منتدى أنا سوداني

مرسل: **السبت 2010.2.6 5:11 pm**

حبوبة كتب:
ولي شوقك نحن صبحنا مشتاقين
وشان اسمك سقانا حنين
وشالنا حنين
طرانا وقال مشتاقين
سكونو بقى في نني العين

حبوبة
لو قالوا لي اوصف عيونك اقدر
ولو خيالي رسمها اقول فُتر

واسمك حب حبو بيهو نهتف

اعيش دنيا الريد مني

يغطيك من عيون الناس
ويخلي شوقي لشوفتك
لمن اشوفك
نقرشة
لوسبت العين تتأمل فيك ما بتأخد من حسنك حاجة
وعينك للريد فيني مبين
يا حنين الليل بيك ضوا

مرسل: **الأحد 2010.2.7 9:18 am**

حبوبة كتب:
سبحان الكريم عالم الخفايا
كم وكم ناجيتو بحكايا
عن حلم ساكن الحنايا
عن زيارتك يوم تحن يا عشايَ
وكيف يوم تطل بصدح غنايَ
علة طال طناشك يا منايَ
من برودك الصقيع ضرب الحنايا
قنعت .. فما كل ما اتمنّته النفس ملكته يدايَ
وجاي الليلة تشتكي من جفايَ ؟؟

هابنية شوقك طفح غطى وشمل كل الجروف
هابنية حبك غلب أرهق وصفه كل الحروف
يابنية هووووووووي
مالقلب لمن يدور
يعشق بدور
مابلقي غير دربك وصف
ما انت شبه الحور
يابنية
أصلا أنا
سألت القليب عن سبب النحيب
رد قال أعكس أسمها
كل البشر نطقوا الحروف
لكنى الوحيد فى نظمها
والبينا كان أسمى العهود
وانا ما ببوح بى أسمها
ربى الرقيب هو المستجيب
والمنية قادر يتمها
ترتيبها عندى المبتدأ
وعلى تعذر ضمها

مرسل: **الثلاثاء 2010.2.9 2:58 pm**

علي أبوسن كتب:حبوبة
لو قالوا لي اوصف عيونك اقدر
ولو خيالي رسمها اقول فُتر

اب سن

خوفي عليك منَّهن العيون
عوالم .. مداين عمّاها السكون
وكتين تحكِّي لي سيدا بتخون
أحيانا شريدة أغوارها شجون
مرات فريدة زي دراً مكنون
وكتير هي عربيدة تمنيك بالمجون
بس تظل هي القصيدة وللحب ألف لون

مرسل: **الثلاثاء 2010.2.9 3:01 pm**

hoomy كتب:هابنية

يابنية هووووووووي

شوفو الوليد وكلامو عن شوقو الطفح
وجاني الجنا يحكي عن ريدو الجمح
شوفو الوليد
قال بيوصف لي عشق القلوب والوجع السمح
نظم الحرف امن يصف ألم الجرح
حال اللسان الغالبو البيان وهو نشوان منشرح
عن الوعود دعا الودود والأمل الفرِح

هووووووووي يا وليد
ما تشوفني راقد منطرح
تقول حبوبة زمانا ولّى .. يا زول أرح
أنا ضقت في الريد كم وجع
وفي بحوره كتير رتع
ومن حلاوتو ياما سقاني مريودي ... عِل ما شبع !!
وده وحياتك عشم .. لا تقول طمع:d

مرسل: **الأربعاء 2010.2.10 9:27 am**

إلي حبوبة وأبسن
الروائع القامات
(1)
كل الحروف في وصفكم
تبقي ماياها الحروف
بتبقى زي عرس النجوم
جواي في أحلك ظروف
2
إرتياد الحرف
واتساع دائرة الابداع
ومحاولة استفزاز العواطف
بروعة التعبير
شي ليس بالجديد
الجديد
هو انكم
عالم خاص
من الروعة
دمتم
ولي عودة

مرسل: **الاثنين 2010.2.15 1:26 am**

Hoomy كتب:إ
كل الحروف في وصفكم
تبقي ماياها الحروف
بتبقى زي عرس النجوم
جواي في أحلك ظروف

