المشرف: بانه
ودالدرديري كتب:
المعشوقة ياحليلة وحليل جياتا
شالت نومنا راحت من ليالي تلاته
ياودأونسه طريتنا البقولو حلاتا
الله يجازي من خانا وطبق كياتا
ود أونسه كتب:
المعشوق رحل ســامع الخلوق بتنوح
قطع الطلـه ده النادي الوجيهو صبوح
حرم دارنا الكلام الباهي عطرو يفوح
كل املنــا يتنازل يعــــود مــا يـروح
ود أونسه كتب:
ود الشـيخ حبابـــك والله مشـــتاقين
قاطعنا الخبر يا اخونا ضـارب وين
يا زول لا بتمر لا بتسأل عن التانين
جابو ليك خبر ام شفت شوف العين
ودالدرديري كتب:
لاضارب طناش لاسبت ليماً زين
ولا سامع كلام لا شفت شيتاَ شين
وحاة الله العظيم ياأونسة مشتاقين
بس يومين بجيكم و سلم على التانيين
أيمن كتب:[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المريود جفانا الليله صده وراح=
ومن غير ليمو يالدرديرى مابنرتاح=
ياودأونسه جر مسدارو وصب الراح=
سهرنا الليله فوق الغالى حدو صباح=[/poem]
ودالدرديري كتب:
المعشوقة ياحليلة وحليل جياتا
شالت نومنا راحت من ليالي تلاته
ياودأونسه طريتنا البقولو حلاتا
الله يجازي من خانا وطبق كياتا
أمين السنجك كتب:بت الأريل الضـامره وليفـة حــلاتا
نهـيداً برتكـان ماضاقلو مسه بتـاتا
جـوز عينيـها سهـاماً للقلوب حتاتا
سافر ماخبرني قبل سوى الحكاية غتاتا
مهند عبد الرحمن كتب:المعشوقة يا ناس مابقدر اجيب اوصافا
دي الزوق والعفاف كاسيها وفيها قيافة
دي خلقة ربنا لا بدرة ولافيها اضافة
ماخلت فيني عقل وقليبي صبح رجافة
أيمن كتب:
[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تصديقك طلع درديرى بى يومين=
ماتزيد فوقه ساعه ونحنه منتظرين=
المسدار بلاك جالبنو للتلجين=
وكان ماجيتنا نحنه وانته متحربين =[/poem]
ود أونسه كتب:جاهله وديعــه ناديه بتأســرك بسماته
هـاديـه رزينه شايلـه العفــه من اماته
سحر عطر الخواويج من اريج نفحاته
معسـولة الكــلام صيد المهــا عويناته
ودالدرديري كتب:
ياود القبايل و بيت عمار الدين
يا ود العزاز المابجيبو الشين
حربك مابطيقا وحاة كتاب الدين
أيمن قول سماح أناجيت قبل ساعتين
أيمن كتب:[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]ياوداونسه بت الصيده هكا صفاته=
دى المرنوعه ظاهر طوله بين أخواته =
ماطقت حنك قطعت مع المشاطه=
وماشالت مرايه وروج فوق مخلاته=[/poem]
ود أونسه كتب:مهرة ود مرين درعــه وتقيله حلاته
نايرة خــد تتعرجـن تحــاكي التاته
مـا نقلت حديث محبــوبه من جاراته
تهواها النفوس اللي القلـوب شلهاته
أيمن كتب:[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوداونسه هاك مسدارى فيهو الداتا=
ضامره وناهده كل الناس تسوى وحاته=
مازارت محل النت ودور شاته=
ساتره حجابه مشهادا عليو اماته=[/poem]
ود أونسه كتب:يا أيمن تجــــود تدينــــا من بركـــــاته
عابده وذاكره في ضي نور جبينه بخاته
مرزوق من كريمــو الفايز مسك حجباته
يهنأ يعيش سعيد يرشـف سلاف كاساته
