كلمات الأغاني السودانية

[waya]

ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

[waya]

بتتعلم من الأيام

غناء .. محمد الأمين
كلمات .. اسحاق الحلنقي

بتتعلم من الايام مصيرك بكره تتعلم
وتعرف كيف يكون الريد وليه الناس
ليه ليه بتتــــالـــم
متين عرف الهوى قلبك
متين فاضت بااهات متين سهر
عيونك ليل طويله ساعات
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
وبكره وبكره الريد الريد بدون مواعيد يزورك
ياحياة عمرى وتقول ياريتنى لو حبيت
زمان من بدرى
وتعال تعال تعال فرح ليالينا وتعال قبل
السنين تجــــرى

[waya]

غناء محمد الأمين

لما شفتك ليلي ضوا وبق نور
ونرجس الجنة المفرهد
رف بي جنحات عطور
وغنى فارسك خت
صورتك في الاطار
في الليالي نجم يلالي
ونسمة في وهج النهار
وقال في وصفك لما بنتي
احلى منك برضو انتي
ومافي غيرك زول معانا
حتى كان يا السمحة غبتي
ومرة جالن الف خاطر
بي عيون عقلي المساهر
فجأة عينيك الحبيبة
قالو سارح وين مسافر
عشت قولن شيل وصفقة
وقلت ياريتني ابقى
همسة في حلم الاميرة
او سبايب في الضفيرة
او عقيد في تبر جيدها
او قليب في راحة ايدها
يا زمان اسمعني واكتب للبريدها
وريدها سيدي وريدي سيدها
الزمان لو حتى بان
ما اظن في زول يعيدها
يا حلاتك مرة همسة
ومرة نسمة ومرة
ضحكة ترضي شوقنا
ومرة كلمة تضوي فوقنا
ولما نسرح فيك قادلة
زي ملائكة علينا نازلة
بس نغني يا حلاتكم
يا اهلنا ويا مصايحنا
ونجومنا الضاوية
في واحات زمنا

[waya]

محمد الأمين
زاد الشجون
كلمات فضل الله محمد

ماهو باين في العيون وين حنهرب منو وين
الهوى البعث اليالي العامرة بذاد الشجون
يفتح قلوبنا ديار محبة ديار حياة للعائدين
ما بنقاوم كيف حنقدر وين حنهرب منو وين؟
ما إفتكرت الحظ يساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بشدة وانت عني بعيد
مافي عيشة بلاك بتبقى مافي نشوى ومافي ريد
والهوى الجمبك عرفتو عاطفة ملتهبة وعهود
وين حنهرب منو وين؟
إدعينا وقلنا تاني ما حنشتاق في عمرنا
وقبل ما تمر ليلة واحدة بحرارة الشوق غمرنا
كم لهينا وقلنا إمكن ندفن الحب في سهرنا
الحياة صعبت علينا وبأثر فقدك شعرنا
شفت كيف حبك حياتنا أنت يالحبك حياتنا
كيف بدون حبك نكون؟
شفت كيف حبك بيعمل بشغل الوجدان بيعذب
وبرضو بتقول عني خادع وإني بتلاعب وبكذب
ليك حق دنياك خالية لا بتشيل هم لابتتعب
كنت تتعلم تجامل لو فؤادك مرة جرب
إنو ما يدق دقة واحدة إلاّ ويتفجر حنين
يفتح قلوبنا ديار محبة ديار حياة للعائدين
ما بنقاوم كيف حنقدر وين حنهرب منو وين

[waya]

همسة شوق

ياريتنى لو اقدر اقول فيك الكلام المانكتب

واجلى المقاطع بالدهب وافرد صباح حسنك

وشاح يمسح عزاب عمرى المسطر باللهب

بريدك كلمة كان رفت يهش سطر النجوم يسطع

ولماينادى همس الشوق يقيف كل الزمن يسمع

عيونك ديل عيون اهلى حنان زى نغمة فى مقطع

وطهرك تاج جواهرو العزة وانت العزة ليك تركع

بريدك بريدك ياصباح العيد ويافرح العريس السار

واحسك فى سما الازمان شمس بتضوى للمشوار

وحات ريدى اللشاف طيفك كتير قبال يلاقى يشوف

وجراح الماضى بيك نامت وغابت كل رعشة خوف

[waya]

