مجادعة مع الشاعر لبيب

[waya]

في اول صباح الدنيا جات تتبسم
هلت إنشراح والشوق عليها موسم
شفت الجمال الخلقو الله إتجسم
في الوجه المدور والجسيم الخثم

من أول صباح جيت في العطور أتنسم
ومن شوفه المريود صابح قليبي معسم
دي الشالت كل شئ يوم الجمال إتقسم
وما في زيها زول أحلف باليمين وأتخصم

[mis.silent]

يا حليل اللبيب كايس بدور حيلة
للقيا الحبيب الفارع عيونه كحيلة
يا رب هون له مهر و دبلة وشيلة
يمسك بالرحط واغنو ليهو عديلة

أبــشــر

إنت من زمن قطع الرحط ده كان زماااان

[عبدالله عوض الكريم احمد]

أبــشــر

إنت من زمن قطع الرحط ده كان زماااان

منو القال ليك زمن الرحط كان زمااااااااان
قطع الرحط مازال وسيظل الى الابد

[waya]

عويناتك يدفن زول سكن " اسكيمو "
ووردة فاهك إن نضمن يزيد تفهيمو
يا بدر التمام , يصعب علي تنجيمو
يكفيني منك شوق , هابب علي نسيمو

[waya]

حالتي زي حالا صعيبة دواها
لما اشتعلت الريدة في جواها
يا زولة , كيف مــا النفوس تهواها
إن كان الكريم , جمّل خِلقتا وسواها

[احمدكزمه]

نحنا ناس فزعا بجيك كبتة ادبرة ام نهارا ليل
ونحنا قومتنا قومة السيل المعاهو شليل
نحنا الفرسة نحنا السمتة في اليوم المشيهو تقيل
ونحنا الموت ونحنا السنحة ونحنا الشوامة عدييييييل

المجادعات السابقة " المقتبسة " من بوست مسدار + مسدار

ونحنا وشينا للبنصابحو .. ينسى همومو

ونحنا مشينا للبنقابلو .. يكرهـ يومو
ونحنا صغيرنا .. فزاع للقلوب , في نومو
ونحنا كبيرنا .. معروف , بيملأ هدومو

*****

نحن شموخ ونحن بسالة نحن رجالة
نحن الحارة بنخوضا ونعرف اهوالا
نحن الدنيا ماهمانا عالي جبالا
نحن نفوسنا من فوق للثريا منالا

*****

نحن الحلِق .. ونحن الساس

ونحن فوق من الرجال مقياس

ونحن الحاره ذاتا وكتين يفزعو الناس

ونحن نفوسنا أصلو ما بتنداس

[align=center]نحن الفي السماحة وفي الكرم تلقانا[/align][/size]

نحن السيل وكت يقلع يرز بختانا
نحن وكت نقول كل الخلوق سامعانا
نحن الحارة نمشيلا ونخوض نيرانا

*****

نحن أخوان البنات فينا الشهامة أصالا

ونحن أسود الحارة نحن رجالا

نحن النعيم في دنيا قاسية أحوالا

ونحن الجحيم مرات نزيد أهوالا

*****

[align=center]نحن الفرسة عندنا هيلنا كل موّالا

[/size][/font][/color][/align]

نحن الحاشا مابتخدعنا أي قوالة

نحن الدنيا مابتغرينا بى أموالا

نحن كلامنا واضح مابيدور أوّالا

[احمدكزمه]

نبقالك لعوت إت كان بقيت عوافنا
ونبقالك ضريرة إت كان بقيت كرافنا
نتوسد تراب نديك إنت لحافنا
نسوي المستحيل نديك كرت صرافنا

[waya]

مرضان " حنين " وفاقد حنانو معايا
جابولي العلاج دكتور وشيخ ومحايا
الخلاني أتب قبال اشوفــا هنايــــــــا
سمع اضاني قالت : بحـــــــــب وايا

[ninar tato]

مرضان " حنين " وفاقد حنانو معايا
جابولي العلاج دكتور وشيخ ومحايا
الخلاني أتب قبال اشوفــا هنايــــــــا
سمع اضاني قالت : بحـــــــــب وايا

[mis.silent]

مرضان " حنين " وفاقد حنانو معايا
جابولي العلاج دكتور وشيخ ومحايا
الخلاني أتب قبال اشوفــا هنايــــــــا
سمع اضاني قالت : بحـــــــــب وايا

هههههههههههههههه
عدييييل كده

[waya]

هههههههههههههههه
عدييييل كده

ايوووون ..

[waya]

داب أمي " واحد " وما خلفت زيي جدير

يومات يجرو النم .. كاتبني , شيخ .. وخطير

معروف في المحاص .. يوم الرؤوس بتطير

موانسين البعض ,, والمابتعرفو كتير

[waya]

الباب البجيب الريح اريتو اتسده
قالولنا الجدود شوف الرهيفة وقده
الجرح البينزف دم ومعاه المده
باكر بطيب وترجعلو تاني الشده

[waya]

من ولدوهـ تب ماعرف الجري وحافي
معروف في الدواس بيستعيزو الكافي
شوف عيني وكت من الخلوق بتخافي
يتضارى الرجال , وأرجل من أبوي مافي

[عازفة الحب]

من ولدوهـ تب ماعرف الجري وحافي
معروف في الدواس بيستعيزو الكافي
شوف عيني وكت من الخلوق بتخافي
يتضارى الرجال , وأرجل من أبوي مافي

رحمة الله عليك ي أبوي ..
سلمت يمناك ي waya

[waya]

رحمة الله عليك ي أبوي ..
سلمت يمناك ي waya

ربنا يرحمنا جميعا ,,

مشكورة على الطلة

[waya]

اقولك قول ما قالو زولا هين
امبارح شبكنا الخط وجودك بيّن
المهرة العزيزة الفي السباق بتبيّن
من صوتك عرفنا القاسي فيك وحنيّن

[waya]

طِروهو السفر ودآب الفــرح بالقومـــــــة
صباح الجمعة العظيم شالتني فيهو النومة
يا المقدرة شأن و فوق للخلايق كومـــــة
رأجيهو الميـعاد والبينا لســـه عزومــــــة

[waya]

الدايــــــرنا , بنجبلو " لبـــن الطير "
والمابينا , في كراسو بنمنعو السطيّر
لو ما بنخـــاف الله , والنعمة والبطيّر
بنشوف العـــــــدو زي النعام والطير

[ninar tato]

من ولدوهـ تب ماعرف الجري وحافي
معروف في الدواس بيستعيزو الكافي
شوف عيني وكت من الخلوق بتخافي
يتضارى الرجال , وأرجل من أبوي مافي

وقت تناضمو جد وناس
وان قال قولو فوق الراس
وقت الحارة غيرو مافي حراس
اصلو ابوي انا للشجاعه اساس