مغتربون آخـر زمـن

[شاهيناز]

كل الشكر الجزيل ليك اخونا امين السنجك على الموضوع الهههههههههههههههههههام ده لانه الصراحه لمن امشي السودان ماقعده افهم كلامهم وبالتالي هم بيضحكوا على كلامي وبيقولوا لي كلمات مابفهم معناها فبستهزؤا علي وبتحرج جدا
وده معناه انه زي ماللغربه محاسن ليهاسلبيات
مع احترامي

[المعزب]

بلادي وإن جارت علي عزيزة واهلي وإن ضنوا علي كرام .
مشكور وماحانغير لابلدنا ولالغتنا إن شاء الله.
مشكور ومنتظر المزيد.
تحياتي

[ديمة]

×?°اشكرك شديد لانك طرحتة الموضوع دة
لاننا بالفعل بنعاني منوا انا واعوذ بالله من كلمة انا مغتربة وشايفة العجايب من الناس الناس السودانين الماعاجبون وطنون الام السودان والاسوة من كدة انهم بجو وبقولوا دي بلد شنو دي وبترود عليوا لاكن انت سوداني يجي يقول للاسف """"وفي اكتر من كدة بكثير مابنقال وكان شوفتوا ما بتصدقوا ......انا صراحة بحن عليهم لانهم كان مادايرين بلدن دي ما بدورن زول .....استغفر الله العظيم واتوب اليه .....دي مشكلة حقيقية الله يعينا وبشكرك مرة تانية لانك طرحتا الموضوع دة والله يبارك فيك ×?°

[سالومي]

طبعا من وجهة نظري انو كل مغترب ومغتربة بيجو من برة للسودان
بيعتبروهم متخلفين أو مابيفهمو حاجة وانا لمن مشيت السودان أول مرة
في عيد الاضحى كل واحد طبعا بيشوفني حاجة غريبة

[سالومي]

طبعا أنا من النوع البيحب السودان بشكل ماطبيعي
واذا وحدة بس غلط على السودان ماحتشوف مني خير ابدا
وشكرا على تفاهمكم معانا ودهالشئ الوحيد الي بيخلينا نتواصل مع اهل
بلدنا واخوانا واحبابنا في السودان عامة

[سالومي]

أغلى كلمة في حياتي كلمة وطني السودان
لان السودان بطبيعته دولة متفاهمة وبتستقبل الزوار
الوافدين اليهابكل رحب وسعة وابتسامة فاخرة
والدليل كل زول بيسافر على السودان
بيرجع مبسوط ومسرور

[السودانى الاصيل]

هههههههههههههههههههههه
والله مغتربين اخر زمن

المساله اصبحت تفاخر وتعالى على
الناس وبوبار اكتر
وكانو المغترب دا كان فى كوكب تانى غير الارض
فى حين انو هو فى بلد الغربه بيعتبروهو شنو دى
مافى داعى
نحن مقيمين فى بلدنا والواجب علينا نتقرب للناس البتقيمنا
مش نحسسم اننا افضل منهم

[rawan yousif]

اولا شكرا اخي ع الموضوع لاكن بصراحة وبدون اي زعل في نقاط ما عجبتني انت قلت انو<< ونسيانهم للوطن مع ذمـه بمقولة دي بلد دي لماذا ؟>>ما كل الناس بتنسلى الوطن ما في زول ابداneverانهم ينسو وطنهم مهما كان الوطن المشلوهو غني بالخيرات على قولتك لبن المراعي مثلا مستحيل ينسو الوطن النفرض انهم نسوا الوطن لاكن ما بكون نسوهوا لاكن ممكن يتناسو فيهوا وثانيا انا معاك في بعض الناس اللي بنجرفوا للعادات اللي في الوطن اللي مشليهو __وممكن كلامك يكون صح يا سالومي يمكن زول مغترب يمشي السودان يقولوا عليهوا متخلف .....


