منتدى أنا سوداني

dreem-lady كتب:

فعلا مجازفات
يايوم بكرة ماتسرع...تخفف لي نار وجدي

أشوفك بكرة في الموعد.........تصور روعة المشهد

ياسر مكنون كتب:[align=center]من العنوان
وبدون ما اقرأ القصة
أكيد هي الغلطانة


ذكوري متعصب [/align][/size]

طالب القرب كتب:انت حكمت وراضين بي حكمك وشكرا

لكن نحن ماراضيين-في قاضي بحكم بدون مايسمع القصة؟؟؟؟؟؟؟؟؟؟
ده كلام!!!!!!!!!

طالب القرب كتب:

الحلقة الاولي : -

كنت في السابعة عشر من عمري صغير يادوب ( جني ) زي ما يقولو
وهي كانت صغيرون في الصف الخامس ابتدائي وهي رمز ( ك )

في يوم من الايام وانا ذاهب الي المدرسة مع الصباح والدنيا برد شديد ( وشائل البستلة هو الفطور بتاعي ) وماشي بطرف الجدار ( الحيطة من شدة البرد ) اري مجموعة ( بنات من خلفي ) ومن ضمن المجموعة ( ك ) ونظرت ليها والموضوع مرة عادي مافي شي واليوم الثاني نفس الشي ما في شي عادي الي ان انتهت المدارس انا بنظر ليها وهي بتنظر لي .في السنة الجديدة والجدية بداءت من بداية السنة ووقتها كنت في الصف الثاني الثانوي وهي كانت في الصف السادس ( لمواخظة كنا بنمشي المدرسة بالحمير لي ناس الشمالية الكلام دة ) وفي ذات مرة من المرات ركزت عليها العين وهي من وسط البنات قالت لي صحبتها شوف الولد دة بعاين لي كيف مع انو الولد دة من الاقارب لكن بي جدودنا عاز ليها ورقة وقلم علشان الواحد يعرف قرابتنا مع بعض ايه المهم انا لمن هي قالت كدة عملت فيها زي ما يقولو رايح من شدة الخجل طبعا الواحد بكون خجلان جدا من الموضوع زي دة وخاصة انا في طور يتطلب الخجل والسمعة الكويسة وطبعا في البلد ول شاغلت وحدة خلاص البلد كلو يعرف انك انت شاغلت البت الفلانية المهم بقيت كل يوم اوقت بنفس مواعيد جيتهم انتظرهم واجي ماشي بس عيني في عينها وكل يوم كدة الي ان مرة قاربة السنة وفي اواخر السنة وفي يوم من الايام ( هرجتني وقالت لي عاين قدامك ) قلت خلاص الموضوع دة شكلو حيظبط معني كدة هي عارفة انو انا خاتي بالي فيها طبعا من هرجتني عاينت قدامي ولا اتلفت عليهم تاني وثلاثة ايام ما شفتها وخليتها واليوم الرابع قلت لازم اشوفها وطلعت من البيت بعد ما جيت من المدرسة لقيتهم طلعو من المدرسة والطريق فاااااااااااااااضي قلت يا خسارة وين هم اليوم وطلعت في طريق بيتهم الي ان وصلت بالقرب من البيت حوالي 200 متر لقيتهم جالسين في الارض وهي عرفت انو انا جاي عشانها وانا ماشي عليهم ما قتدرت اعاين ليهم في وشهم اول ما فتها ونظرت لي للوراء قامت كتحتني بالتراب ( احلي تكتيحة اتكتحتها قبل كدة ) .

نخليكم الي ان نلتقي في الحلقة القادمة انشاء الله .

انها قصة حقيقية وهي الي الان يتداولها جميع اهل ( البلد )

والي ان نلتقي استودعكم الله

طالب القرب كتب:الاخوة والاخوات الكرام السلام عليكم ورحمة الله بركاتة نسبة لعدة امور اولها الزواج
تاخرت في سرد باقي الحلقات وان شاء الله وعد بعد مني من يوم السبت الموافق 12/ 2/2011
نبداء في سرد باقي الحلقات تحياتي لكم واكرر اسفي سلام