الكرسي الساخن

[sarona]

طيب يا ابن بطوطة

موضوع عجبني واتمنيت اني اكتبه موضوع درويش (نساء بلاقيود )
وخاصة مداخلات الاخ استيل لانها في صلب الموضوع اللي كنت عايزه اطرحه
لدرجة اني قريته اكثر من مرة وعندي الكثير كمداخلات للموضوع
بجد موضوع أكثر من رائع
بيناقش نقاط هامة وحساسة بتمسنا كشباب في المجتمع
موضوع جاد جدا وهام جدا جدااتمنى ان يلاقي اقبال من الجميع

[sarona]

سؤالك وداني لي سؤال تاني

اسم شخص في المنتدى عاجبك وليه؟

نجيب ثلج يا ابن بطوطة ماحنكسروا نبرد بيه شوية الجو

موني الله يخليك للتكسير والترطيب

الاسم اول ما شفته حسيت انه مسج اكثر من اسم

حسيت انه موجه لشخص ما في مكان ما

يمكن لان الاسم بجد كأنه sms


still i need you

فبقول ليه بجد اسمك جميل .... ومميز...

[شـهد الكلامـ]

سارونا :

احييييييييييك على ذوقك العالى فعلا استيل اسمو فوق الاحساس يجعلك تبحث فى دواخلك بمجرد ان تراه

بالنسبه لموضوع نساء بلا قيود ما قريتو كدى النمشى اشوفو :079:

اها الحلقه الجديده متييين عشان التلفزيون دا بالكهرباء وقروش يعنى :(

[ibn batoota]

سارونا صباح الخير..


صفة ماعاجباك في سارونا وعايزة تتخلصي منها؟

[sarona]

سارونا صباح الخير..


صفة ماعاجباك في سارونا وعايزة تتخلصي منها؟

لا اتوقف عن التعامل مع الاخرين بثقة

[بت أبوظبي]

ملاحظه يا جماعه ..
حدود الأسئله تكون بالكتير ..
5 اسئله سخنه مولعه ناااااااااار !

[بت أبوظبي]

سؤال لنور الإسلام ..


لماذا في بوست ( كيف تجعل منتدى انا سوداني أحسن موقع )
عند رد توت أخذته بحمل شخصي بحت ؟
وكان ردك الغريب وما فاهمين المغزى منه ؟؟؟؟؟؟
لييييييييييييه ؟
جواب يا نور !

[بت أبوظبي]

اها وين يا نور !
السؤال راجيك !

[العسوله]

ليه بالذات الموية؟؟؟؟

ليه اخترت المجال دا؟

[صاحبة الحرف العنيد]

يا سلام الكرسي ساخن شديد شكلو
منو اللي قاعد فيهو هسه
وبتين حيجي دوري

[nourelsalam]

سؤال لنور الإسلام ..
لماذا في بوست ( كيف تجعل منتدى انا سوداني أحسن موقع )
عند رد توت أخذته بحمل شخصي بحت ؟
وكان ردك الغريب وما فاهمين المغزى منه ؟؟؟؟؟؟
لييييييييييييه ؟
جواب يا نور
بسم الله الرحمن الرحيم
الاخوة الاعضاء الرائعين
الجواب كان فى غاية البساطة وكان ردى عفوى واللة لا اقصد بة شى سوى اننا فى الكثير من المرات نكتب ما لانعنى ومرات كثيرة لانتذكر عن انفسننا ما كتبننا ولاننا فى المرات الكثيرة والكثير منا يتعامل مع الاخرين بسذاجة انا هنا لااقصد توت ولاغيرها بل دى طبيعة الكثير من الاعضاء والاشخاص والناس فى المنتديات المختلفة اى بمعنى انو الناس البكتبوا فى المنتدى ديل كلهم مابفهموا ولابعرفوا اى حاجة وانا براى سيد الفهم والراى وانا براى اكتب مايحلولى ويطيب لى وغير كدة مافى زول تانى بفهم ولابعرف شى
وطبعا المنتديات دى فيها اشياء غريبة جدا وانا ممكن اكون اكثر زول فيكم بعرف المنتديات دى وهذا ليس مفاخرة وليس بكبر بل بالعكس انا شايف نفسى اننى انسان فارغ بلاهدف وبلا موضوع فى الكثير من الاحيان لاننى اكتب وبلا توقف وليلا ونهار فى اكثر من 25 موقع سودانى ودة كلام اكثر واكبر من طاقتى وجعلنى شبة مدمن للنت وللمنتديات
ولكن مايجعلنى اتكبد كل هذا الالم والمشاق هو الكلمة الطيبة والتى احاول ان اقراها من الاخرين واحاول ان اكتبها للاخرين
فان كانت الكلمة غير مقدرة وغير مرغوبة من البعض فالله يعلم ماوراء القصد من الكتابة
عندما كتبت الرد للاخت توت لو الكل رجع للموضوع وقراء بتمعن وبشى من عدم التسرع الى اننى قصدت توت ولا توت قصدتنى كان الموضوع يكون للكثير انو موضوع عادى
ولكن لان الانسان دائما لما يكون الكثير يحسبون لة كل نقطة وكل حرف وكل كلمة يكتبها وتكون سوء الظن والشكوك يكون النتجية ماحصل لى فى الرد للاخت توت
والمصيبة الاكبر ان الاخت توت وبقرار فردى وشخصى اوقفتنى من المنتدى مع رسالة وفيها سبب ايقافى من المنتدى لمدة اربعة ايام هو عدم الذوق والاحترام
فاسالكم بالله العلى العظيم فردا فردا وانتىيابت ابوظبى اول الناس واسالك يوم الوقوف امام الله تعالى هل انا
اتصف بهذة الصفات مع العلم اننى لا اعرفكم ولا تعرفونى الا من خلال كتابتى فقط
الحكم متروك ليكم جمعيا والله لايظلم العباد ابدا ابدا
مع تحياتى
وفى موضوع الاخ ابراهيم الجيو
دعوة للتسامح انا سامحت كل عضو واخ واخت على اى سوء فهم او شى بدر منة ومنى
مع تحياتى
نور الاسلام

