منتدى أنا سوداني

بلسم حياتى كتب:

فارماس كل سنة وانت طيب قولت اسلم عليك ساكت الجماعة ماقصرو معاك في الاسئلة

لمسة جمال كتب:

هلا فارمووسي جيتك تاني.....

حبابك الف وبي جيتك ... لمسة

اها نبدأ بسم الله...

بسم الله الرحمن الرحيم

1/اذا تعارض قرار العقل مع قرار القلب فأيهما تختار؟؟

بختار قرار العقل ..........!

2/اذا خير فارماس مابين اعز اصدقائه ومابين حبيبة قلبه فأيهما سيختار؟؟

بختار الاصدقاء ..... لأنو الحبيبة ممكن تتعوض ..لكن الاصدقاء ما بتعوضو

3/لما حظروك اسبوع هل جاك تفكير انو ماترجع تاني....واذا جاك من غير ليك رايك؟؟

لا ماجاني لكن كنت عايز احظر روحي شهر اوتمتك .... لأنو القرار جائر مفروض اتحظر نهائي

4/اذا في بنت صرحت ليك بانها بتحبك او معجبه بيك وانت مابتبادلها نفس الشعور كيف بتكون ردة فعلك
وكيف حتتصرف معاها؟؟

اذا انا ما ببادلها نفس الشعور يبقي انو ما حبيتها .... وهنا بقول ليها خلينا اخوان احسن بدل الهبل الانتي

فيهو ده

5/سبب ترويجك للصلعه شنوو؟؟

عشان الناس تعمل حسابها مني وتبعد ( يمكن عشان العدوة ما تتنقل )

6/ممكن افهم ليه كاتب في البروفايل بتاعك طالب ؟؟؟

انتي القال ليك ادخلي البرفايل حقي منو ..... طالب الله يديني مراة ..اها مالك

7/اكتر موقف محرج مر بيك....

كنت مسافر وراكب من كوستي للخرطوم اتزنقت بول وقفت البص والركاب كلهم بعاينو لي .. بس
8/هل مازالت متواصل مع اصدقااء الدراسه؟؟

ايوه متواصل مع بعض الناس

9/هل في حياتك خارج المنتدى لسانك طويل برضو ولا بتسمنا بيهو هنا بس؟؟؟

بسمكم بيهو هنا بس

10/موضوع كتبته وندمت عليهو؟؟

مافــــــــــــــــــي

11/هل حصل عقبت في موضوع من غير ماتقراهو كاامل؟؟

حصل عقبت لموضوع ..... قريت العنوان بس وجيت رديت ولما رجعت قريت لقيت الموضوع في

جهة والعنوان في جهة اخري .... بصراحة ندمت علي ردي

12/لو حتغير اسم فارماس كنت حتختار اي اسم؟؟

بختار الفنجـــــــــــــــــري

13/ليه دخولك دايما اخر الليل ؟؟خفااش مثلا....

شفتي ليك زول ماخد شاكوشين بنوم ... المشكلة مافي صفحة عشان ارقد عليها

14/قرار اتخذتو ولغايت اليوم ندمان عليهو؟؟

آخر قرار كان ....

15/هل موسى شخصيه مجاامله بشكل كبير؟؟

مجامل لأبعد الحدود ودي نقطة ضعف بالنسبة لي

16/عضوين وعضوتين تتمنى دايما تشوفهم من المتواجدين؟؟

ملاك الورد ونهاد ...... هندسسسسسه وابو العزائم احمد الطيب .... طبعاً ديل كانو زمان

17/اغنيه دايما بترددها وبتحب تسمعها؟؟؟ والسبب....

حلم الاماسي ..... السبب بتجري لي في دمي وبتديهو نشاط

18/شخصية تاريخيه نفسك تتقمصها؟؟

محمد احمد المهدي .... عشان اقلع ليكم الكيزان والكوزات

19/هل دخولك للموضوع وتعقيبك فيهو بيعتمد على كاتب الموضوع او العنوان او غيرو؟؟؟
ولو غيرو اللي هو شنو؟؟

بعتمد علي العنوان اذا العنوان ما شداني ما بدخل مهما كانت اهمية الموضوع او اهمية صاحبة

20/فارماس روحو رياضيه على الاخر....فهل موسى روحو رياضيه ام زعوول؟؟

موسى صورة طبق الاصل من فارماس

المره دي جيتك باسئله شويه عشاان ماتزهج

ههههههه دي شوية هسي .... يشوي اضنينك

وان شاء الله احتمال كبير اجيك تاني.....

