كلام سودانى

[أم عسجد]

*******
والولية المفترية
ماشه شحمانه وقويه
لو أقول أديها هرشه
تهبر أللحمه الطريه
وبي عصي المقشاشه تهجم
ذي مقاتل في سريه
كم آذت بالحلة رأسي
وكم شوت بالنار أيديه
كم وكم بالنقة ودت
روحي لي عالي العليه
بالوليدات والمدارس
والمشاكل الثــــــانويه

[أم عسجد]

مخير الله فيك والله يصبرك

كاااااااك

الشمالى كدى نحاول نخلى مخير الله ونقول مختار الله لانو العلما قالو انو سبحان الله وتعالى ان يوجد من يخيره فهو مختار فى عباده وليس مخير
والله اعلم
ويااااااقلبى يالمسير وماك مخبير وانتا يالصابر وعند الله جذاك

[الشمالي]

الشمالى كدى نحاول نخلى مخير الله ونقول مختار الله لانو العلما قالو انو سبحان الله وتعالى ان يوجد من يخيره فهو مختار فى عباده وليس مخير
والله اعلم
ويااااااقلبى يالمسير وماك مخبير وانتا يالصابر وعند الله جذاك

مع اني يااا مون بالتاكيد لا اقصد المعني
الذي ذهبت اليه , ( وانما الاعمال بالنيات
ولكل امرئ ما نوي ) ولكن دراً لباب
الشبهات سوف نقفل هذا الباب ومشكورة
علي التنية ,

[أم عسجد]

والوليه المفتريه
علمت قلبي الاسيه
والندامة بقت حكاية
تروي للناس الاذيه
مالي مال سهر الليالي
والأناشيد الغبيه
جبته لي نفسي الكأبه
وجبته للروح البليه
بالزواج ودرته ذاتي
وخضته في النار بي أيديه
والوليه المفتريه
ماشه شحمانه وقويه

[الغاليهـ بنت الغالي]

اتو بيجاي قاعدين تعملو في ايييش؟؟؟؟؟؟؟

[أم عسجد]

اتو بيجاي قاعدين تعملو في ايييش؟؟؟؟؟؟؟

بنعمل فى شربات ليمون

[أم عسجد]

صاحب بنشر بحب لى واحد
لقد ملأ الهوى قلبي هواء * * * ونسم خاطري مسمار طرفك
تدوربي الهواجس دون جنط * * * على عجل أفتش حول حزمـك
تحيرني عفاريت الليالي * * * وألقى الحل في تبديل بلفك

[أم عسجد]

ودا مدرس رياضيلت بحب

إني أحبك حب السـين للصاد * * * فأنت للعمر تبسـيط لأعداد
جمع الأحبة عندي خير مسألة * * * فكيف أجبر عندي كسـرك العاد
في قسمة اللــه أرزاق لنا طرحت * * * ويضرب الله أمثالا لمزداد
جذر المحبة تربيع لعشرتنا * * * وجدول الهم عندي رائح غاد

[أم عسجد]

احزر تعرس واحد من ديل

إن بقيت بخيت ربنا يديك مرا هدية ورضية...السماحة ماضروري لأنو بعد
شوية ماحتكون سمحة...حتكون عادية..
نصيحة ليك النسوان البقولن ليك واحدة من الفي اللستة الجاية أوعك تعرس منهن واحدة!!]
1/الفنانة والحنانة والحردانة:أ/الفنانة:دي حتمرق معاها وتقعد تحوم في الحفلات وتشوف ليك كرسي قداااام
تقعد فيهو شايل عكازك وسكينك في ضراعك وعينك عليها إن راجل بشر ساكت تتحنفش وتقوم إلا يهجروك إتنين مانعين علي الكرسي وتجو نُص
الليل راجعين أهلكم والنهار كلو نايمين...


ب/الحنانة: طول النهار برة البيت تحنن في نسوان الرجال وهي كرعيها يكون ماشافن الحنة من سنة ستة والنهار كلو إنت تحاحي في الشفع مايلمسوا
الصبغة....


ت/الحردانة: دي حتكرهك حياتك!!! أقل كلمة تتلفح توبها وتجري بيت أبوها وتلحقها إنت وتلقي أبوها...تقعد في طرف العنقريب تطقطق في أصابعيك ومدنقر في الواطة داير تراضيها وترجع البيت....أحسن حل إنكم تسكنوا مع ناس أبوها أو تجيبوا ناس أبوها يسكنوا عندكم عشان توفر المشاوير والجري..


2/ المدرسة والمدبرسة والمفلسة:أ/ المدرسة: أول حاجة دي مابتقدر تفرق بينك والطلبة !!! وحتقعد تعيد وتكرر في الكلام مليون مرة ومابعيد في الأخر تقول ليك فاهم ياشاااااااااااااطر...


