كلمات الأغاني السودانية

[هجره]

والله مشتاقين / عثمان مصطفى

طال علينا فراقكم والله ياغاليين

قدر ماننسى العلينا برضو مشتاقين

والله مشتاقين

الخدود الشاربه من لون الشفق عند المغارب

دي خدودك سيدي سيد الناس ياسيد الحبايب

العيون طرني زول من أهله غايب

والشعر في كتيفه بتهادى السبايب

والله مشتاقين

في عينيك تظهر لي دنيا دنيا شوقك فيها ظاهر

الأماني الحلوة هايمه زي بحور ماليها أخر

الكليمة الطيبة منك ذاتي وحياتك لباكر

والأمل فارد جناحه ديمه زي عينيك مسافر

والله مشتاقين

[هجره]

ما قلت ليك

يا قلبي توب من حُبها

وأحسن تفارق دربها

حبيتا ما سمعت الكلام

الليلة أحمل صدها

و أوعاك تبكي وتشتكي

من جور حنانا وودها

ما هي الدلال من حقها

وأصلو النفور طبع المها

وآيه اللي وداك تنتكي

في حدود مجالا وضلها

وآيه اللي خلاك تنتشي


تسكر تذوب بي حُسنها

أكيد عاينت في عيونا

أو شفت شامة في خدها

ولا يمكن شفتا لونا

أورسمِ حِنَّا فِيدَّهَاَ

بس تأكد يا قليبي

الحال ده حال كل اللي شافا

وحال أبوها وأمها

من زمان

وهي غايتي مشتهاي

وأُمنياتي و مُبتغاي

في الريد بدايتي ومنتهاي

وفي الآلام هي بس سلواي

أنا ما عشقت سواها زول

وعليك لغيرها

كتبت ممنوع الدخول

والليلة داير أمنعك ؟

مستني عيني تقنعك ؟

وأنا في الأساس ما مقتنع

أنساها يوم أو أمتنع

يا سيدي خليك عندها

وبجيك نعيش في حُبها

[waya]

من أغاني الحماسة

الوافر ضراعو


الوافر ضراعو أمنتو الرسول
مأمون الوداعه برد دار أبوه
***
غنى يا الهويده
لود البها وجريت القصيدة
شال الصوت عرض تاية أخوى فريدة
يا جنيات انصرفو ميزة أخوى بعيدة
***
تغنى الفى جرفو
لود البها والخلوق بتعرفو
شال الصوت عرض يا جنيات انصرفو
نمر العبدلاب الما بيرجف كتفو
***
غنى يا سلكوكه
جر النم عليه وخنقى الدلوكه
انت يا الأصم يا الما بحمسوكا
يا ضرب يومين تنزل فوق عدوكا
***
تغنى الرحمه قالت
يا قشاش دموعي العلى سالت
وقت الحاره جات والفرسان ان جالت
نادولى الحسن تومى الحرابه دارت
***
فهمك مو دراسه
يالنيل الطمح كسر التُّراسه
وقت الصيح وقع والفرسان تتواسى
برد دار ابوك تضرع ضحى وناسا
***
فهمك مو قليل
يالهامه اب زنود فى السموم تقيل
يا رحل الكحل بالشضاض تميل
جيت يا خيرنا قش دمعى المسيل

[waya]

من أغاني الحماسة

الآلاف درجن

كلمات / رقية بنت مسمار

الآلاف درجن ولدا نجيض ماك ني
البجرجر فى ام صقير وحدي
***
غنى وشكري يا اختو يا ريا
تمساح الكوانى الضارب الليه
سمعنالن خبرا في الهلالية
خمستاشر جواد سكن سبعمائة
***
من قومة الجهل ما خوفوك باخ
يا تور بقر الجواميس الرقادن لخ
نقرولو أم هبك الضربخانه يدخ
قرنك بفتح الهامه وبمرق المخ
***
أنا قولي ليك صحيح
ياركاب على شلق بنات الريح
ياجدرى النزيله الدم كرف في القيح
ادر صاقعة التلوي المقابله السيح
***
ما بحركو الكشكيش
والقلب ان رجف ما بنفع الحريش
الجنيات براك في الحلة آفة عيش
ود المقدره البيعزم على المافيش

[waya]

بتريد اللطام
" كتبت في المناضل عبد القادر ود حبوبة "


بتريد اللطام اسد الكداد الزام
هزي البلد من اليمن للشام
سيفك للفقر قلام
***
ديم فى الدقر قال العمير مسيوم
القوى والضعيف من عينو طار النوم
الكفر النجوس ما بختوا من اللوم
حجرت الدرب خليت طيورو تحوم
***
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صغار
***
الاعلان صدر واتلمت المخلوق
بى عينى بشوف اب رسوة طامح فوق
ان جات بالمراد واليمين مطلوق
ما كان بنشنق ود اب كريق فى السوق
***
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