يا زول يا ذوق ..
عمر الحروف ما كانت رسم بسْ
هي لحظات نعيشا وتمرق من جوانا حِسْ
مرات ضمة يتبلد تقول عيدان خوص
وحين يلهبك تخاف تصيح آناس طقاني مَسْ
والا تنزل في نص الدايرة و ... سمع هوووسْ

ومرات يصيبك حس .. من الطمام
لا تعرف تقول لو كر، تك والا فِسْ :D
عيد حساباتك وعلى ذاك قِسْ أعذرني .. فقد خانني قلمي
همس لي
بما في الدواخل لا تتكلمي
قال لي
فقط أشكريه .. وفي صمتٍ تعلمي ...

مرسل: **الاثنين 2010.2.15 1:30 am**

بقيت لي توأم وديمة معاي
فجأة لقيتك حبيب قساي
صديق وحبيب وتوأم روح
سيرتو وصورتو ..
معاي معاي محل ماأروح
أشيل نفَسي ... عبيرو يفوح
أشرق اغرب .. وجهو الصبوح
أغمض عنو .. أزيدو وضوح
الضحكة ... بلسم يشفي الجروح
اللمسة ... شافية تداوي القروح
النظرة ... صافية وترد الروح
وده كلو ... ليَ ما مسموح
اتلاقينا صدفة في الدنيا الفراقة
لا حباً بيشفع لا الدمعة الحراقة
عيني ل حبيبي وانا ليه مشتاقة

مرسل: **الاثنين 2010.2.15 1:32 am**

طولت منك واشتهيت شوفة عيونك
ماانا فيك سرحت وبقيت مجنونك
ومهما تبعد والا تقسى ما أظني ف يوم اخونك
ياحبيبي لا بتبقى ولا بتسوى .. حياتي دونك
دايرة اكون انا حتة منك .. في خيالك في جوارحك وفي سكونك
يا غالي بهواك .. وما فايتاك .. وربي يصونك ...

مرسل: **الاثنين 2010.2.15 3:11 am**

أنا لن أعودَ إليك مهما اسْتَرْحَمَتْ دقاتُ قلبي
أنتَ الذي بدأ الملالةَ والصُّدودَ وخانَ حُبّي
فإذا دعوتَ اليومَ قلبي للتصافي لا لن يُلبِّي
كنتَ لي أَيّامَ كانَ الحبُّ لي أملَ الدُّنيا ودُنيا أَملي
حينَ غنَّيتُك لحنَ الغزلِ بينَ أفراحِ الغرامِ الأوّلِ
وكنتَ عيني، وعلى نورِها لاحتْ أزاهيرُ الصِّبا والفُتون
وكنتَ روحي، هامَ في سرِّها قلبي ولم تُدرِكْ مداه الظُنون
وعدتني أنْ لا يكون الهوى ما بيننا إلا الرِّضا والصَّفاء
وقلتَ لي إنَّ عذابَ النَّوى بُشرى توافينا بقُربِ اللقاء
ثمَّ أخلفتَ وعوداً طابَ فيها خاطري
هل توسَّمْت جديداً في غرامٍ ناضرِ؟
فغرامي راح يا طولَ ضَراعاتي إليه
وانشغالي في ليالي السُّهد والوَجْدِ عليه
كانَ عندي وليسَ بَعْدَكَ عِندي نعْمَةٌ من تصوّراتي ووجدي
يا تُرى ما تقولُ روحُك بعدي في ابتعادي وكبريائي وزُهدي
عِشْ كما تهوى قريباً أو بعيدا
حَسْبُ أيّامي جراحاً ونواحاً ووعودا

مرسل: **الاثنين 2010.2.15 5:16 am**

بسافر بكره فى عشمك
وبتهاتف عليك ابين
يشق صبر الحلم نفسو
ويتعطش هواه يقين
حقيقه الزول يلوم قدرو
ويكتب فى الاحاجى الذين
ويجرح فى القليب يسكب
ويخاف من مسكة السكين

مرسل: **الاثنين 2010.2.15 7:16 am**

حبوبة كتب:طولت منك واشتهيت شوفة عيونك
ماانا فيك سرحت وبقيت مجنونك
ومهما تبعد والا تقسى ما أظني ف يوم اخونك
ياحبيبي لا بتبقى ولا بتسوى .. حياتي دونك
دايرة اكون انا حتة منك .. في خيالك في جوارحك وفي سكونك
يا غالي بهواك .. وما فايتاك .. وربي يصونك ...