ب/ المدبرسة: تلقاها طول النهار زهجانة وأخلاقها في طرف نخرتها ولو كلكلتها ماتضحك..في النهاية دي حتوديك التيجاني الماحي نزيل إكتئاب....
ت/ المفلسة: دي مادايرة أي شرح!!!
3/النوامة والحوامة واللوامة:


أ/ النوامة. تجي من الشغل نص النهار زهجان تلقاها تانية المخدة وخاتة إيدها تحتها وتشخر وريالتها سايلة وحالتها بالبلا تكرهك اليوم الفكرت فيهو تعرس...


ب/ الحوامة: طول اليوم فوق كرعيها زي عربة الوساخة لايصة الحلة من بيت لي بيت وتدخل البيت قبل رجوعك من الشغل بي خمسة دقائق تجري تولع النار وتديك القطر قام وأول ماينتهي الغداء تدخل في سفنجتها إستعدادا لجولة جديدة...


ت/ اللوامة: ده نوع مزعج جداً لو جبيت سيرة أخوك ساااااااكت تفتح فيهو:
الله يسألني سنتا ديك وكت إنت سافرت وخليتنا بلا قروش وسافرت يدخل علينا ويمرق مدلدل إيديهو ولا كيس موز ساكت ماجابو لينا...والعجب أمك
....هييييييييييي والله أمك دي أصلها مابتريدني ومن تشوفني تنطلق فيها النيران وتمد قدومها...
4/ البوبارة والكوبارة والخبارة:البوبارة دي تحملك فوق طاقتك وتشريك المابنشري ولو جونكم ضيوف في البيت تجري علي علبة الدهب وتتعنكش كلها وتقعد تنضم بي إيديها وكرعيها ورقبتها وأضنيها عشان توري الناس الدهب...


ب/ الكوبارة دي تكبر ليك أي موضوع وتسوي ليهو توم وشمار وتقول ليك
(ناس القبور دقوا الطنبور) ولو شافع من شفعك عتر ووقع!!! هيييييييييي
تخُت إيديها في نص رأسها وتصرخ وووووووووب علي ووووووووووب
علي الولد مااااااااااات والمصيبة لو كنت نايم وسمعتها تقوم مخلوع وتمرق
من الأوضة جري ولو كان عندك قلب تمرق من المهد إلي اللحد طوالي...


ت/ الخبارة!!!: دي بتحب الخبورات والشمارات زي عيونها ولو في نضم تلقاها سكتت الشفع عشان تسمع الجيران!!! مالهم بيهرجوا وصوتهم عالي
ولو كانت بتكوي ليك في قميص ولا جلابية قطع شك حيكون أو تكون من أعداد ضحايا مصنع الشفاء وممكن الملاح يحرق, الجردل يكون تحت الماسورة
يتملي ويغرق البيت وحرمكم المصون واقفة فاتحة خشمها زي التمساح في نص الليل تتصنت علي الجيران.


5/ الممحوقة واللايوقة:أ/ الممحوقة: دي لو جبيت ليها دكان كاااااامل ختيتو في البيت تكملو في يومين..

ب/ اللايوقة: دي حكايتها تانية!!! تمسك في موضوع يحلك منو الجليل الرحيم
: يادا....هوووووي...الليلة يايمة طرشتَ؟؟؟....وقدُر ماتطنش أنت هي تزيد
إصرار وممكن لو عدمت الحيلة تجي جنبك وتخجك خجة جااااااااامدة عشان
تنتبه للنقة

[ذكرى الجراح]

مجهود رائع يامون

واصلي وإحنا من قرائك

لك التحايا

[أم عسجد]

قالو فى واحد بتاع موبايلات امو ماتت اصحابو فى المحل مشو يعزو لقوهو حالتو عاديه وطبيعى قالو لى يازول مالك مامتاثر ذى اتقول ماتت ليك ربيكا

[أم عسجد]

دى معانى كلمات بعض الاسماء:
المحويب: حبل يربط بة صغير الابقار عند الحليب
النجامة: نوع من الالات الصغيرة لنظافة المزارع
الكديبة: ازالة الحشائش الصغيرة من المزارع بعد عملية النظافة الاولي
الصقيعة: السهلة او المساحة التي ليس بها بنيان
اللبدة: فرشة توضع علي ظهر الدواب
العناق: (بفتح العين) صغيرة الاغنام اي التي لم تنجب بعد
اللداية: حجارة توضع ليضع الصاج او الحلة عليها للطبيخ
السايورة: النخاع الشوكي للحيوانات وتستخدم للعواسة
الكركار: دهن مخلوط بالعطور

[أم عسجد]

ويييييين ياكلامنا السودانى

[امال الناس]

لغتناالسودانيه لغه لذيذه شدييييييييييد وهاكم نموزج(منقوله عشان خاطركم )