الفاضل محمد ابوقدير

ذات الضفاير – محمد الأمين

الـشـفـنـا مــنــه كـتـيـر
وكــــم قـاسـيـنا يـاهـلـنا
وجــهــه الــبـدر فــتـان
فـــي ضـفـايـره سـافـرنـا
فــي حـديـثة احـلـى نـغـم
انـــشـــودة تــتــغـنـى
مـــــا اروع الـبـسـمـات
مــــن روعــتـن تـهـنـا
لادن فـــريــع الـــبــان
كــــل خــطــوة بـتـنـى
بـسـهـام عــيـون حـلـوين
نــشــابــه جــارحــنـا
عـصـفـور جــنـىّ الـحـور
بــعــيـونـه رحــلــنــا
الــفــى الــفـؤاد ذكـــراه
فــــى ريـــده سـرحـنـا
خــلانــا مـــا عـارفـيـن
ويـــن نـحـن ويــن كـنـا
آمــالــنــا نــهــديـهـا
لــلــحـلـوة تــتــهـنـى

[waya]

الفاضل محمد ابوقدير
الأسمر - محمد الأمين

والله يـــاأســـمــر
يــارائــع الـمـنـظر
مـمـشوق قــوام فـاتن
جــل الالــه صــور
وجـهـه الـقمر ضـواى
بــدر الـسـما الـنـور
ادعــج كـحيل نـعسان
وردي الـخـدود مـحـمر
وعـيـون كـتير حـلوين
مـــن طـبـعهم فـتـر
شـعـرك ســواد الـليل
مــن نـسـمة يـتـبعثر
والـحـكمه لــو يـبسم
بـحـرفا خـريـفه هـدر
فـى نـغيمه احـلى نـغم
مـوسـيـقى تـتـصـور
سـلـب الـعقول جـذاب
مــا شـفنا زيـه بـشر
لــو غـبت عـنك يـوم
اصـلـه الألــه قــدر
وكـيف عـن حبيبى أغيب
والله مــــا بــقــدر
سـيـب الــدلال يــلا
يــلاك نــزور امــدر
فـيـها الـجـمال الـوان
خـيـراته بــر وبـحر
سـبـحـان رب الـكـون
خـلـق الـجـماله نـدر

[waya]

محمد جباره
يامعاين من الشباك
محمد الأمين

يامعاين من الشباك
يامعاين من الشباك يااحلى زول شفناك
ارحم قلوبنا معاك وشاركنا نحن هواك
******
يا كامل لاوصاف ياالكلك جمال وعفاف
عايزين نقول بنخاف تهرب وما تنشاف
*******
ناوين نزور والديك نطلب ياحميل ايدك
نوعد بالعمر نفديك لو العمر يرضيك
******
ياغالى ليك هوينا الشباك يشهد لينا
كم مرة رحنا وجينا لو بالعيون قول لينا
انك ياجميل حابينا
******

[waya]

الموعد

الشاعر فضل الله محمد - غناء محمد الامين

أشوفك بكرة فى الموعد تصور روعة المشهد
أنوم الليل أنا لا يمكن أساهر و النجوم تشهد
وعدتك قبل كده مرات ولسه برؤيتك بحلم
مشاكل الدنيا تجبرنى أخالف وعدى و أتلوم
ولوتعرفنى تعرفنى كم بتعب بعيد عنك وأتألم
أضيع أتمنى لو أقدر وأقول ياريتنى اتعشم
أشوفك بكرة فى الموعد
ويا يوم بكرة ما تسرع تخفف لى نار وجدى
أطاوعك يا ارداة الحب وأسلم ليك ما عندى
أفضى ظروفى وأتفرغ وأبادر بكرة فى وعدى
حنانك شوفنى مستنى معاى أشواقى ما وحدى
أشووفك بكرة فى الموعد أمانة الصبر ما طيب
قدر مكتوب وكان لازم نحب نعشق ونجرب
وداعا يا ظلام الهم على أبوابنا ما تعتب
ومرحب يا صباح الحب تعال ما تبتعد قرب

[spanisheyes]

غدار دموعك

لا تنبش الماضي البعيد الم تكن
يوما لقلبى واقعا مجهـــولا
لا تنكأ الجرح القديم فإننى
و دعت ليلا مظلما و ثقيلا
وحملت روحى فى فواد نازف
ما زال يحمل نصفه مشلولا
وخلعت اثواب الحداد اما كفى
اذ صار قلبك فى الهوى ضليلا

