إحتفال العيد الأول،، يديكم العافية شباب

[sunni]

يعني يا هتان،، ما حركت فيك قصة إختراق الهاكر للمنتدى،، وحركتك كلمة (مع انك هلالابي)..

ياخي والله بشكرك من الأعماق انك وضحت ما أقصد من غير ما تقصد

كدي ما تغيروا لينا الموضوع ،، وشوفوا لينا ننوسة دي،، البت عيانة يا عالم،، كفارة ليها،، وربنا يديها العافية على المجهود البذلته،، لكن الناس كللها روحا مشحتفة على الصور،،، ما تفشونا يا شباب

[shujoon]

[]كان ذلك اليوم صحفة وردية في مذكرات حياتي
كان يوم اروع واحلى من كده مافي

انشاالله دايما عامرين ومتجمعين علي خير
عمو السنى ننوسة كويسة ماعندها عوجة بقت احسن كتيير من امس










1)ترطيبة: يامرطب زول بالجد دمة خفيييييييييييييييييييف

2)حموودي: انتقل ليه فايروس التنقشة لكن زول برضو دمه خفيف

3)حافظ عوض الله:زول رائع جميل في كل تصرفاتو (كلامو كتييييييييييييييييير)

4)ضيف : ضيف

5)المغربي: شخصية هادئة مسالمة بى طريقة ماعادية

6)مجدي عكاشة: استاذنا الكبير الرائع

7)سودانية نار: الكلام غلبو هنا المشى عديل كده ماعارفة اقول شنو بس الى حاجة جميلة فيها


8)لحظــ(غروب)ـــه:لو في زول عسل في الدنيا دى لحظة غروب

9)ننـوسة: عسولة

10)راشد يا ابو راشد عسل بث

11)ضيفة:ضيفة

12)مفاجأة السيد المشرف العام:دي كانت اروع واجمل دى لو حاولت اوصف كل كلمة جميلة تكمل
عمو صلاح شكرا على المفاجأة الجميلة

halim jabber(13: العبقري اللطيف

14)بت بري :لذيذة وعسل وجميلة بالجد

15)هتان:زول حبوب بالجد

16) مفاجأة السيد المدير العام: مفاجأة جميلة انشاالله تكون اسرتنا عجبتو ويارب ينضم لينا

17) مفاجأة السيد ايمن: مفاجأة كانت احلى شئ تورتا ولا اروع شكرا على الذوق العالى

18) مفاجأة الأستاذة عذاب: كيسك وصلنا بس كنا بنتمنا انك انت تكوني بدل الكيس[/font]

[batota]

نتوسه سلامات يا غاليه ..
أنا حأبكي , المره الجايه لازم يكون في فروع في كل انحاء العالم عشان ما أبكي..
وين الصور ياجماعه لكين ؟؟

[عاشقة محمود عبد العزيز]

كـل عام والجمــيع بخــير ...

اتمنينا نكون بجواركم اخوتي لكن الجايات أكتر ان شاء الله
وبصراحه ماقصرتوا في نقل التنقشات حسينا نفسنا كاننا في قلب الحدث
جهد رائع وكل الشكر لك اختنا ننوسه ... وكل الامنيات لمنتدانا الرائع بدوام التقدم
ومجتمعين في عمل الخير كمان باذن الله

[sunni]

والله إني لأشتم رائحة قنبلة لم تنفجر !!!!!

شنو حكاية الضيوف الما معرفين ديل ؟؟؟

وشنو حكاية الضيفة الجات مع سودانية نار ومشت

وهل شهد الكلام لما تقول ما بتقصده ؟؟؟؟ الهدوء الفيه شهد،،، مااااااااااااااااااا طبيعي


لا تعليق،،، لكن انا نخرتي بتشم كويس والحمد لله

[لحــ غروب ـظة]

دى يا ننوسة اجمل صفة فينا احنا السودانين ...كلنا بنبقه لبعض
وكلنا اقارب بعض.....الميزة دى نادر جدا تلقيها عند الشعوب الاخرى.
نكته سريعة....!
واحد سعودى بتونس مع سودانى ....قال ليهو والله انتو السودانين
.....يعنى لو البشير وقرنك قعدوا يتونسوا مع بعض ...يطلعوا اولاد اعمام....!!!
ديل السودانين واهليتم....!!! عندو حق ...كلنا اخوان....واهل.

يا عمو ازيك وحبابك وحباب عقابك ........

ما اتشرفت يالكلام معاك بس والله مدامتكم عسسسل وراشد اعسل ربنا يحفظو ليك يا رب ...

وأرجع لي كلامك الفوق دا .........

