المشرف: بانه
mohamed merghanh كتب:العسل البنقط خابرين شفاهو ونفعو
فى حبو ياما ألوف زي المسيرة اندفعو
باذلين الغوالى وحتي المهور اندفعو
وبعد الشواكيش راية رضوخهم رفعو
الراقى الوديع جمع الكمال فى خصالو
فى دربو الفوارس ياما جالو وصالو
زي العالمين برضي طبعآ بدورو وصالو
يمكن قلبى الكسير فى يوم تنجمع أوصالو
ود أونسه كتب:كرمو خالقو في صفو الجمــــال رصالو
دور وجهــــو من ضــي القمـــر باصالو
في القـد والقـــوام ما في العالمين حصالو
سهم ريدو وغرامـو في قلبي خت نصالو
حافظ عوض الله محمد كتب:اهل المسدار من ليكم مليون سلام
جاييييكم ولسانى فيهو مليون كلام
الاغبش كتب:كعب الزول يغيب وما يلقي الطاريهو
الكل موجود وعذركم يمين ما بيهو
شن حصل في مسداري الحابيهو
وكيف صباحكم مقيلكم ومسأكم فيهو
الاغبش كتب:كعب الزول يغيب وما يلقي الطاريهو
الكل موجود وعذركم يمين ما بيهو
شن حصل في مسداري الحابيهو
وكيف صباحكم مقيلكم ومسأكم فيهو
فى وردة هواهو ما بشفي بي أمصالوود أونسه كتب:كرمو خالقو في صفو الجمــــال رصالو
دور وجهــــو من ضــي القمـــر باصالو
في القـد والقـــوام ما في العالمين حصالو
سهم ريدو وغرامـو في قلبي خت نصالو
mohamed merghanh كتب:جيت أسمع وأغني ونشيل سوا المعزوفة
فى قول السدار نفسي راغبة ماهي عزوفة
يا ربي إيش سويت صابتنى جد مقذوفة
جيت لقيت كلماتي يا اخوانى ماف محذوفة
رد على مشرف فى سدارنا مالو وجود
فى قولو كل تهذيب سابق نداهو الجود
قال لى إمكن إنت داقس غشاك هجود
وبراك مسحت كلامك الكان زمان موجود
يعميني لو كان يوم فيم إنكتب بعبصتا
يا أهل العقل الفيهو زايدين بسطة
جيت وكان العشم معاكم ألقى البسطة
وما ذنبي لو كان يوم جوابي ضاع فى البوستة
يمكن المنتدي بكلماتي زادلو سعيرو
أو قشة زايدة وجاتو وقصمت عليهو بعيرو
لو ما الكلام حارقنى فد نظرة مانى بعيرو
أنا ود الغنا البعرف ذراو وشعيرو
الاغبش كتب:كعب الزول يغيب وما يلقي الطاريهو
الكل موجود وعذركم يمين ما بيهو
شن حصل في مسداري الحابيهو
وكيف صباحكم مقيلكم ومسأكم فيهو
أيمن كتب:doPoem(0)
سواقنا العجيب دلَى القزاز بصَالو=
مرق من شارعو عيَن للكشك تصًالو=
بتاع الحركه حين جاهو وقطع ايصَالو=
قعد يشكيلو بالحال العليو قصًالو=
ود أونسه كتب:قلمك في المسادير صاحب صفات معروفه
بتكتب في الكنينه البي الجمــــال موصوفه
تكلله بي معــــــاني راسيه راقيه حروفه
كل البقرا وصفك يقول هي واقفـه بشوفه
ارجع قـــول جـــــديد خلي البروح ما بعود
قول في الهادي نادي ساحر البراري شرود
رافـــــع ايدي واســــال يقبل ودادي يجود
ترقد روحـــــي تاني اهدا وسروري يسود
يا ود مرغنــي ماك النقـــول فلســـته
في قول المسادير مكتوب طويل اللسته
لا قلت البعيب لا تهته يوم لا دقســـته
منتظرين سدادك الفانا قول بالدســـته
نصحــــونا الكبار فوتو البفوتكم سيرو
غبيـــان البـعــــارض ربو في تدبيرو
امر الدنيا ضقنا حــلاوتو لكنا عسيرو
والراح من كلامك انساه واكتب غيرو
mohamed merghanh كتب:
حرف الجمال مختوم وتانى منك ببدأ
ياأخويا النقص منك مباعد جبدة
ما قصدي الحذف حذفوا الحمار أب لبدة
بس مربط كلامى فى هذا حيث المبدأ
أيمن كتب:[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياودميرغنى جيت صادى جارف سيلك=
ماشرقت شمس فوق راسنا رابطات خيلك=
خلى الماضى والمحزوف وأكرب حيلك=
أرح وصفلى فى المسدار بنيات جيلك=[/poem]
هتان كتب:مسداركم سمح غالبني ليهو ابارح
و الاغبش يمين حقو يمشي مسارح
و ال يقعد معاكم مكانو ما بي يبارح
تقول لي تعال لي بكره تلقاني جيت امبارح
يا شهد الكلام فكرتك مجنونهشـهد الكلامـ كتب:بسم الله الرحمن الرحيم
الساده السودان
تحية الصباح والمساء
جبت ليكم فكره جديده
المسدار
هو نوع من الشعر البلدى او باللهجه القوميه بتاعتنا
بيتكون من اربعه ابيات شعر مختومه بقافيه واحده
يلا
على
كل
من
يلمس
الكفاءه
فى
نفسه
ان
يترجل
