منتدى أنا سوداني

مرسل: **الثلاثاء 2009.12.22 1:00 pm**

السودانى الاصيل كتب:
اووعا تكون الجبنه فاتتنى يا ود الزوحى ؟؟ انتو عارفين جبنه مع ام صبا دى
ما بفوتا ههههههههه
هلاااااااااااا بالاديبه الرائعه صاحبة النبض المتجدد غاليتنا جميعا ام صبا
حقيقه يا ام صبا انتى ركيزه من ركائز انا سودانى وانا استمتع جددا بكتاباتك وما يدهشنى
هو التجديد وايضا اعجب لدرجة الدهشه فى كتابة المشاركات فى البوست الواحد والتى تبدا
بنفس اسم البوست
ما شاء الله لك التحيه واتمنى ان تبدعى اكثر واكثر

سؤالى

عندما تبدئى خاطره بالطبع تبدئين بها فى مشاركه صغيره ثم تضيفين عليها فى نفس السياق

هل تكون كل الخاطره فى ذهنك وتجزئينها (عدة مشاركات))
ام تكتبينه فى دفترك الخاص وبعد ذلك فى المنتدى ؟؟؟

الاصيل ياذوق الله يخليك
والليله يوم سعيد جابك تشرب معانا القهوه

تعرف ياصيل انا اغلب الخواطر بتكون وليدة اللحظه
ومرات بكتب وانا فى المنتدى يعنى تقول حسب الحاله

مرسل: **الاثنين 2009.12.28 5:14 pm**

ام صبا

استمتعنا فى حضرتك بالقهوة وما اجملها

حاورناها فكانت اجاباتها قمة فى الذوق

ام صبا كما عهدناها اديبة وشاعرة

شكرا جزيلا لك لفرد هذه المساحة وتحملك للاسئلة والتى دون شك افادت

شكرا لكم الاعضاء الكرام

ختاما

كلمة اخيرة لمن توجهيها واذا خيرت من تختارى بعدك لنترشف معه فنجان قهوة

اسف للتاخير غصبا عنى

دمتم بود

مرسل: **الثلاثاء 2010.1.26 8:26 am**

القهوة فى الاستعداد لاستضافة

عضو جديد

مرسل: **الثلاثاء 2010.1.26 8:28 am**

ود ابنعوف كتب:
القهوة فى الاستعداد لاستضافة

عضو جديد

[motr1]انا جديده وعاوزة قهوة ممكن .[/motr1]

مرسل: **الثلاثاء 2010.1.26 8:39 am**

غفران محمد كتب:[motr1]انا جديده وعاوزة قهوة ممكن .[/motr1]

ممكن ليه .....لا

يسعدنا تواجدك معنا وارتشاف القهوة فى حضرة ضيفنا العزيز والغالى على الاعضاء

وفى انتظار ما يسطره قلمك لابحار فى اعماق ضيفنا

سعدنا بمرورك الزى تركة بصمة اضاءة قهوتنا ونطمع فى المرور دوما

واكيد سوف تكونى ضيفة علينا نرتشف القهوة معك

مرسل: **الثلاثاء 2010.1.26 8:46 am**

اليوم القهوة فى حضرة

عضو غنى عن التعريف الكل يعرفه

تميز بمواضيعه ومشاركاته التى اضفت رونقا خاص على المنتدى

دبلوماسيا فى الحوار يعشق الرياضة اقتراحاتو دائما تصب فى الاتجاه الصحيح

هلمو بنا ندخل فى اعماقه لنكتشف الجانب الاخر من حياته

الغالى معتز سيد

فهلا تكرمت وجلست نرتشف القهوة فى حضرتك
اخى معتز

سعداء جدا بأنك قبلت الدعوة

البطاقة الشخصية

مرسل: **الثلاثاء 2010.1.26 10:02 am**

اجتذبني ما أعشق .. فنجان للقهوة في حضرة صديق لي .. ومنظر خلاب .. سأترك لك هذه السانحة لتحدثنا عن نفسك بعض الشيء الصديق معتز ثم أعود بينما ترتشف من عبق فنجان ود أبنعوف ..

مرسل: **الثلاثاء 2010.1.26 10:45 pm**

ود ابنعوف كتب:
فهلا تكرمت وجلست نرتشف القهوة فى حضرتك
اخى معتز

سعداء جدا بأنك قبلت الدعوة

البطاقة الشخصية

شنو يا حبيب . ما اتفقنا كدة نحن

قلنا فنجان قهوة ما زي المحكمة والبطاقة الشخصية دي محكمة
وأنا ذكرتها في المحكمة وما اتغير فيها شي غير العمر زاد ليهو كم شهر بالموجب

وبعدين المقدمة وكلمات المدح دي برضو ما اتفقنا عليها..
خليتني أعمل شخيط وارجع ورا شوية

ما عدا ذلك اسألوا أي سؤال وأنا مستعد إن شاء الله

مرسل: **الثلاثاء 2010.1.26 11:26 pm**

ود الزوحي كتب:

اجتذبني ما أعشق .. فنجان للقهوة في حضرة صديق لي .. ومنظر خلاب .. سأترك لك هذه السانحة لتحدثنا عن نفسك بعض الشيء الصديق معتز ثم أعود بينما ترتشف من عبق فنجان ود أبنعوف ..

