بنات ولكن ........

[حموودى]

الشيشة بصفة عامة غير محرمة ع البنات حتى تقوم الدنيـــا وما تقعد كدا،،،

الشيشة كيف،، زيها زي (الشاي والقهوة ) وبقية المكيفات المعروفة،،، ووسيلة لإخراج هموم الحياة بطريقة أو بآخرى،،، ولكن يبقى المغزى احترام الآخرين وعدم لفت النظر بطريقة أو بأخرى من أجل أن يلاحظ الحاضرين،،،

يا الجيو قول كلام غير ده



البنت بنت ولو لبست جلابيه

والسلوك الرجولي مرفوض من الانثي تماما
لا اقول ذلك عن الشيشه تحديدا
بل عن تبعات الشيشه
لان البنت عند تعاطيها للشيشه او السجاير تحس بانها في مرتبه واحده مع الرجل
فتتصرف بخشونه ورجوله
والمشكله الان ان حتي الرجال اصبحو يتعاملون بنعومه مخجله
وكثر في هذا الزمن ناس (هنااااااااااااااااااااي)


.

[حموودى]

بس كثروا من حسبي الله ونعم
الوكيل الله يهدي بنات الشعب السوداني
قولوا اميـــــــــــــــــــــــــن
تقبل مروري
تحياتي....

حسبي الله ونعم الوكيل

ليك التحيه
لكن برضو محتاجين رايك ولو مريتي بموقف قريب من البقينا نشوفو في السودان
ونحاول اننا نعدل الصوره


.

[حموودى]

معليش يا رفيف،، بس تصحيح بسيط،، فالشيشة غير موجودة في الغرب، وإنما هي عادة شرقية، ومخترع شرقي،، وهم لما يجوا في الشرق بيشوفوها وبيستخدموها من منطلق التجربة ليس إلا،، إذا خلونا نكون موضوعيين،، يعني ما نقول ان كل الأشياء العندنا وما عاجبانا جايانا من الغرب،، بعدين ماعيب لما ناخد منهم شيء جميل،، ولكن العيب كل العيب أن نقلد التقليد الأعمى. وأنا عاوز أقول لمجدي،، صباح الخير يا أبوعكاشة،،، يعني انا لما قعدت معاك قدام بيتنا،، علقت ليك على سجايرك البتولعه ببعض؟ ولا معناى إني ما علقت انه الموضوع عاجبني،، ولكن ليس كل ما لا يعجب يعترض عليه في وقتها ولحظتها،، ولكن لكل نقاش محدد قنواته وأدواته. ولا شنو؟
انا شخصياً عاوز اقول تاني اننا ما ننظر للسلبيات من منطلق انه الشيء الفلاني كان الناس رافضاه وبس،، ولكن،، شنو هو شبب الرفض؟ وهل سبب منطقي؟ فلو كان منطقي،، فلنأيد رفضهم له،، وإن لم يكن،، فلنصحح الوضع. وأنا هنا رفضي بسبب التأثير الصحي المتعدي للغير حين تدخن المرأة الشيشة،، ده إضافة للتأثير الصحي السلبي البتشترك فيه مع الرجل في التأثير على جسم المدخن نفسه.

يديكم العافية

تخريمة،،،
حمودي،، ده سؤال تسأله لمجدي؟؟؟ (إنت يتطير؟) ؟؟؟

الرائع السني

كلامك صح الشيشه شرقيه والغليون علي ما اعتقد غربي


ولكن الشيشه ليست جزء من عاداتنا

وزمان كان النسوان بسفو التمباك (الصعوط) (السفه)

وكانت عاديه ولكن لها اثارها السالبه
واليوم تبعا للحضاره اصبح هذا الجيل يشرب الشيشه ويتباهي به

هل الشيشه مصدر فخر؟؟




تخريمه:



مجدي ده عندو اسئله صعبه وانا قبيل زنقتو يعني الا يطير او يتلاشي
لكن هو حريييييييييييييف.

[أبعاج]

فااحياانا اثنااء تجولى فى المولاات او حتى فى الاماااكن العاامه
اجد

والله دى فى أوربا ما أظنها تحصل ؟؟؟؟؟

[حموودى]

هي شنو هي يا اب عاج؟؟؟؟


كمل اقتباسك عشان نكون معاك وعشان نفهم انته قاصد شنو؟؟؟


جهجهتنا ياراجل


.

