همس القوافى

[مها]

قدرَك معاي
مهما يطول بينا العمر ويرمينا في وش الشتات
ينبت علي بور الفراق ويزهر هوانا القلنا مات

يالعندي أكبر من أقولَك
وأفصِحَك لحظة سكات

أنا في القوافي بسكِنَك
وسط اللحون والأغنيات

[waya]

[grade="00008b ff6347 008000 4b0082"]رسلتو الشوق قوقاي
ونمة حنينة ..
نغم شاشاي ..
يا حاضن غيمك وغافل..
عن انسان..
قضّى عميرو الفات في شوقك..
وسمبّر باقي العمر الجاي....[/grade]

عساك طيبة يا مهـــــا

[لبيب]

وكتين لقيتك يانغم
ياروعة الذوق والصفات
شيدتك انت عليّ سور
جواه ماخايف شتات
انا قصدي إني أكونك انت
وانت تصبح لي ذات

[مها]

يامبدع الحلم الجميل
والدنيا ضلمة وضي شمس

كيف في منامي إتغزلَك
ورؤياك تقرب تتلمس

أنا مابريدَك شان بريد
لا بعشقَك ساكت عبس

أنا بكتِبَك بي دم غناي
بي شهقة الروح والنفَس

[لبيب]

انت الفرح لى دنيتي
وشوقك صبح لى عمري زاد
بكتب حروف يمكن تصل
وإحساسي يقراه المداد
بينا السعادة وكل هنا
والبهجة والصفا والوداد

[مها]

جواي عهدي معاك زمان
عشم البحب ما بينقطع

ورغم إنتظارك بالسنين
لسة إشتهاك جواي يشع

ولسة المداخل فاتحة ليك
ما داب من الهجر الشمع

[لبيب]

يارقة في معناك نغم
ياروعة في جواي غرام
انا ليك بسطِّرفي الحروف
لو تبقى ليك قدر المقام
لكني ياراحي وصفاي
كيف يرتقيك مني الكلام !

[waya]

[grade="00008b ff6347 008000 4b0082"]مشاعرك تقاوم صراع العواصف
عيونك بترفض تخاطر تجازف
تغازل جرح فيني نازف
حضورك يثير الدواخل عواصف
حضورك حكاية حجاوي المحنة
وبرغم المسافة عيونك معايا بترفض تغادر
بتبقي المحاية وتبقي الدوايا

عيونك [/grade]

[مها]

سطر عهود الريد وزيد
خلينى اسرح فى العيون
عينيك فى كل المدى
لوحات مجسمه من فنون
عذب سنين الجرح داك
خليهو يسكب فى شجون
اكتب على دفتر هواك
...القلب يهواك.....بى جنون

[waya]

[grade="00008b ff6347 008000 4b0082"]مازال َ صوتك ِ في خلايا غرفتي

في فرحة ِ الجدران ِ , في ألوانها

ما زال َ عطرك ِفي هواء ِوسادتي

في رقصة ِ الكلمات ِ, في أسرارها

أذوى نهوضك ِ في خيالي , بهجتي

فاشتقت ُ للكفّ الحنون ِ ...لدفئها

هذا غيابك ِ , وحشتي . هذا غيابك..

نصلة ٌفي النحر ِ,مذبوحٌ بها[/grade]

[ريانه إمام]

كتبتَك
كتبتك فى الحنايا قصيد
ومابارحت وجدانى
عزفتك فى مشاعرى نشيد
وغنيتك نغم حانى
وناديتك وانتَ بعيد
وطيفك معتذر جانى
واستنيت ولهفى شديد
معاى آمالى راجيانى
عصيفير الهوى الغريد
كلما نمتَ صحانى
وكلما اعاود التنهيد
يعاودنى الامل تانى
عساها الفرحة تسرى جديد
تفوت تتلاشى أحزانى

[النورس المهاجر]

أجمع كل الحروف لأوصفك
وأجمع كل الشتات لو أعرفك
وانظم قصيد
وأتلو النشيد
وأرجع أعيد
انت الوحيد
انت الفريد
انت الوريد
انت البريد
بس ..دائما ..
بعيد
في كل المواعيد
وأرجع أعيد
دنياي عدم
ولو زاد البعاد وكان العناد
أخشى الندم

[لبيب]

تزدان معاك كل الحروف
وتفرح معاك الأمنيات
وبيك ترقص الكلمات فرح
ويفوح عبير الأمسيات
يارقة الذوق والسلاف
أنا بيك ملموم في شتات

[waya]

[grade="00008b ff6347 008000 4b0082"] نسيمك يا صباح مطّر
ملا الساحات نِدا التُمتُم
سماح بالنعمه بتبطّر
يفت عزم الظروف الصُم ..[/grade]

[لبيب]

صباحك يانغم فتان
رحيق وعدك عبيرو نسم
وبهجة شوقي ليك ياذوق
شذاهو عبير يزيل الهم

[ريانه إمام]

ضاريتك بينى وضاريتك
من الحزن القابض
نفسى وروحى واقف عارض
ستفت عيونك بالمطرة
وقرحتك ضد الزمن الراكض
وحدقتك حبيبتى
البتشبه فصول الخصوبه
تضحك أغانى وتدفق عذوبة
وبتنزل مطر
عشقتك لأنك حبيبتى
وبحبك بحر .

[مها]

يا نفحة الدغش القبيل
خليني بس من نور بسيماتك أشيل
الفرحة والمعنى الأصيل البيهو رب الكون حباك
النظرة منك لو بدت زي خيط رفيع
تغشاني زي نسمة دعاش
منسابة من سحر الدموع
أعرف بأنك سر بدايتي وغايتي فيك
وفيني روعة منتهاك

[waya]

[grade="00008b ff6347 008000 4b0082"]والليل إتحكر بيناتنا
كحل بى ديشو عويناتنا
يا شمس الناس المسبية
الجوع .. العطش ... الفد واحد
الفقر الضارب زى سوسة
الخوف والحالة المنحوسة
يا بحر الحاصل لاك ناشف
لا قلمى الفى ايدى عصا موسى[/grade]

[مها]

يوم غنيتك..

كان الكون افراح وردية..

غنى معايا رزاز الامل

الصح حداك صفاء النية..

وصحو انسامك كان فى لهفة

بنادى عليك .. ويسال عنك

بى حنية

[طلال الحكيم]

يا أمل باهــي وفرح مكتوم في جــواي

من لقاك أنا المحـروم يا شمـس دنياي

أنت شوق السنين والريد وأنت مناي