بنات المغتربين .. وعدم العرس .

[معتصم حامد عبدالرحيم]

بسم الله الرحمن الرحيم
موضوع بنات المغتربين الذين عاشوا في الخليج والسعودية ودول المهجر .. في غاية الأهمية .
لأن البنات كبروا والبيت تلاقي فيه اثنان وثلاثة وأربعة وفي بيوت فيها سبعة.. دايرين الزواج .
وفرص الزواج في الغربة قليلة واللي بيتزوج في الغربة قليل .. وعدد البنات كبير جداً .
والمشكلة أهلهم ما راضين يسافروا ويستقروا في السودان عشان تكون في فرص أكثر ليهم .
عاوزين يعشوا في الغربة وتعودوا على كدة .. وظروفهم ذات صعبة وما مستفيدين من الغربة .. بس تعودوا على كدة.
نرجو مناقشة الموضوع وابداء الآراء المناسبة.

أبوعمر أخويا ..
دي نسبة مش مخيفة لو حسبتها بالنسبة المهولة في الوطن من بنات عدن سن التلاتين وأوضح دليل لذلك أسمع غنا البنات دلوقت (راجل المره حلو حلا) أما البنات العندنا هنا أكان في الدوحة ولا باقي دول الخليج مقدور على عرسهن وربنا يفتحها على اللي هنا واللي هناك .. السترة واجبة ..

[ميرندا مول]

°ˆ~*¤®§(*§*)§®¤*~ˆ°شكرا علي الموضوع الجميل ده واقول للنقناق اكيد لو متفقين علي كده حترجع معاك ولاكن اقول لاي احد حاسي نفسه عاوز يرجع السودان احسن ليه يتزوج من السودان واقول بالنسبه للمغترب الزواج من محلك افضل لانه حتفضل جنبك وفي النهايه الزواج قسمه ونصيب سواء كان من السودان او الكويت او الهند°ˆ~*¤®§(*§*)§®¤*~ˆ°

[اجمل احساس]

فعلا الزواج والارتباط قسمه ونصيب ولو على المطبخ وشغل البيت حتى لو البنت م بتعرف اكيد ح تحاول تتعلم ودا كلو راجع للشخصيات وحصول التوافق
وربنا يوفقك

[ناري عسل]

موضوع جميل جدا طبعا انا شفت كل التعليقات وبس في فهم واحد عايزة اصلحوو القال منو بنات المفتربيين مابعرفوا يعملوو كباية شاي ؟؟؟؟؟؟؟؟؟ بصراحة بالغتوو فينا بالجد ...
يمكن الواحده مابتعرف تتحمل مسؤولية بعد الزواج ودا شئ طبيعي لاي بنت جديدة علي حكاية الزواج لكن اكيد حتتعلم وماحتقعد كده وتاني حاجة في بنات في السودان والله العظيم مابتعرف المطبخ دا فيهوو شنو بس ماعارفه ليه علطول السودانيين واضعين نظره غريبه للمغترب واولادو
بالنسبه لموضوع الزواج في الغربه ولا في السودان دي قسمة نصيب وبكرر بقول المغتربة مرغوبه اكثر للزواج من بنت البلد علي قولكم
اما عن تكاليف الزواج في السودان والله انا شايفه انها اعلي من الزواجات الهنا عندنا اقله شئ ماحتطلب منك بيت وفرش والخ حتكون قاعده معاك ماكان ما انت قاعد يعني
اما في تعليق استفزني شنو بنت المغتربين جيب جيب وتخاف تتكلم معاها ههههه ياخي معقوله بالجد ماصح الكلام دا قولو كلام يخش العقل اذا هي ابوها برسل ليها العايزه ومامامحرومة من شئ بالجد ياجماعه كل زول يراعي لكلااااموو وبس .........

[الأميرالحب]

والله السودانيات في دول المهجر وخاصه الدول العربيه وبالذات الخليج
ديل مشكله كبيره ولكن الاهم من ذلك انو الاباء والامهات سارحين بعيد عن اولادهم
نقول ربنا يجعلو خير
والزواج قسمه ونصيب
بث الي عاوز يتزوج ويستقر هنا يشوف ليهو مغتربه احسن
اكتر شئ بتكلفك ليهو نقلت كفالتها منى ابيها الي زوجها
وممكن تخليها علي البيها عشان ما تجدد ليها
ههههههههههههه