الأخ الصديق الحبيب الأديب [fot1]ود الزوحي[/fot1]

زقـاق:
اسمع يا قلب .. اتحدث عن نفسي دي نفسها محتاجة تساؤلات
عديييل خُت أصبعك في السؤال . وأنا مستنيكم

ياللا خلونا نملا البوست دة كلام كتير ما تكون قهوة ساكت

مرسل: **الثلاثاء 2010.1.26 11:31 pm**

رأيت فيك عدم جاهزية المزاج .. ممكن تكون القهوة ما عجبتك ..

زيد البن يا أبنعوف ..

سؤالي هو .. معتز علاقتك بالرياضة وهل شايف انو منتدى الرياضة بأدي الجزء المطلوب منه وخاصة في قسم الرياضة السودانية ..

أديني سبب واحد كونو الكورة السودانية اندثرت عالميا.. أو كده خلينا نقول أفريقيا .. مثلا عندك مصر ما بفصلا عننا الشي الكبير وها هي الآن قد تكون بطلة لأفريقيا مرة أخرى ناهيك عن أنها منافس قوى لفرق قوية أمثال الكاميرون وساحل العاج ..

مرسل: **الثلاثاء 2010.1.26 11:33 pm**

السلام عليكم أستاذ معتز والإخوة جميعا...

معليش انا عندي مداخلة خفيفة ...

أخ معتز ماهو شعورك لمن شفت مواليد اليوم الأول من يناير؟ (ماشاء الله)

ملاحظة.... أنا لسة كل ما اتذكرهم بضحك...
يلا في أمان الله وما أكون تقلت عليكم

مرسل: **الأربعاء 2010.1.27 9:15 am**

هاك الفنجان دا عدل مزاجك

مرسل: **الأربعاء 2010.1.27 10:59 am**

ود الزوحي كتب:
رأيت فيك عدم جاهزية المزاج .. ممكن تكون القهوة ما عجبتك ..

زيد البن يا أبنعوف ..

جاهز والمزاج لمبة

علاقتي بالقهوة ما خالص . ممكن اشربها اذا لقيتها قدامي وممكن استغنى عنها عادي بدون مشاكل.

وزيد البن دي شكلها شفرة إعلان بداية تكثيف الهجوم.

ما عندكم اي مشكلة ورونا

ود الزوحي كتب:
سؤالي هو .. معتز علاقتك بالرياضة وهل شايف انو منتدى الرياضة بأدي الجزء المطلوب منه وخاصة في قسم الرياضة السودانية ..

العلاقة بالرياضة لا تتعدى متابعة الأخبار . حتى المباريات ما بشاهدها مباشر
ولا أتوتر أثناء المباريات . ولا أحزن كثيراً عند الخسارة .

ما هو المطلوب من المنتدى الرياضي ؟ بما انه توجد منتديات عامة ومنتديات متخصصة والمنتدى دة منتدى عام يعني فيه الإسلامي، الرياضي، الحواري، ... الخ . فالمطلوب من الرياضة ليس متابعة دقيقة لكل ما يحدث في عالم الرياضة. وإنما المطلوب متابعة للمباريات، أخبار إعداد الفرق، أخبار التسجيلات، ، مناقشتها ان وجدت ، مناكفات حسب الأحداث والمباريات.
وبرأيي دة كلو موجود في المنتدى ، رواد المنتدى الرياضي ما مقصرين ، يوجد نقل للأخبار الهامة أول بأول ، توجد قصائد رياضية، أكيد توجد مناكفات وجدالات، توجد متابعة مستمرة للدوري الممتاز ونتائجه.

ود الزوحي كتب:
أديني سبب واحد كونو الكورة السودانية اندثرت عالميا.. أو كده خلينا نقول أفريقيا .. مثلا عندك مصر ما بفصلا عننا الشي الكبير وها هي الآن قد تكون بطلة لأفريقيا مرة أخرى ناهيك عن أنها منافس قوى لفرق قوية أمثال الكاميرون وساحل العاج ..