ما بعاتبك وما بلومك ياالجواى راسماهو كونك
ما ناسيهو القليب كم زادت مواجعو من شجونك
رغمـ صدك والجفا المخفى الشفاهو من ردودك
ورغم إنو سهََر عيونو فى فـك طلاسمـ سر نجومك
وقدماهو أدمت فى عبور شائك أسوار حدودك
برضو شايل الريد جواهو ساطع فيهو نورك

مرسل: **الاثنين 2010.2.15 10:55 am**

حبوبة كتب:
سبحان الكريم عالم الخفايا
كم وكم ناجيتو بحكايا
عن حلم ساكن الحنايا
عن زيارتك يوم تحن يا عشايَ
وكيف يوم تطل بصدح غنايَ
علة طال طناشك يا منايَ
من برودك الصقيع ضرب الحنايا
قنعت .. فما كل ما اتمنّته النفس ملكته يدايَ
وجاي الليلة تشتكي من جفايَ ؟؟

زى مطر الفواصل صب الدمع بل الثنايا
ما الولف كتال ياكى عارفاهو يا هَنايا
أشيل الليل جرار أدوبى أصدح بى غنايا
أحكى مع النجوم أفضح سرا ساكن الخفايا
أسوق أشواقى للزول الكان سبب فى أذايا
راجيها نظره منو تبقى لى ضربة بدايه
ماهو طناش عله خايف للمشاعر والحنايا
من صدود حبيب يود حبو يحرق فى حشاي

(همسه) والله يا حبوبه عينى تاهت من الروائع دى..مانى قـدها لكن قلت أجاريكم

مرسل: **الاثنين 2010.2.15 5:31 pm**

hoomy كتب:إلي حبوبة وأبسن
الروائع القامات
(1)
كل الحروف في وصفكم
تبقي ماياها الحروف
بتبقى زي عرس النجوم
جواي في أحلك ظروف

هومي ياحبيب
حروفك زادت طولي طول ولم تنسيني هجوسي علي ارض رويانة
اشخبط علي رمالها نحن ماناسك وابني من طينها قطية
وعلي جروفها شايل طورية نزع محبة ونحصد محنة
بس بيني وبينك
حبوبة تشدك من يدك شد وتديك الباص بطريقة السهل الممتنع
وتختك في مواجهة المرمي وهو خالي يعني ياهومي بعد دا كلو
لوم سجلنا هدف حيقول علينا شنو
بينا مودة اترسمت بحروفك وعمقها المتواجود معنا في هذه الدوحة

مودتي

مرسل: **الاثنين 2010.2.15 11:07 pm**

احمد يس كتب:
أنا لن أعودَ إليك مهما اسْتَرْحَمَتْ دقاتُ قلبي
أنتَ الذي بدأ الملالةَ والصُّدودَ وخانَ حُبّي
فإذا دعوتَ اليومَ قلبي للتصافي لا لن يُلبِّي

ألا دعك عنه وعن ما مضى
إن كنتِ ودعت الغرام وما مضى
فلم المرارة وتذكار ما قد انقضى
إني لأقرأ بين السطور آهات وصدى
لِما قلت أنه قد كان وقضى
يا عزيزتي ما الحياة إلا حبا وتوددا
و كالحياة عصيا متمردا
يلقاك يوما صادفا كان أم متعمدا
يسبيك وإن كنت ناسكا متزهدا
وتظل في محرابه سابحا متعبدا
يأتيك حينا كالصديق الأوحدا
وتريه حينا في الفارس المقدام ذو الشعر الجميل الأجعدا
وفي مرآتك حين ترميها بعين الرضا
صور الحب يا صديقتي متعددة
ومقاماته متفاوتة
وإن كان حبك كما وصفته معددا ومشددا
فهكذا عشقٌ يستبيحنا أبدا
فلا تناهد قلبك حين يأتي إليك مراودا
وهل حقا بإمكانك الإغفال عنه النداء
فلا حياة بلا حب ولو كانت سماه بالغيوم ملبدة

