كلمات الأغاني السودانية

[mihrab]

جميـــــــــــــــــــــــــلة جدا

[waya]

يا جميل يا حلو
كلمات والحان وغناء
صالح الضي

يا جميل ياحلو
الدم الشربات و مكملو
في الغرام مين يشغلو
يا قلبي حاول و أسالو

قول ليهو بس من كلمتين
الحب ده ناس إتبادلو
نحن بنحبك من سنين
ولا حد عاجبك يا حلو
آه لو تضوق طعم الحنين
بالف يوم ما بتبدلو

في الدنيا كم من جميل
الدهر خانو وبدلو
ارحم شبابي.. و لي ميل
إخلاصي بان ليك اولو
شوف ريدي كيف صادق.. نبيل
أوعك تحاول تجهلو

رسلت ليك فاكرك حنين
يا حليل حنان الما سلوا
بعد الدموع أشكيك لمين؟
أرضى الكتير و استحملو
مهما تصد في كل حين
جبر الخواطر اقبلو
يا جميل.. ياحلو

[waya]

صرخة .. عقد الجلاد

لي وين و كيف لمتين يا ضحكة ضاعت وين
يا حزن يا مرتاح بين الدموع و العين
غابت معاك الروح و الليل حشد سهره
شباك حلم مقفول حس المسافة يطول للفاتو ما رجعو
يا سكة لي بيتنا يا عتمة يا مشوار يا شارع الحلة
ما ضاعت الذكرى للغابو و الحضروا
يا قمري يا قمرة يا سنسنة و حمرا
بسأل عن الافراح و الخاطر المرتاح
عن غنية فيها سماح عن الصباح الراح
لا ضوه لا أتره
لي وين و كيف لمتين
يا ضحكة ضاعت وين
يا حزن يا مرتاح بين الدموع و العين
علمنا يا مسكين ورينا عايش كيف
دي الريح و طول الزيف بيشتته المطرة
الفكرة قولة الحق و السلطة مبتسرة
و الخطوة نحوك كيف و السكة ديك خطرة
أطفالنا و الامات آمالنا و أحلامنا
الهس و الجايات طوالي في وكرة
لكن ده كلو يهون مهما الصباح مرهون و الفرحة محتكرة
ما البذرة مهما يكون حتبقى يوم شجرة
بذرتنامهمايكونحتبقىيوم شجرة

[waya]

شالو الكلام

كلمات : اسحق الحلنقي
أداء : حمد الريح

شالو الكلام زادوه حبه جابوه ليك
ظاهر عليك صدقتهم ما الجوه قلبك في عينيك
كل الحصل سألونا مره عشان يعرفو ظروفنا كيف
جات سيره الريد الزمان ثم الولف جاب الوليف
غايتو الكلام جاب الكلام وغلبنا من سيرتك نقيف
ورمينا حبه لوم عليك شالو الكلام جابوة ليك
كان قصدهم يحصل فراق بينا وقلوبهم يسعدو
جوك بالكلام صدقتهم سبت الضلوع اتنهدو
خليتنا في مره شقا ما تبقي الا علي العدو
لو نحنا غاليين في عينيك ماتصدق الجابوه ليك

[waya]

الريدة جات متأخرة
الفنان : ابرهيم حسين

وين وين كنت وين لما العمر كانت سنينه مخضره
جيتنى بعد العمر فات الريده جات متأخره
شوف السنين البينى بينك يا الحنين واقفه كيف
انت الربيع فى اوله وانا عمرى ماشى على خريف
نتلما كيف نتلما كيف وبينا المسافه الاصلوا ما ممكن تقيف
اقدارنا ما بنسيرا الريده جات متأخره متأخره
راحت بشايرى مع الزمن ويادوب بشايرك انت جات
ايامك الندى والضيا وانا طيف ملامحى ذكريات
ياريت لو جيتنا شويه بدرى كنت حصلت اللى فات
دموعى ياريت تقدرها ما الريده جات متأخره متأخره
فوق الجراح الجات على ما تزيدنى يا حنين جراح
خلينى ابعد وامش بعيد ادينى بس منك صراح
كانت الصدف جمعتنا يوم ما بتلاقى عطرك عندى راح
ظروفى ياريت تقدرها ما الريده جات متأخره

[waya]

