مجادعات شعبيه

[الضراع]

سمتك امل الاسم السمح وعديل
بي الزا زي جمال المالقولو مثيل
يانع غصنك النور علي البرتيل
وبيكي ام قصه من بعد الجفاف صار نيل


معاني
الز اول حرف في اسمها
البرتيل اي البرتيله وهي قريه يوجد بها عدد كبير من انواع الاشجار
ام قصه قريه الشاعر

[عمرالنعيم عثمان]

ههههههههههههههههه بقيت تفسر كمان كدى اسمع دى

مابفرش غناى فى السوق اقولوا هبيـــــــــــل
ومانى الابله الطالق لسانى عــــــــــــــــوير
ماادنئت للعمار بدور لى بعـــــــــــــــــــــير
ماهمــــــــانى فى الراكب شبح والغـــــــــــير

ماادنئت؟؟؟؟؟؟معناها ماشحدت

[الضراع]

ههههههههههههههههه بقيت تفسر كمان كدى اسمع دى

مابفرش غناى فى السوق اقولوا هبيـــــــــــل
ومانى الابله الطالق لسانى عــــــــــــــــوير
ماادنئت للعمار بدور لى بعـــــــــــــــــــــير
ماهمــــــــانى فى الراكب شبح والغـــــــــــير

ماادنئت؟؟؟؟؟؟معناها ماشحدت

طبعا بقيت افسر لانه في ناس مابعرفو معاني الشعر الشعبي
تحياتي ليك عمر وابقي واصل

[لبيب]

~*¤ô§ô¤*~*¤ô§ô¤*~
زي الزغفران الريحة جات فواحة
شوف قدلة فريع البان حمتني الراحة
السبب القبيل خلاها زايدة جراحا
بارق نور بسيما ولحظتا الجراحة
~*¤ô§ô¤*~*¤ô§ô¤*~

[حبوبة]

[b]

زي جدي الغزال كاحلات عيونا وزينة
وان قامت مشت تقدل متل وزينة
السبب القبيل خلاها تبكي حزينة
قالت لي بخاف عين الحسود تاذينا

[/b][/size]
******************
دا من تأليفي شباب

اللبيب كيف حالك واظنو نعمة وزين
وقعت في ايد حوا بي نظرة وقدِل وّزين
شايفاك بقيت تتغزل (باقيلك الشفتين)
مولاي يتم ريدتكم ويكَفيكم شر العين

أها انفع والا اختاكم؟؟

[ود أونسه]

ياحبوبه نمـــي وكتري الجدعـــــات

بهرجــــي للحديث ونمقــــي القافيات

اضبطي للنغـــــــــم شكلي الحركات

حرري للخواطر قوليها زي ما جات

[ود أونسه]

فارقنا الثبـــــات لجنا وبقينــا نهاتي

والفنا الوساوس والسهــــاد يوماتي

جاهل الريم منعم في خدورو يتاتي

زايد جبره لي تعذيبنا ماظن راتي

[لبيب]

ياحبوبة اريت حالك من الطيبين
نعمل كيف انحنا مع جنا الوزين
ياحبوبة لى قولك بقول امين
يجمع شملي بيها ونبقى متوالفين


تنفعي تب والله حبابك الف

[لبيب]

من طول الفراق دايما بنوح يوماتي
بى حب الجدية انا ليلي كلو بهاتي
يارب ياكريم لملم علي اشتاتي
لو بى نظرة احفظ بيها نفسي وذاتي

[حبوبة]

ياحبوبه نمـــي وكتري الجدعـــــات

من زمان عجبتوني يا جنا الحبوبات
دخلت وراكم قُت كدي انّتعلّم الرميات
فُتوا المسادير وهجرتونا .. وصدأت الكلمات
دحين ات مطالب من زمناً قديماً فات

[حبوبة]

