منتدى أنا سوداني

ود ابنعوف كتب:

ود النصر حبابك
فنجان قهوة

سؤال دايما يتكرر للشعراء هل الشعر يكتب فى اوقات معينة وللا حسب الحالة المزاجية ؟

بيجي وكت يدفرو الاحساس من جووووووة
ودالنصر لو سالك مواطن من الدولة التى تقيم فيها انتا الجابك هنا شنو ردة فعلك ؟

بضحك ضحك شديد والله وحصلت معاي.
سؤال تسأله لنفسك ليه نحن نتغرب يشعرك بانك عبد ؟

لانك بدون حقوق بدون كينونة بدون انسانية باختصار بدونك
وليه البلد ما توفر لينا اعمال مع العلم انه السودان به فرص عمل وانشاء مشاريع جديدة ؟

ده السؤال الصعب بس اسأل عنو الاتراك.
هل ندمت على انك اغتربت وفكرت انك ترجع نهائي وللا متردد ؟

شديييييييييييييييييييييييد وكل يوم كمان
اجغم ديل وبرجع ليك تانى

dreem-lady كتب:

هلا خالد

هلا دريموو
اشرب فنجانك

انا اتمليت قهوة لمن بقيت مُقَهِي
رأيك في : اعضاء المنتدى عموما....؟؟

والله احساس اسري راااااااائع

الادارة...؟

شوفي جيتي محل الوجع صراحة الادارة عبارة عن مجموعة حملت على عاتقها تنظيم المنتدى وفيهم الناس الشايلين المسؤولية علي اكمل وجه وفيهم ناس صراحة احسهم متشددين اكتر مما يجب وصراحة الساحة ساحة جميلة والجو جو اسري والعلاج لكثير من المشكلات ممكن يتم بالطيب.
سياسة الحظر ...لرأي يتم قوله...؟
دي الجزئية الانا اتكلمت عنها فوق يعني قريت حظر ود النعيم وهو انا رجل افتخر به صراحة وما عندي تفاصيل المشكلة لكن لو تم حظرو اكيد كان في سوء فهم وود النعيم ماهو الزول المشاتر او الزول الما مسؤول.
رأيك في حرية القول والرأي وصدق الكلمة .....حدودها ..ايجابياتها وسلبياتها؟؟؟

الراي لا يستطيع احد ان يحجر عليه مهما كان والكلمة الصادقة كمشرط الطبيب لو بترت ما بترت الا لعطب.
وراجعة

[align=center]تااااااااني [/align][/size]

عمار ود الشرفه كتب:

شوف يا هندسه يا اخوي

اهلاً ود الشرفة ود الاشراف
انا بديك جرعات جرعات
وحبه عند اللزوم

بس اوع تكون غشيت الركن؟؟؟
عشان كدا ساعدني بالاصغاء وعدم النط من الكلام

افووووو انا ابوك يالماليك متيييل
ود النصر :::

هلا
ثلاث اشياء في حياتك ندمان عليهن

التفكير في السفر التفكير في السفر التفكير في السفر
ود النصر ::: الحب في سطور

حاجة غريبة تتعذب بوجودة وتتعذب بغيابه
ود النصر ::: تجربه تبتسم كلما لاحت علي ذاكرتك


يوم افتكرت انو لسة الدنيا بي خيرها.

ود النصر :::
ابيات شعر مبعثره ,,, تعجبك


كثير ولكن قول على بن ابي طالب:

النفسُ تبكي على الدنيا وقد علمت
أن السعادة فيها ترك ما فيــها
لا دارٌ للمرءِ بعد الموت يسكُنها
إلا التي كانَ قبـل الموتِ بانيـها
فإن بناها بخير طاب مسكنُه
وإن بناها بشر خـــــــاب بانيـــها
أموالنا لذوي الميراث نجمعُها
ودورنا لخراب الدهـــر نبنـيــها


ود النصر :: اخر رساله استلمتها في الخاص من منوووو ؟؟

من زول عزيز علي شدييييييييد (حبيبي).
ود النصر ::: خليك قريب

لمسة جمال كتب:

هلا هلا القهوه منوورة(بوجودي طبعا )

هلا هلا منورة القهوة طبعاً طبعاً وفي زول قال غير كدا
حخليك تحلف ماتشرب قهوه تاني نهائي....
المره دي اسئله خفيفه..

