تضامنا مع فخامة الرئيس

[الأسير22]

يا أخوان لا نريد ان ياخذ الموضوع منحى آخر


دعونا نتضامن فقط



والاخت زينا نأسف ليكي عما جاء من عبارات

[الأسير22]

هذا البوست وضع للتضامن مع فخامة الرئيس



فمن يري أن البشير لا يستحق التضامن

رجاءا لا يكتب في هذا البوست


لكي لا تحصل ردود ويخرج البوست عن الموضوع الذي وضع من أجله




كونو ا بخير

[نيزو]

الله أكبر... الله أكبر... الله أكبر
بالروح والدم نفيديك يا البشير
بالروح والدم نفيديك يا البشير
بالروح والدم نفيديك يا البشير

(( سير سير يا البشير )) ...

[king]

سلام عليكم ارجو من الجميع ان يرفعواالاكف عاليه لاجل هذاالوطن وطن الجدود الذي يحتضن الكل نسال الله له السلام من جميع الارجاء

[فراشة ليبيا]

الهم ياارحم الراحمين احفظ البشير

[مصعب الحداد]

الاخ الكريم
من سمح لك ان تتهمنى بعدم الوطنية هل لهذه الدرجة لاتحترم الراى الاخر وهل كل سودانى لا يتعاطف مع الرئيس يكون غير وطنى ( اعتبر كلمتك هذه اقسى كلمة تلقيتها فى حياتى) وان لم اكن وطنية وافتخر بسودانيتى لما تشرفت وسجلت فى منتدى يحمل اسم( انا سودانى) وحتى ان كنت الوحيدة بين الاعضاء التى ابديت عدم تعاطفى مع البشير اتشرف برائى جدا الذى كان عن دراية ومعرفة دقيقة باصل الموضوع والمشكلة واقول بكل فخر(سودانية وبت بلد وافتخر بذلك)
وهنا اريد ان اوضح شيئا طالما انا الوحيدة التى ضد البشير هنا بعد قرائتى لكل التعليقات
سبق ان قلت( انى ادين البشير فيما حدث ولكنى ارفض تسليمه للمحاكمة خارجيا) باعتباره رمز البلد وسيادته واطالب بمحاكمته داخليا فى السودان كما حوكم رئيس وزراء اسرائيلى قبل فترة بتهمة الفساد حوكم فى بلاده بامر القانون لانه ارتكب شيئا يوجب العقاب وحوكم الرئيس الامريكى كلنتون لقضية اخلاقية بامر المحكمة داخليا فلماذا لايحاكم الرئيس البشير ومن كانوا سببا فى المشكلة والفتنة التى حدثت فى المنطقة اذا ثبتت عليه التهم باعتباره راس الدولة وداخليا وليس بتدخل خارجى كما حدث الان ولماذا اتعاطف معه اذا كان ظالما واعلم ان امر التدخل قد حدث ولكن يمكن ان تكون هنالك محاكمة داخلية للرئيس ومن معمه اذا كانت الحكومة تريد ان تبرئ رئيسها واتمنى اذا كان الرئيس بريئا ويحسب نفسه ومن معه كذلك ان يقدم نفسه لمحاكمة داخلية ليثبت لشعبه الذى تعاطف معه ذلك وكما يقول المثل
المتهم برئ حتى تثبت ادانته )لذلك فاليتقدم الرئيس بنفسه ويطلب محاكمته داخل البلاد فليس هو اول رئيس يحاكم فى بلاده وقد ذكرت بعض الامثلة فى اعلى
نعم هنالك مقولة تقول( انصر اخاك ظالما او مظلوما ) ولكن هل هذه المقولة نستطيع تطبيقها اذا كنا نعرف ان فلانا هذا ظالما
وكما جاء في الحديث الصحيح , عَنْ حُذَيْفَةَ قَالَ قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ لَا تَكُونُوا إِمَّعَةً تَقُولُونَ إِنْ أَحْسَنَ النَّاسُ أَحْسَنَّا وَإِنْ ظَلَمُوا ظَلَمْنَا وَلَكِنْ وَطِّنُوا أَنْفُسَكُمْ إِنْ أَحْسَنَ النَّاسُ أَنْ تُحْسِنُوا وَإِنْ أَسَاءُوا فَلَا تَظْلِمُوا.
فلو تعاطفت مع البشير هنا لمجرد المجاملة والتعاطف وانا اعلم ان له يد فى التهم التى وجهت اليه لاشتركت فى الظلم وهنا وجب فى حقى العقاب الالهى وانا لا احب ان انصر ظالما ابدا والله يكره الظلم
واقتبس هنا مقولة لكاتب سودانى فى احد الصحف (يقول الكاتب:
النظام السياسي السوداني ينسى انه نظام استبدادي -يخدم مصالح طبقة اجتماعية ثقافية أقلية في دولة لم تتكون بعد – فلديه القدرة على إرسال حزمة من الشتائم والتعيرات بمقاسات أخلاقية و قانونية وإنسانية في وجه النظام الدولي واصفا الأخيرة بممارسة ازدواجية المعاير والانحياز المطلق ضد الشعوب المستضعفة وعدم احترام حقوقها وخصوصية الدول وسيادتها ؛ لكنه سرعان ما ينتهي من ذلك يعود هو الآخر مرة أخرى إلى وظيفته الدائمة والمتلخصة في القيام بدور النظام العالمي الامبريالي نفسه تجاه القوميات العرقية الثقافية المهمشة داخل السودان؛ ويمضي السودان مقلدا القوى (الاستكبارية) مطبقا كل السلوك والتصرفات غير الأخلاقية وغير الإنسانية جملة