[waya]

إعــصار المفازه

شدّو لك ركب فوق مهرك الجمّاح
ضرغام الرجال الفارس الجحجاح
تمساح الدميرة الما بقتلوا سلاح
السُمّ النقوح في البدن نتاح
عصار المفازه للعيون كتاح
المال ما بهمّك إن كِتر و إن راح

***
بطناً جابتك و الله ما بتندّم
يا أسـد الكداد في خلاك رذمّ
يا رعد الخــريف الفى سماك دمدّم
بابك ما نقفل نارك تجيب اللمّ
و ما بتعزم تقول غير أستريح حرّم

***
أبواتك قبيل بحلوا للعوجات
مطمورتك تكيل للخاله و العمات
للجود و الكرم إيديك دوام بارزات
يا أب قلباً حديد فى الحوبه ما بتنفات

***
عينيك يا الصقر فى الحارة ما بتنوم
صدرك للصعاب دائماً بعرف العوم
لا بتتـلام لا بتـعرف تجــيب اللوم
ود ناساً عزاز جمعـوا المكارم كوم

[waya]

الفارس

شيّال الحمول دخرينا
الفارس أخوك يا الزينه

في الفنجري بجرّالنمّ
زول بضبح بقول حرّم
(زول بضبح بشبّع اللمّ)
ما بشيل حاشا ديّة دمّ
ما بسأل بقول بي كمّ

ود ناساً أصيلة قبيل
سوداني و بعدل الميل
مسّاح للدموعه تسيل
بِكرم ضيفه هجعة ليل

دهـ الجود المعاه بشاشة
دهـ العينة الغزيرة رشاشة
ما بميل للهوانات حاشة
كضاب أب جدود غشاشة

قمّحت الخصوم يا مك
يوم جابوا حديثهم ليك
دكيت لى حصونهم دكّ
و اشيلك النصر لا شك

[waya]

الاحييت سنن البرامكة


يا الأحييت سنن البرامكة
عاجبني طول ايده سامكه
يا يا با قول النعيم درّاج المتابكة

***
النعيم يا فحل القبائلْ
كريم لمّام الهمايلْ
شيتا براك ما أظنو خايلْ
ايدو ام ِرويق والقِبلي شايلْ

****
النعيم يا قاصدين لبا
خشمو انطبع لي مرحبا
هو عزيمتو ما بردخا
والبتلبن للضيف بضبحا

***
أنا غنيت ِجب مسدارو
شوف النعيم كيف لاوي شالو
ما حسبوك في القالوا قالوا
العيش ِرخص والقمري طالوا

***
النعيم قادر وحدو
ما تكترو وتتقعدو
هو رب القدرة ساعدو
ختو لو الصحة ما فنتدو

***
أنا غنيت للولد
الاسمو النعيم ود حمد
وكت العيش ِبقى بالقِبض
ديوان النعيم ولا بنسد

***
غنيت لدابي الرجيمة
ما بحوى على البهيمة
هو لك الشكرات قديمة
ما بشيل المال الفي القسيمة

***
النعيم على كفو السخا
يقدل زي شمس الضحي
والبتتاوم للضيف يضبحا

***
غنت ليك أم رشوم
هو مو لها وطق خُشوم
وكت العيش بقى معدوم
فوق ضهرو الولية تنوم

****
يا الشرفت القضا
يا الحاكيت المن مكوار بدا
خدامتو القعدا
هيِ بتدرِش وقالت قضى

[waya]

من أغاني الحقيبة
" إهداء "

فريد عصره

غنى القمري على الغصون ذكرني الدر المصون
فريد عصره الما متله شىء

قمرنا الليك مطرف يصون يالغصن البزري الغصون
ملاك محروس داخل الحصون شمس الكون تشبه مشيه
فريد عصره الما متله شىء

قاسي سماع لهجه الحنون عظيم كالمال حلو كا البنون
بي لهجه يداوي الجنون شعاع محيه العين تختشيه
فريد عصره الما متله شىء

جميل متلك ما أظن يكون حيا ورقة وعفة وسكون
يالبدر الليه روحي كون في حسن الكون ما خلى شيء
فريد عصره الما متله شىء

ليك عالي العالم يهون يالرشا يا اللدن المصون
مناظرك فيك يتنزهون يالمطران مما مشيه
فريد عصره الما متله شىء

[waya]

ياغالية ياصبح الهنا
كلمات / الفاضل محمد ابو قدير

ياغـــالية ياصـبح الهناء
يانور حياتــي الما ولاء
انساك كيـــف واقدر انا
الشوق معاي عدا السنة
*****
البسمة تحرق في الحشا
والخطوة نسمه موشوشه
كونك جميله ومدهشــه
الشوق معاي عدا السنــة
*****
ياحلوة ماطــل الصــباح
هادي النسيم زاهي الوشاح
داوي القلوب من الجــراح
انا داير اطيب ماضي الــراح
لكن كيف اقدر انا والشوق
معاي عدا السنــــة

