عم التنقو...

[Keeptown]

عمك تنقو قال الليله تهجد...
سهر صلاة وتعبد...
العشرة الأواخر مافيها تردد...
وقال للعازه أرح نتعبد...
نص الليل نبقي سجد...
شال معاهو المصلايه ...
وجو الجامع لقاها المخلايه...
والعازه لابسه العبايه...
وللحريم عامله وصايه...
والتنقو تعب قعد في المشايه...
وحكايتو بقت حكايه...
وفي الرجعه قابل رباطي...
أقيف عندك وخليك هادي...
جيب الموبايل والساعة والباقي...
التنقو بدون مقاومة أمسك الموضوع عادي...

[Keeptown]

عمـك تنقـو خطيـر بالمـرة...
بقى بطل أبطال مصارعة حُـرة...
فتل جسمه بقـى زي صخـره...
بيـد واحـدة يرمـي بـقـرة ...
جاتو دعوة من ( سان انتوينـو)...
قـال قوليهـم انـت استنـو ...
تربـل إتـش بكسـر سـنـو...
و (الافعى ) أحسن يبطل جنّـو...
كـان الموعـد فـي تكسـاس...
عمّك اتنحفش وجـاه حمـاس ...
قال لازم اخد حـزام وكـاس...
خصمة الاول كان جون سينـا ...
قال للعازة شجعي مـا تنسينـا...
عمـك مسكـو مـن الرقبـة ...
اتكنكش فيه تقول بـس كربـة ...
ضربو في ظهرو معاهو سوفليكس...
عمك خنقـو كتمـو النفـس ...
قاله يا شافـع يـا ود الاكـس ...
العازة تزغرد مبسوطة وراضيـة...
عمكم فـاز بالضربـة القاضيـة...

[Keeptown]

تنقو والمارد...
مجلة الصبيان نسخة اصلية...

فى ام درمان غرب التيمان...
عمك ماشى لقالو فتيل...
فتيل مقفول وشكلو قيافه وبوزو طويل...
عمك شالو بسرعه شديده...
ورجع لى بيتو بدون تعطيل...
قال للعازه شوفى الحظ...
وجدت عطر بديع وجميل...
قالت ليه احسن حاجه ...
تشيلو وتمشى الشرطه عديل...
تكون فرحت سيد الريحه...
وبرضو تكون عملت جميل...
طبعاً عمك هرش العازه...
وفتح الفله بالإزميل...
بدل الريحه طلع دخان...
لونو اسود زى الليل...
وبعد شويه اتجسد مارد...
شكلو مخيف وضيلو طويل...
قال ياتنقو انت غلطت...
الليله معاى حتشوف الويل...
نخشم وشك بالعكاز...
ونلولو ليك رجلينك ديل...
وفجأه العم صحى من نومو...
وكان متعشى ومالى تقيل...

[Keeptown]

واحد اتنين بص جاري...
عمك تنقو بقي كمساري...
بتشعبط فوق العربات...
وبجر الخط لي شمبات...
عمك عمل نفسو حريف...
مره يتلب ومره يقيف...
دخلت رجله جوه القفه...
عمك راسو لمن لفه...
زعلت ستها من عمك...
قالت ليهو اختشي على دمك...
ودفرت عمك من الباب...
خلتو وقع في الدقداق..

[الضراع]

جميل ياKeeptown;
واصل مع عمك تنقو ونحن متابعين
هذا الابداع

[Keeptown]

جميل ياkeeptown;
واصل مع عمك تنقو ونحن متابعين
هذا الابداع

من عيوني يا الضراع...

تسلم يا راقي...

[Keeptown]

عمك تنقو بقي رسام...
يشخبط ويرسم بالالوان...
نادي العزة وقال ابتسمي...
حارسم لوحة تخلد اسمي...
وتبقي شبيهة بالجيوكندا...
وكل الدنيا حتعرف اسمي...
عمك تنقو مسك الريشة...
ومسكت عمك تنقو اللخمة...
رسم العازة ليها شوارب...
وجات تبويذة بدل البسمة...
وقال للعزة انا دافنشي...
جيبي جدادك وجيبي المحشي...
ولما العازة شافت الصورة...
كان بالعلقة العم متعشي...

[Keeptown]

عمك تنقو بقى ماذون...
يعقد ليك بالتلفون...
رسوم رمزية ورق مضمون...
شعارو فك البورة من الجنسين...
ولازم نسرع نتم الدين...
تعال بى زولتك وجيب شاهدين...
ولازم تغرق للاضنين...
تضوق الغم وعيشة الدين...
ولازم همك يصير همين...
بعد ما حر طالع وين؟؟؟...
وجيت من وين؟؟؟...
وتعيش حياتك نواح وأنين...
ويكتر شيبك وتبقى سجين...
وبدل المر تضوق مرين...
يا جنيت يا بقيت مسكين...

[Keeptown]

عمك تنقو بقى فنان...
يهنق فينا هرى الجيران...
غنى فى حفلة بت عثمان...
لابس بدلة ملانة الوان...
وقال الفاصل للعرسان...
ادونا براحة شوية كمان....
الليلة معاكم اجمل سهرة...
وجاط الغنية ما حافظ شطرة...
وقال للعازف طلع بخرة...
ادوه جماعتك حجر حجرين...
ومن عمك داك جاتو النهرة....
عمك تلب وقام فريرة...
وقال للعازف اعزف سيرة...
من العازف جات تكشيرة...
وانا الغلطان ببراك يا طيرة...