النسب القاصداهو ننوسة حصل وقتها ما نسب تم اكتشافو وكدة..........:D

فهمت علي يا جدو ؟؟؟؟؟؟؟؟؟

[حموودى]

بالمناسبه يا لحظه


عمو غروب كيف؟

[لحــ غروب ـظة]

حموووودي تسسلم من كل بلا ...

الحمد لله كويس ............

[ترطيبه]

كان يوم الخميس يوم مهرجان فرح لكل كتيبة منتدي انا سوداني
وكن كل الحضور انيق وجميل وكان الجو عليل والهوا هبابي
انبسطنا
فرحنا
تجاذبنا اطراف الحديث فى مواضيع شتى وكانت السعاده للالتقاء
بمجموعة احسب انها من خيرة شباب وشابات بلادى
كانت المفاجأه فعلا بقدر الحدث وهي حضور اسرة اخونا صلاح
بقيادة الفارس راشد
نتمنى ان يجتمع الشمل مرة اخرى وان تتكرر اللمات

وللحديث بقية ,,,,,

[ترطيبه]

من الطرائف :

*** فى اتنين بدو الونسه وبعد ربع ساعه من الونسه وصلو لى حتت الدبل
يعنى لو كان قعد ساعتين كان عقدو ,,,, موبالغه لكن يا هناي وهنايه

*** كل ما يجى شخص داخل يطالبنا بتعريف انفسنا عشان تضح الرؤيا
وفى لحظه جو مجموعه من ا لناس ولمن طلبو منى تعريف نفسي قولته ليهم
ان صلاح صاحب الموقع وطلعت عوجه لانو الجماعه ديل طلعو اهل صلاح
تنقشه شديده لكن

*** الشئ المعتاد كل ما يتصل زول بيمررو التلفون عشان نسلم على المتصل
بس حافظ تنقشه لله يديهو العافيه كل ما تتصل جكسوية يشيل التلفون ويجري
يتكلم معاها بعيد وبعد يكمل رصيد البت يجي يقول لينا هنايه بتسلم عليكم
واول ما بتصل ولد يشيل التلفون ويجينى جارى ويقول لى امسك يا ترطيبه هناى
داير يسلم عليك بس دي فلاحتو غتيت واحد تقول شايقي بس
فوت علينا تلفون الدكتوره والله لحظة تلفون سارونا اكان ما جريت كان قفلو

[ترطيبه]

افتقدنا فىا للمه الاخوان
حزن لسنين
ايمن
مونى
اصيلة
واخرون
نتمنى ان يشاركونا افراحنا القادمه ونتمنى ان تمتد جسور التواصل والمحبه
دمتم

[nunoosa]

ترطيبة

اخيرا هليت علينا بي الاخبار والشمارات

مراحب وهلا

يا جماعة الزول ده وناس بشكل وكان مدور الجماعة اصحابنا ناس الدبل شديد

اليوم داك انا أشتغلت عراضة لكن برضو مانفع

احكي لينا مقلبت حافظ وحمودي كيف؟

و

[ترطيبه]

ترطيبة

اخيرا هليت علينا بي الاخبار والشمارات

مراحب وهلا

يا جماعة الزول ده وناس بشكل وكان مدور الجماعة اصحابنا ناس الدبل شديد

اليوم داك انا أشتغلت عراضة لكن برضو مانفع

احكي لينا مقلبت حافظ وحمودي كيف؟

و

[color=0000FF]ننوسه صاحبتى ازيك
شايف من قولته ليك بتشبهى حنان ترك شايفك صاحبتينى شديد
على كل حال مشتاقين
وسعدنا بى وجودك وبى طلتك
طبعا صاحبنا اب دبله اتخلع ودخلته خوفه لمن فجأه لقي اخو هنايه الصغير جا
الحديقه وانا عملته ليهو زلعه وقولته ليهو ي زول دا شرك بكون ابوها جاى بالعكاز ورا
اسحن ليك تقوم جارى تصدق قرب يجرى
ماااااااااااا قولتو نوبة[/color]

[sarona]

من الطرائف :


*** كل ما يجى شخص داخل يطالبنا بتعريف انفسنا عشان تضح الرؤيا
وفى لحظه جو مجموعه من ا لناس ولمن طلبو منى تعريف نفسي قولته ليهم
ان صلاح صاحب الموقع وطلعت عوجه لانو الجماعه ديل طلعو اهل صلاح
تنقشه شديده لكن

هههههههه ترطيبة دي بصراحة مباااااااالغة ......

بجد ضربت الرقم القياسي في التنقشة

.

