كلمات الأغاني السودانية

[بانه]

حسنك أمر

- صلاح بن البادية



حسنك أمر
احمل صبابات الهوى
حسنك أمر
وأحضن براي نار الجوى
لا كلّ قلبي ولا فتر

حسنك أمر
وآ لهفة القلب الحنين
وآ لوعتو
شايل عذاب الغربة يحلم منتظر يوم
رجعتو
أبكاه في درب السفر لكنو حابس
دمعتو
وآ ضيعتو لو ما رجع من غربتو
وآ ضيعتو
لو ما هجد بعد السهر وإرتاح على
خصل الشعر


حسنك أمر
و الشوق بحور ماليها حد
ماليها قيف
حسنك امر
أعبر بحر يمتد تاني بحر جديد
وإحتار وأقيف
حسنك امر
قول لي كيف اقدر اصل إحترت قول
بالله كيف
حسنك أمر
وآ لهفتي وآ لهفة القلب الرهيف
حسنك أمر
زي قارب الليل أغرقوا ما إتوسد
آفاقو القمر

حسنك أمر
مهما صعب درب الوصول لازم
اصل
ما بتشكي في دربك قلوب مابتزرف الدمعات
مقل
نتحدى دربك لو يطول
ومين غيرنا نحنا بيحتمل
وأيه يعنى فى دربك هجير للكل نيران
تشتعل
وأيه يعنى لحظات انتظار للعمرو ضاع من غير
عمر

[بانه]

سال من شعرها الذهب

- صلاح بن البادية



سال من شعرها الذهب
فتدلى وما انسكب
كلما عبثت به
نسمة ماج واضطرب

النسيمات والخصل
فى عناق وفى غزل
نسجت حوله القبل
موكبا يغزل الطرب
فيه من سمرة الأصيل
شعرها المذهب الجميل
ثغرها اليانع البليل
كرزة حفّها العنب

يا حبيبي أكلما
قلبيّ المغرم احتمى
بك وانزاح ملهما
عاد كأسا بلا حبب
فارهٌ - مترفٌ - لدنٌ
فنن لا - ولا فنن
هزنى الوجد والشجن
فى الهوى قلبى إغترب

رقص الورد والزهر
مهرجانا على النهر
سال فى الشط وانهمر
عطره الحلو وأنسرب
أي غصن إذا انثنى
فيه تحتشد الدّنا
والثريات والسّنا
غير بدري إذا احتجب

عشت في الحب منتهى
فيه لكن بلا انتهاء
تائه .. ذاهل النّهى
شفّني الوجد والطرب
إن تكن – أنت - لم تزل
يوم بدر المنى اكتمل
نحن شلناك في المقل
وقعدنا على اللّهب

[بانه]

الوردة

الفنان : محمد ميرغني


تعرفي حتى الوردة
بتضارى نداها وتخجل
شان انتى الأحلى وأندى

ولو مرة مشيتى حديقة = الفل لو نايم بصحى
ويوزع كل عبيرو = ويقرب يطير بالفرحة
والجو بحلو من تانى = والجلسة بتصبح سمحة
والزول الطالع برجع = يتأمل أجمل لوحة
ما أصلو نعيم الدنيا = يا دوبو معاكى بيبدا
شان انتى الأحلي وأندى

وان كان اللون الوردي = منسوب للوردة زمان
الليلة الناس مقتنعة = حق مين اللون الآن
والشامة الحلوة الطلت = والبيها صفاك ازدان
زي أدت لونك بعدو = واتجلى علي الألوان
ولو باكر لينا رجعتى = حنقول ما أحلى العودة
شان انتى الأحلى وأندى

[بانه]

ضــــــــــــل الغيمــــــــــــه

- محمـــــــــد جـــــــــباره


ضل الغيمه غش قليبي قال ينجمّ خت رحالو
فات خلاهو للكان ظنو في عز الهجير يرتالو

عاد وريني ليه يا غيمه ماك عارفي السفر وأحوالو
ولا قليبي تحتك حالفي ما يطيبلو المقيل يحلالو