[GaLaxy]

الاخوه الافاضل استمتعت جدا بقراءة الموضوع وتعليقاتكم كاااااامله
عندي تعقيب بسيط بس

الموضوع طول لانه احنا سبنا الفكره الاساسيه وبقينا نتكلم في تصرفات جانبيه
الموضوع لاموضوع شيشه ولاسجاره
الموضوع الاساسي لو مسكناه من الاول
كان في تجرد البت من صفاتها الانثويه وضحكها باعلى الاصوات بدافع للحريه او بدافع للفت الانظار
اذا كل الفكره بتصب في ان البت مفروض تفهم انها بت وتتصرف على هذا الاساس

وماااااا اعتقد في عقل بقبل يركب صورة الولد في تصرفات البنات
او صورة البت في تصرفات الاولاد
يعني اي شي بيناقض الطره وتركيبة الانسان بيكون شي شاذ وغريب

اتمنى ان تفهم البت انها بتجردها من انوثتها لن تكون مكان اعجاب بل بلعكس مكان سخريه ومكان للتشكيك حتى في اخلاقياتها
اذا هي فاكره انه ممكن كده تعجبنا والا تثيرنا كضااااااااااااااابه
((الحلاوه المكشوفه مابتلم الا الضبان))


تخريمه صغيره كده
خلي البت الشافها حموووودي اليوم داك وهي بتتصرف بدون مبالاه بالحواليها ناسيه او متناسيه انها سودانيه
خليها تجي تشوف رأي الناس في تصرفها ده
ونشوف لسه حتكون مصره تتصرف بالتصرفات المجرده دي والا حاتفهم انها كده رخصت من قيمتها ونزلة من مكانتها؟؟






اسف جدا على الاطاله بس الموضوع جدا رائع من شخص اروع
تقبل مروري ياحمودي

[حموودى]

كلامك في محلو تماما

وقد اصبت عين الموضوض

بس ماتكون عوقتها ليو؟؟؟
هههههه

ولكن حتي الان تستمر حواء في ممارساتها المثيرة للجدل

.

[همسة عطر]

حمودي

مررت على خميلتك الجميلة .. ووجدت ما عكر صفوها وغير طيبها وأريجها العاطر إلى دخان كريه متصاعد من تلك الشيشة والسيجار ..

التدخين غير محبوب لدى الرجال (الجنس الخشن) فما بال هذا الأنثى (الجنس اللطيف) .. الملاك الطاهر .. التي لا تعرف مصلحتها وتحاول تدمر نفسها بهذه الصورة - قد تكون حالة مرضية أو نفسيها - فلا عتب على ذلك- وليس على المريض حرج - أما ما نعرفه عن - نصفنا الآخر - بلا شك أنها زهرة نادية شذية .. .. لو أنك أتيتها لاعطتك أريجها وأجمل ما فيها من روح وودك أن لا تفارقها أبدا .. ولو فارقتها .. لتذكرت أنفاسها الطيبة العاطرة .. وينشرح صدرك وتنفرج اساريرك ولاشتاقت نفسك لمقابلتها مرة ومرات عديدة .. والأنثى لو جارت الرجال في كل ما يفعلون لكان من الأفضل لها تغيير نوعها بعملية جراحية ويكون التغيير جذري ولاحرج تفعل ما تحب .. والأنثى(( أم )) والجنة تحت أقدام الأمهات

ودمتم في ونعمة

[/color]

[حموودى]

حمودي

مررت على خميلتك الجميلة .. ووجدت ما عكر صفوها وغير طيبها وأريجها العاطر إلى دخان كريه متصاعد من تلك الشيشة والسيجار ..