اخوتى اتمنى ان يكزن كل من يقف مع البشير ان يسال من اصل المشكلة ومن له يد فى اندلاع الفتنة فى تلك المنطقة ويكون وقوفكم معه نابعا من فهم للقضية وليس من اجل انه راس الدولة او لمجرد التعاطف مع الاخذ فى الاعتبار اننى لااعنى هنا تسليم البشير لمحكمة خارجية بل اعنى (هل انت مع اتهام البشير بما نسب له ومحاكمته داخل السودان ان كان فعلا له يد فى ذلك)
ربما كثير منا تدفعه عاطفته للوقوف مع البشير ولكن (الاجمل ان نفهم ونتحقق ونسال من الحقيقة ان كنا نجهلها ) ونحن شعب جانب العاطفة اقوى فى غالبيتنا لذلك نظل نتعاطف وان كنا نجهل الحقيقة وهذه فى حد ذاتها مشكلة
اؤكد لكم رغم ما تشاهدوه فى التلفزيون من المسيرات التى تقف مع الرئيس والتى يخيل لكم منها ان كل السودان يقف مع البشير الا ان هنالك الالاف من شعب السودان من يطلب مثول الرئيس الى محاكمة داخلية
وانا من مدينة بورتسودان كان لى لقاء مع كثير من الطبقات المختلفة وتناقشت مع الكثيرين من اهل الفهم السياسى رجال ونساء وكانت اراء غالبية المعارضين انهم ضد المحاكمة الخارجية للرئيس ومن معه فى التهم ومع تقديمه لمحاكمة داخلية وهذا ما اريد ان اوصله لكل قارئ هنا
ولان المحاكمة الخارجية للرئيس اعتبرها مهانة له والصحيح ان يحاكم داخل بلاده ولو بقضاة غير سودانيين لان الاهم هو العدالة وليس من هو القاضى
فليس معنى ان بعضنا يختلف مع الاخر ان نتهمه بابشع الالفاظ (عدم الوطنية)*فالنحترم الراى الاخر وليكن هنالك مساحة للحرية فنحن لن نتفق جميعا والاختلاف سمة البشر
اتمنى من كل من لايعجبه رائى ان لا يكيل الى اى لفظ جارح كما فعل الاخ الذى اضطرنى الى توضيح وجهة نظرى

ياخي والله كلام غياز غياز
ياخي انشاالله البشير دا يكون اباد السودان كلو
برضو انحنا معاه معاه
والماعاجبو يشرب من البحر
وباعتبار الملايييييييييين الطلعت مؤازرة للبشير
فانت نقطة في محيط (نكرة)
عليكي الله امشي لناس العدل والمساواة وناس محمد نور اقيفي معاهم صفا واحدا ههههههههه
ولا اقول ليكي اصلي لاوكامبو زاتو وقولي ليه لازم تطبق قرارك

[بنت الناس ماتنداس]

وماذا ستفيدنا هذه الشعارات اذا كان القرار اصلا سوف يصدر
انا كنت ضد المسيرات اليومية التى عملت من الاجل التضامن مع الرئيس فهل سوف تلغى القرار
ورغم انى مع مقاضاة الرئيس فى ما حدث باعتباره راس الدولة وليس هناك داعى للكلام من شاكلة ان اهل دارفور هم سبب المشكلة فلماذا هو رئيس اذا كان لا يستطيع ان يامن اهل المنطقة ويكفيهم شر التشرد والسكن فى المعسكرات وحرق القرى وما خفى والله اعظم وكاننا فى القرن الاول
وانا قرات كثيرا عن مشكلة دارفور ومن مصادر موثوقة لذلك كان قرارى بعدم التعاطف والمجاملة
انا غير متعاطفة مع الرئيس وادين كل الحركات الدارفورية ولكننى ضد محاكمته خارجيا ولوحده لان هنالك من هم السبب الرئيسى فى المشكلة

