همس القوافى

[waya]

[grade="00008b ff6347 008000 4b0082"]عِـشِـقْـتِكْ لأنِّـك معاي الحبيبه
وْبـحبِّك بَـحـرْ
عِشِقْتِكْ
لأنّك خواتـم الـحـقـيقه
وطـريـق الـوصولْ
لأنّك بداية الْـخـلـيقه
واساس القبولْ
أَحيِّـي الغيوم
البِتَـفْـطُـم ذُبـوِلـكْ
تَـرضعِّ سُـهولِكْ ، مـواسم الـهُطولْ
واحـيِّـي الـمداين الـبِتَفْتَح حـدودا
وتـمـنح عـيونِكْ جَـواز الـدُخولْ[/grade]

[ريانه إمام]

سألتك خبارك ؟!
مسُوكر لسانك
وصمتك يشفق
خبارك بتغرب شموسك
زمان الشموس البتشرق
تضيع الملاحه التعطن وجيهك
ومّنك تدفق
خبارك غريبة.!
وبحبك بحر
.

[انس عبدالقادر]

همس القوافى ياراااائعه كلامك جميل ورائع

[مها]

وسما هواك بأضلعى

متفجرا فى كل ركن من عميقى

شاهرا وهج الصبابة و التهابات النبأ

هيهات فى ليل المهابة ما احترقت

ولم يضل النجم عرشى

فليعد للحلم طيفك عابرا

بحر العوالم كى يحط على سبأ

[waya]

[grade="00008b ff6347 008000 4b0082"]يا طاهرة فى الزمن النجس

ومستّفة الحيل بغناك

انا ما نسيتك فى الرماد

شان ازرف الدمعات وراك

وانا لوببيعك

ما كان غمدتا الكلمه

فى لُب الجفير

ومرقتا أعزل فى العراك

وانتى فى مفترق الطرق تطمثى

تتحسسى السلك الهلاك[/grade]

[لبيب]

ينساب طيفك بين الروح دفاقا
وعتل قلبي لذكر الود مشتاقا
فمنك تبدي الليالي سحر صفوتها
ويزدهي الكون عند الصبح إشراقا

[مها]

بساهر الليل واعد نجماتو واتأمل
بفكر فيك .. وأسأل كيف.. ؟؟ بدونك ممكن أنا أوصل ؟؟
لقيت الفكرة ما ممكن ،،
بدونك مستحيل أوصل ،،

لقيت قلبي المتيّم بيك
بزيد في الريدة من أول
ونورك في دواخلي وهج
بزيد في شعاعو ويتجمل

لقيتك انت احساسي

ومحال احساسي يتحول

[طلال الحكيم]

وزي درة الأصداف بشيلك جوة في قلبي

يا بريق الدر

ويا عقد ماسي


ما إنت عز أهلي وإنت نور عيني وإنت

توم الروح

وإنت تاج راسي

[waya]

[grade="00008b ff6347 008000 4b0082"]كنت جد ناوي الرحيل
إلا شايل ذكرى منك
خفت في الغربة البعيدة
المسافات يبعدنِّـك
العيون الشايلة سيرتك
بُكرة يبكن ويفقدنـِّـك
والأماسي الحالمة تحزن
والمشاوير يتعبنـِّـك [/grade]

[ريانه إمام]

حنتلاقى
ما بتخيل أبقى براي
وأشيلك إنت من جواي
ومهما يكون
ومهما تجري يا أقدار
وحاتك يا حبيب الروح
ووحات حباً سقينا سوا
حنتلاقى ..
وأشوفك مرة من تاني
وأعيشك يا فرح مرات
..

[مها]

ياوردة العطر الذى
غسل الدواخل بالعبق
ميلادك الآتى
بكل مواسم الافراح نحوى ليته
ينهى عن الحزن المقدس يأتنى
بالعشق والمطر الملون والشبق
ان جاء يخبرك الحنين
عن اشتياقى
والهنيهات التى ذابت
من الصبر المزيف والقلق
فتأكدى بالحق انى لم ازل
اسمو على قمم المشاعر سامقا
كالبرق فى زهو السهى
رمقت خواطره بهائك فاحترق

[أبوالمطارق]

[

وأحييك لهذه الجداول والحقول المورقه بهذا الوردالجميل والابداع المشرق

ولكم تحياتى

واحـيِّـي الـمداين الـبِتَفْتَح حـدودا

وتـمـنح عـيونِكْ جَـواز الـدُخولْ[/grade][/align][/size][/font][/QUOTE]

[مها]

قصة الشوق لي عيونك قصة ما بتكمل فصولا
وفرحة الروح يوم تسامحك حاجة ما بقدر اقولا
وتبقي في وصفك وحاتك كل حروف الشوق خجولا

[waya]

[grade="00008b ff6347 008000 4b0082"]كثير الوجد
يربكه الجمال
يامترنما فى الخيال
أى ريح اتت بك هنا
وأى موكب تختار
هذى كرنفالات الفرح
تسرى فى دمى
لم تترك شيئا يقال
سوى انى مصلوب امامك
أتهجأ حينا
واتلعثم حينا
وحينا يأخذنى الجلال[/grade]

[مها]

انت اعمق من احبك
وارقى من كل المرافى
وبرضي عاجز لو ازيدك ديمة من عشقي الاضافي
كل ما افكر في ريدك
القى ريدي عليك خافي
ما بقول عشقك ملكني والعيون فيها اعترافى

[waya]

[grade="00008b ff6347 008000 4b0082"]أخالف كيف هواك الرأي
ونفسي معاهو متفقة ؟
وعينيك فيها تيار ريد
يغير سكة الطلقة ,,[/grade]

[مها]

لو بحار اللهفة فاضت
وتاني عادت ..
واستقرت في إيديّ
أو نجوم الليل حتقدر
بالسهر تشبه عينيّ
كنت زينت المرافئ
وكنت نمقت القوافي
وكنت بوصل ليك حافي

[waya]

[grade="00008b ff6347 008000 4b0082"]يا موزعه في الفصول والبطاقات والهويه
شن بلم فرح البنفسج بالرياح الموسميه
شدي حيلنا على المسافه وهدي جدران الاسيه
وعلمي الاطفال كلامك والحروف الابجديه[/grade]

[ريانه إمام]

قدرك...
تباريك المناحات
و تعيش سنين العمر في قفص التباريح
والذكريات في كل ليل
تفتح حنينك بيت بكا
و تعصف رياح الفرقة
بي حلم المراجيح
قدرك ...
تلاقي الدنيا في باب الخروج
و تفتح حنين القلب للراحلين ..... ضريح

[لبيب]

الشوق يفيض
يرسل خواطري تقول سلام
واللهفة تسأل عن خطاك
ياعالية في الذوق والمقام
ما انت كل الدهشة ليك
و انا مني كل الإحترام