ما رأيك في تشابك الأيدي بين الزوجين في الأماكن العامه ..

[ابازركو]

حمادة موضوع جميل فمسك الايدي يحسس المراءة بالامان والحب لاكن هذا العادات غريبة علي مجتمعنا واقرب مثل اذا كنت انت وزوجتك في الطريق تلاقي كل الناس تنظر لك وتعلق مشكورة ولك تحياتي .

[kholoud]

خلود مساك سكر
انتي بتتكلمي عن حياء البنت والولد
طيب .. الزمن دا 80% من البنات والاولاد ربنا يرحم حيائهم من بعض خلي حيائهم من الناس
وإنتي براك شفتي حالهم في شارع النيل أثناء اليوم الدراسي .... دي انتهينا منها

يااختي العزيزة ... نحن بنتكلم عن الراااجل والمرأأأة يعني الزوج والزوجة
والحتة المقصودة لا تخدش الحياء العام بأي صورة من الصور ولا بتجي جمبو حتى
بل العكس تماماً .... وراجعي كلام الأخت سمسم يوسف جزاها الله خيراً

يديك العافية

ولييييييييييييييييي قدااااااااااااااااااااااام









و....................الباقي على الله

[align=center](ههههههههه والله انا فاهمه قصدك امكن انا ما قادرخ اوصل ليك المعلومه انا بقول ليك هيكون ملفت للنظر ومفروض احترام للشارع العام بس ده راي والله وخلق حسن للولد والبنت )

[/size][/font][/color][/align][/b]

[السودانى الاصيل]

[align=center](ههههههههه والله انا فاهمه قصدك امكن انا ما قادرخ اوصل ليك المعلومه انا بقول ليك هيكون ملفت للنظر ومفروض احترام للشارع العام بس ده راي والله وخلق حسن للولد والبنت )

[/size][/font][/color][/align]
[/b]

[Mr.POGIz]

[align=center]" يا جماعهعلينا الحركات دي واتخيلو امك وابوك في الشارع ماسكين يدين بعض حيكون انت موقفك شنو اكيييييييييد حتضحكو زي هههههههههههههه لانهاا سخافه والله "

[/size][/font][/color][/align][/b]

( نحنا سودانين ما لايق اساسا ) ليه ما لايق علينا ؟

ولا اوريكي ليه ما لايق علينا لانو عقلية كتير مننا ما بتتغير ولا تتطور

ثابتة من زمن بعيد

انا اتاكدت اسي ليه السودان ما ماشي لي قدام بل بالعكس ماشي لي ورا

( سخافة ) !!!

[Mr.POGIz]

في الواقع لم أكتب في ردي هذا رأي الشخصي حول الموضوع لأنه ليكون لك رأي في أمر
ما فلا بد أن يعنيك هذا الأمر بشكل أو بآخر لكن أنا لا يعنيني الأمر كثيرا إنما أريد فقط أن أوضح
نقطة مهمة سيكون لها دور في سير هذا الموضوع
ارجع مرة اخرى الى سيرة النبي (صلى الله عليه وسلم) .. فيروى أنه كان عندما يخرج مع عائشة .. كان يمشي بمحاذاتها .. ويبتسم (صلى الله عليه وسلم) ويحاول أن يسبقها بالخطى .. فيغيظ ذلك عائشة (رضي الله) عنها مما يجعلها تسرع لتسبقه .. فيسرع النبي (صلى الله عليه) وسلم ويسد الطريق ويمنعها .. ثم يجعلها تسبقه.. ..
لا أعتقد أن الشارع حينها كان خاليا من المارة فبالتأكيد كان هناك
من يرى هذا المنظر وكان هناك من يعجبه ذلك ومن لم يعجبه
ولكن ذلك لم يكن يعني الرسول( صلى الله عليه وسلم )فما يهمه
الآن هو أن يرى زوجته (رضي الله عنها) عنها سعيدة وأن يشعرها بحبه لها
لا بد أن لعبه مع زوجته في الشارع قد يبدو اغرب من مجرد ان يمسك يدها

