منتدى أنا سوداني

طبعا ً الواحد مننا لمن يغترب بيغترب عشان هدف معين بعد ما يحققو بيرجع
مثلا ً انا عن نفسي اتولدت في غربه يعني الغربه في دمي
اتغربة 15 سنه وبعدين رجعت ادرس الثانوي وقعدت سنه بعدها يعني 4 سنوات في السودان
والان انشاء الله ماشي على ماليزيا للجامعه وان شاء الله بعدها المانيا اللي يفترض
كان امشي ليها في فيبراير الفات بس ظروف الفيزا
يعني تاني على الاقل 8 سنوات
المجموع = 23 سنه تاني من الغربه
بس والله كلها تحت هدف واحد ( الدراسه )
كلنا لينا احلام يمكن وطننا مابيحققها لينا عشان كده بنتغرب

لايوجد احد فى الدنيا يتمنى المعيشة خارج وطنة
وكيف ازا كان هزا الوطن السودان
اعتقد ان السودان هو الحضن الدافى والزكريات الجميلة والاهل والاصحاب والاحباب
لكن بصراحة الوضع فى السودان غير مجدى وغير مشجع على العودة لاسباب كثيرة ومعروفة لدى كثير منكم
وشكرا

[size=6]في كتير من الشباب بحلم بالغربه والهدف واحد هو المال بس الغربه ليها ايجابيات وكمان سلبيات
بس على العموم الغربه في الوقت الحالي احسن بكتير من الوضع في السودان ونكون صريحين مع بعض
وبالنسبه لي انا ماخذ الغربه بالوراثه . ولكن مهما الواحد اتغرب ماليوهو الا في الاخر يرجع لي بلدو (وتحياتي لكل المغتربين )[/size]

أتمني العودة الي السودان
فأجده تقدم لسنة 1975
الكلام ده جد جد وليس عبسا

i live in Egypt now,and i lived in Yemen B4 it , i can go 2 sudan igaza bas
4 ever de sa3ba 5aaaaaaaaaaaaaaaaaaalis if they give me all what i want ,paid me money i do not think i will want to live there,bas 3ashan life there is so hard.am not living in heaven in cairo ,bas ahe a7san min bahdalt alzool fe baladu

sudan for ever
huma shahreen igaza 7ilween,alwa7id yimshi ya5ud milaria ,wi yi7dar kam kta7a kida wi 5lisna




thanks a lot 4 this awesome post

عظيمنا وردي لمن قال غايب السنين الليلة مالو غنا العصافير غلبو** طراهو زولاً كان ولوف كم رضى خاطرو وطيبو فيه اختصار لكل مرارات الغربة وكمان حلم الرجوع للوطن لكن لما قال لو بإيدي كنت طوعت الليالي لكن دي إرادة الله للرزق والموت مكان مكتوب بأجل ونسأل الله ياسارووونا عودة جميع الطيور المهاجرة وبالله ياطير قبل ماتشرب تمر على بيت صغير وياريت عند العصير

الوطن هو الدفئ الوحيد الذي يضمنا مهما كانت الاسباب سوا اختلفناا اوتفقنا ندعو ا الله العلي القدير ان يرجع الجميع الي الوطن سالمين غانمين
وطن نحلمبو يوماتي وطن حدادي مدادي

عارفين انا بتمنى ارجع للسودان الليلة قبل بكرة
خلاص الغربة دى الواحد ملا منها لكن زى ما قلتو الظروف بس
هى اللى بتحكم وانشاء الله ربنا يرد غربتنا قريب ويلم شمل جميع المغتربين
يارب

شوقي كثير للسودان ومافي اي واحد يقدر يعيش بعيد عن وطنه
لكن الظروف صعبة
ونيه الرجوع موجودة

انا لو علي بعد الشفتو هناك مارجع تاااني
لكن احلى حاااجة في السودان .. طيبة النااااس وبس..
..من غير زعل يعني..تاني مافي اي حاجة حلووة ...
بس مرد الواحد يرجع لبلدو واهلو..