~* ~*
غدار دموعك ما تفيد
فى زول حواسو اتحجرت
جرب معاك كل السبل
وايديهو ليك ما قصرت
حطمت فى قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت

~* ~*

ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم

~* ~*

كيف العشم وكتين يموت
والغصة تطعن فى الحلق
كيف الحنين وكتين يهز
لى زول بعيد ما بتلحق
كيف الرجوع لي زول قنع
شايل رماد(رفاة) قلبـو الحرق
سيب الندم وانسى الدموع
ما فات زمان ما بتلحق

~* ~*

غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا فى طوف الفشل
وابحرنا فى بحر الضياع
ونسينا ذكراك الزمان
عشناها فى زيف القناع

[spanisheyes]

هم فرقتك


شاااايل.. هم فرقتك قلبي
معاكـــــ يا ريتو كان يرحل
وجمــــــــــــــــــبك
مشتهيك ياعيون


~* ~*
وكيف كيف
لما الفراق يحصل
ان شاء الله ما يحصل
بريدك يا شقى الايام
كان بيكي الحبيب يسعد

~* ~*
واسهر نجمي عزالليل
بعد روّح صباحك جد
وابكّي معاي عيون احباب
عشان اسف الدمع يشهد
ما كان الفراق منية ولا فرقة
عيونك وعد

~* ~*

مجبور قلبي يتعلم بعد ولّف عليك يقسى
عشان لو لحظة تنساكي عيون ما اتعلّمت تنسى
انا الفارقتو مرساكي قبل اشواقي ما ترسى
اصابح بكرة كيف العيــــــــد
اصابح بكرة كيف العيد
وعايش فرقتك هسّة
معقول قلبي بس يقسى

[waya]

غناء صلاح بن البادية

امنـــــــــــــــــــة
يا الأخوان حليل ناس امنة
الفي الحشاشات كامنة
*****
امنة السمحة راسية ظريفة
السمحة راقية عفيفة
موجة مقصوصة فاقدة القيفة
ان ما ادو النسيم هوفهيفه
زي زرع القمح في الزيفة
****
جلّ البي الجمال خصاها
وفي توب العفاف لماها
امنة دلالا عاملة براها
ريشة قلبي طق ... قاصاها
***
بتغير عبلة من أوصافها
رقة وذوق وزايدة لطافة
في صديرا تفاح يافـــــا
نابليون يهابا يخــــــافا

[waya]

الاحبة
غناء صلاح بن البادية

الاحبة بعد ولفو
مالم جارو و صدو وجفو

قلبي كان ثابت خففو
علموهو الريد واختفو
بالعذاب البي ما اكتفو
للمواعيد بقو يخلفو

الصغير يا الضامر الهاف
من عيون الناس ليك بخاف
اليشوفك من غير خلاف
داق سعادة الفي الكعبة طاف

يا ملاك انا قررت اتوب
اترك الحفلات والعود
يا الجدي المرعى الحقوب
ليك ياما كست الدروب

داير اتوب وارجعلك انا
اترك الحفلات والغنى
اجفى غيرك مهما دنا
يا ام نهيدا ما رضع جنا

يا حبيب ريدك من بدا
قلبي ليهو استسلم رضى
للهلاك روحي معرضا
يا جميل ليه تعمل كده

[waya]

كلمات : مبارك المغربي
أداء وألحان: صلاح بن البادية

ما عشقتك لي جمالك
إنت أيه من الجمال
أو هويتك لي خصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهائو
من مناظر السبر صفحة
من ريهد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصحو طريقنا باين
يا شبابنا نقيف نعاين
الأمل معقود علينا
والعمل ظمئان إلينا
بي سواعدنا ونضالنا
في جنوبنا وشمالنا
غير من يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليه تزحمنا الخواطر
نبني مجدك يا بلادي

[waya]

مجموعة من أغاني .. صلاح بن البادية

انتي لو داير بكاي الف اهلا يا دموع
مهما القي النار في دربك برضي اشتاق للرجوع
اصلي عايش كل منايا القي في حبك مصير
وانسي في عينيك شقايا وانسي تعذيب الضمير
برضي اوصل لى نهايه تروى ليك عمرى القصير
لى هناى تكتب بدابة حلوة زى ضحكة صغير
كنتا عايش طول سنيني فى دروب مليانه هم
كنتا بشعر يا حبيبي إني مخلوق للألم
لو تصدق إنو عمرى أصلو في يوم ما ابتسم
إلا يوم ما شفتك انتي وكنتا لى اجمل نغم
انتى لو رضيان تسيبني ابقي في دربك وحيد
يسعدك انك تشوفني كل يوم في هم جديد
انا برضي بى حكمك علىّ مهما فى جورك تزيد
ابقي بي حرمانى راضى بى هواك اموت شهيد