[waya]

والله يا جماعة عجبنا ليكم وسر بالنا

ومن كلامكم وحلو لقاكم كان ركبنا الطيارة وجيناكم

وغايتو في ناس كده في التنقشه ما بيقصرو

ترطيبة يا أخوي .. قالو اتظارفت قدام الناس في التورته

بس التورته الزوقتوها انت وحمودي .. يا ربي حصل ليها شنو

بالله يا شباب بقية الصور

[nunoosa]

[color=0000FF]ننوسه صاحبتى ازيك
شايف من قولته ليك بتشبهى حنان ترك شايفك صاحبتينى شديد
على كل حال مشتاقين
وسعدنا بى وجودك وبى طلتك
طبعا صاحبنا اب دبله اتخلع ودخلته خوفه لمن فجأه لقي اخو هنايه الصغير جا
الحديقه وانا عملته ليهو زلعه وقولته ليهو ي زول دا شرك بكون ابوها جاى بالعكاز ورا
اسحن ليك تقوم جارى تصدق قرب يجرى
ماااااااااااا قولتو نوبة[/color]

ترطيبة مافي داعي ياخ خجلتنا


الرائع ترطيبة

كان لعبق وجودك اريج خاص ملأ المكان بهجة وفرحة

وعلى الرغم من انه دي اول مرة اتشرف بي معرفتك لكن حسيت اني بعرفك من زمان

وصاحبك قام جاري انا شفته بس عملت رايحة :D

المغربي وين ياشباب؟

[nunoosa]

جميع المتداخلين في هذه الواحة الجميلة

اخوتي واخواتي الاعزاء الف شكر على كل حرف قيل في حقي

والله ياشباب انا ما بستحق الكلام ده كله وما قمنا به كان تناج مجهود جماعي وماكان عمل فردي من شخصي الضعيف

والناس كلها كانت مجتهدة وحريصة على انجاح اللقاء

والشكر كله للحضور الكرام ولادارة انا سوداني ومساهمة اسرهم الكريمة

ولكل المشرفين والاعضاء الكانو متواصلين معانا
وكانوا متابعين الترتيبات خطوة خطوة

وكل عام واناسوداني من صفوة المنتديات وكل عام والجميع بخير

والله ماناسية الصور

[حموودى]

وعلى الرغم من انه دي اول مرة اتشرف بي معرفتك لكن حسيت اني بعرفك من زمان

الحق ياحافظ والله انحنا طلعنا قاعدين ساااااااااااااااااااااااي

.

[nunoosa]

يعني يا هتان،، ما حركت فيك قصة إختراق الهاكر للمنتدى،، وحركتك كلمة (مع انك هلالابي)..

ياخي والله بشكرك من الأعماق انك وضحت ما أقصد من غير ما تقصد

كدي ما تغيروا لينا الموضوع ،، وشوفوا لينا ننوسة دي،، البت عيانة يا عالم،، كفارة ليها،، وربنا يديها العافية على المجهود البذلته،، لكن الناس كللها روحا مشحتفة على الصور،،، ما تفشونا يا شباب

عمو السني

مساءك خير انا تمام والحمدلله

سألتك عنك الحسنات والدعوات الصالحات

الصور في الطريق وقرررربت تصل

انا تاني ما ح اجيب سيرتها الاتشوفوها منورة البورد

[حموودى]

غايتو ياجماعه في منظر انا ماكنته داير احكيو لكن هاااكم





الاخت لحظة غروب اول ماقعدت وقبل مانفهم اي حاجه
كانت بتحملق في الالعاب
قمته قلته اجس نبضها قلته ليها نمشي نلعب؟


طوااالي قالت لي : ايوا سريع اصلو انا قلته ليهم مايجيبونا هنا عشان انا مابقدر اقاوم الالعاب دي

مع العلم اننا كنا في (مدينة الطفل)



والمرطب ترطيبه
حوالي خمسه ونص كان بكابس كافتريات الحديقه كفتريا كفتريا لمن عمل ليهم هلع (أصلو كان بعيد عنكم جعااااااان)

واشتري ليو خمسه سندوتشات ليو برااااااااااااااااااااااااو

(الحاله قال عندو ملاريا)

يعني لو ما الملاريا كان حايمشى (الشوايات) حيث(الاكل قطع)زي التفصيل للسمان يعني)
هههههههه



وده كلو كوم وحافظ




حافظ ده داير ليو بوست براااااو
بجيكم ليو راجع




أطرف سؤال كان من الوجيه (المغربي)


سأل ترطيبه:قال ليو: انته ترطيبه ده بالـ (طاء)


وانا قلته ليو(بالشنقيطي)


.