بتتشال بي يد واحدة؟
1-قعد يوصلني خبر انك عاوز تعضيني كتير خير ان شاء الله قعد اعمل ليك شنو

انتي ما تسألي الزول البيوصلك الكلام ده

2-فهمني قصة القروانه وبالتفصيل؟

القروانة دي يا لمسة قصة دايرة ليها صفحات بس بكتفي بي كلمة واحدة وهي مصادفة يوم عرفت بطة ودريموو
3-كيف كان شعورك لما اختاروا ركنك افضل موضوع؟

لحدي اسه سعيد.
4-مين اصدقاءك وصديقاتك من المنتدى ومتواصل معاهم خار المنتدى؟

لم اتشرف بلقاء احدهم الى الان وناس قطر كسلانين.
5-في بوست سجل احساسك انا كنت كتبت مبسوووطه وانت جيت اقتبست كلامي و قلت العيد جا(الخ..)
انا حسيت الكلام ماساي ودريموو خاشه وراهو ....فهمني قصدك كان شنو؟..

انا ما بنبسط الا يوم يجي العيد ..

هو جا؟؟
المره دي بسيطه عشان مزاجي مارايق بجيك بعدين وانا منعنشه....

عمار ود الشرفه كتب:

ود النصر
والله حالتك صعبه في الغربه

اها كمان اسحرني غطس حجري
اعزب ؟؟

مع سبق الاصرار والترصد
الغربه عارفينها حااااره ,, واكييييد بتكون اضافت ليك ايجابيات اضافت ليك شنو ؟؟

انو في حاجات اهم من التفكير في الفلوس
ليك كم سنه في قطر ؟؟

خمسة سنين والسادسة جات كبس
هل تعيش تجربة حب ؟؟

انا اتنفس قصة حب كبيرة
اوصف لينا حالتك الان ؟؟

امس كنت حزين واليوم فرحان
وممكن توصف لينا حالتك بي ابيات شعر ؟؟

بت السرف كتب:[align=center]
اهداء للغالى ود النصر ...
كتبتها بلسان حالك واتمنى اكون اتوفقت

عشان احساس بالالفة وسط حبانى ..
ابيع الكون.. اعيش من تانى ..
ابيع احلام مناى تتحقق ...
عشان للرجعة تبقى معانى..
وعشان ناس كمان حلوين ..
اخط سطور وكلام وأغانى ..
؛؛؛؛؛
راجع ليك حبيبة قلبى ..
راجع تانى لخلانى .
لمة بيتنا فى ساعة المغرب..
لحظة شوق جوة وجدانى ..
وقعدة شلة فى نص الليل ..
فى طرف الشارع ..
تأجج شوقى ..
وتزيد نيرانى ..
؛؛؛؛؛
برجع ليك حبيبة قلبى ..
كفاية الراح من عمرى ..
كفاية الدنيا بلاك مسيخة ..
وحضنك دافئ يلم احزانى ..
راجع ليك وحات عينيك ..
بس انتظرى ...
اجيك من تانى ...
وألم أشتاتى...[/align][/size]

بعد الزمن كتب:

هيي ما كتبت ( ليك) يا ود النصر

[align=center]كتبت لزول قلبو اتمحن ..غربة وشجن ..
وعذاب الشوق جواهو ..اتحكر قعد..
شوق لحبيبة ووطن ..

بت السرف كلام مهذب وراقي [/align][/size][/color][/size]

بعد الزمن كتب:

هيي ما كتبت ( ليك) يا ود النصر

برمه :
الموقفك في طرف الشارع شنو ..... ومنتظر منو ......


بت السرف كلام مهذب وراقي

[align=center]بعدوووو حاستك السادسة دي لسة شغااااالة هي؟؟؟

منتظر القطر
اوع يكون فات....

بالجد كلامها من القلب وللقلب.