ضلك من بعيد يا غيمه كان دايماً بيتمارالو
جافل منو لكن برضو كان عاقد عليه آمالو

جاييك من بعيد يا غيمه قاصدك داير يريح بالو
والله لحظات بس يعيشهن هاني تحتك زي عُمر تبقالو

فاكرك والهجير يا غيمه صاليهو مبشتن حالو
ولا بي تحنان تحضني عليكِ تمسحي منو دمعات سالو

إنتِ لو كان ليكِ قلب يا غيمه عاشقك فات رحلبو شالو
ولا كان واديك دمعك رشّ كترت عربو في حلالو

مادام فُتي آه يا غيمه قصدو الدايرو ما تمالو
ولا شن الحارسو باقي وراكِ مادام غرزو تب ما نالو

بالليل والنهار يا غيمه ناوي يقوم علي ترحالو
وحده خلاص يواصل تاني مشواراً كتير يهوالو

قوليلو الوداع يا غيمه لو كان في الوداع يلقالو
ولا حبة زاد يشيلا معاهو في سفرو ليالي الطالو

داير يوصيكِ هاك يا غيمه لي زولاً قبيل غنالو
ولا تمشيلو توصفي ليهو كيف جمر الغرام سوالو

كيفن بُعدو آه يا غيمه تب في الدنيا ما خلالو
ولا غير جرحاً يزيد إيلامو كل ما صحبو قالوا وقالوا

غير بيت من قصيد يا غيمه يفرِح حتى لي عُزالو
ولا مهما سو فوقو وجابو زادولو الملامه وكالو

غير طيفو الحبيب يا غيمه في دنيا العذاب هلالو
إتذكر زمانو الولى رقّ قليبو تب حنالو

غير قيداً خلاص يا غيمه معقود وإنعدم حلالو
والله رغم البيهو قولي ليهو ما فارقت لحظه خيالو

[بانه]

بت البلد

- أداء محمد جباره
وبلا خبر
طق الخبر مالي البلد
قالوا العريس قام بالأحد

الحلي جاطت والحريم يتهامسن
جاي الولد
كوم من بنات للبير ورد
يتحدثن جاي الولد
يا بختها وا شوقنا
نحنا اللينا جمر الشوق وقد
كل الحديث الليلي فوق بت البلد

لامن خلاص الليل دخل
آخر شعاع من الشمس روّح نزل
ضو القميره جا من بعيد بهر قدل
دافر ظلام الحلي قداموا وصل
ناس البلد النام رقد
والماسك السبحه وعبد
مشغول هو
بخبر العريس القالوا قام يوم الأحد

وهناك بعيد بي غادي في آخر الديار
راكوبة ضلها احر من حر النهار
كوم من بروش وجريد تمر عيدان صغار
ودلوق هدوم موروثة من زمن الكبار
وتلات عناقريبا صغار
كرابة متقطع نزل
والنوم من البيفوقا روح تب جفل

راقد هناك كوم من ضياع
مركب مسافري بلا شراع
احلام مسافري بلا وداع
ودموع ضياع تنجارى
من غير انقطاع
احرف أنين ما خطتن ايد بي يراع
وليلا نجومو يودعنو
خلاص مسافرات هن سراع

بت البلد عبراتا سدت في الحلق
تبكي وتنوح تشرب دموعا وتنشرق
لامن حسيس نقارة جاها من الشرق
قامت مع الليل صنقرت
وبكت بكت شالت طريحتا
للدميعات كفكفت
فجأة سنين الفاتو جن
وايام زمان إتلملمن

واتذكرت كانت تقوم فجر الصباح
لمن يقوم اهل الصلاح
ابوها شايل السبحي صاح
ياشافعه سوي الشاي سريع
شدي الملاح
شيلي المناجل وامشي قدامي الجرف