تقبلو مروووووووري

[دوريتوس]

[size=9]خليناها ساكت جينا
يالطيب بلدنا حنينة[/size]

شكرا ليك يازوق ان شاء الله مايكون في بلدنا مغتربين من النوع ده[/size]

[أهتم فيني]

السلام عليكم جميعا
والله أنا متغاز من بتاع الدكان ده لو أديتو فيزا ماكان أخدو

[((MaRwA))]

صح كلامك والله

اخص عليهم

وأسياد الدكاكين حكايتهم حكاية معانا

[عطر الورد]

مشكور يا اخوى بس بصراحه اى انسان اغيب عن بلدو اكيد بتغير لان البئه فرضت عليه مش ممكن اكون الزوووووووووووول الجاى من بره زى اللى فى السوودان وبعدين يعنى المره دى جاملوها وكتر خيرو صاحب الدكان

[عطر الورد]

عادى جدا تقول كدى المره دى وبعدين يعنى ما فى مانع انو اجاملا صاحب الدكان وزول ظريف جدا

[قنقليسة]

والله يا سنجك موضوعك دا في الصميم خاصة احنا عايشنو حقيقي
الواحدة تجي سنة ماتكملها وتبداء ليك البسة السيارة ياي لا ما بأكل ويكة لا وفي واحدة زولة كدا من دول قالت لي واخدة صاحبتنا في جلسة تعارف انتي من وين وردت صاحبتنا المتعوج لسانها من( نيالا) ردت اختنا نيالا دي وين ردت زولتنا الغبشة ليه رد عجبني شديد قالت ليها انتي بس قريتي لي ثالثة ابتدائي والله فاتت الربطاب
مشكور ياسنجك وحشني الحوش والهنبريب

[ابو العزائم احمد الطيب]

السنجك لك التحية وانت تنادي بالتمسك بالعادات والتقاليد التي نشأنا وترعرعنا فيها ونتوارثها جيلا بعد جيلا
احكي ليك اغرب شئ معنا واحد مافي داعي لذكر المنطقة المهم اول يوم في رمضان انا مشيت ميزتا معاهم
فطور بس صاحبنا قال ما بياكل العصيدة وفي اليوم التاني عاملين عصير قنقليس قال دا شنو دا سكتنا وفي اليوم التالت قال هو ماشرب الابري غضبتا غضب طبعا الكلام دا ما تشعر بيه انو مثلا بيضروا او حصلت معاهو مواقف تمنعه من الشرب للعصائر البلدية او اكل العصيدة حتي الكركدي كال هو ما بشرب المهم انا غضبت غضب بدون ما اشعر ربنا إغفرلي غايتوا ونحن في الايام الاولي من رمضان شلت جك الابري داك وصبيتوا علي راسوا والشكله قامت .
شوف زي المغايس دي ما بتشق وهو والله انا متأكد انوا شال دقيق الزريعة ومشي للطاحونة وفوق راسوا
والقنقليس كان بيعبي الكيس وهو خارج من المدرسة بالشطة فعيب علينا نعيب بلدنا وننسي تقاليدنا وعاداتنا لك التحية وآسف علي الاطاله.

العيب الكبير ننسى الوطن بالفيهـو
نهجر لي ضفافو وننكروا نجافيهـو
الرزق إن قليل ود البلد كافيهـــو
والزول البيشحد أصلو خيراً ما فيهـو

[فــتى الفلامنكو]

تشكر يا شيخ

[ThEwWw]

من جد مغتربين اخر زمن

[هايدي]

والله انا الموضوع ده كل يوم بفتحوا مع اولاد خالتي ان بقولوا ان السودان عدم نور ومويه وحر وانهم ما عاجباهم وانا بقول ليهم جربوا تفارقوا السودان وحتشوفوا انوا مافي احلى ولا اجمل من السودااااان وبالنسبه لي اللهجه والله بظن ان الواحد ممكن يقدر يسيطر على روحوا وما ينسه لهجتوا .

ومشكور على الكلمات الحلوه والرائعه وللامام

[ابو انفال]

وطنى ولا ملئ بطنى
وزى ماقال قيقم
اخير الموت من الذله
فالتحية لاهلنا فى السودان الحبيب
محل قبلت القاهم معاى معاى زى ضلى
فى واحد معانا هنا قديم اظن ليه 30 سنة مشى السودان قلت ليه السودان كيف قالى مافيه شى سمح الا الاهل والصعوط وقال حتى القروش البتداولوها وسخانه اتخيل شوف جنس ده والله انا زعلت منو لكن على حسب كبر سنو ماقدرت اقول شى مع انى اعرف حلتهم كويس مافيها شى يدل على انه فيها احياء
لكن نعمل شنو فى كل مجتمع شواذ والله انا قاعد هنا كانى حلمان لم استوعب الغربة يوم واحد وربنا ارد غربتنا سالمين غانمين معصومين من حقوق الناس

[نداوي]

بجد عجبتنى النكتة