مالك غيابك طول
الفنان .. ابراهيم حسين

مالك غيابك طول
وانا في انتظارك ترجع
تطري الزمان الاول
ما من عوايدك انت تتناسا او تتغير
عارفك مسالم قلبك ما برضي لي اتحير
وانا ما شي دربك انت طول عمر بيه مسير
دا المستحيل اتحول شايف غيابك طول
مستني منك كلمة بس كلمة ما اكتر
يخضر بيها مصيري عمر المظالم يخسر
ترجع حياتنا الحلوة نلقي الطريق اتنور
دايما عليك بنسال ما لك غيابك طول
يمكن ظروفك جارت
جارت عليك ايام
ما اصلو حال الدنيا
يوم بهجة يوم الام
اوعك تحاول تنسي
او تتبع الاوهام
مهما غيابك طول
اطري الزمان الاول

[waya]

الزمن دوار
الفنان .. ابراهيم حسين

قالوا الزمن دوار .. يا بسمة النوار
يا ريت تعود أيامنا .. و نكمل المشوار
يا قلبي يا سواح .. قول لي متين نرتاح
دمع الحنين خلانا .. ما بنعرف الأفراح
قالوا الزمن دوار .. يا بسمة النوار
يا ريت تعود أيامنا .. و نكمل المشوار
مهما رحلنا بعيد .. أقدارنا ما في الإيد
و الذكريات يا قلبي تحفظ جميل الريد
قالوا الزمن دوار .. يا بسمة النوار
يا ريت تعود أيامنا .. و نكمل المشوار
طار البلوم حيران .. بسأل عن الحبّان
تغيرت دنيانا .. و إتفرقوا الحبّان

[waya]

رحلتو بعيد نسيتو
ابراهيم حسين

رحلتو بعيد نسيتو الريد والحنان
الالفة الجميلة والسعد اللكان
لكن فرقتنا أقدار الزمان

يوم سافرت انت بقيت انسان وحيد
بكيت من كل قلبى ربيع عهدى السعيد
متين ترجع لحبك تبقى حياتنا عيد

فى الليل يا حبيبى نورك انت ضاوى
حليلك وانت جنبى فى الزى السماوى
جرح الفرقة يمكن الايام تداوى

[waya]

الملهمـــــــــة
كلمات .. عبد الرحمن الريح
غناء .. التاج مصطفى
***
نور العيون انتى الامل
طال الفراق وانا
في اشتياقي.. كيف العمل
انت الامل.. وانت الرجا
والفرحة يا نور الدجا
اضمن الي عمري النجا
لو طيف خيالك لي جا
في الكون الكرى.. هل ارى
شخصك قريب.. هل ترى
انا في انتظاري لم ازل
يا ملهمة شعر الغزل

***
عيوني يا اخت الزهر
في حبك اعياها السهر
في جسمي تأثيرك ظهر
لو كنا مجتمعين سوا
ما كان على قلبي احتوى
حر النوى
ونار الجوى
وظلم الهوى
لكن انا.. اهواك يا كل المنى
مهما حصل

***
امالي في الدنيا الجديدة
تتحقق امالي العديدة

[waya]

يا نسيم أرجوك
التاج مصطفى

يا نسيم أرجوك روح لها و حييها
بالغرام البي و الشجون أحكيها
إن تصادف و كانت نايمة لا تصحيها
كون كتوب من عفة و بي حنان غطيها
إن أبت أو صدت دعها تتبع تيها
و هي جاهلة وديعة رقيقة راقية نبيهة
لا تحاول إحذر يا نسيم تؤذيها
و هي بضة ندية الحرير يدميها
عالية جدا هايلة مدهشات خديها
حورية نايمة و عايمة في وداد والديها
هي نايمة و حالمة و روحي ساهرة عليها
و عيني باكية و ساهدة و المنام جافيها
كيف يكون لو حست و شافت الحاميها
و المحب في لوعة و بي حنان راجيها
خفتُ أن تتعلم أو يشاغبوا عليها
فنسحبت و قلبي تركتُ خاضع ليها

[waya]

يا غائب عن عيني
التاج مصطفى

يا غائب عن عيني مع أنك في قلبي
أيه حاصل بينك بين حسنك وبين قلبي
***
مهما الأيام طالت اذكرني وصون عهدي
أذكر حبي الصافي وأذكر أيام ودي
أيام ما كان منظور يوم تختار بعدي
أيه الأسباب مالك مالك مالك متباعد عن قربي
***
يا حبيبي تعال مرة انا مغرم بيك هايم
سهران والكون كلوا في صدر الليل نايم
مابين محتال واشى وعازل فى الحب لايم
حسدوني الناس وظلموني انا مخلص يا ربي
***
يا حبيبي ليه انت دائماً علي جائر
دائما مخليني بين الأنام حائر
الدنيا فرحانة والكون جميل نائر
وانا بالجمال مالي معذب يا ربي