******
غنيت انا للستات
انا قصدي الانبساط دائما
يا اخوانا مع البنات
سافرت اجيب فلوس
واختار منهن عروس عاجلا
سافرت اجيب المال
من جبال تقلي البعاد لازما
ما حد جاب لي خبر
ده حب البنات يا خال
سبب لنا استخلال دائما
يا اخوانا في البنات
حلمان حلمة الخير
في الجمعة اخر الليل نائما
قالولي انشاء الله خير
وانشاء الله خير في خير
دائما يا اخوانا مع البنات

*******
حسنك امر
حسنك امر احمل صبابات الهوى
واحمل براي نار الجوى
لاكل قلبي ولا فتر
***
حسنك امر و الشوق بحور
ماليها حد ماليها قيف
احترت كيف اقدر اصل
بالله قول بالله كيف
حسنك امر ... والوعتي
و لهفة القلب الرهيف
***
حسنك امر
مهما صعب درب الوصول
اتحدا دربك لو يطول
ومين غيرنا نحن البحتمل

*******
عاوطف
امنتك عواطفي وخنت الامانة
حطمت في دقيقة احلامنا ومنانا

يا ناسي المحنة يا ناكر هوانا
رجع لي امانتي وشوف لو تلقى تاني
عواطف او محنة زي عطفي وحناني

لو تعرف يا اسمر معنى الشوق و ناره
كنت تنوح وتسهر اسير المو وحساره
تضوق ظلم الليالي وتقول الحب جناية
ودنياك تبقى حسرة وعذاب من غير نهاية

تعال كلمني مرة وانت تعلل معنى بعدك
انا راجيك لعلك وانت ترحم وتطرا وعدك
تنسيني المظالم وقلبي تزيل شجونو
واقول للناس حبيبي غرامي حلف يصونو

*******
صدفة

صدفة غريبة لقيتو الليلة
بعد غيابو ليالي طويلة
صدفة غريبة جانا الزاير
بثغرو الباسم وجهو الناير
بحنانو وعطفو وشوقو الظاهر
والامل القرب ليوم باكر
والنور الفجر دربي بشاير
بحب واماني وعاطفة نبيلة
لقيتو لسه الشوق في عينيو
حسيت بالرعشة في ايديهو
لو شفتو الخجل الكسا خديهو
والبسمة الحلوة ودلالو وتيهو
بيقولو عذابي شوية عليهو
ليالي تاني برضو قليلة

حبيبي حبو في الوجدان
تضمو ضلوعي بشوق وحنان
وطيفو معاي في كل مكان
يسقي فؤادي الهوى الوان
واطرب روحي بالالحان
وعشانو بشوف الدنيا جميلة

********
خاتمي
فقدي الليلة في الياقوت خاتمي الجنن البنوت وفقدي الليلي
الليل ....... ياخاتمي مغلوت وجاهل عاشق البنوت
النقشك يعيش ما يموت في تفنينو سوى الفوت
الليل ..... ده خاتمي الماخدو دابو جديد راح و ما استنى يوم العيد
والنقشك نبيه ومو بليد يا ظرفو اليخيل في الايد
الليل....... قول للدايما طربان خاتم الراوي راح ودران
وين يا رسالة ام درمان ده راح في نجيلة الحيضان
الليل ...... وينو الليلة متمسد ده الكرهني في نفسي
الما بعزيني في خاتمي لبكا ابوهو ما بمشي
الليل.... ده عشقي في قرينو بتل مدفور زندولو حجل
ده حظي الخاتمي مني ودر بشارته جنيه كرامتو عجل
الليل ....... وفارش برشي لي دورين ويومي على الله شوقارين
وكل شوقار جو نقارتين في الغدا والعشا كبشين