التدخين غير محبوب لدى الرجال (الجنس الخشن) فما بال هذا الأنثى (الجنس اللطيف) .. الملاك الطاهر .. التي لا تعرف مصلحتها وتحاول تدمر نفسها بهذه الصورة - قد تكون حالة مرضية أو نفسيها - فلا عتب على ذلك- وليس على المريض حرج - أما ما نعرفه عن - نصفنا الآخر - بلا شك أنها زهرة نادية شذية .. .. لو أنك أتيتها لاعطتك أريجها وأجمل ما فيها من روح وودك أن لا تفارقها أبدا .. ولو فارقتها .. لتذكرت أنفاسها الطيبة العاطرة .. وينشرح صدرك وتنفرج اساريرك ولاشتاقت نفسك لمقابلتها مرة ومرات عديدة .. والأنثى لو جارت الرجال في كل ما يفعلون لكان من الأفضل لها تغيير نوعها بعملية جراحية ويكون التغيير جذري ولاحرج تفعل ما تحب .. والأنثى(( أم )) والجنة تحت أقدام الأمهات

ودمتم في ونعمة

[/color]

همسة عطر
كلامك جميل زي نسمتك

ارتضينا ام أبينا هذا هو ما آل اليه حال بناتنا السودانيات
قد يقول البعض العرب كلهم هكذا - نعم كلللهم
ولكن منذ متي تتشبه السودانيه بالعرب؟؟؟؟؟
نحن جزورنا ضاربه وعتيده وعميقه
وينقسم السوداني مابين عربي وأفريقي
وكل موروثاتنا وتقاليدنا تحترم وتقدر وتجل المرأه
ونعمل لها الف حساب - نحبها وندللها - ونهدي لها اعيننا

فلماذا ترتضي لنفسها هذا الهوان؟؟؟؟؟؟؟؟


تخريمه:

النسوان ماتو في كرري.


هيع

,
.

[همسة عطر]

الأخ حموودي

هنالك تقليد وتشبه أعمى يقوم به البعض ولكن أعتقد أن هؤلاء قلة قليلة نادرة .. وأذكر أنني وقبل عشرة سنوات زرت أسرة أعرفها فوجدت ربة ذلك البيت جالسة في استرخاء واضعة رجل فوق رجل وماسكة تلك السيجارة وتنفث دخانها بطريقة احترافية ومزاج بالغ .. وتتأمل وهي سارحة في خيال ذلك الدخان المتصاعد .. اندهشت وتعجبت لما رأيتها في تلك الصورة .. ابتسمت لما رأتني .. قلت لها ماذا جرى لك .. أتدخنين.. يا بنت العرب ؟! قالت من زمان .. لكن أنت أول مرة تشاهدني فيها أدخن .. قلت لها : طيب زوجك كبير المدخنين أيعرف ذلك؟ قالت وهي تضحك زوجي.. هو الذي علمني ذلك .. بصراحة الدهشة ألجمت لساني ..
وهنا أوضح أن بعض الرجال غير مسئولين ويتصرفوا بغباء وجهل .. الا يدرون ما يسببه التدخين من أضرار بليغة.

وكما تفضلت أخي .. أن مجتمعنا يجمع ما بين العرب والأفارقة ولكنني لم اشاهد أي من النساء الأفريقيات يدخنن .. بل نجد أن الكثيرون قد تحلوا بكثير من الأخلاق العربية الحميدة نتيجة الاحتكاك والمعاشرة ..
..والمشكلة قد تستفحل بالمجاهرة والتصريح بفتح أماكن للمدخنات .. وكذلك الستر واجب (إذا ابتليتم فأستتروا) .. وتعلم ان ما التدخين إلا بداية للانحلال والدخول في دنيا الكيف والمخدرات وخلافه..
ودمت أخي في خير ونعمة.
[poem=font="Simplified Arabic,5,purple,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال رسول الله صلى الله عليه وسلم = أنما بعثت لأتمم مكارم الأخلاق[/poem]

[حموودى]

همسة عطر




قبيييييل قلت ليك النسوان ماتو في كرري



وتاني شي هم زاتو بقو بيفتكرو انو الحاجات دي عااادي وحايكون جزو منهم مستغرب وبيقول عننا متخلفين وبث


.