اتذكرت كانت تسبقو تمشي تنزل بي تحت
تمسك سبيط التمرة بي ايدا وتحت
تقعد تحش اللوبي للكاويق تقش
تصل البحر والموج يداعبا فوق هدوما ينط يرش
بعدين تشيل القش تفوت
واليوم يفوت
وتفوت سنين وتمر سنين
يكبر عمير بت البلد
يكبر معاهو كمان حنين

في يوم صباحو صباح هنا
واحة عبير نغمة غنا
ريحة لبيني مقننة
مر الجنى وسلم علي بت البلد
زي عادتو سلم وابتعد
تابعاهو عين بت البلد
بت البلد سمعت ضريبات القلب
يا الله مالو ده القلب
بعد الثبات كبفن خرب
بت البلد عرفت تحب

واليوم داك بت البلد ما جاها نوم
مادام خيال ود البلد يمشي ويحوم
بين الخيال شافت وجيهو الهاش وباش
شافت عيونو الفيها فيض احلاما عاش
شافت سحاب الريدة فوق واديها راش

بت البلد تاهت مع الشوق الما عاد ينكتم
والصوره ها دي في قليبا بتترسم
إسمو العلي نونة خديدا صبح وسم

تاهت مشت سايقاها دقات الدليب
لي دار حبيبه منى القليب
لي قعده عصراويه فوق العنقريب
للونسي والخاطر يطيب
لي مسكه في إيد الحبيب
الوقفه قدام الجنات
القرمصيص وغنى البنات
يالله وين تلقى الثبات
والصفقه من تال الولاد
ما بتسمعا وجاياها من آخر بلاد

اتذكرت كبف حاج محمد والدا
حالف يمين ود البلد ما ياخدا
لو كان ركع قداما صلى ويعبدا
أتذكرت كيف حاج محمد والدا
قال ليها ما عندك أدب
تعبان سنين فوقك تعب
واديكي لي زولاً كعب
تربال وعيشتو عدم عدم
لو قاري لو ماسك قلم
تاخديه تندمي صح ندم
يشقيكي يوريكي الالم

واتذكرت كيف حاج محمد والدا
وصف العريس الجاي بي قطر الاحد
كتر محاسنو وعددا
راجل موظف عندو مال
يأويكي في بيت الحلا ل
تبقيلوا لي امو العيال

واتذكرت لامن ابت
قول حاج محمد والدا
كيف نهرا وحالف يمين بيودرا
لو مارضت بالجاي بي قطر الأحد

إتذكرت كيف الحبيب ود البلد
في الغربه روّح وإبتعد
وبكت بكت بت البلد
لما الخبر زاع في البلد
إنو العريس قام بالأحد
الحلي جاطت والحريم يتهامسن
جاي الولد
كوم من بنات للبير ورد
يتحدثن جاي الولد
يا بختها وا شوقنا
نحنا اللينا جمر الشوق وقد

لكنهن ما عرفن الشوق كيف وقد
وما عرفن انو هي شوقا تب ماليهو حد
مو ليس للعريس ليهو الحبيب ود البلد
ده الراح وفي زحمة ضياع هو ما اتوجد
يا حليلك انت يا بت البلد
ويا حليلك انت يا بت البلد

[بانه]