(كلكم راعى وكلكم مسؤل عن رعيته والامام(الرئيس)راعى ومسؤل عن رعيته) فاين نحن من هذا الحديث ومن جملة سيدنا عمر (لو تعثرت بغلة فى العراق لوجدتنى مسؤل عنها امام الله)

كم نحن شعب متسامح جدا فلماذا نتسامح مع الظلم ؟؟
الصراحة قد تكون قاتلة للبعض ولكن اقول رائى ولا اخاف الا الله

يااااااااااااااااااااااااااارب انصر البشير واخذل كل سوداني عميل
اولا انتي عشتي في دار غور ولا شوفغتيها
ولا الترابي ملا راسك شكلك مؤتمر شعبي
انتي ما علرفه حاجه بالمناسبه
البشير لما حاول يفاوض ورفض التدخل العسكري
خليل وعبد الواحد رفضو
وقتها كان اهل دارفور بستنجدو بالحكومه
ولما تتدخلو عسكريا ابعدو المواطنيين لي معسكرات النازحين الي بتحميها الحكومه
وخروج اهل دارفور كان ابلغ رد يا شاطرة
وحتي لو كان في حرب ولو مجرم لو ظالم عديل كده
ماااااااااااااااااااااابنسلمو لو تمكوتو
عارفه ليي
لانو سوداني وكفي وكرامته من كرامتنا
معقول نسلم مسلم موحد لي كافر مشرك
حيحاكمو علي اي اساس
علي قانون امريكا ولامجلس الشيوخ بتاع يهود البيت الابيض كبروا عقولكم
الله يهديكم ويكفينا شركم ياااااااااااااارب

[بنت الناس ماتنداس]

بلمناسبه بمجرد ما طلع القرار مشيت الخرطوم
وصليت المغرب في الخرطوم وتاني يوم مشيت وهس حنعمل ان شاء الله مظاهرات تاني ضد السفر
لانو المظاهرات يا شاطرة بتبين للناس راي الشعب السوداني للعالم وللحكومه برضو
اذا كل زول قال حتعمل شنو وقعد في بيتو
كيف الناس تعرف اننا لرافضين
الله يهديك وماااااا يكتر من امثالك يارب

[بنت الناس ماتنداس]

والله نحن عمر احساس ما نسلمو
قال نسلم عمر البشير
نحن معاك يا البشير لحدى اخر نفس
وسير سير يا البشير

الله يحفظك يا غاليه ويكتر من امثالك


معاك يا بشير
حتي الرمق الاخير

[بنت الناس ماتنداس]

نحنا معاك ارواحنا ودمانا فداك يل مشير السلام والانجاز والتنمية



اللهم ياارحم الرحمين احفظ البشير

الله يحفظك ويكتر من امثالك


وادي النيل يا وادي النيل ما حنفرط في البشير
الله ينصره ويخذل كل سوداني عميل يارب

[بنت الناس ماتنداس]

يا بشير بالدم نفديكا
نحن الما بترهبنا امريكا
نحن كلاش مليان وعبا
نحن الما بترهبنا اروبا

[mohammad]

جاهزين جاهزين لحماية الدين

لن نزل ولن نهان ولن نطيع الامريكان

[مكنيكي حب...]

الله اكبر..........الله اكبر.............الله اكبر
سير سير يابشير
نحنى معاك يابشير.
اللهم انصر البشير وانصر جميع المسلمين الى ماتحب وطرطى.....
[

[عمار محمد نداف]

بسم الله الرحمن الرحيم
حماك الله يا سودان
حماك الله يا رمز السودان وشرفها الغالي
حماك الله يا سيدي ويا حبيب الشعب السوداني الرئيس المؤمن والمسلم عمر حسن البشير
انا سوري ودمي وعروقي تؤازركم أحبتي بالسودان
خسئتم يا أعداء الله والعروبه يا بني صهيون والعم سام
خسئتم يا أعداء الحريه انتم الامريكان والصهاينه
لم تنالوا من شخص السيد عمر البشير لانه وفي لشعبه ولعروبته ولعقيدته نحن معه والعالم الحر معه
ولا تنسوا ان الاول والاخير هو الله معه ومع هذا الشعب العظيم
محبتي لكم يا أخوتي بالسودان وأبشرو بنصر من الله على أعداء الله والانسانيه
أخيكم من سوريا عمار