[waya]

يا رزينة
غناء .. حنان النيل

وصى عينيك الحنينة
ترسم الفرح المهاجر
فوق عيون كل المدينة
يا رزينة
سيبي احزانك تعالي
نحضن القمر البلالي
فوق نجيمات الليالي
نحكي للاطفال حكاوي
نهدي للناس الغناوي
للصباحات و الاصايل
للرياحين و الخمايل
يا رزينة
للرياح الهابة نحكي .. للنسيمة
للبيوت نهدي التحايا غيمة غيمة
للقمر طل فى جبينك و للنجيمة
و العيون كيفنها
خلي بالك منها
الحزن فارقنا أمسه
و النسيم يطربنا همسه
و الصباح الطل جانا
فى جبينك شارقه شمسه

[waya]

أغنية " البداية "

الفنان .. محمود عبدالعزيز

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية

[waya]

بهاجر ليك
غناء : نهى عجاج
كلمات : مدنى النخلى

بهاجر ليك وراجع انا ليك
وما قايل بجيني زمن
حكايتي مع الحنين بتطول
بهاجر ليك عشان القاك
في لون الصباح وارتاح
وفي ضي السنين الغاب
شكاها وطل بعدو صباح
وزي سواح انا زي سواح
بهاجر ليك
ومهما تشيل شراعي رياح
وما قايل بجيني زمن ..
حكايتي مع الحنين بتطول
بهاجر ليك وخايف من دموع عينيك
تبلل طرفك المشتاق
تطرّيني الوداع وابكي
على الزمن الصبح فرّاق
أصلو الما عرف عينيك
ده ما عرف الحنين حرّاق
وما قايل بجيني زمن ..
حكايتي مع الحنين بتطول
منو البقدر على الغربة ..
بهاجر في مدار عينيك
وغيري منو البصادق الهم
وخوفو الباقي كلو عليك
وحاااتك هانت الايام
وتسلم للفرح عينيك
وما قايل بجيني زمن ..
حكايتي مع الحنين بتطول

[بانه]

حلم الامـــــــــــــــاسى
غناء محمد الامين


انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى
اصلو مابتفوتى منى


وايا تقبل مشاركتى

[waya]

حلم الامـــــــــــــــاسى

غناء محمد الامين

انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر

وايا تقبل مشاركتى

مشاركة رائعة كروعتك ,,

تشكراتي , وياريت تواصلي معانا

[بانه]

قلنا ما ممكن تسافر
- الموسيقار محمد الأمين


قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر


الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقه
دنيا بقربك يفرهد كل طائر يحيا فوقه
وجنة من بعدك بيذبل كل مخضر فيها ناضر


لو تسافر دون رضانا بنشقى نحن الدهر كلو
ما بنضوق فى الدنيا متعة وكل زول غيرك نملو
أقل حاجة تخلي سفرك حتى لو إسبوع أقلو
وإنت عارف نحن بعدك للصباح دايما نساهر


لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

[بانه]

كل لحظة
- عثمان حسين


كل لحظة بتمر على
أنت فى خاطرى وعيني
أنت في فني البعيشو
في المدى في الأبدي

قدر ما حاولت أخاصمك
وأنسى أحزاني وأسايا
واكتم الغيرة في قلبي
وأطوى جرحى في الحنايا
القي أثرك في حواسي
وظلك يتبعني في خطايا
ألقى كل الدنيا حولي
تنادي اسمك معايا

في حياتي قبلك أنت
عشت قصة حب قاسية
لسه ما زالت بقلبي
زكرياتها المره باقية
لما هليت في وجودي
و قلت بيك سعادتي باقية
لكن أنت هدمت أملي
بعد عشره نبيلة سامية

أنا لوعارف خصامك
لي أيامه بتطول
كنت ما اترددت لحظة
لما حار بى الدليل
أنسى ظلمك وأرجى حلمك
وأنسى كل الراح قبيل
أصلو حبك فوق ارادتي
وحبي قام بالمستحيل

[بانه]

حــاجة فيك ..
الشــاعـر : هــاشم صديق
غنــاء الرائع مصطفى سيد احمد


حاجة فيك تقطع نفس خيل القصائد

تشبه اجراس المعابد

توهتني .. جننتني .. تعبتني ..

