منتدى أنا سوداني

مرسل: **السبت 2009.12.26 8:48 am**

جميلةومستحيلة كتب:الفرح اخوى

بالتريقة دي حاتكونو عزابة طوالى وله شنو

وكية كية للعزابة

وكيتين للبايريكس

مرسل: **السبت 2009.12.26 8:51 am**

نهر المحبه كتب:هههههههههههههه
الله يسامحك ياخوي الفرح
اسي انت كنت غاطس المده دي كلها شان تجيب لينا كلام زي ده
فترت روحك لكن
شفت بعد الكلام القلته ده كللللللللللللللللللله
برضو قاعدين تبكو عشان مستنيننا

نحنا نبكى ؟؟؟؟ هييييييييييييييييييييكا

مرسل: **السبت 2009.12.26 8:53 am**

الفرح المهاجر كتب:[align=center]بتلقى يا رؤوف وااااااحدة حلوة
لاكن انت براك بتعزل قاعد
دى شينة ودى قصيرة ودى جنها تعليمات
دى بايخة........الخ لمن القطر يفوتك
الجكس كلو حلو الشوفتو برا وجو السودان
عسل عديل[/align][/size]

ايوة ياعم ارفع ليهم معنوياتهم خليهم يفرحو حبتين

مرسل: **السبت 2009.12.26 9:58 pm**

رءوف كتب:نحنا نبكى ؟؟؟؟ هييييييييييييييييييييكا

كمان عايز تنكر انت بالذات الراكوبه لمن قربت تقع منك ومن البكى بتاعك
هاك منديل

مرسل: **السبت 2010.2.27 11:09 am**

إن بقيت بخيت ربنا يديك مرا هدية ورضية...السماحة ماضروري لأنو بعد
شوية ماحتكون سمحة...حتكون عادية..نصيحة ليك النسوان البقولن ليك ديل أوعك تعرس منهن واحدة!!]
1/الفنانة والحنانة والحردانة:
أ/الفنانة:دي حتمرق معاها وتقعد تحوم في الحفلات وتشوف ليك كرسي قداااام
تقعد فيهو شايل عكازك وسكينك في ضراعك وعينك عليها إن راجل بشر ساكت تتحنفش وتقوم إلا يهجروك إتنين مانعين علي الكرسي وتجو نُص
الليل راجعين أهلكم والنهار كلو نايمين...
ب/الحنانة: طول النهار برة البيت تحنن في نسوان الرجال وهي كرعيها يكون ماشافن الحنة من سنة ستة والنهار كلو إنت تحاحي في الشفع مايلمسوا
الصبغة...
ت/الحردانة: دي حتكرهك حياتك!!! أقل كلمة تتلفح توبها وتجري بيت أبوها وتلحقها إنت وتلقي أبوها...تقعد في طرف العنقريب تطقطق في أصابعيك ومدنقر في الواطة داير تراضيها وترجع البيت...أحسن حل إنكم تسكنوا مع ناس أبوها أو تجيبوا ناس أبوها يسكنوا عندكم عشان توفر المشاوير والجري..
2/ المدرسة والمدبرسة والمفلسة:
أ/ المدرسة: أول حاجة دي مابتقدر تفرق بينك والطلبة !!! وحتقعد تعيد وتكرر في الكلام مليون مرة ومابعيد في الأخر تقول ليك فاهم ياشاااااااااااااطر...
ب/ المدبرسة: تلقاها طول النهار زهجانة وأخلاقها في طرف نخرتها ولو كلكلتها ماتضحك..في النهاية دي حتوديك التيجاني الماحي نزيل إكتئاب...
ت/ المفلسة: دي مادايرة أي شرح!!!
3/النوامة والحوامة واللوامة:
أ/ النوامة. تجي من الشغل نص النهار زهجان تلقاها تانية المخدة وخاتة إيدها تحتها وتشخر وريالتها سايلة وحالتها بالبلا تكرهك اليوم الفكرت فيهو تعرس...
ب/ الحوامة: طول اليوم فوق كرعيها زي عربة الوساخة لايصة الحلة من بيت لي بيت وتدخل البيت قبل رجوعك من الشغل بي خمسة دقائق تجري تولع النار وتديك القطر قام وأول ماينتهي الغداء تدخل في سفنجتها إستعدادا لجولة جديدة...