برمة:
اتفضل فطور... [/align][/size]

بت السرف كتب:

الله يخليك يابعدو وشكرا كتير على كلماتك المشجعة .

صوفيا لورين كتب:

دريم ليدي في القهوه طيب ي دريم
باخد لفه واجيك واسالي الناس الهنا عن اسالتي

طبعا كل الاسئله لازم تجاوبي عليها

استعدي امشي واجيك

ود النصر كتب:[align=center]الرائعة دوماً دريموو

اشكر لك ابداعك الجميل في مسيرة الجزء السابق من جلسة فنجان
القهوة فقد كنتي اروع ما يكون المبدع المكتمل الدسم عمق وخفة
ظل وصدق وصراحة.
وايضاً اشكر لك الكلمة الطيبة في حقي ،،

انا سعيد ان اعتلي منصة كنتي فارستها المتوجة انتي.
واشكر اخي ورائع المنتدي الاخ ود ابنعوف على اتاحة
الفرصة[/align][/size]

احاسيس كتب:هلاااااااااااااااااااااااا والله صراحة دى اول مشاركة لى فى قهوتكم الظريفة دى وشكلى ضيعت نص عمرى لانى ماحضرتها من البداية
موضوع متميز من عضو مبدع ود ابنعوف لك التحية
كل الاعضاء الاتقهوو سلااام مربع
والجبنة حلو حبشيةbanana.gif

ود ابنعوف كتب:

والنصر والاخوة المتداخلين تحياتى
[align=center]
تحياتنا كمان لي سيد الدار

القهوة حلوة بلمتكم
[align=center]وتبقى احلى بي وجودك ياراقي[/align][/size]
هاك الفنجان دا
[align=center]حباب فنجان من يدينك[/align][/size]
هل الزواج فعلا استقرار وللا العكس وخاصة مع حالة الغربة ؟
[align=center]الزواج في كل الاحوال زي القبر (اسف على تطرف الوصف)
فهو اما روضة من رياض الجنة او قطعة من نار[/align][/size]
الزوجة مرات تنصاع لكلام صاحباتها والمقربين لها من ما يودى لخراب البيوت رايك فى الموضوع ؟
[align=center]الاختيار هو الطريق الامثل لتفادي مثل هذه المنعطفات
فشخصية الزوجة تتحكم في مسار العلاقة
والصديقات لو لم تفتح هي المجال لا تأثير لهم[/align][/size]
الحب قبل الزواج وللا بعده ؟
[align=center]الحب قبل الزواج هو تجهيز لحصاد ما بعد الزواج
ومرحلة اعدادية لحياة الحب الحقيقي بعده[/align][/size]
كلمات توجهها للاعضاء ؟
[align=center]افهم اننا اصدقاء جداً
ولا افهم ان نتبنى وجهات نظر بعضنا الاخر
في اشياء تميزها المواقف ومطلوب فيها الاستقلالية التامة
فعلاقة الاعضاء ببعضهم يجب ان تدفع في اتجاه التقارب
وكل ما او من يدعو لاستغلال هذه العلاقات في خدمة
اغراضه الشخصية شخص يفقد المصداقية؟[/align][/size]
ما اراه فى المنتدى نقاشات وتنحرف من المسار وفى الاخر يضيع الموضوع الاساسى رايك شنو ؟
[align=center]ان تقول كلمة الحق امانة
وان تحفظ مقام الموضوع امانة
وان تحافظ على نظافة وطهر ساحات المنتدى امانة اكبر[/align][/size]
الاسئلة الموجه لك رايك فيها متوقعها ؟
[align=center]كثير منها مبتكر وعميق والاخر طريف وخفيف وبعضها
له ما بين السطور امارة وعلامة[/align][/size]
هل تحن للطفولة ولماذا ؟
[align=center]الطفولة رمز للعفوية والنقاء وما احوجنا للنقاء[/align][/size]
احلي المراحل الدراسية ؟
[align=center]المرحلة الابتدائية واجملها على الاطلاق
صفي خامس وسادس
فهي راسخة وما اظنها ستبرح الخيال.[/align][/size]
مودتى[/color][/font][/size][/align]