الحــنين
أداء الفنان : محمـــد جــباره


الحنين وداني جيت بالساقي سادر
قلت انشد ناسا عن زولي المسافر

الحفير شـوف عيني يبكي معاي يكابر
دمعو جدول جاري لي بيتكم مجاور

قال لي وين ما بنت طوّل ماك ظاهر
دار اجيكم قتلو لو كان لاقي خاطر

كانن الايام حنان بالحيل نواضر
الله يلعن حظي شوم يا اخواني عاسر

لي محل اللقيا سقت خطاي ازاور
استعيد الماضي اتعللبو صابر

احضن الاغصان واهيم في وهم سادر
وحدي تحت المنقة للأحزان مصاقر

مالو من خلاني ما يكتب يخابر
بس لعلّو المانعو خيروكتر بشاير

ناس فلان قالوا لي طاريك ديمة ذاكر
بي غرامك قلبو ديمه ملان وعامر

لابس الاخلاص حرير وهلال واساور
قلدوه فوقوا اكليل من ازاهـر

آه تقاليد ريفنا يا الابو ماب تشاور
نحن سرمأساتنا بتنا قولا قاصر

برضي بمحبوبتي مهما كان بفاخر
أنا زولتي خلقت مني زول فنان وشاعر

مـن جراحي ونوحي والاذي والدرادر
أنا من جحيمي الفيهو مرمي كأني كافر

من ضيا القمره البشق الليل يدافر
من حسيس طنبوري يرن في روعة يناقر

من فؤادي وروحي من آخر وآخر
بهدي أجمل شعري لؤلؤ در جواهر

[مرسال الشوق]

الزيـــارة ..


أفكاري الحيارى
ضاعت بإختيارا
حبيبي آه أنا قلبي تاه في يوم الزياره
الدنيا وعمارا
و الجنة و نعيما بزهورا و ثمارا
الناصع بياضا و الخاطف صفارها و الفاتح حمارها
فصود في خدود يضون و خدود بدون أماره
يرسلوا نور ملون أحمر أخضر أصفر
فاتن يا سماره
إلتفت و أهداني نظرة بزري بالزهر و إزدهارا
مثلت فيها الوداعه و خفة الروح و المهاره
دا الجذب قلبي بي فنه
نظرة مني ونظرة منه و إرتفعت الحراره
و إلتهبت العواطف و أصل النار شراره
شال منام عيني و توارى
سابني وحدي أشدو وجدي
و أرسل الآهات مرارا
ماهو عارف البي لأنه لسه ننّو
حوله ناس بالعيد يهنوا
و ناس متابعنه ويغنو
و أنا روحي ليه تتوق
داعيها حادي الشوق
هايمه في ليلها ونهارها
و إنت يا الناعسات عيونك
الله لعيوني السهارى

[بانه]

قسيم الريد

- محمد خضر بشير





ياقسيم الريد تعال ليا
وكيف أضيق بعادي
انت المالك فؤادي
غرامي وسهادي
وشوقي وجهادي
وجدي وإجتهادي
دا الخلاني ليك بنادي
ياحنين الريد

من قلبي قلبك عرف
أنا غيرو لا أعترف
الزوزو رمز الالف
كيف فراقنا بعد الولف

ياشتلة الوردي
ويالجوهر الفردي
وفي إختلاف وعدي
غابت نجوم سعدي
وطال في هواك بعدي
ياحنين الريد

وبي قربو ببقى سعيد
أنا دوبت كفاي تهديد
لو يرضى سمير قلبي
وموالي يتم الريد
ياحنين الريد

اهواني بالإجمال
في صفحة الآمال
الروح فداك والمال
المال فداك والروح
أنا لي فيك آمال
وضاعت مع الإهمال

[بانه]

أنا يا طير

- عصام محمد نور



أنا يا طير
أنا يا طير بشوفك
أنا يا طير
محل ما تطير بشوفك

وفرحان
فرحان وبتغني
وحبيبك معاك
وحبيبي غاب عنى

أنا يا طير حبيبي
للآلام تركني
ادلل عليّ
وبالهجران هلكني
وزعلان ....
وزعلان منى صد
حبيبى زعلان
وزعلان منى صد
بي رأيو استبد
اتناسى الموده
وإعتاد التجني

أنا يا طير موله
محزوناً لاني
وحيد وحبيبي غايب
وآه يا طير
وتاني على مصايب
من أدهى الغرايب
لي اقرب حبايب
صدو وراحو منى

وياريت ....
ياريت لو كنت زيك
لو يجدي التمني
حبيبي يكون معاي
وفي الأشجار نقيل
وبالأغصان نميل
بي خفه جناحك
حرية صراحك
وفى الأفنان نغني

[بانه]