[waya]

ياستهم
كمال ترباس

حسنك يفوق حتى الخيال
كيفن محاسنك أعدهم
السمحة ياستهم
***
حسدوك هم ياستهم لما الصفات عددتهم
لو ما الظروف خوف الملام
في هواك كان كلمتهم
كان قلت اسمك للأنام
وبحت بي سر الغرام
عشت الليالي العشتهم
***
حسدوك هم ياستهم لما الصفات عددتهم
عرفوا الجمال وأحلي الخصال
كل المعاني الردتهم
قالوا المحال رقة ودلال
والجيد طويل وعيون غزال
والبسمة فيك ياستهم
***
وين الحروف ياستهم
صعبن علي ماعرفتهم
أرجع وأقول دونك تحول
سجع القوافي الشفتهم
لو قلت زول ما زي زول
ما بوفي قول أو ليك أطول
والله ستي وستهم

[الغرز نشابو]

اعمل ليك ايه
سيد خليفة

اعمل ليك ايه لو ترجعلي تاني

افرش ليك ورود وانظملك اغاني

اعزف ليك عود ويغرد كماني

يااحلي الوجود يااغلي الاماني

ماكنته الودود حنين ووافي

ايه خلاك صدود وراك التجافي

كم اوفيت وعود حبيت التصافي

اليوم التعود يوم فرحي وزفافي

من كاسات محنه ومن ينبوع حنان

من فردوس وجنه الوجن الحسان

كنته نعيم حياتي وكنته مني الزمان

كيف هان ليك حبي ودمعي الغالي هان

احييت الفؤاد الماتت زهورو

اتحتت رماد واتهدت قصورو

بعد ما سعدو غاب وغابو معاهو حورو

في لحظه حنان رديت ليهو نورو

نار الحب نعيم مر الحب حلو

والشوق الكتييييييييييييييييييير

قلبي مبهدلو

درب الحب طووووووويل براي مابدخلو

يا احباب زماااااااااااااااااااااان تعالو اسالو

[waya]

الــرِّيـــَــــدة

كلمات : حسن الزبير
ألحان : حسن بابكر
غناء : محمد ميرغنى


الـرِّيـده مِـنـُو الـبــِقـْدر عَـلـيـكْ مِـنـُو الـبــِلـْقـى فـى دنـْيـَاك كـَمَـان
أخـْضَـعْــتـى تـيـجـَـــان الـمُـلـُـــوكْ هَــزمْـــتـى فِـرسَـــان الـزمَـان
******
أنـا الـضَّـعِــيــف يـالـرِّيـــده .................. كِــيــف إتـْحـَـمَّـــلـِـك
بـَعَـــدْ عَــزيـــــز بـَعـَــدْ مَــلـِـك أصْـبـَحْــــــتَ بـى أمْـــــرِك مِــلـِـك
مَـــرات أقــُـول وا مُــــرْ قــَسَـــاكْ مـَــرات أقــُــول مَــا أجْــمَــلـِـك
******
يـالـرِّيـــــده شُــــوقــِــــك خـَـفـِّـفِــى حـِـلـْمـِــــك عـَـلـىْ إتـْـلـطـَّـفـى
عـَـبـْــر الـزمَــــن سـِـــرِّك خـَـفـِــى نـَـارِك تـَـقـِــيــدْ مـابـْـتـِنـْطـفـى
مـانـِـلـْــتَ مـِـنـِّـــكْ غـيــــر شـَـقــَـى نـــــادر عـَـلـىْ تـِـتـْـعـَـطـَّـفـى
******
الـرِّيــــده يـَـا سـِــــر الـغـُـنــَـا لـَمْـتــيــن أكـُـــــون ضَـــايــع أنــَـا
أدِّيــنـى يـُـــوم خـَـاتـــم الـمـُـنـَـى يـَسـْـعـِـدْنـى بـى أسـْـعـَــد مـُـنـَى
قــَسَّـــــــمْـتـى لـلـنــَّــــاس الـهَــنــَـــا أنــَـا لاهـِــنــَـــاكَ ولاهـِـنــَـا

[الماسة الخماسية]