ت/ اللوامة: ده نوع مزعج جداً لو جبيت سيرة أخوك ساااااااكت تفتح فيهو:
الله يسألني سنتا ديك وكت إنت سافرت وخليتنا بلا قروش وسافرت يدخل علينا ويمرق مدلدل إيديهو ولا كيس موز ساكت ماجابو لينا...والعجب أمك
....هييييييييييي والله أمك دي أصلها مابتريدني ومن تشوفني تنطلق فيها النيران وتمد قدومها...
4/ البوبارة والكوبارة والخبارة:
البوبارة دي تحملك فوق طاقتك وتشريك المابنشري ولو جونكم ضيوف في البيت تجري علي علبة الدهب وتتعنكش كلها وتقعد تنضم بي إيديها وكرعيها ورقبتها وأضنيها عشان توري الناس الدهب...
ب/ الكوبارة دي تكبر ليك أي موضوع وتسوي ليهو توم وشمار وتقول ليك
(ناس القبور دقوا الطنبور) ولو شافع من شفعك عتر ووقع!!! هيييييييييي
تخُت إيديها في نص رأسها وتصرخ وووووووووب علي ووووووووووب
علي الولد مااااااااااات والمصيبة لو كنت نايم وسمعتها تقوم مخلوع وتمرق
من الأوضة جري ولو كان عندك قلب تمرق من المهد إلي اللحد طوالي...
ت/ الخبارة!!!: دي بتحب الخبورات والشمارات زي عيونها ولو في نضم تلقاها سكتت الشفع عشان تسمع الجيران!!! مالهم بيهرجوا وصوتهم عالي
ولو كانت بتكوي ليك في قميص ولا جلابية قطع شك حيكون أو تكون من أعداد ضحايا مصنع الشفاء وممكن الملاح يحرق, الجردل يكون تحت الماسورة
يتملي ويغرق البيت وحرمكم المصون واقفة فاتحة خشمها زي التمساح في نص الليل تتصنت علي الجيران.
5/ الممحوقة والمطلوقة واللايوقة:
أ/ الممحوقة: دي لو جبيت ليها دكان كاااااامل ختيتو في البيت تكملو في يومين..
ب/ المطلوقة: واضحة وضوح الشمس في السوق العربي ومادايرة أي شرح
ت/ اللايوقة: دي حكايتها تانية!!! تمسك في موضوع يحلك منو الجليل الرحيم
: يادا....هوووووي...الليلة يايمة طرشتَ؟؟؟....وقدُر ماتطنش أنت هي تزيد
إصرار وممكن لو عدمت الحيلة تجي جنبك وتخجك خجة جااااااااامدة عشان
تنتبه للنقة...

مرسل: **السبت 2010.2.27 12:15 pm**

دلوعة

ايوه ورينا

اتنورنا

جني وجن النقة

مرسل: **السبت 2010.2.27 8:44 pm**

والله يادلوعة دمك عسل ضحكت شديد وانا بقرا موضوعك .. تحياتي

مرسل: **السبت 2010.2.27 9:54 pm**

[align=center]تسلمي يا الدلوعة
بوستك جميل
الله يعطيك العافية
ولك التحية [/align][/b]

مرسل: **الأحد 2010.2.28 12:52 pm**

تسلمو ياحلوين وشكرا ليكم

مرسل: **الأربعاء 2010.3.10 7:12 pm**

ganat كتب:ابرى واسبرى من الصفات دي
بالمناسبة البنات اتطورو وصفات التخلف دي خلوها من زمان ههههههههه
مش كدة يا بنات

شكرا على المرور الطيب

مرسل: **الأربعاء 2010.3.10 7:20 pm**

7- النوامة :- تجي من الشغل نص النهار وزهجانه .. تلقاها ( تانية المخدة ) وخاتها ايدها تحتها وتشخر .. وريالتها سائلة .. وحالتها بالبلا .. وتكره اليوم الفكرت انت فيهو في التكاثر
هههههههههه والله مواضيعك كلها ابداااع
الصفة دي فيني اعمل شنووووو؟؟؟؟؟