أنت عارف أنا بحبك

- عصام محمد نور

أنت عارف أنا بحبك وبحلف بك
ولا ماك عارف بالمره

أنت صارف عني مده
أنا خايف تتحدى
طمني تعال نبدأ
التعارف والتآلف والمودة
يا حبيبي من فضلك
طاوعني جاملني لا تخالف
واحده مره

أنا شايف المحاسن
الطرائف في صمتك
و في كلامك
وفي عيونك في ابتسامتك
في خدودك في قوامك
أنت جالس وأنت ماشي
وأنت واقف
وأنت نايم صغير غرير الطرف حالم
ما ك عارف طرفي جفا المنام
آلف الحب والوئام
مع الجمال بالعواطف
في غرامك استمر

متين أصادف
رضاك عليّ توالف
أراك مناي حياتي حبك المحبة
حبيبنا مره .. زورنا مره
بلاك أشوف النور ظلام
وأضوق طعم كل حاجه مُره
وزورنا مره
مما رأيتك بالقرب مني
هل تدري إني بسعد أظني
أحس بي عظمه وشأن كبير
افرح كتير فرح كبير
وأكاد أطير من الفرح
بالأمل أحيا وأحالف المسرة

[waya]

رجع البلد
الموسيقار / محمد الأمين
***
...
جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورت البلد
العذاب فارق طريقنا
والعيون سهرن هجد

[سمارا]

عقد الجلاد \ امونه

ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى
يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني
سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية


,,

زول يتكرم ويوريني المعني عاجباني الغنيه دي وما فاهماها

[waya]

أغنية : اللهفة

كلمات الشاعر : عبد الوهاب هلاوي

أداء الفنان الراحل الرائع عليه الرحمه : زيدان أبراهيم

ـــــــــــــــــــــــــ

لو تعرف اللهفة والريد والعذاب..

والشوق بطرق فى دروبك الف باب...

لو تعرف دى الدنيا من بعدك سراب..

ماكانت روحت وكنت طولت الغياب ...

***

كنت فاكر الشوق يجبك والحنين..

وتعود لقلبى الفى هواك صابر حزين...

لكنو بس طال الصبر بالسنين...

يا الروحت طولت الغياب ..

لو تعرف اللهفة والريد والعذاب..

والشوق بطرق فى دروبك الف باب...

لو تعرف دى الدنيا من بعدك سراب..

ماكانت روحت وكنت طولت الغياب ...

***

الليل حزين دمعاتى صامته بتبللو...

ممتد طويل ماليهو حد فاقد نهايتو...

بالله كيف اقدر اطيق واتحملو...

يا الروحت طولت الغياب ..

لو تعرف اللهفة والريد والعذاب..

والشوق بطرق فى دروبك الف باب...

لو تعرف دى الدنيا من بعدك سراب..

ماكانت روحت وكنت طولت الغياب

[waya]

ألم الفراق

كلمات الشاعر العملاق عبد الرحمن الريح

غناء الراحل المقيم أبراهيم عوض

....

أحكي ألم الفراق و اشكي

لمين انا أحكي

يوم الحبيب ودعني راح

ضاعف علي ألم الجراح

كان لي أمل أجد إنشراح

وأجد مع المحبوب صراح

كانت دموع عيني تسيل

كلما أشوف وجهو الجميل

بين الزهور وعلي النخيل

بكت الطيور يوم الرحيل

....

مهما تزيد الروح ضرام

ليك الوقار والأحترام

أحب كتير أيام أراك

أنت المني وأنت المرام

....

ياروحي ما هذا الصدود

و انا دمعي جاري علي الخدود

لو كان قليل خليك ودود

فرط الدلال فات الحدود

....

انا يا حبيب عاشق أسير

أعتز بيك و أهواك كتير

لو قلت لي غيرك سمير

مولانا عارف الفي الضمير

....

