شنو البرفع ضغطك؟؟

[حبيب الناس]

سلام الله عليكم
أسوق تحية بيضاء لكي يا جسور الأمل

في منظوري اكتر حاجة بترفع ضغطي هو لما تكون في محل عام وتقيم الصلاة وتجد الشاباب مطنشين كأنهم ماسامعين أو ما بالغين ...

(فويل يومئذ للمصلين اللذين هم عن صلاتهم ساهون)

[ضو البيت محمد النور]

اضرب التلفون الي حبيبتي .. وما ترد .

[اسامه خضر محمد على]

تهيم بانسانه مرتبطه ودون ماهى تعرف

[ام صبا]

تهيم والهيام يصبح غرام وده بتعب وبرفع الضغط

[اسامه خضر محمد على]

طيب والحلل شنو ( ابكى واحضن الاسيه) ؟؟؟؟

[ام صبا]

كل الامانى تلقى الحل البريحك
لانك تستاهل كل خير

[ام صبا]

وجد البرفع الضغط تكتب موضوع وما حد يعبرك

[اسامه خضر محمد على]

لو عارفه لى حل حصلينى بيه لانى ضغطى فوق فوق

[اسامه خضر محمد على]

فعلا حاجه ترفع الضغط وخصوصا لو لقيتى المواضيع المردود عليها مواضيع هايفه

[ام صبا]

البزعل فى ناس بترد على ناس معينه
ومابترد عليك رغم انه مافى بينك وبينا
اى شىء بالله دى ما حاجه ترفع الضغط
فيها ايه لوردينا لبعض ونستفيد من الاراء

[نهـاد]

البزعل أنك تكون عضو جديد في المنتدى وما في حد يرحب بك

[اسامه خضر محمد على]

عشان كده يا ام صبا نحن بننبز الشلليه فى المنتدى واكيد التصرفات دى بترفع الضغط والسكرى كمان

[ام صبا]

والله انا بتمنى اننا كلنا نكون واحد لانه كلنا
التقينا بالمنتدى بدون ما نشوف بعض اتعارفنا
عبر الحروف وياريت نكون حلوين ذى حروفنا

[اسامه خضر محمد على]

البرفع او الرافع ضغطى ما قادر ومالاقى وسيلة اتصال بيك

[ام صبا]

امنياتى انه ضغطك يستقر وتستقر
معاه كل امورك واكيد حتلقى مناك

[اسامه خضر محمد على]

يارب القى مناى فى الدنيا قبل الرحيل

[ام صبا]

بكره اكيد حتلقى السعاده
وتبقى هانى وابتساماتك معاده

[اسامه خضر محمد على]

وامسح الدمع البسيل يملى الوساده

[الاشيتر]

اسامه قالو جسور الامل جااااااااااااااات


وصلك الخبر خلاص بتجي تحل ليك كل المشاكل دي

وبتوريك تعمل شنو عشان ضغطك ده ينزل

وما تبل الوسااااااااااااااده يا ما بلينا وساااااااااااادات

[zaina]

يارب القى مناى فى الدنيا قبل الرحيل

بس انتا يااسامة ماتنسى تبلع حبوب الضغط وحتلقى اكيد مناك قبل الرحيل