******
اسير الغرام
يا اسير الغرام ظلموك الحبايب
سقوك الالام من ريدهم ما تايب
سلبوك النعيم ما لقيت الهناء
اصلوك بالجحيم وازداد الصنا
يا مساهر الليالي وتشكو لربنا
يا قلبي ليه ما تايب
حبيت وانجرحت من اول حبيب
وكاتم ما السر ما كان بخت ورضيت بالنصيب
ونابك ايه في حبو غير نار ولهيب
يا قلبي ليه ما تايب
وكم حاولت تقسى وتنساهم كمان
وليه ما قدرت تنسى وتعيش في امان
ليه تجلب ليه يا قلبي احزان الزمان
يا قلبي ليه ما تايب

[waya]

ليلة السبت - صلاح بن الباديه

طال انتظارى فى ليلة السبت
يا حلوة العينين يا انت
انسيتى وعدك باللقاء هنا
كم مرة بالله اوعدتك..
لاتفه الاسباب .. فاتنتى
ولابسط .. الاسباب فاتنتى
كم جئت امس وكم تعللتى
لو قلتى انك لست اتيه
اسكتى فى النيران لو قلتى
عبر المدى .. عينى مشردة
ترعى خيالك ربما جئت
تتهامس الاشواق اتيه
وتصيح بى الاوهام .. لن تاتى

هل ابلغوك وشاية كذبا
يا حلوتى عنى فصدقتى
ام هل خفت اعين العازلين لنا بالحى ترقبنا
فا حجمتى
ام ان مكروها الم بك
لا .. قدر المولى تاخرتى
فتصورى ما بات يعصف بى
من عاصفا اشعلته انت
وجمعت باقات الزهور هنا
ولكم .. بازهارى تزينتى
القيتها بجوار مقعدنا الخالى
حزينا اذ تخلفتى
وبكى المساء الوردى
وارتعشت كل النجوم .. عشية السبت

وحملت .. اشواقى وعدت بها
متلفحا بالليل .. والصمت
*******

طبع الزمن
عز الدين هلالي – غناء ابن البادية

في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد
تحرق فؤاد عاشق بعز
وتسيبو لي ليل الشجن
اصلو طبعك يازمن
لا راضي انت تغيرو
ولا نحن راضين بالمحن
قدامنا شوق كم زول بكى
قدامنا شوف كم زول تعب
لا مرة ولا يوم اشتكى
ولا قال خلاص صعب الدرب
اهو نحن عارفين الحصل
وبرضه بنقول عاوزين نحب
وبروحنا ماشين للمحن
اصلو طبع يا زمن
شوف ... نحن عارفين
قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرة الف ليلة
وبرضه بنفكر نريد
مع انو عارفين الثمن
اصله طبعك يا زمن
انا ما بقول يا قلبي اقسى
وخلي للحب الدرب
لكن كمان ما تكون عنيد
وتحب ليك زول ما بحب
معقول بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب
*****

[waya]

سيد خليفة
انا مالي ومالو
انا مالي ومالو............ ده الكتلني جمالو

علموهو وصالي ......... هو ادرى بحالي
كم صبرت............. سنين كيدة لعزالي
هم كتير كم قالو .............قالو ما بهواهو
اهم مالم ومالو

الخصور مياسة .........والرموش حساسة
والخشيم كالرسمة ........تحلى فوقو البسمة
كالزلال عندي ............هو لي وحدي
بس انتو مالكم ومالو

وين انا منو ..............الضحوك سنو
الجميل نضمو ............. كاوي لي عزالو
كالزلال عندي........ هو لي وحدي
بس انتو مالكم ومالو

[waya]

غناء سيد خليفة

سيد الناس حضر
يلا يا بدور..... يلا يا زهور غنو للقمر

جونا من بعيد..... وبي بشاير العيد
وبالحنان والريد .....وبالفال السعيد
فرشو ليه الورود... لبسوه العقود
وطبقوو للزغرود..... ونزلو بالبحر

من حولو البنات... قسمو الشربات
كلهن حاضرات..... وكلهن تامات
غنو بالعديل....... بشر القنديل
وهز بالنخيل....... بقلب التمر

رقصت العروس..... وشحتفت نفوس
وشالوا القرمصيص.... وظهرت زي بلقيس
لابسة در نفيس ......خشت في الرقيص
اتجنن العريس...... والكون انبهر

[waya]

المنديل
رسل لي ..رسل لي
هدية لطيفة خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
لما اسافر يوادع ويشاور
يشاور يوادع ...بالمنديل
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة
بالمنديل

[waya]