[بنوتة توتا]

اكيد طبعا من اب ما مسؤول بيدي الفلوس من غير ما يسالها لي شنو؟ او بعد دلع وتحنيس طويل للماما
وبعدين شيء طبيعي اخي حمودي اذا كان في بلد الحرمين الشريفين تحدث الكثيييير من هاذه الاشياء فكيف في البلاد الاخرا اما عن الدولة الي ذكرتها انو البنات بتحترم الاماكن العامة فدا بسبب انو الدول الغير عربية بتتعامل بطريقة الاتكيت اما نحنا العرب بنستعمل الدين في تصرفاتنا لكن بنات دي الي ذكرتهم ما بيكون الدين قوي فيهم فلا الاتكيت ولا الدين اذن الناتج مناظر زي الي شفتها

[الملثم]

المشكلة بقت مافي مناقشة المواضيع
عشان نعدل حاجة بتمارس خطأ في مجتمعنا
السوداني.
و لكن المشكلة بقت كيف نعمل نشر الوعي
بمختلف أشكاله خاصة في مدارس الأساس
و الثانوي. حالياً أصبح كثير من الناس يعلمون
أولادهم في المدارس الخاصة و جميع هذه المدارس
تجلب الأساتذة من خارج الوطن الحبيب
يعني ما همو يعمل على التربية الهم الأكبر عندو يعلم بس
و للآسف الشديد معظم الأسر الآن تحبس الأطفال في المنازل
و تبقى الحركة محدودة ما بين الدجتال و البليستيشن
و مقومات الترفيه الأخرى.
أحب أن أوضح بأن المثل بقول ( من شب على شيء شاب عليه)

و اللبيب بالإشارة يفهمُ,,,,,,,,,,,,,,

[ودالدرديري]

حمووودي ياقلب

كيفك وكيف ايامك عساك فاين

الموضوع عامل لي صداع من زماااان من يوم قعدة المغربية ديك
المهم هسه الدوام خلص
بجي المساء عشان أدلي بدلوي في الموضوع دا
ارجاني وخلي العكاشة دا قريب

يديك العافية

ولييييييييييييييييييييي قدااااااااااااااااااام










و..................الباقي على الله

[شيرو]

سبحـــــــــان اللـهـ !!!
في ناس قالو الشيشه حلال وطبعا هي حراااااااااام لانها ضااارهـ وكل ضار حرااام
اذا كانت هي او السيجاير اوغيرو ولا للرجال او النسوان كلهم واحد في الحلال والحرام !!!
طيب يعني ماممكن تنصحوهم على الاقل تحاولو !!!

تقبلو مروريــ ..

[حموودى]

المشكلة بقت مافي مناقشة المواضيع
عشان نعدل حاجة بتمارس خطأ في مجتمعنا
السوداني.
و لكن المشكلة بقت كيف نعمل نشر الوعي
بمختلف أشكاله خاصة في مدارس الأساس
و الثانوي. حالياً أصبح كثير من الناس يعلمون
أولادهم في المدارس الخاصة و جميع هذه المدارس
تجلب الأساتذة من خارج الوطن الحبيب
يعني ما همو يعمل على التربية الهم الأكبر عندو يعلم بس
و للآسف الشديد معظم الأسر الآن تحبس الأطفال في المنازل
و تبقى الحركة محدودة ما بين الدجتال و البليستيشن
و مقومات الترفيه الأخرى.
أحب أن أوضح بأن المثل بقول ( من شب على شيء شاب عليه)

و اللبيب بالإشارة يفهمُ,,,,,,,,,,,,,,

طيب طالما نحن متفقين علي امور جوهريه
وطالما خاتين يدينا علي الجرح
نحاول مع بعض نوقف النزيف
ونعالج الجرح
ونحفظ الجسم من التعرض لجرح جديد


ولا شنو؟

[حموودى]

سبحـــــــــان اللـهـ !!!
في ناس قالو الشيشه حلال وطبعا هي حراااااااااام لانها ضااارهـ وكل ضار حرااام
اذا كانت هي او السيجاير اوغيرو ولا للرجال او النسوان كلهم واحد في الحلال والحرام !!!
طيب يعني ماممكن تنصحوهم على الاقل تحاولو !!!

تقبلو مروريــ ..

ننصح منو؟؟؟


تاني شي للاسف الشديد الناس مابتتفق في الحته حقت التدخين حلال ولا حرام

وما حاتتفق اصلا
ومعظمهم اتجاه وااااحد بقولو دايرين دليل ولللضح ومباشر
غايتو ربنا يهدي الجميع

ويهدينا معاهم

تقبل مروري


.