يا راجل سبب واحد بس. عندنا كمية من الأسباب

الرياضة السودانية بالعكس في الفترة الأخيرة بدت تكسب شوية بريق وشهرة
على مستوى الأندية الهلال والمريخ في السنوات الأخيرة بدوا يظهروا بقوة ويصلوا لمراحل متقدمة في البطولات الأفريقية. يعني بقت في سمعة كويسة لناديي الهلال والمريخ وينافسوا بندية الفرق المصنفة لدى الفيفا والكاف.

وعلى مستوى الفرق الوطنية . قبل سنتين استطاع المنتخب الوطني العودة للتصفيات النهائي للأمم الأفريقية وإن كانت عودة متواضعة جداً ( أخير عدمها) . لكن عاد مرة تانية للتقوقع والتواري من جديد. (كأنها كانت بالصدفة).

عموماً نحن ينقصنا التخطيط. يعني اذا وضعوا خطة بسيطة قصيرة الأجل انهم عايزين يعملوا من الآن فريق وطني ينافس ويصل للأدوار النهائية لبطولة الأمم الأفريقية عام 2012. من الآن وفي وجود الإمكانات المتاحة وبتسخير جهود بسيطة جداً ممكن أن يتم ذلك ، جهود من الجميع. يعني ما يجي الاتحاد يقول السبب الإعلام الرياضي ، والإعلام الرياضي يقول المشكلة في الاتحاد القائم على الأمر ونحن نتحدث ولا حياة لمن تنادي. وأحياناً يعلقوها في الجمهور المسكين دة . يقولو جمهورنا متعصب شديد للأندية وما بيحب المنتخب الوطني.
يعني كلما نكون في رمي الأسباب على الآخر من الجميع كلما بقينا متقوقعين في مؤخرة الرياضة.
كلٌ يبدأ ولا ينتظر الآخر.
يعني الليلة الإعلام يفكر ويكتب عن إعداد خطة مبكرة للفريق الوطني لعام 2012.
الاتحاد ما ينتظر يجي واحد يقولو ليهو مفروض تعمل شنو؟ د. شداد دة راجل متعلم وفاهم الناس ما تقعد تهاجمو ساكت قولو ليهو ياخ فهمك دة ادينا ليهو نتائج. عندك من الآن لنهاية عام 2011 ورينا فهمك وصلنا للنهائي .

أما عن المقارنة مع الكورة المصرية . انت عملت مقارنة صعبة الكورة المصرية مصنفة أولى على مستوى أفريقيا . وبدل تقول بقت منافس للكاميرون بقينا نقول الكاميرون بقت تنافس مصر.

ودة واضح من الأداء والحماس . وتخوف الفرق الكبيرة أن تجتمع بالمنتخب المصري في مرحلة متقدمة. (زي ما حصل مع الكاميرون).

ما لفت نظري حب لاعبين المنتخب المصري وحماسهم والقدرة على تطوير نفسهم والتنافس على كسب فرص احتراف كبيرة مع أندية أوروبية أو خليجية.
[grade="FF4500 4B0082 0000FF 000000 FF1493"]بعكس اللاعب السوداني ما بنلقى عندو طموح بعد الوصول لناديي القمة إنو يتطور وينافس ويبقى لاعب مطلوب للاحتراف خارجياً. لما يصل ناديي القمة اذا انتقل اما ينتقل من نادي قمة للآخر. أو يتراجع مستواه وينتقل لفريق أقل محلياً أو ينتهى به المطاف في نفس النادي معتزلاً.[/grade]

الحاجة دي حلها بسيط جداً إدارات أندية القمة يدرجوا في اهتمامهم جانب تربوي ونفسي لإعداد اللاعبين . يكون عندهم برامج تدريبية مصاحبة مع الجسدية تتعلق بالإعداد النفسي تطوير الذات ، شحذ روح التنافس ، تقوية العزيمة، حب الشعار والولاء للشعار أياً كان عشقك له أو لا.

[grade="00008B FF6347 008000 4B0082 FF1493"]لأنو بصراحة بجوا مدربين كبار ولاعبين محترفين كبار والنتائج المتوقعة انو اللاعب المحلي يستفيد منهم لتطوير نفسه والحصول على تجربة احترافية. لكن بنلقى العكس اللاعب المحترف بجي وهو نفسو يبقى زي اللاعب السوداني بدون طموح غير ناديي القمة.
فتعيين خبير نفسي ووضع برامج تدريبية للاعبين ح يؤدي نتائج طيبة .[/grade]

انتوا كدي جربوا ما تعتبروهو تنظير ساكت

كدة كفاية يا مان ؟ ولا نواصل ؟ ولا الراي شنو؟

مرسل: **الأربعاء 2010.1.27 11:01 am**

معتز سيد ان شاء الله القهوه تعجبك
عضو استفاد منه معتز سيد ؟

سؤال محيرني شويه

انت الولد المتمحن بتاعك ده مالو ؟

مرسل: **الأربعاء 2010.1.27 12:38 pm**

رغودة كتب:السلام عليكم أستاذ معتز والإخوة جميعا...

