[quote="الأميرالحب"]ود الشرفـــــه :
عن تجربه خاصه اسعلني انا
الغربه حظوظ يا عمك
تجري جري الوحوش وغير رزقك ما تحوش
دا كلام صاح ميه الميه
وبعدين يا خوي في الغربه دي في ناس لاشهاد ولاغيرو
مرطبه لمن بي هناك
علي الجزيم شهاده ابتدائيه ما عندو
لكن كلها في النهايه ارزاق
وانت شهادتك دي بلها واشرب مويته والله اقعد في السودان تلقي ليك شغل بيها
نص الزلط هنا والنص التاني هناك
دا راي الشخصي
وبعدين الغربه ممله والعجب لو لقيتى ليك كفيل ما كويس
تفتش في الطريقه الترجع لي اهلك
هسع انا لي 5شهور عاوز اجدد اقامتي وما قادر
عارف الكفيل قال لي مكتب العمل وكده
دا كلو اسلوب بتاع دخل يدك في جيبك
يعني البتلمو في السنه يجي الكفيل يشيلو في لمحه
الواحد يقول ربنا يستر الحال[/quote]
شوف يا الكاشف اخوي زي ما قلت الحكاية ارزاق ,, بس لو الزول ملا راسو ده كوووويس ومشي جاااهز وحات الله القروش محل يوديها مايعرف ,, والحمدلله ساعيين في الحته دي ,, وعن تجربه اسريه عندي خالي اخذ درجة البروفيسر والاستاذيه من جامعة لندن واشتغل دكتور في جامعه يابانيه وحاليا بروف في جامعة الخرطوم ,, جاهو انتداب من جامعة الملك سعود بعقد عمل شهري 40الف ريال ,, ولسه ما وافق ,, في شروط رافضها زي مكان السكن والتأمين ونوع العمله الحيصرف بيها الراتب وغيرو ,,, عارف الزول ده بعمل كدا ليه ؟؟ عشان راسو مليان واتشرط علي كيفو ويختار الراتب الهو عاوزو ,,
امشي للغربه وراسك مليان بتخلي الناس الحولك غرباء وانت سيد البلد لانهم بستفيدو منك
الاثنين موجودين
رطوبه جسم وجيب