وبعد غيبة نرجع لمنتدى اخبار الرياضة السودانية وانا مليان بنشوة انتصار الهلال على نده التقليدي المريخ والذي اصبح يحمل اسم الوصيف
تلاتة لو قالوا ليك بنجيب اقوان صدقهم ( كلتشي كرنقو مهند)
تلاتة لو ما كانوا في المريخ كان المريخ في خبر كان ( موسى الزومة البلدوزر امير دامر)
تلاتة لو استمروا مع المريخ ح يكون وصيف طول العمر ( بهاء الدين وأبالو و ايفوسا)
تلاتة لو لعبوا بي سخاء كان شلنا البطولة الافريقية ( كلتشي قودوين هيثم مصطفى)
تلاتة لو جهزوهم للموسم القادم ما عارف الهلال شكلو ح يكون كيف ( صالح عبد الله افيانو كبير)
تلاتة لو اقتنعوا وجو راجعين وبقو هلالاب كان احسن ليهم ( شهد حزن لحظة)
واخيرا تلاتة بالله العظيم لو بهاء الدين كانت عندو تلاتة ايادي ما كان طلع كورة كرنقو دي )
شهد مران الهلال مساء أمس احداثاً مؤسفة عندما وجه احد المشجعين انتقادات لاذعة للحارس ابوبكر الشريف وصلت حد الاساءة ولم يتمالك الشريف نفسه وقفز فوق السياج واعتدى بالضرب على المشجع ليلحق به هيثم مصطفى وفوزي المرضي والباقر عبدالرحمن ونجح الثلاثي في احتواء الموقف ولكن جماهير الهلال الغاضبة على تصرف الشريف هتفت ضده بشدة وطالبت بطرده من الملعب وحرمانه من المشاركة في المران واستجاب ابوبكر لطلب الجماهير وقام بمغادرة الملعب ولكن هيثم مصطفى لحق به ونجح في تهدئة ابوبكر واعاده للمشاركة في المران بمجهود كبير من الباقر عبدالرحمن وفوزي المرضي.. وقد تحدث هيثم مصطفى كثيراً مع ابوبكر الشريف وطالبه بعدم الاهتمام كثيراً بردود افعال الجماهير والتي في الغالب ما تكون وقتية وانفعالية.. واعتذر ابوبكر بشدة لهيثم مصطفى عن التصرف الذي بدر منه والتمس من جماهير الهلال ان تسامحه على ان الحماقة التي أرتكبها ووعد بعدم تكرارها مستقبلاً..
المريخ يفاوض عمر بخيت .
المريخ يوقع اقرارات مع مشاطيب الهلال .
المريخ عاوز يسجل قودوين بكبرى عجمان .
يا جماعة انتو ناس المريخ ديل باكين فينا ولا شنو .
جارى وجارين وراهو .
والله انت عظيم يا ابو السيد طبعا انا ما قاصد سيد سليم انا قصدى سيد البلد ابو الهل .
سيلتقي عشيه يوم غد باذن الله ان لم تتاجل المباراه فريقي الهلال والمريخ للفوز بكاس السودان فيما يسعي سيد البلد لجمع بطولتي الممتاز والسودان ويسعي وصيفه كالعاده لمصالحه جماهيره ....
بالتاكيد لن اسالكم عن الفائز لانه معرف الهلال طبعا ولكن اتمني انو ما يحولوها لاستاد المريخ لانو المساكين ديل -المريخاب - متعودين ينغلبو فيه تلاته اربعه كده
كل زول يدينى تعليقو على الصورة دى.................... ياولد اختي انا حاعلمك الكورة وبدايه كده هاك كاس العلب ده لكين دوري ممتاز وابطال افريقيا كبار عليك حتى انك تحلم بيهم ساااااااااااااااااااااااااااااااااااي.
