مســـــــــــــــــــدار + مســــــــــــــدار

[مهند عبد الرحمن]

من ما قمت عارف نفسي ما بقدر اخالف
الا البي صعب روحي مابية توالف
جيت المنتدى قلت النسوي سوالف
لقيتك فيهو شاعرة ودي حقيقة ماني مكالف

[احمد يس]

تعرف انا مره حبيت واحدة فى سابق العهد والزمان
اتارى زولة تانية كانت خاته عينيها على الغلبان
الاولى حبيبة والتانية عزيزة واخوك فى التوهان
ياترى احل المشكلة كيف وانا زاتى ما فهمان
ما لقيت حل يا صاحبى الا فى الزوغان
عشان الخسارة فى الاتنين احسن ما اكون هايمان

[مهند عبد الرحمن]

يا ود يس بتدور النصيحة وتخليني لي دليل
ما تخلي قلبك تايه ما بين ناس ديل ديل
ان درت الحب شوف الكلامة تقيل
خليك حريف وادرس كلامي عديل

[احمد يس]

الكلام ده كان زمان وقت الفوران
بعد ده الدنيا علمتنا الحرفنة اطنان
نعاين ونحب بالعيون والقلب فتران
النسوان ديل سر كبير ما يعرفه الا الشيبان
والكتب تتألف فيهم وعمك احمد .. زهدان
مقدمة الكتاب ... كيف تنشن على الغزلان
والفهرس يوضحليك مفاتيح الوصول للحملان
بس النهاية دايما ياصاحبى .. خسارة لكل الشبان

[مهند عبد الرحمن]

ود يس اخوي امرك كتير حيرنا
سمعنا كلامك ولي الفهم غيرنا
كنا قايلين روحنا برانا اتدمرنا
لقيناك يا اخوي فايتنا وبقيت لينا ولي امرنا

[احمد يس]

الدمار واجب وطنى يا ولدى للجميع
فى زمنكم بيسموهو شاكوش رفيع
اما زمنا نحن كنا نسميهو خابور بدون شفيع
بس فى النهاية النتيجة واحدة ودمار فظيع
الحكاية مشتركة نسوان ورجال وكلامى ما تسميع

[احمد يس]

اليوم عيدك يا أمى ياست الحبايب
ابعتلك احلى سلام ولو انى غايب
حضنتينى وانا طفل واتعلق بيك وانا شايب
مرت الايام ونحنا بعاد ...لكن والله القلب دايب
ربنا يديك الصحة والعافية ..ونفضل دايما حبايب

[دايخ في عالم بايخ]

يا سلام عليك يا أحمد إبداع والله

وبعتزر عن عدم مشاركتي معاكم من بدري

بس والله ما إنتبهته للموضوع غير حسه

فححاول بقدر الإمكان إني أجاريكم

وشكراً يا شهد الكلام على الموضوع الجميل ده



الغربه القطا الوقعت حلال بي سوره

سيحوا في الأرض والغربه تب مقدوره

جهجهة الفؤاد ليل والأنام محضوره

[احمد يس]

الاخ دايخ

شكرا جزيلا لوجودك معانا هنا.................انا ذاتى ما بدأت مع ناس شهد الكلام ومهند والاغبش وشبانة
لكين والله الجماعة شهونى وفكوا عقدة لسانى .................
انشالله نشوفك دايما معانا .................بالتوفيق

على فكرة انت غايب عن المنتدى ليك كم يوم ...........انشالله خير

[دايخ في عالم بايخ]

والله يا ابو حميد موجودين دائماً وأبداً

ولك الشكر لسؤالك يا عسل



شبابنا البره شرد وخلى بلدنا خاويه عروشا

وناس بي جوه فارغه عقولا مليانه كروشا

قليل علما بسيط فهما كتير طينا و قروشا

[احمد يس]

لو على الكروش اصلوا جوا وبره مليانة
لكن العقول نسوى شنو لو كانت طغيانة
لكن مصيرنا نرجع بلدنا ونعمر بنيانة
بكره قريب يا صاحبى والقلوب عمرانة

[مهند عبد الرحمن]

صباح الخير عليكم وسلامنا بي الكمية
ما تشوفو عوجة وحالكم ديمة بهية
ان كان نفوسنا اتطايبت عنقريبنا بشيل المية
حقو نخلي الخلق للخالق والناس تصفي النية