مجموعة من أغاني سيد خليفة

عقد اللولي
يا عقد اللولي اللولي يا بت يا حلوة يا لولي
يا حلاة الشامة في خدك والسن بتضوي اللولي
وين الحلوي وين راحو .. في ليلنا يضوو صباحو
بي بسمة يذيدو عمرنا وكان العزال ارتاحو
امتع بيها عيوني
اضوق من فاها السكر
لكن الحظ العاثر
خلاها تغيب ما تظهر
غشت الجيران لي ثواني
قليبي التاية ودر
في سري اقول يا الله
انشاء الله تغيب لي اكثر
******

من أنت ياحلم الصبا.......... من أنت يا أمل الشباب
من انت يا من رحت أنشده .... ولكن لا اجــــاب
أرنو لصورتك الحبيبة بين اطياف الضباب
في الارض , في النهار , في الشفق المنور , في السحاب
وأحسها في خاطري ... نورا تدفق في انسياب
بالسحر........ بالآمال ......... بالآنغام... بالعطر المذاب
بالورد ...... بالأزهار ..... بالكأس المتوج بالحباب
****
من وحي أوهامي خلقتك رغم آلام الحياة
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاة
شفتاك من ورق الورود ... وآه من تلك الشفاه
عيناك يكمن فيهما ليل تسربل من دجاة
خداك من شفق المغيب .... و آه من خديك آه
****
أبدا اسير مخيرا بين الروابي ... والبطاح
ويكاد يحرقني الظمأ وتكاد تسحقني الرياح
حتي متي ابقي علي الدرب الطويل بلا مراح
من أنت ياحلم الصبا ؟ من أنت يانور الصباح ؟
*****

المني حنان

يوم قسموك يا هم *** كتبوا عليك اسمي
لو كان رووك بالدم *** يا هم رووك دمي
انا لو رضيت بالهم *** مابرضى بي همي
*****
حباني يا أهلي *** يا من تعزوني
في الدنيا خاب أملي *** في حظي عزوني
أنا لو يحين أجلي *** ما تبكوا هنوني
*****
يوم السعادة تفوت *** يا ناس تخليني
بين الحياة والموت *** يا السعادة زوريني
لو أمروها بالجبروت *** السعادة ما بتجيني
******

ربيع الحب...
رائعة الشاعر .. ادريس جماع

فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة

اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة
****

يا حليلها

يا حليلها بت الاصول والعيلة
عروسنا سمحة جميلة
مغادرة الفريق يا حليلها

عريسنا جاب الشيلة
جاب الدهب بالكيلة
رقصن بنات العيلة
وان شاءالله قالوا عديلة

غنو ليك خالتك
زغردن عماتك
انتي زايدة حلاتك
يا احلى وردة جميلة

جرتقوكي امهاتك
وبخرن حجباتك
نيرة بين نديداتك
ومافي ليكي مثيلة

في الرقيص بدعتي
في فنونو برعتي
زايغة زايدة قناعتي
يا شبيهة الريلة

صوت نحاسك غزا
وقام عريسك هزّا
وبسيوف العزة
المن جدودو اصيلة
****

زنوبة بت النيل
زنوبة يا بت النيل
يا قمر بوبة عليك تقيل

امها الزايدة محنتها
في ليلة القدر اتمنتها
جاتها على حسب ما ظنتها
في عيد رمضان ولدتها
القمرة بت السما
سمتها زنوبة

ربوها في عز وبطر
ما سافرت ما ركبت قطر
الريد في خدودها وفطر
وان ضحكت كب المطر
وان عاينت في عيونها الخطر

زنوبة نوارة الفريق
عجوة التمر والشريق
بعوم ليكي البحر الغريق
وعلى ايدك باخد الطريق
القمر بوبة عليك تقيل
****

يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال
***

آه
يا صوتها ..
لما سرى لما ...
مثل الحريرِ نعومةً
ونداوةً .. وتكسُّرا
مثل الصباحِ
طلاقةً .. ورشاقةً وتبختُرا ..
وتدفقت كلماتها ..
عطراً ندياً عنبرا
وهما حنينا حالما
وشذاً يضوع تخضّرا
يا صوتها لما ... لما سرى لما
يا صوتها ...
يا روعةً ..
لحناً سماوياً سرى
ماذا الكنارُ مُغرّدا
والنايُ ناح تحسرا
والعندليبُ اذا حكى
لحناً تفجّر ابحرا
ماذا يكونُ وصوتها
صوت السماءِ من الثرى