[ibn batoota]

صديقي نورالإسلام
صباح الخير...
مشرفنا والله في الكرسي الساخن...

سؤالي:
متي يغضب نور الإسلام؟

[nourelsalam]

بسم الله الرحمن الرحيم
الاخ ابن بطوطة
السلام عليكم ورحمة الله وبركاتة
اخى السوال عن متى اغضب
والله بابن بطوطة انا بغضب عندما ارى اننى مظلوم و لاننى بشر بزعل جدا جدا عندما ارى اننى ظلمت فى شى ما وموضوع ما واكثر ما يغضبنى عندما اكون اقصد شى وخير للناس ولا اجد من يفهمنى واجد الظلم هو الرد على شى اريد منة الخير للجميع
واغضب جدا عندما تنتهك العروض والقيم والمثل والاخلاق فى المجتمع المسلم والسودانى خاصة وباسم العولمة والدين والحضارة فى اشياء الحضارة والعادات والتقاليد عنها برئية
واغضب جدا جدا عندما ارى تشتت جمع كلمة المسلمين وارى حب الكثير للمسلمين للغرب وحضارة الغرب وتقليد الغرب العمياء وارى الكثير من المسلمين راكعين تحت اقدام الغرب وعادتة واسمائة
فا اتحسر على اننا من المفروض ان نكون خير امة اخرجت للناس
واغضب اشد الغضب على هولاء الخنازير والقردة من سبوا خير نفس عرفتها البشرية منذ ولادتة والى قيام الساعة الرسول الكريم صلى الله علية وسلم
واغضب عندما اكون حسن النية مع شخص واكن واضمر لة الاحترام والحب والتقدير واجد منة النفور والافتراء والكبرياء
اخيرا اغضب عندما اجد هناك بعض التنحارت بين الاعضاء بسبب ادعاء كل منا انة يفهم اكثر من الاخرين وليعلم الكل باننا بشر وغير معصومين من الاخطاء والغلط
واخيرا اخيرا اخيرا اغضب جدا عندما اشعر بان انسان ما وشخص ما قد اخطاء فى حق الاخرين وحقى ولم تكن عندة الشجاعة لللاعتذار على مابدر منة تجاة الاخرين
اخيرا لكم ودى وحبى
مع تحياتى
نور الاسلام

[ابراهيم الجيو]

نور الإسلام,,,,
منور دائماً,,,

المرأة,,,,,,,
ملاك جميل ,, ينقلب في بعض لاأحيان إلى شيطان رجيم ,,, لا يمكن أن يُستغنى عنه حتى وإن بقى على حالته الثانية,,,

أشاهد دائمأ,,, مواضيعك عن المرأة!!!! وهذا شيء جميل,,

ما أوده:
ما هي نظرة نور للمرأة السودانية المسلمة التي تحاول مواكبة العصر بجميع مجالاته؟؟

وما رأي نور,, في الزواج عن طريق النت,, لو اكتلمت جميع الصفات المطلوبة؟

والمرأة الغربية ,, هل يتجاهلها نور حتى ولو كان يريد منها مصلحة عمل أو غيره؟

وأخيراً وأهم سؤال:

نظرة نور لزي المرأة السودانية,,, والتي يميزها عن بقية شعوب العالم ؟


في انتظار ردودك,, ولي عودة!!!!

[احسان]

ابراهيم ممكن انت تجاوبنى على السؤال دى قبل نور السلام

[حافظ عوض الله محمد]

الاخ نور الاسلام
ذكرت انك تكتب كثيرا فى اكثر من 25 موقعا
ماهى الضوابط والاسس الذاتية التى تلتزم بها ؟
لم يعجبنى قولك انك انسان فارغ وبلاموضوع . بصراحة ماذا عنيت من ذلك ؟
لااقبل باقى الجملة كإجابة .

[عفراء]

سؤال مااصعب موقف مرة عليك فى حياتك
هل عشت قصة حب

[ibn batoota]

صديقي نور الإسلام

كرسيك ولـــع علي الأخر

[صاحبة الحرف العنيد]

الله يكون في عونك

انا بصراحة حنيت عليك وحأجل أسئلتي لي بعدين

[استارو]

شباب حلوين وكرسى ولا احلا
معليش اول مره ادخل هنا
بالجد الواحد نفسو يشارك ولو بى مسكول

اخى نور الاسلام سوالى لك بسيط فى نظر الكثيرين
ولاكنه يعنى الكثير
السوال :
ماذا تعنى لك الصداقة ؟؟؟؟