لكن السبب في ذلك -عدم تفضيل الرجل الشرقي لأن يمسك يد زوجته- هو نظرة الناس والمجتمع لتلك الفعلة
ومايستوعبه العامة حينئذ إما كونه عريس جديد أو مازالا في مرحلة الخطوبة ...
أو بمفهوم سوء الظن الذي يعشش في عقول 90 % من شعبنا ... متصاحبين ...
وفي الحالة الأخيرة ... سيجد ألواناً وأشكالاً من المعاكسة أو التعليقات من الصعاليك ممن يودوا تبادل الأدوار معه ... فهي حلالهم جميعا ً !
لذلك يتجنب الكثيرون هذه المواقف بعدم إمساك يد زوجته ويشتري راحة باله ..
أي وكالعادة أيا كان ما سيفعله سيعود ليس إلى رأيه وإنما لما قد يعتقده الناس حينئذ

هو تاني في اكتر من كدا يتقال
كفاية

بس غضوا من ابصتركم

بـــــس

[السودانى الاصيل]

( نحنا سودانين ما لايق اساسا ) ليه ما لايق علينا ؟


ما لايق لاننا ناس عندنا قيم ومثل
واحترام للماره الفى الشارع
والرجل لما امسك زوجتو فى الشارع
رغم انو الاخوه ذكرو انو فيها تقييم للزوجه
الا انو بنقول فيها استفزاز للشباب
واقاويل

ولا اوريكي ليه ما لايق علينا لانو عقلية كتير مننا ما بتتغير ولا تتطور

ثابتة من زمن بعيد


الحمد لله انو لسه اعرفنا وتقاليدنا ما اتغيرت وبنفتخر بيها ونعتز بيها
امام كل العالم وثابته كالجبال
احترام وادب للشارع والذوق العام

انا اتاكدت اسي ليه السودان ما ماشي لي قدام بل بالعكس ماشي لي ورا


( سخافة ) !!!
السودان ما بقدمو مسك الزوجه ابدا
دا باخرو لانو لما رجل امسك امراه
ويثير شهوه ويتغير تفكير الشباب
من طاعه لله الى تفكير فى المعاصى
وبالتالى زنا وبالتالى تعطل سير النمو
وانتقلت الامراض بين الشباب
وبالتالى فقدنا ايدى عامله وعقوول مفكره

اتمنى اكون قدرت وصلت ليك الفهم يا مستر بوقز


ا

[عيون الملاك]

والله انا شايفه دي حاجه عاديه جدا بين الزوجين وما فيها كلام اما بين مخطوبين برضو عاديه جدا ومافيها كلام اما بين اي اتنين دي ما عاديه جدا وفيها كلام بس عاوزه اعرف بين حبيبين عاديه وما فيها كلام والا ما عاديه وفيها كلام
تقبل مروري

[Mr.POGIz]

اتمنى اكون قدرت وصلت ليك الفهم يا مستر بوقز


ا

يا عزيزي ياااا عزيزي

واحد مسك يد زوجتو ياتو شهوه دي البجيبا منظر زي دا ؟؟؟

ثم ثانيا لو دا بغير( تفكير الشباب من الطاعة الى المعاصي) كاااااااااان زمااااااااااان الشباب انتهو من ( بوس الواوا ) بتعرفا :D ؟؟

يا اخي الكريم اكيد انت طولت من السودان وحتمشي وحتشوف انو كمان بقت عادي وعادي جددددا


بالله لمن تمشي السودان عليك الله ادخل سنما عفراء واحضر اجدد فلم اوكي

ما تقول لي كمان عندك فيها راي

[ابن عوف]

[align=center]السلام عليكم ورحمة الله وبركاته

مارأيك في تشابك الايادي بين الزوج والزوجة بالاماكن العامة......؟
البعض وخاصة الرجال يحس ان هذي الحركه غير لائقه او ماتنفع في مجتمعاتنا
او تنقص من رجولته او.....او.......الخ
(وخاصة نحن السودانيين تلقى الراجل جاري قدام تقول خايف من حاجة والمرة مسكينة تحاول تلحقه ما لاقية طريقة)
والبعض يحس ان حركه جدا عاديه ومافيها اي شي حتى لو في مكان عام وهي
بالنهايه زوجته و .....و......الخ
فاي نوع انت/ي منهم ....
( هل انتي مؤيــــــــــــــــد/ة .ولماذا ..........؟
( او معــــــــــــــــــــارض/ة .ولماذا .............؟
انا برايي الشخصي ان تلك حركة من الحركات البسيطة التي تدل على الرومانسية المطلقة( اذا كانت عفوية) فالرجل غالبا لا ينتبه الى صغائر الامور بينما ترى المراة في ذلك احساسا مرهفا من قبل زوجها وانا من وجهة نظري لا ارى في ذلك عيبا او مخالفة للادب لانها مجرد مسكة يد ليس اكثر بل يكون الرجل في هذه المسكه اكثر ثقتا بنفسه (ولماذا لا يخجل الرجل منا ان امسك بحبيبته قبل الزواج وتباهى بها امام الملا بينما يخجل من حلاله وزوجته وشريكة حياته)وجهة نظري
والان بانتظار الاراء اتحفونا ....................................