موبااااااااااااااااااااااااااااالغة !!!1





كلام سوداني لذيذ



- الليلة الصباح - خُدره وعليها بُدره - بطن البيت - خشم الباب - نخرة السفنجة - أضان القفة - إيد الهون - كراع العنقريب
رقبة القزازة - عنكوليب .. - سنه ناعمه - حضرنا ولم نجدكم - الشكيه لي أبيداً قويه - -يا (زول) عاين للقروش دي مش فيها نمرة ؟؟؟
- فك القميص ده .. - - سجمي دقاو .. - - قرصة يا معلم .. - فك النفس ولا أقوليك -جيب سفه ... - - حِسي إنقرش


أفعال رباعية بظلال سوريالية:

برطع - فرتق – كنكش – سردب – صنقع - - هضرب – زرقن – بشتن – سنسن – طرشق

- طربق - شحتف – دنقر – شلهت – سلفق – عنقد – حمبك – عصلج – خرخر – حندك – جهج – تلب –


جمل يكثر استخدامها



سيد اللبن - بيت البكا - أدّيك كده .. - الضحاكات (القروش) - المنجره (السفاسف - العضه) - عملت لي شنو في البتاعات ؟؟

- الفوره كم؟ - ووويك ادوهو اسنافيك - ناس عمي - أقوليك حاجه خليتا ليك كلو كلو ..

- دور الليله - الرقصة الجاية للعريس والعروس.. - وقووووووومي كده يا المرا موتي.. –

بي الكُرُوباوي (بالفه أو بي وره) - بي جاي خمسين ... بي جاي خمسين والقافل يجُر –

أدوني (حَسُن) بضم السين – كتب لي قابلني –

بحسَ الفريغين ترتيبات لغاء الغمه المرتغب وغال غايد الفريغ الازرغ - سنحسم اللغاء من الدغايغ الاولى (من أغوال الراحل المغيم ..)

- عشطان داير لي بيستي كولا - مشينا اتحمدلنا السلامه - كو كو كو دقا الباب.. قام تراااااااااح أداهو كف ..

- قام زييييييطك كده زاغ من الكف .. لكن ووردلوب وقع ..- بس بب قام سريع ..- وشخخخخ ضبح الخروف كرامة

..- اول بالتبادى- يا سيدي اللَّمانتي ليك - القصة ما قصة قروش - ربك رب الخير يستر –

لكن النصيحه السوتا شينه - ادتو شاكوش في صمت خشمو
تتخيل
رقد سلطة - وزادت عليه الطين بله - و في النهاية نقول شنو كل شي - قسمة و نصيب

واحد استعداد... اتنين ضرب نان... تلاتة كوف...

لزيزه جنس لِزه

عامل الأرض والجمهور

شايت كورة مافي ليها اي داعي – كورنل - رمية التماس - ده من ناحيه - من الناحيه التانيه

قريت الاهلية وساكن العرضة - علينا وعليك يتبارك - راسي لفة جاتني دوشة

مشيت لقيتو مافى - زول عواليق ساكت - بكرة بيجى الخريف واللوارى بتقيف


ألطف ما قريت على سيارة واحد كاتب في الحافلة :


هذا المشترك لا يمكن الوصول اليه حاليا + وواحد تاني كاتب : الزراف ركوب الجن + واقفين تحننوا وراكبين تجننوا

+ ياناس يا شر كفاية قر .... عين الحسود فيها عود



يابت اكُتلي اللمبه معاك وقنِبي فوق بطن البيت - كراس العيادة - الكنبة الطيش - أبو الفصل – دفتر العيادة - سنة ساتَّة – الالفة

محطة الماسوره – محطة العشرة – محطة السبيل – محطة الخور -

قلبي أكلني... موبالغة (بلغة الحناكيش) ... روق في علبك لمن يجي طلبك (دي بالتأكيد ما لغة حناكيش)

انتو يا النسوان تمشو للملجه... تقيفو مع الرجال...تقلو جبنا خدار..آآآي سمح انت و شرط انت..

الكواريك شنو ... الروس الروس .. حباب التيوس ... مشيت لقيتوا مافي ... قام قعد





ا

مباااااااااااااااااااااااااااااالغة

[أم عسجد]

مباااااااااااااااااااااااااااااالغة

اموله كيفك
شفتى الكلام دا كيف؟؟؟

[امال الناس]

اموله كيفك
شفتى الكلام دا كيف؟؟؟

والله يا mon
كلامكي حلو بلحين
يا بط مي
ده كلام اهلك الغرابة طبعاً
يظهر مالين المنتدي

[omar babikir]

كلامنا السوداني رجع تاني
منتظرين وقاعدين

[أم عسجد]

والله يا mon
كلامكي حلو بلحين
يا بط مي
ده كلام اهلك الغرابة طبعاً
يظهر مالين المنتدي

حلوه بط امى دى
تتذكرىمسلسل الدهبايا

[أم عسجد]

كلامنا السوداني رجع تانيthumbup.gif
منتظرين وقاعدين

القفه ام اضنين بشيلوها اتنين
ايدكم معانا

[omar babikir]

القفه ام اضنين بشيلوها اتنين

اهو دا الكلام