معليش انا عندي مداخلة خفيفة ...

أخ معتز ماهو شعورك لمن شفت مواليد اليوم الأول من يناير؟ (ماشاء الله)

ملاحظة.... أنا لسة كل ما اتذكرهم بضحك...
يلا في أمان الله وما أكون تقلت عليكم

هههههـ

ما شاء الله تبارك الله والصلاة على النبي

أنا كنت بالماوس ماسك شريط التمرير الرأسي عشان أشوف قائمة المواضيع الجديدة تحت
ولقيت الأسماء المكتوبة باللون الأخضر ما تديك الدرب . لامن يدي وجعتني
قلت يا ربي عمك صلاح دة يكون ركب هاك جديد ولا شنو؟!

وبس . اتخلعت شوية لكن بعداك فهمت الحاصل شنو

ما شاء الله تبارك الله والصلاة على النبي

وأبداً ما تقلتي علينا بالعكس البيت بيتك

مرسل: **الخميس 2010.1.28 10:00 am**

ود ابنعوف كتب:هاك الفنجان دا عدل مزاجك

مشكور حبيبنا [fot1]ود ابنعوف[/fot1] والمزاج اتعدل تب

ولو انو ود الزوحي قال ليك زيد البن .. وانت ما زدتو

مرسل: **الخميس 2010.1.28 10:16 am**

حبيبتا

الحوار معاك ممتع

هل ترى انه الفرق السودانية تنظيرهم اكتر من فعلهم

وهل نقص الامكانيات هى سبب تاخرنا كرويا ونحن من المؤسيسين للاتحاد الافريقى

ام انه اللاعيبة غير جادين وما عندهم الولاء للفريق

والمدينة الرياضية الحلم الزى يراود كل الرياضين لم يطرا فيها جديد من كم سنة

ــــــــــــــــــــــــــ

مرسل: **الخميس 2010.1.28 10:18 am**

صوفيا لورين كتب:
معتز سيد ان شاء الله القهوه تعجبك
عضو استفاد منه معتز سيد ؟

اهلين [fot1]صوفيا[/fot1] مرحبتين

الاستفادة جماعية . يعني لا يوجد عضو بعينه استفيد منو .
لكن استفيد من الجميع من خلال اختلاف وتباين الآراء

مثلاً سياسياً: اشوف الناس رأيهم شنو عن الانتخابات . ومن يدافع عن من
والأغلبية اتجاها للترشيح في مصلحة من (من خلال آرائهم).
مثلاً من يراهن على قوى أمريكا والمجتمع الدولي رأيهم شنو وليه بيشوفو أنه واجب التدخل؟! وهل هم قلة أم أكثرية (برضو من خلال التواجد والردود في نطاق مجتمع المنتدى
والبدافعو عن النظام الحالي ؟ هل هو اقتناع تام بهذا النظام ؟ ولا هو عدم وجود بديل مقنع في الساحة؟ والخوف من الرجوع إلى الخلف؟!!

ورياضياً ودينياً ونفسياً ومجتمعياً بنفس الطريقة .

ولذلك اظن جميعنا يستفيد من جميعنا .

صوفيا لورين كتب:
سؤال محيرني شويه

انت الولد المتمحن بتاعك ده مالو ؟

الولد متمحن معناه محتار ويحسب بعض الأمور في رأسه. أنا لمن وضعتها كنت كذلك.
والآن أنا ما كذلك. لكن لما جيت أغيرها لقيت نفسي تاني بقيت كذلك

ثانك[fot1]يوووووو[/fot1]

مرسل: **الخميس 2010.1.28 10:19 am**

ود ابنعوف كتب:حبيبتا

الحوار معاك ممتع

هل ترى انه الفرق السودانية تنظيرهم اكتر من فعلهم

وهل نقص الامكانيات هى سبب تاخرنا كرويا ونحن من المؤسيسين للاتحاد الافريقى

ام انه اللاعيبة غير جادين وما عندهم الولاء للفريق

والمدينة الرياضية الحلم الزى يراود كل الرياضين لم يطرا فيها جديد من كم سنة

ــــــــــــــــــــــــــ

مرسل: **الخميس 2010.1.28 10:25 am**

امال الناس كتب:

الغالية امال

شكرا لمرورك الكريم

شاركينا فنجان قهوة مع ضيفنا العزيز

منتظرين من ما يدور فى خلدك

منتدى أنا سوداني

فنجان قهوه مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............

رد: فنجان قهوة مع ...............