[I][align=center]دمتم بخير..[/align][/I][/align][/font][/size][/color]

حمادة تطرقت لموضوع جد مهم
انا شخصيا عادى امسك زوجتى والعيب شنو فى ذلك طالما هى حبيبتى ونؤام روحى دا يدل على مدى حبى ليها
بس المشكلة عندنا فى السودان من البت ما بتعمل شئ هى مقتنعها فيه كل شئ تعمله علشان الناس يقولو عملت كذا وفعلت كذا
يعنى ليه الزوجة تعمل مكياج وهى طالعة برة تقول ليها ماتعملى مكياج تقوليك الناس يقولو على شنو طالعة كدا انتى بتعملى المكياج لى وللناس ترد ليك طبعا طيب انا عايزك تمشئ كدا برضو تصر وتعمل المكياج انت تحاول تمسك يدها فى مكان عام هى تسحبها لى الناس بعاينو لينا
يبقى كدا يا حمادة عاوز اول تغير المفهوم العام

ودمت بعافية

[حماده]

حركة سخيفه ومستفذه للشارع العام حتى ولو كانا متزوجين
اما ان كانا مخطوبين او حبايب
فهذا جرم اخر فهى تعتبر اجنبيه ويحرم عليه مسها

[align=center][align=center]
الأخ / العزيز - السوداني الأصيل
لك خالص التحية والتقدير . اولأ اشكرك على مرورك . تانيا بخصوص ردك انا بقول دي وجهة نظرك
خاصه بشخصك الكريم . قد لا تعني لك شيء هذه المسكه وربما تعتبرها سخيفة على حد قولك . ولكنها تعني الكثير بالنسبة للمرءه ...


دمتم[/align]بخير[/align]

[حماده]

الأخوة الاعزاء اعضاء منتدى انا سوداني لكم التحيه فردا فردا .
واعتذر عن انقطاعي عن المنتدى بسب مشاغل الحياة .. واشكركم جميعا على اهتمامكم ومشاركاتكم بموضوعي فترة غيابي .. وانا رأيي شخصيا مثل رأيى هؤلاء الأعضاء حيث لم يتركوو شيئا وقامو باللرد على المداخلات وهم :
- ود الدرديري
- بت الشمالية
- شموسه
- كابو
-شمعة امل
- من خلق الظلام يراني
- عيون ملاك
- mr.poglz
- ود بنعوف .
لكم مني خالص الشكر والتقدير مهما قلت فلن اوفيكم حقكم في اهتمامكم بوضوعي وانا اضم صوتي الى صوتك . الى متى سنظل متمسكين بعادات قديمة اكل عليها الدهر وشرب .. ولماذا لا نعلم ابنائنا وابناء ابناءنا مثل هذه التصرفات البسيطه لكي لتكون اضحوكه لابنائهم [ياخلود ] لكن ما نراه في الشارع السوداني [ان الرجل طاير قدام المره والمسكينه بس داير تمشيء جنبو ] قد اختلفت وجهات النظر في هذ الموضوع .. ولكل منا وجهتة الخاصة ويجب علينا كأعضاء تبادل الاحترام ....

دمتم بخير..

[عاشقة الورد]

مارأيك في تشابك الايادي بين الزوج والزوجة بالاماكن العامة......؟
البعض وخاصة الرجال يحس ان هذي الحركه غير لائقه او ماتنفع في مجتمعاتنا
او تنقص من رجولته او.....او.......الخ
(وخاصة نحن السودانيين تلقى الراجل جاري قدام تقول خايف من حاجة والمرة مسكينة
تحاول تلحقه ما لاقية طريقة)
والبعض يحس ان حركه جدا عاديه ومافيها اي شي حتى لو في مكان عام وهي
بالنهايه زوجته و .....و......الخ
فاي نوع انت/ي منهم ....
( هل انتي مؤيـــــــــــــــد/ة .ولماذا ..........؟
( او معــــــــــــــــــارض/ة .ولماذا .............؟
انا طرحتة الموضوع دا لانو مرة في منتصف السوق العربي مرو زوجين ايدينهم
متشابكة فلاحظت في عيون الناس مليانة دهشة وكمية من التسالات
فجرى على خاطري اطرح الموضوع عليكم واشوف رايكم شنو ؟؟