وبرضو ادتني السلام

حاجة فيك شرف المدائن ..

في غرف كل السفائن

جوه في عمق المدائن والعيون

حاجة زي ما تكون محلق في العواصف

فجأة تهبط للسكون

حاجة زي نقر الاصابع لما ترتاح للموسيقى

حاجة زي اخبار تناغم من جريدة

حاجة زي وتر المواني

لم يصدح زي سفينة

حاجة فيك

حاجة فيك لا بتنتهي ولا بتتنسي

خلتني ارجع للقلم اتحدى بالحرف الالم

واضحك مع الزمن العريض

وافتح متاريس الطريق

واعرف متين ابقى المطر

واصحى متين اصبح حريق

حاجة فيك

[waya]

ﻓﺎﻗﺪ ﺳﺒﻴﻠﻚ
ﻛﻠﻤﺎﺕ: ﻣﺤﻤﺪ ﺍﻟﻤﻬـﺪﻱ ﺣـﺎﻣﺪ
ﻏﻨـﺎﺀ: ﻣﻴـــﺮﻏﻨـﻲﺍﻟﻨﺠـــﺎﺭ
""""""" """""""
ﺃﻧﺖ ﻟـﻰ ﻭﻳـﻦ ﻣﺎﺷـﻰ ﻳﺎﻓﺎﻗـﺪ
ﺳﺒﻴﻠـﻚ
ﺟـﻮﺓ ﻏﺎﺑـﺔ ﺫﺍﺗـﻚ ﺍﻟﻀﺎﻣﻴـﻬـﺎ
ﻟﻴـﻠـﻚ
ﺭﺍﺟـﻰ ﻧـﻮﺭ ﺍﻟﻔﺠـﺮ ﻳﺸـﺮﻕ
ﻳﺎﺣﻠﻴﻠـﻚ
ﺃﻧــﺖ ﺑﺎﺩﻳـﻠـﻚ ﻃـﺮﻳـﻖ
ﻣﺎﺑﻨﺘﻬﻴـﻠـﻚ
***
ﺿـﺎﺭﺏ ﺍﻟﻮﺩﻳـﺎﻥ ﺗﻔـﺘـﺶ
ﻭﺍﻟـﺒـﺮﺍﺭﻯ
ﻓﻰ ﺿـﻼﻡ ﺍﻟـﺮﻭﺡ ﺗﻬﺒـﺶ ﻣﺎﻛـﺎ
ﺩﺍﺭﻯ
ﺍﻧـﻮ ﻣﻜﺘﻮﺑﻠـﻚ ﻣﺼﻴـﺮ ﺫﻯ
ﺍﻟﻐـﻔـﺎﺭﻯ
ﻭﻻﻣﺘﻴـﻦ ﺗﻘﻌـﺪ ﺗﺼـﺎﺭﻉ
ﻣﺴﺘﺤﻴـﻠـﻚ ؟
***
ﺍﻧﺖ ﺣﻠﻤﻚ ﺗﻤﺴـﻚ ﺍﻟﻀـﻮ ﺑﻴـﻦ
ﺍﻳﺪﻳﻨـﻚ