مرسل: **الاثنين 2010.2.15 11:10 pm**

مها كتب:بسافر بكره فى عشمك
وبتهافت عليك ابين

وانا عشمي حرفك لي يوم ما يجافي
أسرح فيها وأتوه واجيها تكون لي مرافئ
يزيدني يقين ولي جروح الريد يشافي
أعيشُه حُجا وأحسُه رجا يحانِنّي ويصافي

مها ... محلاه نظمك للقوافي ...

مرسل: **الاثنين 2010.2.15 11:11 pm**

هامس كتب: ما بعاتبك وما بلومك ياالجواى راسماهو كونك

هي في جواك كون وانت سكناك العيون
شايلة الليل حراب مع الهلاويس والظنون
وانت متحسر قليبك باقي زادُه أسى وشجون
أنسوا العتاب أطروا الرضاب واتناجوا في لحظة سكون
خلوها تتلاقى العيون وبعدها... الكائن يكون ...

مرسل: **الاثنين 2010.2.15 11:16 pm**

إحساس رهيب ما بتحكي
ولو جيت اقول لمين اقول ومين اشتكي ؟؟
غلبني القعاد .. غلبني الرقاد .. تعبت ياخ وين اتكي
الخوف من جفاك خلاني ف حيرة
كت من خصامك بي غرامك مستجيرة
شنو الغيرك !! حِبي ياصافي السريرة
وفجأة قلبت بحر دميرة
ايه السبب أشواق والا غيرة ؟؟
لفت الدنيا وراسي دارت
بقيت في اندهاش وافكاري حارت
هل خلاص سعدي ولى وأيامي جارت ؟؟

مرسل: **الثلاثاء 2010.2.16 7:12 pm**

حبوبة كتب:بقيت لي توأم وديمة معاي

عيني ل حبيبي وانا ليه مشتاقة

حبو

معاك وبيك
شعلقة ومابخليك

ماهو الحنين
في العيون
والذوق المدفق إنبهار ان شاء الله منو ننهل اكتر
وشوقي شوق زولا رياد لعيون ضحاكة

عيونك كيف
الشوق الدفين دا بكون كيف ياحبوبه
انا شوقي شايفو في اطرافي
معقول ارتعاشة من ذكر الاسم
ولا دا شئ ماشفناهو
بس حسيناهو

والله مشتاقين

مرسل: **الجمعة 2010.2.19 1:52 am**

هامس كتب:
زى مطر الفواصل صب الدمع بل الثنايا

(همسه) والله يا حبوبه عينى تاهت من الروائع دى..مانى قـدها لكن قلت أجاريكم

حنيِّن إنت ودمعك غالي يا هامسنا
يهمس للقليب وفي الشغاف يلا مسنا
والشوق يا ذوق أحكيه وروق يا فارسنا
ليه تكتمو بس وهو أجمل حس فضفض وآنسنا
الريد يا ودود
صفا وصدود
أشواك وورود
بيه ووب وبلاه ووبين بس منو الله لا يحرم مجالسنا

انتو بحراً جاري ونحن يااادوب سباليق
أنا بشرتم في الحروف تُكالي عليك في اللتيق

مرسل: **الجمعة 2010.2.19 5:27 pm**

يا ربي لطفك بي * اغفر لي رب الناس
ارحمني من نفسي * من شرها الخناس
أديها من تقواك * منك حاويها بي جلّاس
ألطف بي يا قيوم * لا تتكلني للوسواس
انت عارف البي * من ساسي لين الراس
ونعمك علي ياحق * لا بنحسبو لا بنكتبو في كراس
حامداك قايمة وقاعدة * لا من يقوموا الناس
وبرضي ما بوفيك * رُحماك يا ذو البأس ..

منتدى أنا سوداني

خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر

رد: خواطر و أحلام ...... حلو مُر