انا يا حبيب الروح محال

أنساك لو هجراني طال

لو أبعدك عني الدلال

لا بد من يوم للوصال

[waya]

الطـــــــيف - محمــد كـرم الله

,

حتى الطيف رحل خلاني ما طيّب لي خاطر
أما النوم أبا وجافاني .. وأصبح داجّي ساهر
*
قليل يا طيف أقيف وأرجاني .. وين فايتني عابر
شن حارس وراك أنا تاني.. ياني معاك مسافر
*
لا لا .. لا تقول لي .. كدي استناني.. أمشي وأجيك باكر
يبقى أنا ما ألم فيك تاني.. مين عارف المصاير
*
هاك اسمع رنين ألحاني .. وأبقى معاي سامر
خفف لي قليل أحزاني .. ياما أنا عشت صابر
*
شوف كيفن يسوي زماني .. ديمة علي جاير
آه مر العذاب وراني .. سهمو في قلبي غاير
*
شوف الليلة كيف بستاني .. دا الكان باشّي ناضر
من حر السموم بيعاني .. طيرو يفر يهاجر
*
جفّ يبس صبح صناني .. لافح حرو كافر
عدمان الضليل سواني .. مجنون قالوا شاعر
*
كل ما تمر تعدي ثواني .. منو اسراب تغادر
رحلوا الفيهو صر وحداني .. نازل ومرة سادر
*
أحوم .. أرجع .. أصد لبكاني .. مقطوع راسي حاير
وين أحبابي وين خلاني .. آه يا الله قادر
*
ما عارف العلي تراني .. فوق كرعي ساير
وأسكت أسوي في أوزاني.. أشعار مالا آخر
*
وإت ياطيف عليك أحزاني .. ليّ شوية كابر
عشان خاطر قليبي عشاني.. لحظات بس تخاطر

[waya]

شوق السنة

الفنان : خوجلي عثمان
للشاعر : الفاضل محمد ابو قدير

يــا غـاليه يـا صـبح الـهنا
يــا نـور حـياتى الـما ونـى
انـسـاكى كـيـف اقـدر انـا
والـشوق مـعاى عـدى الـسنه
الـبـسمه تـحرق فـى الـحشا
والـخـطوة نـسـمه ووشـوشه
وكـــم لـلـجميله ومـدهـشه
الـشـوق مـعاى عـدى الـسنه
يـا حـلوه مـا طـل الـصباح
هـادى الـنسيم زاهـى الـوشاح
داوى الـقـلوب مــن الـجراح
انـا دايـر اسـيب ماضى النواح
لـكـني كـيـف اقــدر انــا
والـشوق مـعاى عـدى الـسنه
خـلـى الـجـفا وعـدم الـوفا
خـلـيهو زى مـاكـان يـكون
جـــل الـمـصور لـلـجمال
رحـمـاك يـا مـولاى صـون
يــلاك يــا مـشـوار نـغنى
لـلـسمحه ديـك سـت الـعيون
عـايش اكـيد انـا فـى هـواك
يــا حـلـوه داريـها الـعيون
مـشوار طـويل انـا فى رجاك
وعـذاب سـنين لـمتين يـهون

[ناجي عثمان عبد الرازق]

ما بنسي ليلة
كلمات محمد بشير عتيق



ما بنسي ليلة كنا تايهين في سمر بين الزهور
انا وانت والنيل والقمر


وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر


ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر



الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر


شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر


انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

[ناجي عثمان عبد الرازق]

حور الجنان
سيد عبد العزيز

مـن حـور الـجنان أم أنـت إنسان الكمال
هـل أنـت الملاك جيت تورى الناس الجمال


سـبحان مـن نشاك حسنه وفى غاية الكمال
يـهـواك الـجنوب وإلـيك يـنقاد الـشمال
وما أظن يحصوا حسنك لو يحصوا عدد الرمال
بـى إيه يقدروك يا ملك ملوك عصر الجمال


سـلطان بـهجتك مـحروس بجيوش الجلال
ويـغار مـن صـفا حسنك صفا ماء الزلال
فـى مراية خدودك أشوف تأكيد سحر الحلال
وأشـوف فى سما حسنك كل يوم يسطع هلال


