منتدى أنا سوداني

ذات الشجون كتب:نهر حبيبتى مشتاقين والله

والله بالاكتر ياعسل

وين الغيبة

مابيدي حبيبه بس ان شاء الله كل ما القى فرصه بتواصل معاكم

وكل عام وانتى بخير وينعاد عليكى يا رب

وانتي بالف خير ...علينا وعليك

طيب انا فنجانى سكرو ذيادة حبتين

احلى فنجان

اين نهر من الحب

امممممممممممممم
نهر تعشق رسائل الحب وشعره ونثره...وتحب ان تكتب فيه...
ولكنها الى الآن لم تشعر بحب حقيقي
تؤمن بجمال الحب وأهميته في الحياة وتحب كل شيء حولها...
في الدراسه وفي العلاقات الخارجيه....... وبث

تقول احلام مستغانمى
يعيد الحب نفسهُ ببدايات شاهقة الأحلام .. و انحدارات مباغتة الألم..
و علينا أن نتعلم كيف ننتظر أن يوصلنا سائق الحب الثمل إلى عناوين خيبتنا

ما رايك فى تلك المقولة

قرات لاحلام كتاب نسيان . com وفيه تقول... ان اكبر لغزين في الحياة قطعا هم الموت والحب لذا تتغذى الاعمال الابداعيه بهما لا احد عاد من الموت ليخبرنا ماذا يحدث بعد ذلك ولكن الذين عادو من الحب مدمرين او ناجين عادو ليقصو علينا عجائبه واهواله...
لذلك الحب لاضمان له بسببه تاه من تاه في الصحراء وجن من جن لفراق محبوبه...
ولو عاد كل منا لعنوان خيبته لربما انصلح حاله والحكمه تقول ان تحاول الوصول خير من ان لا تصل

نهر كيف رمضان معاكى

الحمد لله ياحليلو عدى وعلى قول حبوبه خسران الماصامو

وبجيكى راجعة

dreem-lady كتب:

هلا نهرو
[align=center]هلا دريمو منوره

مامدى ارتباطك بالشعر.....؟؟

كانت مادة الأدب والنصوص من أكثر المواد المحببه لدي بدء ارتباطي الشديد بالشعر في المرحله الثانويه ...ولكن قل مع الجامعه

مارأيك في الوضع الاقتصادي الآن في السودان؟....العالم الخارجي ككل؟؟
ايييييييييك حدث ولا حرج الله يعدي الأزمه على خير والسودان كغيره من الدول متأثر بارتفاع الأسعار...ولكن الوضع سيء عموما ومحتاجين دعم الحكومه للموازنه

مارؤيتك للاكاديميات في السودان..

الأكاديميات قد تكون حلا لكثير من مشاكل ابناء المغتربين (الشهاده العربيه) وحل من شبح الإعاده بالنسبه للشهاده السودانيه لكن تبقى المشكله في قدرة هذه الأكاديميات للوصول للمستوى العالمي..وقدرة منافسة شهادتها مع الجامعات الحكوميه

النظام العام في السودان......شبح ام له دور...؟؟؟

النظام العام له دور كبير في حل مشكلات المجتمع لكن المشكله نه في ظواهر غريبه بقت دخيله على المجتمع ومزعجه جدا

يلا نمشي مع فطومة البنوتة شوية......احلى الالوان عندك؟

اللون الكوبي ( بنفسجي غامق)

افضل الاكلات؟؟.....تحبي تاكليها...تطبخيها؟؟

اي حاجه بطبخها باكلها بس احب وجبة عندي السمك المحمر

اكتر مادة دراسية تحبيها؟ تتقنيها؟؟

احب مادة الرياضيات

طموحاتك؟؟ احلامك؟؟ ماذا حققتي؟؟

طموحاتي لسه ما حققت شي فيها يذكر احلامي اني ادخل الجامعه

بتحبي كرة القدم؟؟ ....الحوارات السياسية؟؟

كرة القدم زمااااااااااااااااان كنت بشجع البرازيل وبحب مباراتها لكن حاليا مافي
الحورات السياسيه بحبها كان غرامي برنامج الاتجاه المعاكس على قناة الجزيره

وراجعة يافطومة [/size][/font][/color][/align]

ود ابنعوف كتب:

الغالية نهر المحبة
[align=center]ياهلا

سعداء جدا بالقهوة معك

وانا سعيده بضيافتك

بما انك تغربتى منذ الميلاد عن الوطن وحاليا تعيشى فى احضان الوطن

تجربتك وماذا وجدتى فى الوطن ؟

احساس الوطنيه اجمل احساس حسيته وانه دي بلدي...ممكن اضحي بنفسي عشانها وارفع اسمها عالي
الشي التاني لمة الاهل والحبان وسؤالهم عنك يعني برضو دي عندها احساس براها
وبرضو الواحد يتابع احوال البلد من الداخل ويعرف الحاصل ويكون مواكب

ذكرتى فى اجابة سابقة عن الشعر وارتباطك به هل هو ترويح عن النفس ؟

فيك تقول ترويح عن النفس واحيانا بتلقى نص بشابه لحاله انت بتعيشها يعني بتحس انه بتكلم عنك...
بس للأسف ما اتيحت لي فرصه اني اقرى كتير لكتاب سودانين

سؤال يفرض نفسه هل للشعر اوقات معينة

السؤال ده للناس البتكتب الشعر بس ما بحس انه للشعر اوقات معينه لانه بكون احساس وترجمة لمشاعر بكون عايشها الكاتب فمتى ما حس بيها بيكتبها

اجغمى فنجانك وبرجع تانى[/color][/font][/size][/align]

لمسة جمال كتب:

هلا بالغاليه نهروووو العسل...

أهلين لموس حبيبتي

ان شاء الله اكون خفيفه عليكي...

على قلبي زي العسل

اها نبدأ بسم الله:

بسم الله

1/ه
نهرووو تميل الى اخفاء مشاعرها؟؟

في أغلب الأحيان نعم بس في حاجات البتكون اصلا ظاهره زي الضيق من شخص بذاته او الزعل بظهر طوالي

ل
2/هل جربت نهرووو خيانة الاصدقاء؟؟

لا والحمدلله

3/
هل هنالك من ازعجك بالخاص؟؟

نعم

4/
هل انتي سريعة الغضب ام بالك طويل؟؟

بالي طويل جدا

5/
عندما يخطئ احد في حقك هل تميلين الى الثرثرة ام الصمت؟؟

الصمت

6/
ماهي السلبيات الموجوده في المنتدى وتودين تغيرها؟؟

حاليا المنتدى جميل جدا وحاسه انه في علاقات جميله بين الاعضاء كانت اختفت لوقت من الاوقات بس الحمدلله انه الحال اتصلح

وجاياكي ياعسسسل.......

محسية كتب:

الغالية نهر المحبة

اهلين حبيبتي محسيه[/align
]بالجد انتى نورتى القهوة

ده نورك ياجميل

لانك انسااااانة مميزة ومعطاءه دوما
من انتى صفى نفسك كما انتى تريدى ولكن بصدق ؟

اصعب احاجه انه الانسان يصف نفسه... بس ياستي عشان خاطرك كل شي يهون
نهر ياستي انسانه عاديه جدا...تحب الحياة...تعشق الابتسامه تكره النكده...نقطة ضعفها عندما ترى الأطفال..تحس بان كل طفل هو طفلها...تحب ان تعيش كل يوم بيومه ولا تحمل هم الغد متوكله على ربها راضيه بقسمتها...

ما هو حلمك الاول والثاني ؟؟

حلمي الاول اني اخلص من الجامعه حلمي التاني اني اخلص بيتنا

ما هو افضل شيء في حياتك ؟؟؟

افضل شيء في حياتي.....اني اتربيت وعشت في المدينه

ماذا تعني لكى هذه الكلمات ؟

الحياة ؟

مرحله لابد لكل شخص ان يعيشها بحلوها ومرها

الموت ؟

نهايه محتومه لا مفر منها

الغربه ؟

احساس صعب جدا ربنا يقدرنا عليه بالنسبه ليه هو مكواة الاشواق

جاااااااوى يا غالية
ولى عودة
تحيااااااااااتى

dreem-lady كتب:

..نهرو.(تحس بان كل طفل هو طفلها..) ....وقفت في هذه الجملة كثيرا كثيرا.....دعيني اسجل اعجابي بها...
[align=center]نسلمي حبيبه

الطفل مخلوق ذكي للغاية .....ضعي لنا اسلوب تربوي للطفل ....الهادئ.....العنيد .....المشاكس....الشقي..الانطوائي.....؟؟