فارقنا الثبـــــات لجنا وبقينــا نهاتي

والفنا الوساوس والسهــــاد يوماتي

جاهل الريم منعم في خدورو يتاتي

زايد جبره لي تعذيبنا ماظن راتي

أفي عليك آجنا حبوبة .. زايلي عجيبة يا المخروبة
تبهدل حالك فشان ناس تهاني وزوبة :d
أسمع هوي اصلب طولك أعدل حالك المقلوبة (خلّهن يعرفن)
منو السَوّالِن خدور ضاراهن من السموم والحوبة

[حبوبة]

نعمل كيف انحنا مع جنا الوزين

جنا الوزين منو تتشبّل
وصبّاحي مقلتيك منو تتقبّل
هي فيك تدوب وات في ريدا تتكبّل
تبراك محل ما تكون بحّر والا قبّل

تسلم يا سيدي .. ربي يخليك

[حبوبة]

من طول الفراق دايما بنوح يوماتي
بى حب الجدية انا ليلي كلو بهاتي
يارب ياكريم لملم علي اشتاتي
لو بى نظرة احفظ بيها نفسي وذاتي

قلبي عندك يا اللبيب.. البين تملِّي عصيب
علة النواح لا ليك بداوي لا ليها بيجيب
و النظرة يا راوي تزيد النار لهيب
جمِّع اشتاتك شان تحفظ ذاتك بي قرب الحبيب

[ود أونسه]

من طول الفراق دايما بنوح يوماتي
بى حب الجدية انا ليلي كلو بهاتي
يارب ياكريم لملم علي اشتاتي
لو بى نظرة احفظ بيها نفسي وذاتي

شاكي من البعاد ؟ صاح يا لبيب ماك خاتي

قبالك كتير صـــرع الشـــــديد العــــــــــاتي

اســــــال ربي من فضلو وازيد في صلاتي

بالليم تســــتريح تهنــــا وزمــــــانك يواتي

[امال الناس]

هوي اخواني المشتوا
لعلكم كدي ما جرتوا
انتي مالك بجرينا
لعل اخوك ماهو فينا
انا اخوي كان جري
اليلة شعري بزينا
واعقر ما اجيب الجنة
شوف عيني
جرتوا جري السواد
الكسرتو شوك الكداد
وقايلنو قصب البلاد
جرتو جري الشديد
وكسرتو كبري الحديد
وقايلنوا قصب الجريد

[ود أونسه]

أفي عليك آجنا حبوبة .. زايلي عجيبة يا المخروبة
تبهدل حالك فشان ناس تهاني وزوبة :d
أسمع هوي اصلب طولك أعدل حالك المقلوبة (خلّهن يعرفن)
منو السَوّالِن خدور ضاراهن من السموم والحوبة

الزايله ام قـــدود درنا وخبرنا دروبه

خضنا غماره جاهدنا ودهتنا خطوبه

في كل الامــور الروقه يوت مطلوبه

يرحـــم ذو الجـــلال يهدينا يا حبوبه

[الضراع]

ياناس انا ماخليتكم ومشيت
لاكن جيتكم راجع
بس تعالو
خلونا نحبكوها

[الضراع]

~*¤ô§ô¤*~*¤ô§ô¤*~
زي الزغفران الريحة جات فواحة
شوف قدلة فريع البان حمتني الراحة
السبب القبيل خلاها زايدة جراحا
بارق نور بسيما ولحظتا الجراحة
~*¤ô§ô¤*~*¤ô§ô¤*~

الود وإحترام وكلمتين قايلــــــــــــــــــــــــــــهن
منك زادو في حدق العيون شايلـــــــــــــــــــــهن
انا يارونق أيامي الطويت فايلــــــــــــــــــــــهن
سوابت عشقي لاإتقول البعاد زايـــــــــــــــــلهن

[الضراع]

لبيب ودأونسه حبوبه عمر النعيم
امــــــــال الناس
ياجماعه والله ماقصرتو
بس اليوم ماشايفكم

[لبيب]

[align=center]مرحب بالضراع مرحب حبابك مية
في سمح الكلام القلتو ماهو شوية
انت وقت تقول قولك تملي هدية
تسلم يا الضراع من كل شر وبلية[/align]