[مهند عبد الرحمن]

احمد يس اخوي في الشعر ما تبقى بخيل
قول وانشدنا من شعرك البسند الحيل
اكان نعرف نجاريك ونديك مننا قليل
ما تخلينا تمشي بي وراك لسانا تقيل

[احمد يس]

مهند اخوى انا اتعلمت الشعر فى مسداركم
كنت اسمع ساكت وانا واقف على باب داركم
شوية شوية اللسان فك لكن مابحصل اشعاركم
يمكن بكرة القلم يتفك واقدر اصل انا اسوراكم

[شـهد الكلامـ]

جيت متاخره وسايقى معاى اعذارى
كت ناويه من دقش العليم اديكم اخبارى
يوم الاربعاء راجياهو من فبراير الجارى
قت امى ماك هينه ست الكل عساك بعافيىى
ربى يديك فوق العافيه عافيه وصحه ليكى دعواتى بنيه صافيىى
يايمه وين القى البعادل ضفرك شقيش قبلتا ماعايزاهو الا رضاكى


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يارب ياكريم من المحن نجيها ست ريدى الحبى مكمل فيـــــــها
اعدل سكتا خليها سكة خير عديله من كل الخطر نجيــــــــــــها
وامسح دمعتا بى رحمتك عليـــــــــــــــــــــــــــــــــــها ما تدليها
خلينى من وسط الهموم اطراها وان هاجرت اجرى اجيها وكمان اهديها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اماتنا يا ضل ضليل يغشانا من شمس الضجر غطانا
يا زاداا مدفق فى يوم فلس يرمى الزواده حدانـــــــــــاااا
يا نفحات امل وسط العدم وكت الحرور هبــــــــــــــانا
يا بحرا غميت لى سرنا وقتين نسولف والامور غامانا
ربى احفظ امى وامات الجميع واجعل رحولنا قبلهم ازمانا

[مهند عبد الرحمن]

احمد يس بي اشعارك رميتنا بعيد
كنت فاكر نفسي شعري براهو مجيد
لقيتك في الدرب وكلامك كلو اكيد
انت شعرك موزون وما بدورلو زولا يعيد

[شـهد الكلامـ]

معليش انا مستعجله كتبتا الكلام ههههههههه

نسيت ارحب باخونا دايخ
بكره يا دايخ احلى تحيه ليك تعال قاشر عشان حتكون محتفى به واوعا تدوخنا معاك خليك دايخ براك هههههه


وعيد سعيد لامات الجميييييييييييييييييييييييييييييييييييييييييييييييع

[مهند عبد الرحمن]

فقد الام عظيم في قليبي نار مساني
من زمنا بعيد وانا بيهو بعاني
لو لي الزول منية تتحقق في ثواني
كنت اقول خلاص رجعوها لي انا تاني


احفظ ليهم اماتم وامات الجميع يا الله
تستر حالم لا يشوفو جهجهة لا ذلة

[Still I Need U]

[align=center]شهد الكلام مازلت عند وعدي لكي عزيزتي بأن أحاول أن أكتب لك هذا المسدار الرائع ،،
ولكن وكما ذكرت سابقاً ليس لي في القافية ولكن لي النثر لو تقبلين فهو لك إنشاء الله ،،
تقبلي مروري ،،[/align][/size]

[شـهد الكلامـ]

جيناكم صباحااااااا

والمنتدى ضعيف معاى ماقادره اشارك كويس

وبقول ليك ياااااااااااااااااااااااااا: استيل اى نيد يو

اتشرفتا بزيارتك بيتنا اقصد مسدارنا نور :D

امكن الموضوع هنا مسدارات تلتزم القافيه عشان النظام وكدا مافى طريقه :D

الا تبقى شاعر هههههههه

اسمع يا استيل حانزل بوست باسم مشاهد + خيال ( حنعمل فيو مطارحات نثريه للجميع وعلى من يانس الكفاءه فى نفسه تعالو بهناك بس على شرط ماعايزيييين اى نقل من مكان تانى من راسكم بس )


يلا يا استيل اتوقعك اول مشارك فى مشاهد + خواطر

بس دا ما يمنع تكتب معانا هنا حاول والقصه ساهله اخوى كلنا بنتدرب غايتو لو جانا زول شاعر بيطلعنا اى كلام هههههه الله يستر