ﺍﻟﺸﻌﺎﻉ ﻣﺎﺑﺘﻤﺴﻚ ﺭﻏﻢ ﺍﻧﻮ ﻓﻴﻚ
ﻭﻣﺎﻟﻰ ﻋﻴﻨﻚ
ﺍﻟﺴـﺮﺍﺏ ﺳـﺮﺍﺏ ﻳﺴـﺮﺏ ﻓـﻰ
ﺳﻨﻴﻨـﻚ
ﻭﺍﻧﺖ ﻣﺎﻙ ﻋـﺎﺭﻑ ﺷﻤﺎﻟـﻚ ﻣـﻦ
ﻳﻤﻴﻨـﻚ
***
ﻣﺎﺷﻰ ﻭﻳﻦ ﻳﺎ ﻋﺎﺑﺮ ﺍﺭﺟـﻊ ﻟـﻰ
ﺻﻮﺍﺑـﻚ
ﺑﺎﺑﺎﻙ ﺍﻟﻤﺴـﺪﻭﺩ ﺗﺼـﻮﺭ ﺣﺘـﻰ
ﺑﺎﺑـﻚ !!
ﻓﻴـﻪ ﻣﻜﺘـﻮﺏ ﻟﻴـﻚ ﻣﻠﻴـﻮﻥ
ﻣﺎﺣﺒﺎﺑـﻚ !
ﻭﻟﻮ ﺳﺄﻟﺖ ﺑﻜﻮﻥ ﺻﺪﻯ ﺻﻮﺗـﻚ
ﺟﻮﺍﺑـﻚ
ﻭﺍﻟـﺪﺭﺏ ﻗﺎﺳـﻰ ﻭﺭﻫﻴـﺐ
ﻣﺎﺑﺘﻤﺸﻴـﻠـﻚ
***
ﺍﻟﺤﻠﻢ ﺟﻨﺒﻚ ﻗﺮﻳﺐ ﻟﻜﻨﻮ ﻓـﻰ
ﺑﻌـﺪ ﺍﻟﺜﺮﻳـﺎ
ﻳﺎﺷﻌـﺎﻉ ﻣـﻦ ﻧـﺎﺯﻝ ﺍﻟــﺬﺍﺕ
ﺍﻟﻌﻠـﻴـﺎ
ﺩﺍﻳﺮ ﺍﺿﻤـﻚ ﻣـﺮﺓ ﺑـﺲ ﺑﻴﻨـﺎﺕ
ﺍﻳﺪﻳـﺎ
ﻭﺩﺍﻳﺮ ﺍﺻﺮﺥ ﻣﺮﺓ ﻓﻰ ﻭﺵ
ﺍﻟﺰﻣﺎﻥ ﺍﻟﻤﺎﺑﻘﺪﺭ
ﻛـﺎﻥ ﺻﺮﺍﺧـﻰ ﻳﺨﻔـﻒ ﺍﻻﻻﻡ
ﺷـﻮﻳـﺔ
ﺃﻭ ﺻـﺪﺍﻩ ﻳﺨـﺪﺭﻙ ﻳﺤـﺠـﺎﻙ
ﻳﻘﻴـﻠـﻚ
***
ﺍّﻫـﺔ ﻳﺎﺳﺨـﺮﻳـﺔ ﺍﻻﻗــﺪﺍﺭ
ﺧـﺴـﺎﺭﺓ
ﻭﻳﺎ ﻭﺟﻊ ﻧﺎﺱ ﺍﺻﺒـﺢ ﺍﻻﻧﺴـﺎﻥ
ﺷﻌـﺎﺭﺍ
ﻭﻳﺎﺿﻴﺎﻉ ﻋﻤﺮ ﺍﻟﺒﻴﺰﺭﻉ ﻓـﻰ
ﺍﻟﺼﺤـﺎﺭﻯ
ﻭﻳـﺎ ﻛﻴـﺎﻥ ﻣﻬﺠـﻮﺭ ﻣﻬـﺪﻡ ﺯﻯ
ﻣﻐـﺎﺭﺓ
ﻛﺎﻥ ﻗﺼﻮﺭ ﺍﺣﻼﻣﻮ ﻗﺒﻞ ﺍﻟﻴـﻮﻡ ﺩﺍ
ﻫﻴﻠـﻚ
***
ﺩﺍﻳﺮ ﺃﻛﻮﻥ ﻟﻮ ﺣﺘـﻰ ﻟـﻰ
ﻟﺤﻈـﺎﺕ ﺍﻧﺎﻧـﻰ
ﻭﺩﺍﻳﺮ ﺃﻓﺮﺡ ﻣﺮﺓ ﻓـﻰ ﺍﻟﺘﺎﺭﻳـﺦ
ﻋﺸﺎﻧـﻰ
ﻣﻨﺎﻳﺎ ﺃﻫﺮﺏ ﻟﺤﻈـﺔ ﻣـﻦ ﻭﺍﻗـﻊ
ﺯﻣﺎﻧـﻰ
ﻋﺸﺎﻥ ﺃﻏﻴـﺮ ﻓـﻰ ﻣﻼﻣﺤـﻚ ﻳـﺎ
ﻛﻴﺎﻧـﻰ
ﻭﺃﺭﻳﺖ ﻇـﻼﻝ ﺍﻟﺤﺴـﺮﺓ ﻣﻨـﻚ
ﺗﺘﻤﺤﻴﻠـﻚ