** يحزننا فراقه

** يبكينا بعده

** ولانزال نترنم كل حين بروائعه

** حلاوة الكلمات .. عمق الاداء .. الصوتّ الشجىّ

** أقسم إنه ابكانى حيا" .. وميتا " رحمه الله

** ولن يموت فينا ما دمنا أحياء

وسوف أبدأ بترديد أغانيه الخالدة

وأكثر اغنية أحب أسمعها منه

يا غالية

ما اصلو ريده اصبح حياتي

من يوم فؤادي لهواها انهدي

وانا عايش اقاوم في الظروف

راجيها تعطف وتحن للنداء

ماكان محال اهديها الغرام

او ابقي راهب ليها واعبدها

يا غالية يا زينة حياتي

مشتاق لشوفتك لي زمن

وانت عارفة شبابي كلو

وهبتو لي حبك تمن

ألقاك متين وحياة سنين

واتهني بي قربك زمن

لما تهيمي بالبسمة تتفجر

بسيماتك درر

تلقينا في غربة وشجن

تايهات قلوبنا بلا سفر

تملآ من بعدك لهيب

ماصبرنا من بعدك ودر

من بعدك إنتي يعيش منو

ومن تاني مين يتمني العمر

[الماسة الخماسية]

www.youtube.com/watch?v=s28C9YNwguA‏

داوي ناري

داوي ناري وإلتياعي وتمهل في وداعي

يا حبيب الروح هب لي بضع لحظات سراع

قف تأمل مغرب العمر وإخفاء الشعاع

وأبكي جبار الليالي هده طول الصراع

ما يهم الناس من نجم على وشك الزماع

غاب من بعد طلوعا وخبا بعد إلتماع

أه لو تقضي الليالي لشتيت باجتماع

كم تمنيت وكم من أمل مر الخداع

وقفة أقرأ فيها لك أشعار الوداع

ساعة أغفر فيها لك أجيال امتناع

يا مناجاتي وسري وخيالي وابتداعي

تبعث السلوى وتنسي الموت مهتوك القناع

دمعة الحزن التي تسكبها فوق ذراعي

داوي ناري وإلتياعي

وتمهل في وداعي يا حبيب العمر

[الماسة الخماسية]

ياااااااااااا حليلك يا حبيب كل السودان يا زيدان

أعذرونى ما قادرة اكملّ الآن

لى عودة

[بعد الزمن]

الراحل المقيم زيدان ابراهيم
فراقو فرق معانا

الله يرحمو انشاءالله

[بحر الاشواق]

[frame="1 80"][align=center]أخونك ..
هل تصدق أخونك
ما أظن تصدق أخونك
لو شافت عيونك
إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
و برضو تصدق أخونك

يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك

ذكرياتك دايماً أمامي
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك[/align][/color][/frame]



لك الف رحمة يارائع

يسلموو يالغلا علي البوست الجميل

[الماسة الخماسية]

بعدالزمن ، بحر الأشواق :

تشكروا كتير على التواجد الطيب ،،

والمشاركة الحسنة ،،

[align=right]طيبّ الله ثراك الغالى ( زيدان ) وأحسن مثواك[/align][/b][/color]


×?°[align=center]هانت الايام عليك[/align][/b][/color]×?°

[align=center]هانت الأيام عليك

ولا هنت عليك أنا

وين حنانك يا حنين

وين عيونا من الهنا

عدت و راحت كم سنة

هانت الأيام عليك

و هان عليك حبي و ودادي

كل ما حاولت تبعد

كنت بجري عليك وأنادي

ليه تقول دايماً ظلمتك

وإنت ديما علي جاني

كنت بتقول لي بحبك

الليلة مالك ما بتقولا

كنت حاسي بعمري

جنبك حلوة لحظاتو وجميلة

الحجيم و الشوق ونارو

هي من حبك حصادي[/align][/b]

[الماسة الخماسية]

[align=center]~*¤ô§ô¤*~*¤ô§ô¤*~كنوز محــبة~*¤ô§ô¤*~*¤ô§ô¤*~


لما تشتاق لي المشاعر

تملي دنياك بي عبيرا

لما تشتاق لي العواطف

تنسجم تلبس حريرا

و أبقي أسأل عن قلوبنا

تلقي فيها كنوز محبة

تلقي فيها بحور حنانا

و تلقي فيها الشوق يغرد

و تلقي فيها الريدة فاردة

جناحها تشتاق للربيع

و يا ربيع آهـ يا ربيع

لما تقسو عليك ليالي

الوحدة و الليل يبقي ليل

و النجوم تلمع بعيد

تسخر من السهران وحيد

برضو أسأل عن قلوبنا

تلقي فيها كنوز محبة

تلقي فيها بحور حنان

و تلقي فيها الشوق يغرد

تلقي فيها الريدة فاردة

ناحها تشتاق لي الربيع


إنت ما برضك حبيبنا

والحنان الفي قلوبنا

أصلوا ما نابع من عيونا

والمحبة فيها لو ما إنت

ما كانت محبة

كل أشواقنا ومشاعرنا

وأحساسينا النبيلة

إنت ما أهديتا لينا

ليه تضيع أحلى ما أهديت ياغالي[/align][/b]