[حموودى]

حمووودي ياقلب

كيفك وكيف ايامك عساك فاين

فاينين شديييييييييد والحمد لله

الموضوع عامل لي صداع من زماااان من يوم قعدة المغربية ديك

وانته من دييييييييك وعيييييييييييييييييييييإييييييييييك

:D

[color=#FF0000
بجي المساء عشان أدلي بدلوي في الموضوع دا
ارجاني وخلي العكاشة دا قريب

وانا قاااااأااااااااااااااعد

.

يديك العافية

ولييييييييييييييييييييي قدااااااااااااااااااام










و..................الباقي على الله

تسلم يارااااااااقي

.



بث






.

[ودالدرديري]

حموودي ياخ كيفنك وأريتك طيب

لكن مابسألك ... قسمت الموضوع زي أم فتفت

والله شوف الموضوع دا انا وقفت فيهو كتير شديد
وعدتك اجي ارد بالليل وجيت لكن مارديت لأنو فعلا عايز تفكير
بالصدفة البحتة طلعت في نفس اليوم داك لمدينة جدة في مهمة عمل مفاجئة
المهم في المساء الشباب ساقو أخوك ودوهو حديقة عامة نظام ضيافة وتسلية وكدا
وطبعا الجو بتاع جدة اليومين دي ربيع ووجه حسن وحاجات زي دي
المهم اخوك بينما كان مبسوط - لاحظ بينما -
فجأة إذا بمجموعة من الحسان يدخلن ويختارن الجلسة القدامنا مباشرة
كانن خمسة من بنات بلدي البعتز بيهن شديد وفي أوائل العشرينات وجمال سبحن المصور
ربنا أداهن من كل شيء أفضل شيء سبحانه وتعالى
أول شيء طلبن شيشة أي والله شييييشة مع إختيار نوع المعسل بعناية يعني حريفاااات
تاني حاجة طلبن من الجرسون بطاقات شحن للجوالات بما يقارب ال200ريال سعودي
كل دا وأنا مزهول جداً
لاحظ انو الحديقة فيها عوائل من مختلف الجنسيات واللهجات
المهم بنات بلدي كانن مثال للبنات منحدرات الاخلاق بكل ماتحمل الكلمة من معنى للأسف
عبايات ضيقة جدا تبرز جميع المفاتن أكرر جمييييع المفاتن
ونسة وضحك بصوت عالي وضحكات غير متزنة أبداً
بعد خلصن الشيشة أو قل الخمسة شيش
تلاتة منهن طلعن علب سجائر من نوع مارلبورو أحمر + أبيض من شنط اليد
وصارن الخمسة يدخن السجائر وينفثن دخانه الى الأعلى في حركة واضحة جداً للجميع
هنا طبعاً إحترت في موضوع السجائر البعد الشيشة دا
غايتو إلا كان عايزات يثبتن بيها :D

طبعاً أنا قمت من مكاني بعصبية شديدة وطلعت الشارع والبيت جاك زول
وبعد داك المطار و.... الرياض جاك زول جاري جري

اها دا في بلد الغربة حيث من المفترض التمسك بعاداتنا وعكسها للآخرين في صورة حسنة
فكيف بمايحدث داخل السودان ؟؟؟؟

لك الله ياسوداننا وياحليلك يالزمن السمح بالجد
زمن الزمن زين والخروف عندو ضنبين أو كما قال مبارك الترزي رحمه الله

يديك العافية حموودي وتاني بجيك

وليييييييييييييييييي قداااااااااااااااااااااام











و...............الباقي على الله

[الملثم]

الجرح ما بقيف منو النزيف
لأنو الجسم اتهرد
كلو ما تقفل جرح يتفتح ليك جرح تاني
نسبةً لوجود الكثيرين الذين لا يساعدون على
تنفيذ ما يؤدي للمصلحة العامة
و إنت بتقول ايدينا في إيدين بعض
كلامك ده بنخرط في موضوع بعنوان
( عوائق ما بين ايجابية التفكير و سلبية التطبيق)......