سؤالك صعب حبتين بس ياستي حأجاوبك من وجهة نظري النهريه
الاطفال لمن يجو على الدنيا مابكونو عارفين حاجه احنا بنشكلهم عشان كده اي تصرف في مرحلة الطفوله الأوليه بكون متشكل من الأشخاص الحواليه اللي هم امه وابوه
الطفل الهادئ والانطوائي لو هدوءه زايد عن حده ممكن نخليهم اكتر تفاعل نخلطهم مع غيرهم من الأطفال نخليهم يشاركو في الأعمال الجماعيه وكده يعني
العنيد ده لازم امه وابوه يكون بالهم طويل عشان يقدرو يتعاملو معاه لانه راسو حيكون قوي لازم تكون هناك لغه مشتركه وقدره على الاقناع وكيف انه يتعامل مع الغير ويتعلم كيف يكون طفل مطيع يعني اهله بيحتاجو طاقه زياده عشان يقدرو يتعاملو معاه
المشاكس والشقي دائما بدخلو اهلهم في مشاكل عشان بيعملو حاجات مامتوقعه وحوداثهم غير متوقعه لازم نكون متابعينهم ومتابعين سلوكهم يعني نحاول نشغلهم بحاجات بحيث انها تخفف من حركتهم الكتير مثلا لعبة المكعبات او اي شغله ونتكلم معاهم ونوعيهم بالمخاطر الممكن تحصل لو واحد مثلا طلع فوق ولا مشى على النار ونخلقهم قصص خياليه وكده....
والله اعلم

رأيك بضرب الطفل......مطلوب؟....ممنوع....؟.للضرورة.....؟

طبعا مرفوض الأطفال كائنات رقيقه والضرب على قول حبوبه عمره ماربى زول بالعكس الطفل بيطلع خواف ولمن يكبر بكون متوحش وممكن جدا يكبر بعقد نفسيه لانه ماعنده مجال للتعبير وبيصل مرحله انه جسمه الصغير بيتعود على الضرب تاني مابيتأثر نهائي..المفروض نتخذ الحوار منهج في تعاملنا مع اطفالنا نتكلم معاهم اذا عملو الغلط نعرف وجهة نظرهم شنو الواحد فيهم عمل الغلطه دي ليه نتكلم معاهك كل واحد حسب سنه وحسب لغته كده بكون الطفل طبيعي بيقدر يسأل ويعرف اي حاجه على راحته وممكن يكون صديقك لازم نحسس أطفالنا بالأمان تجاهنا عشان نضمن انهم يكون سويين ماعندهم مشاكل نفسيه.. لكن لو ضربناهم وحسسناهم بالخوف مننا تاني حيأمنو لمنو وفي وقت حاجتهم الينا حيمشو لمنو؟؟

الام.....متى تكون مثالية؟؟

لمن تكون ام بمعنى الكلمه تقدر تحافظ على بيتها وزوجها واولادها تعرف حقوقها وواجباتها وتؤديها بكل حب واخلاص وتربي اولادها التربيه الصحيحه وتنشئهم التنشئه السليمه والامومه شي ماساهل ومسئوليه كبيره ونعمه ربنا حرمنا منها ناس...ويكفي انه الرسول صلى اللله عليه وسلم وصى عليها 3 مرات المفروض نحس بعظمتنا ونقدر الوصايه ونصونها

فنجان قهوة زي العسل ياعسسل [/size][/font][/color][/align]

نبرة فرح كتب:

اختى وحبيبتى

مشتااااااقين

بالاكتر حبيبه

يلا قربينااا منك اكتر

حاضر امرك ياست الناس

1:هل تشعرى بالتميز؟

أحيانا

2:شخصيات أثرت فى حياتك؟وبما أثرت؟؟

معلمتي في مدرسة التحفيظ كانت بتحكي لينا قصص بتأثر فينا...
والدي.. بالتضحيه
والدتي.. بالصبر
اختي ... بالإصرار على الوصول لهدفها رغم كل الظروف

3:الى آى مدى يصل طموحك؟

طموحاتي لا سقف لها وكل يوم هي في زياده

4:هل المنتدى يؤثر على حياتك والعكس؟؟

نعم لاننا بنتعامل مع اشخاص فبنأثر فيهم زي ما بأثرو فينا وبنتعايش معاهم أحيانا مع قصص بعضهم

6:عيوب تخليتى عنها؟ وصفات تحليتى بها؟

ممممممممم زمان كنت زعوله وبحرد بس الآن اكتشفت انه مافي حاجه بتستاهل الزعل..واقتنعت تمام بانه الحياة كما قال لبيد
ألا كل شيء ما خلا الله باطل.............. وكل نعيم لا محالة زائل
صفات اتحليت بها انه ثقتي في ربنا بقت كبيره جدا وما بخاف من اي حاجه ويعني بقى عندي تفاعل اكبر مع الحاجات البتحصل حولي وانه احب الحياة اكتر اني ماتخلى عن احلامي