صفا ماء الجمال فى مجال جمالك راق وجال
زى مـاء الـحياء فـى عيون ربات الحجال
مـا فـعل الـسلاح تـفعل عـيناك الـنجال
مـكسور الـطريف كـسر قـلوب الـرجال


يا خلاصة المعانى الصار معناك موضع مثال
فـوق الـمحسنات حـايز لطف وكرم خصال
آلـهة الـجمال اعـترفوا لـيك ما ليك مثال
وتـتمنى الـبدور تـقبيل يـداك بـى امتثال


يـا طايل الوريد يا أهيف يا اللى خصمه زال
فـيك مـنظر يحنن وفيك منظر فارس النزال
لـيك مـن الغزالة جبين وقاد وعيون غزال
الـحور مـن مـناصبها لى قدرك تكتب نزال


يـا الـغصن الـرطيب عاجبنى فيك الإنهدال
الـلادن قـوامك مـن مـلبن وذو اعـتدال
جـوهر حسنك الصافى وسيرك طاهرات عدال
آيــات بـينات مـا فـيهن لـلكافر جـدال


شـاركت الـغمام والـموج مـناظر وارتحال
شـاركت الـظباء فـى نـفرتن والإكـتحال
شـاركت القلوب فى موضعن وعلى كل حال
نـفداك بـالنفوس وفداء النفوس كان المحال

[ناجي عثمان عبد الرازق]

وداعاً روضتي الغنا
وداعناً معبدي القدسى
طويت الماضي في قلبي
وعشت علي صدا الذكره
وهذا الدمع قد يمضي
في ظلم المهجه الحيراء
لماذا الهجر ياحبي
لماذا دهرنا ضنا
وشبع روحي بالياس
وداعاً جنتي الغناء وداعاً معبدي القدسي
نسيتي الماضي ياليلي
ماضي الحب والطهري
ليالي نبقع الليله
بحلو النجوي والشعري
ليالي حبنا الاولي
نسيتي ليله اذ كنا
نفدي النفس بالنفسي
وداعاً روضتي الغناء
وداعاً معبدي القدسي
اظل اردد الشكوي
لما لا قيت من وجدي
حبيب الروح لا اقوي
علي حمل الهوي وحدي
ولما لم اجد سلوى كسرت ابريقي وادنا
وسكبت علي الثري كاسي

[ناجي عثمان عبد الرازق]

اقيس محاسنك
سيد عبد العزيز

اقـيـس مـحاسنك بـمن يـالدرة الـماليك تـمن
والله نــــور عـيـنـي ونـــور الــزمـن


مـاشفنا فـي طـول الزمن سواك بدري داخل كمن
الانــوار يـتزاحمن فـي خـدودك اخـدن امـان
ومـن فـاهك يـتقسمن بـروق في بروق يتبسمن


دي الـدنيا ام جـنة عـدن شـفنا ملاك لابس بدن
انـسان لـكن مـفردا حـاز الـنور حـاز الـلدن
غـصنه مـهفهف ام لدن هيبه اسد في عيون شدن


يـاالجبرة الـمازجة الـعجن جبينك زي فلق الدجن
جـسمك بـالطيب انـعجن اذا الـنسمات بيك عرجن
طـبـاق الـجـو يـتـأرجن والانـفـس يـتهيجن


رنـت نـرجس مـن الـوسن بعيونه الايمن جسن
ران ايـه الـحسن الاسن غصون الروض يتمايسن
فـي ذاك الـذي الـحسن وكـله حسن مالك حسن


عروض زي عارضيك صفن حلال سحرك ماسحر فن
كـواكب الـنور الـبلفحن بـي صـفاتك مااتوصفن
بـدور الـكون لو ينصفن يسجدن ليك مايكون وقفن


فـيك عـيون الرائين يرن محاسنك بالحسن ازدرن
مـهـما افـكاري يـكبرن ذي حـسنك مـايعبرن
مـع الـبدرين سيرك سرن ومن وزنك هن يقصرن