يا هلال أ متنا ومحقق حلمــــــــــنا
الزعامة ليك مأمـــــــــــــنا بإذن الله
ما بنخشى النجمة لا التحكيم لا العنا
نزيد للوصيف الاموا والشدة والعنا
نجبر شداد للأمر يذعنـــــــــــــــــــا
يسيب مكايدو وأبليس يلعنــــــــــــــا
فى حدودنا وشرعنا عين الله ترعــنـا
الزعامة لينا مأمـــــــــــــــنة باذن الله
لانخشى الزوبعة لا الوصيف ابو اربعة
الترتيبه بعد المية ومغلوب بالاربعــــة
الشبيبة راجيهم حالف بالاربعــــــــــــة
الاشانتى بعده ياستة يا اربعــــــــــــة
فى الممتاز يجونا نضرب بالاربعـــــــة
بالسبعة الوطنين والافارقة الاربعـــــــة
ريكاردو وناسه ناويين على اربعــــة
أوتاد الارض بالقبل الاربعـــــــــــــــــة
عارفين الزعيم تصنيفه مع احسن اربعة
نغلب للوصيف نزله بالاربعــــــــــــة
ونحافظ على محترفينا الدرر الاربعـة
داريو البطل يساوى منهم اربعــــــــــة
يوسف باليمين وطلعاته المرعبــــــــة
الخطير كليتشى الاباتشى المسرعــــــــة
لاتنسى افيانى قاطرة مدرعـــــــــــــــــة
يا ارباب لا تجهل امرهم عيد لقيدهم
هم أولاد الهلال الواضح جهدهـــــم
ابذل اموالك لنسعـــــــد بى فنهـــــــــم
بقية اللاعبين نهتم بأمــــــــــرهـــم
هيثم سيدا النـــــــــــــــــاثر درهـــم
الود مساوى ومهنــد بدرهـــــــــــم
قول فييرا الهــــــــارد كبـــــــــدهــم
شوف كرنقوا صواريخوا تهزهــــم
هنا جوليت و داك ريتشارد بيهزهــــم
والمعز وروى الشايع زكرهـــــــم
احمد عادل بى حالوا براهوا بيذلهتتــم
الاستاذ حمودة الهازز عرشهــــــم
زرياب ومرق لا ننسى قدرهـــــــم
ثم المعلم ود بخيــــــت الحير أمرهم
بقية المرابطين الفائح عطرهــــــــم
مع سيد البلد تيمهم نحقق حلمنا وحلمهم
والزعامة المأمــنــــا بـــــــــــاذن الله
نهز الوصيف شبــــــــاكوا لا نبرحا
بالفوز نهدهم وصدورنا نشــــــــرحا
فى ضريح النجمة أعلامنا نرفعــــــا
ونقول ياشداد اشرب من العلقمـــا
النجمة الزائلة نسوقها المشرحــــــة
وزعيمنا البطل بـــــلادنا يفرحـــــا
بجاهك يالله نحقق كل المرتـــــــــجى
ونزل الوصــيف الضعيف أبو اربعـــــة
رسالة من مريخابى الى جمال الوالى
معذرة.. لو معاك منى الكلام حـــــره .. معليش الخطاب كلماته مختصرة
حـــــــــــرام والله الممتاز مننا يتبرأ.. وخمسة سنين ما نفوز ولا مرة
ورا الممتاز أنا كم شقينا وعشت فى مرة .. وتعبـــنا مع الهلال الديمة للوطن غرة
حليلى أنا الزمن ضى فاطرى ما انفر .. وخمسة سنين غياب حارة بالمرة
أنا الحاضن العذاب وآمالى محتضرة.. وداك سيد البلد ناوى على بكرة
مسكين اليقول فى الوصيف سترة .. وتتناسى الزعــــــــــــــــــــــم الباقى لى عترة
الكاتمو فى جواى كتير متملك الجوف والعصـب...
. وما كت دايرة أقولو ليـك لكن لسان الحال غلـب
ما بنسى كل يوم الهلال يبهدلنا و مريخنا يلعب لعبأ كعب..
.يخلـي الاستاد حزين يتباكـا والدمع انسكـب
أعذرنى والله العظيـم لو ما الضـرورة أنا ما كـتب..
وأنا خائف مع تيم الارباب الضاع يكون هو ضعف المكتسـب
وما كت دايرة أقولو ليـك لكن لسان الحال غلـب
يوم الكورة دة يبقالى يوما عصيب يوماَ صعب
راح يبهدلنا الهلال ونرجع نقول ياريـــــــــــــــــت لوكان انسحب
وما كت دايرة أقولو ليـك لكن لســـــــــــــــــــــــان الحـــــــال غلـــب
والله ياجمال ما بنــــكر جميلك برضـــــــــو لينا ثناك وجب....
صداقة وشداد والاتحاد كانوا .. سترة لينا فى الزمـن الصعب
لاعبين وغالبن للحمام والتحكيم علينا ابدا ماكان صعب...
.وعايشين معيشـة المخدوعين .. طولنا والطبع إتخرب
وما كت داير أقولو ليـك لكن لسان الحال غلـب
الاستاد مفرش بالحرير المقصورة تتراقش زى الدهب
لكن خسارة على وصيف الممتاز منو خمس سنين هرب
وما كت داير أقولو ليـك لكن لسان الحال غلـب
الشى المهم ما قلتو ليك وليهو إنت ليه ما ظنيت حسب...
عجزوا اللاعبين خلاص .. خايفليهم ا اللعب الكعب
وصولوها المرحلة الخطر .. وناس طمبــــــــــل هم السبب
وانا كتّ قادرا للحمام لكـــن بعد كدة اكيد انغلب
حصلنى قبل الجد يفوت شوف ليك بديل غير ناس العجب
قبال نحصـــــد الخير ندم .. ومابيجدى كان لمت وعتب
خايف الفضيحة مع الهلال وما بي رضى شداد لو مريخنا انغلب
خوفنى المتعبنى الكبيـــــــــر فى الممتاز الهلال يعلمنا الادب
وريتك الحاصل على لا فيهو ثورة ولا غضب ...
.شان الحديث مايبقى نى .. والنجمة يكتنفا الجدب