7:الى من تعطى؟

ورده حب

لوالديني

ورده احترام

لكل شخص قابلته واتعاملت معاه ولكل اعضاء انا سوداني

ورده عتاب

[caps]لصديقتي[/caps]

ورده أمل

لشخص بحبه وبعزه شديد

ورده وداع

لخالتي يارب ترجع بالسلامه

8:موضوع هنا لمس احساسك وعبر عن شىء داخلك؟

مره لمن مرض اخ العضو رؤوف وكتب عنه كان في نفس الوقت عندي خالي عزيز علي وكان مريض جدا وبعيد عني فكان بيحكي وبيتذكر يعني اتأثرت معاه شديد

9:من يكون؟

عضو متآلق

في اكتر من عضو متألق ام صبا واستاذ احمد يس مجدي عكاشه يعني بصماتهم ليها نكهه خاصه في صفحات المنتدى

عضو رومانسى

ودالزوحي- طلال الحكيم-بت السرف-مها

عضو رائع

نبرة فرح- محسيه-ياسمين

عضو غائب

رغوده- نهاد- هندسسه-مهاجر في البلد

عضو دمه خفيف

الشمالي -ابو صديق-بعد الزمن-بطه-دريمو-بكور

10.. على اى شىء تدل الصوره والتوقيع الخاص بيكى القديم ؟

الصوره هي نفسها يعني بحسها بتدي احساس ناعم ورقيق وشعور انثوي جميل احساس أمان

11..ماذا يعنى لكى المنتدى؟

جمهورية السودان مصغره

12.. اكثر الكلمات التى قيلت لكى ومازالت محفوره داخلك؟

دعوه من والدي

13/ مع من تشعرى بالراحه والامان؟

مع عائلتي وحبوبه

اتمنى ما اكون طولت عليكى

أبدا ياعسل تنوري دائما وماتنقطعي

ود ابنعوف كتب:

الغالية نهر المحبة والاعزاء المتداخلين


لكم اجمل تحية



متابع معكم

بت السرف كتب:[align=center]اهلا بالغالية نهر المحبة والاشواق..
[align=center]اهلين بت السرف نورتيني اتفضلي.. [/align]
دراستك الجامعية ..
قلت قبل كدة بتدرسى ديزاين...
ياترى عن حب ورغبة وللا اهو دراسة والسلام؟
[align=center]ممكن تقولي حبيته اكتر بعد مادخلت فيه لانه كان واحد من ضمن الخيارات ماكان خيار وحيد[/align]ا
جمل شئ عاجبك فى الجامعة شنو؟
[align=center]الجامعه بتخلي الواحد يعتمد على نفسه اكتر بتوسع مداركه ومعارفه عن مجالي يعني بخليك تزيد من ثقتك لانك بتطلع كتير وبتمشي محلات وبتقابل ناس كتير يعني بتزيد من لباقتك في الكلام ومنها تقدر ترسم صوره لنفسك[/align]
فى أى سمستر حاليا ...ولو بنظام السنة فى اى سنة جامعية ؟
[align=center]في السنه الاولى لسه [/align]لم تتولدى فى السودان...
مدى ارتباطك متى بدأ بالسودان ؟
[align=center]من الطفوله لانه كنا بنجي اجازات[/align]دايما ترتبط الاسماء بقصص الحبوبات عندنا ...
قصة فاطنة السمحة..ليها تأثير فى حياتك ؟
[align=center]ماليها تاثير لانه سماني ابوي وفي ايام ولادتي كان بيقرى عن السيده فاطمه الزهراء فأعجب بحب ابوها ليها فكانت التسميه

واحتمال كبير اني لمن سمعت القصه مااكنت عارفه اسمي فاطمه لاني اكتشفت الحاجه دي لمن دخلت المدرسه [/align]
ومن من سمعتيها (قصة فاطنة السمحة)؟
[align=center]؛؛حبوبه[/align]؛؛
؛؛
وبرجع ليك خلى لى معاك فنجان قهوة ....[/align][/i][/size]

في انتظارك ياعسل فنجانك موجود انتي بس تعالي

بعد الزمن كتب:

نهر (مساء الليل)

شعورك الان وانتي مزرودة.......؟؟؟؟
ولي عودة

صباح الليل بعدو
هههههههههههههه
شعور جميل جدا
تتذكر زمااااااااااااان لمن كنت صغير مش كان بيمتحنوك لو بتتذكر الشعور داك
فقدت أستلئتك
في انتظار تجي تشرب معاي فنجان