تجي وين خلاص مفحط تعالي للبعدي

لو مااندوشت بالمدرسه حجيك قريبات

jasmina كتب:

ههههههههههههه

طفتشتو الزول

الفرح المهاجر كتب:

بنى على هرب
فارماس هرب
فتشو عليهو زنقة زنقة
دار دار بيت بيت يلا
للامام ثوره

ود ابنعوف كتب:

يللا يا الفار تعال اشرب من قهوة نهر المحبة دى

مشكور علي القهوة يا حبيب ... ونهر دي لو جاتنا بي البنبر حقها ده ما بتقصر معانا

القهوة على الفناجين الاخيرة

احلي قهوة في معيتكم


واشكر وارحب بكل الشاركو القهوة

وانا زاتي بشكرهم كتير ولكم مني كل تقدير واحترام

يللا عايز الختام ناااااااار

المعـــــذّب كتب:

يتعري لسانك يا ابوصله

هو من يومو عريان دايرو يمشي ملط ولا كيف

مالك معاي

سااااي كدة بس عشان بريدك البريدك بعزبك يا المعذب بي هواك

كدي شوف لي شيه

تعال نشوي ليك شلاليف جمل

جايك في جده قريب

ود ابنعوف كتب:

الفارماس

هلا ابو الياء

هذه اخر الاسئلة جاوب عليها

حااااضر


وكلمة اخيرة توجهها لمن؟

فارماس كتب:

هلا ياسمين

ضحكتك دي براااها بالدنيا شفتي ليك فار بطفش

هلا بيك

والله شفت الناس دي استلمتك استلام شديد قلت خليت ليهم البلد

بحلم كتب:

البن خلص ولا شنو يا ود يلا منتظرين عضو رائع اخر نشرب معه القهوة ويارب دايما قهوتك عامرة

الأميرالحب كتب:

وين القهوه يا ابنعوف

بحلم كتب:

البن خلص ولا شنو يا ود يلا منتظرين
عضو رائع اخر نشرب معه القهوة
ويارب دايما قهوتك عامرة

البن يخلص مين قال اها انتى مستعدة تدخلى


خليك قريبة العضوة الجاية ح تشرف

الأميرالحب كتب:

يارب تكوني انتي يا بحلم
عشان عندي مائه وخمسين سعال
ودابنعوف دخل لينا البت دي في القهوه
قالو القهوه متعه معاها وجنبها بت السرف بترمي في الودع

بقا كدا يا كبوشة بتبيع اختك
وكمان مائة وخمسين سعال
الله يخليك يا كبوشة متعه مره واحدة المهم بت السرف تكون معاى واللى يجى من القهوة والودع بنص ونعمل لود ابنعوف نسبة مكان

البن يخلص مين قال اها انتى مستعدة تدخلى


خليك قريبة العضوة الجاية ح تشرف

ههههههههههههههههه
فكرتنى بالمبى لما بيقولها
جهزة يا حجة
وادينا منتظرين قهوتك بس كتر الحبهان وعايزها سكر زيادة لو سمحت علشان تظبط المزاج

فارماس كتب:

هههههههههه يزنقوك في بيت المريسة قول امين

يا الفرح انتو الواحد لو غاب يوم واحد يجي يلقي البلد خربانة من وراهو

ود ابنعوف كتب:

ضيفتنا الليلة مهندسة بالكلمات

وشاعرة رقيقة

اتت منذ فترة قصيرة وسرعان ما حجزت مكانتها بين القلوب

ان غابت تهاتفت قلوبنا الى لقاءها

ضيفتنا فى الفنجان

مهندسة بوضع الخرط

اخوتى الاعزاء تعالو معى لنغوص ونبحر معها فى الكلمات للنهل سويا


يللا تعالو معى لنرحب بالعضوة المحبوبة من الجميع

بت السرف

ود ابنعوف كتب:

الغالية بت السرف

اللــــــــــــــــــه يخليـــــــــــــــــــــــــــــك ؛؛؛

اسعد الله اوقاتكـ بكل خير

اسعـــــداللـــــــه اواقاتــــــــــكم جميعـــــا بـــــكل الخيــــــــر والــــــــــــــــود ...
تسلــــــــم يــــــــــــاودابنعــــــــــــــــــــــــوف.

فنجان قهوة

اللــــــــــه لا يحرمــــنا مـــن قهــوتــــــــــــك ...مشكــــــــــــور علــــــــى الفنجــــــــــــــان .

السيرة الذاتية

هالــــــــــــــة ..مهندســـــــــــة معماريــــــــــــــــة ..(تانى شنو ؟؟)

المراحل التعليمية

الاساس دة ماتسألنى منو كل سنة فى مدرســـــــــــــــــة مختلفــــــــــــة ...
الثانوى -البـــــــــــــرارى الـثـــــــــــانويــــــــة بنــــــــــــــات.
الجامعة -الســـــــــــــــــــــودان

الحياة العملية