتبلك شيك معليش والله غصبا عني وان شاء الله نقدر علي سوعالاتكم
الهلوه دي

بتحب ملاح النعيمية( بتاع تايد دة على قول الشمالى )ودكبوشية يجيبو ليك بعصيدة وللا كسرة ؟

لمّا اكون من يد حبوبتي ،، وبالعصيدي

اسعد اللحظات بتكون متين وليه؟

مع زملان الشقي ، عشان نجتر الذكريات

من هو افرب زول ليك فى المنتدى (من الجنسين )؟؟

هم كُثُر وكل من يرفع راية الاخوة والمحبة الخااااااااالصة

رايك فى الجماعة ديل شنو....

يابتي مااااااااااالك عليّ ،، مافي خيارات

المريسيل... عنوان الذوق والطُهر والخوة الصادقةاحاسيس... حيوية بصماتها واضحة بالمنتدي وقلبها ينبض صفاءا
اركمانية ... ساحرة الحروف
وايا... امير العشق واخو اخوان والله
الفرح المهاجر.. فرحنا حبيب الشعب وآسر قلوب العذاري
احمد يس.. كلمة ونص تكفيه شرفاً وسعادتنا به لا توصف

امال الناس... ست الناس

بعدالزمن ... احلي من يرسم بسمة من قسوة الايام

عمار ودالشرفة... يااا بخت البتاخدو الله ( طويل اخضر قيافة )

بت السرف.. بت السرف سخسياً مممممممم ليه كده بس يا بت السرف
الفار... أووووووووه لو كان التمني بنفع كل حبيب ( إنخت علي الجرح ) بفقعوا
هندسسسة ... انا لييه دائما بحس ان عمو ده اكبر مني بي كتيييييييييير

اشرب فنجانك امكن مااجيك تانى ...

فنجان ظريف وجلسه ولا اروع ... لكن اصبري يابت السرف

hoomy كتب:
لاداعي لمثل هذه الأسئلة التي تدخل في الخصوصيات دون إذن مسبق
عزيزي ود كبوشية هذه المنطقة بالذات محرمة خصوصا في المنتديات

يازول ماتخوفو الزول مقبل علي القفص وشكلو هاارش
فلابد من تنويره وتبصيره قبل أن يقع الفأس في الراس
وأديلوو ادّي