مرسل: **الأربعاء 2010.3.10 7:30 pm**

هى يأبعاج ياخوى عاد ديل مايهم نسوانا
نمش منهم وين
يعنى الصفات دى كلها موجوده فيهم

مرسل: **الأربعاء 2010.3.10 7:31 pm**

شكرا علي الموضوع
تقبل مروري
بس ممكن توصف مواصفات رجال السودان
بنفس الطريقة
تحياتي

مرسل: **الجمعة 2010.7.16 10:35 pm**

أنواع النساء
إن بقيت بخيت .. ربنا يديك مرا هدية ورضية ..
السماحة ماضروري لانو بعد شوية .. ما حتكون
سمحة حاتكون عادية .. نصيحة ليك النسوان
البقولن ليك ديل اوعك تعرس واحدة فيهن ،
الفنانة والحنانة والحردانة والمدرسة والمدبرسة
والمفلسة والنوامة والحوامة واللوامة والبوبارة
والكوبارة والخبارة والفشارة والممحوقة واللايوقة
أها نمسكن واحدة واحدة

1. الفنانة :- حاتمرق معاها وتقعد تحوم .. في الحفلات
.. وتشوف كرسي قدام وتقعد فيهو شايل عكازل وسكينك
في ضراعك وعينك عليها .. إن راجل بشر ساكت تتحنفش
وتتخنفش وتقوم .. إلا يهجروك اتنين علي الكرسي ..
وتجوا نص الليل راجعين اهلكم والنهار كلو نائمين

2. الحنانة :- طول النهار برا البيت .. تحنن في نسوان
الرجال وهي كرعينها يكونن ما شافن حنة ليهن سنين ..
والنهار كلو إنت تحاحي في الشفع ما يلمسوا الصبغة .
3. الحردانة :- دي حا تكرهك حياتك اقل كلمة تلفح
توبها وتجري بيت ناس ابوها وتلحقها انت وتلقي
ابوها تقعد في طرف العنقريب .. تطقطق في اصابعيك
ومدنقر في الواطة وداير تراضيها ترجع البيت .. لكن
احسن حل يا تسكنوا مع ناس ابوها .. ياتجيب ناس
ابوها عندكم .. عشان توفر المشاوير والجري .
4. المدرسة :- اول حاجة دي ما بتقدر تفرق بينك وبين
الطلبة .. وحتقعد تعيد وتكرر في الكلام مليون مرة .. زي
برنامج من الامس في التلفزيون .. وممكن جداً تسرح
وتقول ليك فاهم ياشاطر.
5. المدبرسة :- تلقاها طوالي زهجانة .. وشايلة اخلاقها
في طرف نخرتها .. وان كلكلتها ماتضحك وفي النهاية
حتوديك التجاني الماحي ..... نزيل اكتئاب ..
6. المفلسة :- مادايرة أي شرح .
7. النوامة :- تجي من الشغل نص النهار وزهجان ..
تلقاها ( تانية المخدة ) وخاتها ايدها تحتها وتشخر ..
وريالتها سائلة .. وحالتها بالبلا .. وتكرهك اليوم الفكرت
تعرس فيو
8. الحوامة :- طول اليوم فوق كرعينها .. في الحلة من
بيت لبيت .. وتدخل البيت قبال ما إنت تجئ من الشغل
بخمس دقائق .. وتجري تولع النار وتطبخ ليك ( القطر قام ) ..
واول ما ينتهي الغداء تدخل في سفنجتها إستعداداً لرحلة جديدة .
9. اللوامة :- دا نوع مزعج جداً .. لو جبت سيرة اخوك ساكت
تفتح فيهو ، الله بسألني سنتنا ديك وكت انت خليتنا بلا قروش
وسافرت .. يدخل علينا مدلدل ايديهو .. كيس موز ساكت ما
بجي شايلو .. ولو جبت سيرة امك هي والله امك دي اصلها ما
بتريدني من تشوفني تزعل والنار تنطلق فيها .. وتمد قدومها ..
ووليداتي ديل السلام يا الله ويا امين تسلم عليهم .
10. البوبارة :- دي تحملك فوق طاقتك تشريك المابنشري ..
وجية الناس في البيت تجري علي علبة الدهب وتتعنكش كلها من راسها لي لكرعيها .. وتقعد تنضم وتكشكش بايديها وكرعيها ورقبتها واضنيها ،، عشان شوفوني.....
11. الكوبارة :- دي تكبر اي موضوع .. وتسوي ليهو توم
وشمار وتقول ليك ناس القبور دقو الطنبور .. لو شافع من
شفعك عتر ووقع تصرخ وتخت ايديها في نص راسها وبي طول حسها ووووووووووب عليً خلااااااااص مااات قصً رقبتوا
تسمع الفريق كلو والمصيبة لو انت كنت نائم وسمعتها .. تقوم مخلوع وتمرق
مخلوع وتمرق تقول القيامة قامت اما لوكان عندك قلب مرضان .. اللحظة ديك ......من المهد لي اللحد
12. اللايوقة :- دي حكايتها تانية .. تمسك في موضوع يحلك منها الجليل الرحيم .. يادا هوي يادا الليلة يايمـــة طرشت ؟؟؟؟
وقدر ما تطنش هي مصرة .. وممكن تجئ وتخجك خجة جامدة
عشـــان تنتبه .............................. للنقة .