[الغاليهـ بنت الغالي]

عاين ياكيبو عمو التنقو دة منوو

والله موضوعك حلووو بس ما فهمت منو عنو التنقو دة

[Keeptown]

عاين ياكيبو عمو التنقو دة منوو

والله موضوعك حلووو بس ما فهمت منو عنو التنقو دة

عم التنقو شخصية كرتونية من مجلة الصيبان...

الزمن داك كنا صغار نحن...

والحمد لله لحقنا الزمن الجميل دا...

الشخصية تأليف الفنان شرحبيل احمد...

[الأميرالحب]

من تاليفي :

عمك تنقو شاف الجكسي
وقال الحب لي ماشي عكسي
ايه رايك يا تنقو تعمل فيها زول حبيب
تحب الجكسي وتاكل محشي

[Keeptown]

من تاليفي :

عمك تنقو شاف الجكسي
وقال الحب لي ماشي عكسي
ايه رايك يا تنقو تعمل فيها زول حبيب
تحب الجكسي وتاكل محشي

لا لا مافي كلام وين دافن المواهب دي من زمان؟؟؟...

[Keeptown]

بمناسبة العيد...
هاكم دي...

حاجة العازة زعلانه شديد...
قالت عايزة توب جديد...
قوم يا راجل قوم اتحرك...
امشي السوق ما تتمحرك...
عمك تنقو متذكر وعارف...
عامل فيها أطرش وما شايف...
وفي نفس الوقت عمك خائف...
خائف من الكلبة القالت هو...
يوم جدع القفة وطار في الجو...
رغم الموقف من زمناً عـدّه...
عمك عشعشت في قلبه العقده...
ياعم تنقو انسى الفات...
الكلب الخلعك قالو مات...
عمك عامل فيها دسيس...
لا بهمه كلب ولا كديس...
شاف في الشارع كلب بوليس...
لعن الخوف ولعن ابليس...
عمو الليلة بقى شجاع...
قال لا فوبيا لا خوف لا بتاع...

وبس...

[Keeptown]

[Keeptown]

عمك تنقو يوم في شطحة...
قرر يبقي مراقب صحة...
قال من فكرتو ما متنحي...
يوم الجمعة يكون يوم صحي...
كل الحلة حريم ورجال...
يشاركو معاهو ويبقو تقال...
قشو الشارع بعد البيت...
احرق الكانسو بعد لميت...
شعارنا تكون الحلة نضيفة...
تبقي حضارة وزياتا ظريفة...
عمك داير يرش الحلة...
من باعوضة قول يا الله...
جيبو الجاز ولع ولاعه...
اقطفو نشفو كل بلاعه...
يلا معانا العم افكار...
شان ما تبقي بلدنا عمار...

[Keeptown]

عمك تنقو قال بالبركة...
نجرب نحن نخش الشبكة...
نشوف لنا موديوم ارخص واضمن...
علشان النت مرات بتجنن...
احسن اجرب سوداني ون...
أعمل إشتراكي كدا في ثواني...
مبسوط متكيف من سوداني...
اصبح عمك مروج إعلاني...
النت فصل وجاته اللجّة...
وعمّك تنقو قام إحتجّ...
حلف عليهم بحماقة وزهجـة...
أسي اقوم اسيح التلجـة...

[Keeptown]

عمك تنقو عنده عصفورة...
في كل مكان بقت مشهورة...
بتجيب لي تنقو كل شمار...
تخصص شكل وكشف أسرار...
وعمك عامل فيها ماهر...
خبير وبعرف مخفي وظاهر...
فاكر نفسه شيخ الطاهر...
قال يا ناس ده علم ودراسة...
حاجة كدا زي الحاسة السادسة...
يا فلانه فلان قال بحبك...
جاري وراك وماسك دربك...
انت يا فلان قروشك داسيها...
اولادك جعانه تقول ناسيها...
عصفورتو تحوم في الناس تتصنت...
خل الناس زي الجنت...
زهجت العازة وشالت سكين...
ضبحت العصفورة وبقى مسكين...
قالت يا تنقو بلاش اوهام...
تلعب بالناس كدا حرام...

[Keeptown]

عمك تنقو بقي فنان...
أغاني خطيرة و عود و كمان...
خاف العين و أم الصبيان...
راح عامله بخور تيمان...
و قال يا ود جد الجد...
و راح سجل في نجوم الغد...
و جاتو الشهرة ما ليها حد...
طمع في المال و عد النقد...
حفلة فاشلة بأعلي صوت...
ضاعت الشهرة و البنكنوت...
و عمك نزل بالبرشوت...
و الزبائن أدوه شلوت...

[Keeptown]

عمك تنقو بقى فنان...
يشيل ويالف فى الالحان...
ولى حفلاته عمل اعلان...
جوه جماعه دعوه لحفله...
وافق فورا يعمل وصله...
قال للعازة جيبى البدله...
زشاكي الجنز وعامل فتله...
طلع المسرح عاز يغنى...
جماعه تصفق وليه تهنى...
عمك ينسى غناه الحافظه...
يشيل ويلخبط زى ماعاجبه...
قامو الناس اتلموا عليه...
وداك صاحبنا غبار كرعيه...