همس القوافى

[مها]

داير اكتب على الصفحات
مداد من الذهب يجري
حروف تتغنى بى حبك
معطرة بى عبير سحري
وممزوج فيها أجمل ريد
يغوص جوا الفؤاد يسري
ويرتاح في مدن عينيك
واسكن فيها طول عمري

[لبيب]

رونق من السحر الجميل
سطع جواي من بدري
لقاك بى فرحة جوا الروح
وقلبي هواك يامنياي
وليك كتبت كل غناي
وبوهب ليك كل شعري

[مها]

معذرة إن بُحت
بهواك لظلي
صوبك رُحت
أتعرى سراً من أهدافي
أنمو مثلك في الأصداف ِ
لؤلؤة لـُحت
لرزاز المطر على الوديان
فعشش صوتي في البستان
ومثل الزهر
بعطرك فـُحت

[لبيب]

وفي عينيك دخلت وتهت
وعلى أعتاب الفرح الآسر
والأنوار الوردية قلت
بأن هواك تملك كلي
بكل صراح جهرت وبحت

[مها]

ونسجتك في أعماق سكوني
ثم ارتحت..
وتراخى الرمش بطرف جفوني
حين صدحت
بحبك جهراً فوق غصوني
واستسمحت

[القدورابى]

كم هى رائعه هذه الكلمات
يكفينى المرور

[لبيب]

وهتفت بكلّي ثم هتفت
بأن غرامي كله صاح
وحتى الأيك تغنى طربا
نادى شدوه صوبك أنت

[ريانه إمام]

أنا بتوجس افضحلك مرات إحساسي
بشتاقلك لكن لو تدري..
فتران من دونك أكون وحدي

[مها]

عندك بقيق مشوار خطاي تتلاشــــــــــــــي فيك كل الدروب
تتهادي بوجودك قواي تهرب تبارحني الخطــــــــــــــــــــــوب
ترنيمة الوجدان عذاي كل الســـــــواك اصبح سحـــــــــــــوب
ياواحة تعجب كل زول في حضرتك حزني بيـــــــــــــــــــزول

[بعد الزمن]

[align=center][align=center]وقالت لي الأرض لما سألت

أيا أم هل تكرهين البشر ؟

أبارك في الناس أهل الطموح

ومن يستلذ ركوب الخطر .

هو الكون حيٌ يحب الحياة

ويحتقر الميت مهما كبر .


فلا الأفق يحضن ميت الطيور

ولا النحل يلثم ميت الزهر .

برمه :
قصيده (إرادة الحياة)




للشاعر أبو القاسم الشابي[/align][/align][/size]

[waya]

[grade="00008b ff6347 008000 4b0082"]يعز علينا غداً أن تعود رفوف الطيور و نحن هنا
هنالك عند التلال تلال تنام و تصحو على عهدنا
و مازال بين تلال الحنين و ناس الحنين مكان لنا
فيا قلب كم شردتنا رياح تعال سنرجع هيا بنا[/grade]

[ريانه إمام]

يا غبي اكان فطنتَ
وعقلتَّ جن النبضة فيك
حسيت شوق المُشتهيك
كان ما إتمكن فيني السؤال
بالله كيف غامرتَ بي؟

[لبيب]

يناديني اشياقك والوداد
أغيثي القلب من ذاك البعاد
فكلّي يسترق الشوق سمعا
لنبض الوجد إذ نادى المنادي

[مها]

أفارقك أصلو ماممكن
فيني هواك إتمكن
يبرق في عيوني ضياك وهن ببكن
دموع تعبر حدود زمنك
يجيبن لي خبر منك
يقولوا خطاك هس بجن
يبقن هن سبب سعدي
أواصر ريده تجمعنا
اعيش جواك فيك وحدي

[لبيب]

سلامات لعيونك ديل
وقلبي انا
لى سحر عينيك هو المسكن
أكيد يامشتهى الآمال
أكيد حتلمنا الأيام
نعيش بالحب ونتمكن

[waya]

[grade="00008b ff6347 008000 4b0082"]انا لو كتلني الشوق صدقني ماغلطان
ما انتا خليتني جواب بلا عنوان
تايه مع الايام من باحة لي باحة
شايل هموم الناس وخلق الله مرتاحة
افراحي مقفولة ومالاقي مفتاحه
والشاله زول نسااي من وين تجي الراحة؟[/grade]

[لبيب]

لابد تجي الأيام
بالبهجة وافراحا
والدنيا تبقى سرور
ونفوسنا مرتاحة
وانا روحي تبقى حداك
ومعاك سواحة

[الضراع]

قايلاني بتنكر أنا .. ! أيام هواك ما أذكره
أنساها كيف أنسى الفرح .. ؟ والأمسيات المزهره
يا حلوه لا .. أيام هواك .. حتى النسيم ما بنكره
* * *
شفتيها كيف كانت فرح .. وليالي ديمة منوره
ولون الأماسي الكان بشيل دايماً قلوبنا ويأسره
* * *
ياخد دوام من لون شفايفك أحلى كرزه محمره
ويبكي الغروب من الفرح .. ألوانه ترسم أسوره

تلتف في رقصة فرح .. تسبي الوجوه بي منظره
فرحانه بي عاشقين أحالو الدنيا جنات مزهره

[مها]

بشتاق ليك.....

وما بنساك...

وكيف ينسى القلب يطراك؟؟؟

بشتاق ليك....

وما بنساك...

لأنك جوة في الأعماق...

بشتاق ليك ...

وما بنساك....

وكيف أقدر أعيش بي وراك؟؟؟

بشتاق ليك ...

وما بنساك....

أموت انا قبل ما أنساك....

بشتاق ليك ...

وما بنساك...

وحبي كتير يفوق لهواك...

بشتاق ليك...

وما بنساك....

مناي أكون فرح دنياك....

وبشتاق ليك...

وما بنساك...

أعيد من تاني ولا كفاك؟؟؟؟

[لبيب]

قايلاني بتنكر أنا .. ! أيام هواك ما أذكره
أنساها كيف أنسى الفرح .. ؟ والأمسيات المزهره
يا حلوه لا .. أيام هواك .. حتى النسيم ما بنكره
* * *
شفتيها كيف كانت فرح .. وليالي ديمة منوره
ولون الأماسي الكان بشيل دايماً قلوبنا ويأسره
* * *
ياخد دوام من لون شفايفك أحلى كرزه محمره
ويبكي الغروب من الفرح .. ألوانه ترسم أسوره

تلتف في رقصة فرح .. تسبي الوجوه بي منظره
فرحانه بي عاشقين أحالو الدنيا جنات مزهره

ياواحة في عز الهجير
مليانة فرحة ومزهرة
ياروعة الحسن الأنيق
عينيك شالن قلبي ليك
وانا روحي ليك
من غير تررد آسرا