مع الاعتذار لأخواتنا بنات حواء ........

مرسل: **الجمعة 2010.7.16 11:00 pm**

لك التحايا اخوي ابو صديق

إنت ماكويس وبتعرف انواع النسوان كلهم

ودام بتعرف الانواع اكيد بتعرف تتعامل مع كل واحده

عشان كيده انا مستغربه زروك وإنت في المنتدى كيف

وماقدرت تخفض العقوبات المفروضه عليك لحسي

هاهاهاهاهاهاها

على العموم الحمدلله انا ولاواحده فيهم لكن نوع جديد

مرسل: **الجمعة 2010.7.16 11:19 pm**

ذكرى الجراح كتب:
لك التحايا اخوي ابو صديق
إنت ماكويس وبتعرف انواع النسوان كلهم
ودام بتعرف الانواع اكيد بتعرف تتعامل مع كل واحده
عشان كيده انا مستغربه زروك وإنت في المنتدى كيف
وماقدرت تخفض العقوبات المفروضه عليك لحسي
هاهاهاهاهاهاها
على العموم الحمدلله انا ولاواحده فيهم لكن نوع جديد

والله يا اختي قساوة قلب حواء صلدا
ولا أدري ألأن الشيب يجتاحني أم أن الهواء قتلني

ثمّ لم يُحيين قتلانا
الزره حــارة بس المجازفات في كتيرة
وإستعنت بصديق وبعض مخارج الطوارئ

مرسل: **الجمعة 2010.7.16 11:33 pm**

عليك الله لمن تطلع من الزره ديه ورينا

عشان نبارك ليك ونستفيد منك

ولو عايز اي مساعده إحنا في الخدمه مابنقصر منك تب

وبرضو انا ولا واحده في ديل

منتدى أنا سوداني

وصايا سودانيه (ان بقيت بخيت ربنا يديك.....)

رد: الــدايــــــــــــــــــــــر يعــــــرس منـــــــــــــــــو ؟؟

رد: الــدايــــــــــــــــــــــر يعــــــرس منـــــــــــــــــو ؟؟

رد: الــدايــــــــــــــــــــــر يعــــــرس منـــــــــــــــــو ؟؟

رد: الــدايــــــــــــــــــــــر يعــــــرس منـــــــــــــــــو ؟؟

كل واحد يقول ان شاء الله متكون دي وكل وحدة تقول ان شاء الله مااكون انا.

رد: كل واحد يقول ان شاء الله متكون دي وكل وحدة تقول ان شاء الله مااكون انا.

رد: كل واحد يقول ان شاء الله متكون دي وكل وحدة تقول ان شاء الله مااكون انا.

رد: كل واحد يقول ان شاء الله متكون دي وكل وحدة تقول ان شاء الله مااكون انا.

رد: كل واحد يقول ان شاء الله متكون دي وكل وحدة تقول ان شاء الله مااكون انا.

رد: حريم السودان وصفاتهن

رد: حريم السودان وصفاتهن

رد: حريم السودان وصفاتهن

رد: حريم السودان وصفاتهن

أنواع النســــــــــــــاء

رد: أنواع النســــــــــــــاء

رد: أنواع النســــــــــــــاء

رد: أنواع النســــــــــــــاء