ما رأيك في تشابك الأيدي بين الزوجين في الأماكن العامه ..

[الطيفه]

شكرا على الموضوع الظريف جدا

عادى انو الزوج يشبك يده بيد زوجته بل من المفروض حدوث هذا فى كل مكان لانه يدل على خوف الزوج على زوجته وحبه لها واهتمامه على ان لا يصيبها اى مكروه,قمه الرومانسيه.

[امال الناس]

والله العظيم حركة قط ما سمحة وسخيفة وزوجتك معاك في بيت واحد وعرفة واحد شنو يعنب هبكت بس في الاماكن العامة اشتد حبك ليها غاتو مش عارفي لكن كل الازواج البنجدها متشابكين الايدي مش من الخرطوم بكل صراحة كلهم جاين من الاقاليم والله ترضوا ولا تزعلوا

[حمودي ولد جدة]

شي عادي مررررره عادي وانا كمان بمسك يد خطيب عادي

[almahssi]

والله انا امسك ايدها فقط عشان تعبر الشارع أني اخاف عليها من السيارات وغير كدة بصراحة لا اقبل ان اسير في الشارع العام بالرغم من محاولنها المتكررة بان تضع يها في يدي .. .. وبصراحة هذه ليس بعادتنا ولا من تقاليدنا ولا تربينا عليها يعني ما شفنا ابانا سوها عشان نمشي عليها ....

[هيثم ابراهيم]

شىء جميل جدا

[نهـاد]

الموضوع بيمس شريحة كبيرة من الناس وبالذات المتزوجين
وأنا بقول المتزوجين لأن لولاقيت خطيب أختي ماسك يدها في الشارع ممكن أرتكب فيهو جريمة

اها نجي للشريحة الكبيرة دي حسب وجهة نظري الشخصية جداً :
اولاً أغلب الرجال والشرقيين خاصة عندهم شيء من عدم القدرة على التعبير عن مكنوناتهم
وبالذات لو كانوا قدام ناس أو في مجتمع ..سوق أو حديقة أو شارع عام أو ماشابهـ
والحتة دي تُحسب عليهم كخطأ أول أو بالتحديد حاجة ماسمحة
ياسادتي
أنا لو اخترت الزولة دي كزوجة و أم لأولادي وشريكة لحياتي وأيامي الباقية لي في الدنيا
وطبيعي انو إختياري ليها تم عن قناعة وما سارقها أو جابرها على الارتباط أو مجبور عليها
طيب العيب وين لما تتشابك أيادينا سواء في الشارع أو في المحطة أو السوق أو اي مكان ؟؟
و وين الاستفذاذ في الحتة دي ؟؟
و مين ذاتهم الناس الأنا بستفذهم بالحركة دي ؟؟
و دخلهم شنو امسك ايدها أو أفكها عكس الهواء ؟؟
وهم ذاتهم بعاينوا لينا ليهـ ؟؟ مش مفروض يكونوا في حالهم ؟؟
بعدين دي زوجتي يعني أقرب زول لنفسي وروحي وقلبي وأي حاجة ذاتو
أمسك إيدها أساعدها على المشي أساعدها تكون جمبي من الزحمة
أو حتى تتشابك ايادينا حباً .... حباً دي واقعة ليكم ؟؟؟
اذن حباً دي مربط الفرس لأنها بإعتبارها زوجتي وحبيبتي يعني نحن كل شيء بالنسبة لبعض
يعني بالواضح كدا ياناس يالماشين في الشارع خليكم في حالكم لأننا ماشغالين بيكم
ولأننا ماعاملين غلط ... يعني ماحاضنين بعض ولا قاعدين بطريقة خطأ
طيب الناس مالا ؟؟

أنا بفتكر الزول البخجل من الحتة دي بيكون عندو بقايا من عقدة ابواتنا وأجدادنا الزمان
ياناس الزمن اتغير والثوابت الغلط حقت زمان اتعدلت والعجلة دايرة
العايز يقيف في حتتو مافي زول بلومو لكن برضو مافي زول حينتظرو
و....... مافي زمن للمعاينة في الناس

حمادة
شكراً على الموضوع الجميل

يديك العافية


ولييييييييييييييييييييي قداااااااااااااااااااااام


و...................الباقي على الله

تحياتــــــــــــــي

[رشووود]

المسأله كان بقت على الزوجين مامشكله لكن اى واحد تانى ماشى مع بنت من الجامعه وغيرها حيكون ماسك يدها والمسأله صراحه مثيره شويه ومخالفه للدين والعرف ........ لكن فى بعض الاحيان غير مؤثره مع التحيه

[ملاك الورد]

نعم ... ولد ماسك يد بت وماشين في الشارع والبت "طبعا" بتضحك ويعاينو للناس الماشي و الجاي " و المفروض الناس هم اليعاينو" !!!!!!!
بصراحة دي قلة حيا

ممكن تحصل بس العارفاهو لو زول من الناس القاعدين عندو مرؤه ما بسكت و البركة في شبابنا
حيلفوا معاهم و يكونو وراهم وراهم محل ما يمشو لمن يكرهوهم
و يفكو ايدين بعض

[العطبراوية]

تشابك الايدى للمخطوبين ماذا تعنى فاكيد لو ماكانوا يحبوا بعض ما اتخطبوا فلاداعى لهذا فى الطرقات العامه اما اذا كانوا متزوجين فما بينهم اكثر من تشابك ايدى بينهم حياة مستقبلية فرائى ان لاتكون هذه الروملنسية فى الطرقات العامه امام الاخرين حتى لاتوذى مشاعرهم وينعكس المعنى ويصل بصوره خاطئه الىاذهان ابنائنا الصغاروالمراهقين ويكون كل همهم تقليد هذا المشهدوغيره ويجب ان نكون قدوه حسنه لغيرنا

[شمشام]

اخي دا قدام الناس لاكن امشى شوف في البيت نارجهنم قايمة ههههههههههههههههههههههههههههههه

[أهتم فيني]

السلام عليكم ورحمت الله وبركاتو شكرا للأخ حماده موضوع ممتاز
تعليق الأخ الدرديري عجبني كتير مع أحترامي لباقي المشاركين وزي ماعبرت الأن عن رأي في الموضوع والتعليق
برضو أحب أعبر عن مشاعري وحبي لزوجتي ولاحتي لخطيبتي لما أمشي معاها أمسك يدها ولا أمشي قريب منها مافيها شي ده أحساس يحسو الشخص ماتمثيل ولاتصنع وتعبير عن سعاتو وهو معاها ما أعتقد انو صح تخبي الشعور ده وتمشي زي الخشب جمبها المجتمع السودان مجتمع محب ماأعتقد يرفظ الشي ده

[معزات جلاس]

كلام معقول يا السودانى الاصيل ونظرتك فى محلها انا مع رايك
بس لدى اضافة
يراعوا شوية كده العزابه لانها مسألة حااااااارة
واتمنى من المولى عز وجل ان تدوم حياة كل الازواج بدون استثناء
والف شكر يا حماده على الموضوع الجاد
تقبل احترامى وتقديرى
ومنتظرين المزيد

[زوزو الجامعي]

والله بشوف انها حاجه حلووووووووووه