[سالومي]

بصراحة أنا ماشايفة مافيها حاجة
ولامؤيدة ولامعارضة
بس انو ينتبه خصوصافي الاماكن العامة
وخاصة في السودان
مع انو هنا في السعودية شايفة الحكاية عادية
وفي كل مكان بشوف زي كدة
ولمن يمسك ايدها في الاماكن العامة اوفي السوق
ده دلالة على شدة خوفه عليها
طبعا ده من وجهة نظري


تقبلي مروري
تحياااااااااااتي قبل قبلاتي

[ابو ايووودي]

ايش المشكله انو امسك ايد زوجتي حتى ولو في اي مكان على وجه الارض ما اظن في مانع وخاصة وقت يكونوا عرسان جداد لكن المشكله يكونوا ما متزوجين ويمسكو ايادي بعض واشياء لا تليق بالمجتمع
شكرا عاشقة الورد

[ام صبا]

الظاهرة عاديه بس لينا كسودانين غريبه لاننا ما اتعودنا
والراجل يسبق الزوجة ما حلو الحلو يمشوا قراب لبعض
انا عايز اعرف بتعنى شنو امسك ولا يمسك ايدى فى الشارع
ياربى ليها معنى نحنا ما عارفنو ياريت نلقى الجواب الشافى
عشان كلنا نمسك الايادى

[hdma]

والله عاادي جداا ..
اناا ماشايفة فيها اي حااجة ............
والحركة الما بحبها انو الرااجل يكوون ماشي قداام والمرة تكووون جاريه ورااهو ......
مااعارفة ليه النااس بتتتصرف كداا ...

مشكووووووووووووووووورة على الموضووع ..

[روزيتا]

بصراحة الموضوع دقيق شوية لانو الرجال الشرقين عامة و السودانين خااااااااااااااااااااااصة ما بخبو يعبرو عن مشاعرهم فى العلن , بالرغم من انو حاجة زى دى بالرغم من انها بسيطة الا انها ليها معانى كتيرة بالنسبة للمراة

[همسة حنين]

لو المتزوجين في الشوارع بيشبكو ايديهم ماحد هيتخيل إنهم متزوجين اكيد اي حد بيشوفهم هيفكرهم حبيبة عاديين

[ريناد]

انا في راي انها حركة عادية ومافيها اي حاجه بس المشكلة انو مجتمعنا مابقبل حاجات زي دي يعني مثلا مرة احنا كنا في حديقة وكان في مرة وراجل سودانين يتمشو وهو ماسك يدها اعمامي قالو عاين ديل عليك الله !!!!!!!!!!!!!!!!

لكن في النهاية احنا كمجتمع سوداني ماعندنا الحاجات دي

[دعد]

ود الشيخ

تحيه واحترام

اعتقد كل المبررات التى سقتها فى جواز مسك
الايادى هى نفس المبررات التى توجب عدم مسك الايادى

فيا اخى طالما انها زوجتك وحلالك ومعك داخل المنزل
وبامكانك تعبر لها عن حبك وهيامك بالطريقه التى
تريحك

اما ان تمسك يدها امام الجميع
اولا
لا يمكن ان اغمض عينى وانا امر فى الشارع فلا بد
ان ارى رجل يمسك يد امراه

وهل المبرر تعبير عن للحب للزوجه ام للماره ؟؟؟
هنالك من تثيره هذه المسكه اقولها لك صراحه
بعض الشباب تعجبه هذه المسكه وهو غير متزوج
فتكون له بمثابة حبوب فتح الشهيه لشخص معدم لا يمكلك
ثمن الوجبه

ومن ثم اخى ود الشيخ حينما تكون هذه العاده
شئ عادى وليست غريب
ما هو الضمان ان كل من يمسك امراه هو زوجها ؟؟؟؟


اما عقدة ابواتنا
ليتنا نكون كذلك ليتنا لدينا الااف العقد
من بقايا ابواتنا

كم هى ساميه وشريفه هذه العقد
قارن بين عقد ابواتنا والعقد الجديده

ترى انك تمنيت الزمن يرجع وترجع الحشمه
والادب واحترام الذوق العام

زوجتك حلالك
هل تستطيع فعل اى شئ بها امام الماره لتعبر لها
عن حبك ؟؟؟

3بس ده هو الكلام الصح ماخليت لينا حاجه نقولا يا الاصيل