دي حاجة اكيدة لازم نرجع

كل سوداني مغترب يراوده حلم الرجوع الي ارض الوطن الحبيب وانا منتظر اقرب فرصه للرجوع الي ارض الحنان ارض الامان !!!!!!!!!!!!!!

بالطبع نريد العودة

أما الأسباب فهي:
- الجو حار
- لا يوجد بشر كثيرون
- لا توجد قيم اجتماعية سودانية ولا شبيهة بها من قريب و لا من بعيد
- الأهل و الأقارب و الأصحاب ليسوا هنا
- الأرض لا ترد ما نعطيها ( لأن ما نعطيها هو تكلفة بقائنا هنا)
- السماء لا تمطر
- انغلاق تام و لا جيران
- الحياة على وتيرة واحدة
- الطعام و النكهة ليست كما في السودان
- لا يوجد عيد هنا ( لكن الصيام هنا سهل جدا مقارنة بالسودان )
- الدراسة كعدمها إلا في قليل
- لا يفهمون معاناتك النفسية ( طبيعي... يصعب على الرمال فهم الصحراء فكل من طبيعة )

بسم الله الحمن الرحيم


والله موضوع جميل وشكرليك على طرحو اولا اى سودانى تسالو انت عايز ترجع السودان بيرد سريع ويقول ايوه طبعااااااااا ولكن بتين بيرجع مامعروف الاسباب عن كل واحد بتختلف ولاكن الرجوع حلم كل مغترب وكمان ابناءهم هناك فى الغربه مهما كانت حياتم سهله ومانقصم شئ كده ممكن اى واحد يشوفم ولكن فى الحقيقه بكون نقصم كل شئ يعنى محرومين من كلمة حبوبه وجدو وعمتو وعمو وخالتو وخالو من مصطلحات ممكن تكون بسيطه بس معناها عميق انشاءلله الرجوع قريب وربنا يسهل ويجمعنا فى الوطن الغالى


اختكم بنت الحلفايه

[mark=FF3333]سارونا وسيرونا وسالونا[/mark]
ومن الحبايب سفرونا وبنيران الغربة كوونه
والله الواحد مشتاق للاهل ولي ناس الحي والاصدقاء والاحباب
وللتراب الحنين والهواء الطلق ولي حضن البلد
ولكن المسؤلية كبرت والعائل كذلك فماذا نفعل

السلام عليكم ورحمة الله وبركاته . انا بتكلم عن قناعة كاملة بعد الشفتو فى السودان ما اظن تانى ارجع باخوى واخوك الا الشديد القوى . ولو سالت ماراجع مالك ؟ اقول ليك ارجع اعمل شنو طول ما انا شغال وبرسل لناس البيت وهم كويسين وبعرف اخبارهم طوالى ما فى داعى للرجعة . ولو قلت حتقعد لمتين ؟ اقول ليك بفكر اهاجر مرة تانى . الاقامة بلد الفرق بينه وبين المسعودية الميم .تحياتنا

اكيد حبيبتى سارونا لينا نيه بالعوده لبدنا الحبيب
ومهما لفينا ودرنا ما حنلقى زى السودان
وانا بقيم فى السعوديه الوهم
والله انا لو لقيت الليله ارجع كنته حرجع مع انى جين اول امبارح من السودان كنته فى اجازه
لكن نعمل شنو والله ما بيدنا الرجعه
وكل يوم بيزيد شوقنا لبدنا
الله يرجع كل المغتربين لبدهم
وبشكرك لطرحك الموضوع الجميل ده ياعسل

انا عايزة ارجع اجازات بس
لكن لو نهائي ماينفع"احسن ننتظر كم سنة وبعدين نفكر في موضوع الرجعة النهائية دا"
ما بنكر انو السودان جميل واي حاجة وكل ما ليهو قاعد بيحسن ويتطور واحنا مبسوطين بالتطور دا
لكن برضو انا عند رايي
مع محبتي