المريخ السوداني ( اخبار , صور , مباريات , مناكفات , كل شئ عن المريخ )

[ودعلبوب]

يا سلام عليك يا مصعب يا رائع اخيرا لقيت لى المنتدى هلالابى جد يعرف ان تطاول اهل الوصيف علينا لا يزيدنا الا قوة على فكرة المنتدى دة يغلب عليه اللون الاحمر ولكن طبعا زى مانت عارف الشغلة ما بالكترة وهم بالتاكيد منذ الان يحسبون الدقائق لبدايه احزانهم وهذه ليست شماته فيهم بل هى دعوة لهم ليعرفوا مقاهم الحقيقى وسبحان الله انا ما عارف الزول يرضى يكون مريخابى كيف ؟؟
بس انت تعرف ربنا جاب المريخاب ليه؟؟؟ فقط علشان نحن اسياد البلد نعرف النعمة اللى نحن فيها

[دحدوح المريخابى]

فال اللة ولا فالك
انا ماعارف لية الحقد دا كلو
عموما ربنا يقدم الفيهو خير ونحنا راضين باى نتيجة من الزعيم
وبعد دا كلو نتمنى ليكم التوفيق اما انيمبا النيجيرى

[دحدوح المريخابى]

واذا الاندية والهزما المريخ دى كلها حمام
فانت معناها الحمام البلدى زاتو
نسيت مسمار طمبل
وضبحة الضباح

[رجويه]

فال اللة ولا فالك
انا ماعارف لية الحقد دا كلو
عموما ربنا يقدم الفيهو خير ونحنا راضين باى نتيجة من الزعيم
وبعد دا كلو نتمنى ليكم التوفيق اما انيمبا النيجيرى

الله يعطك العافية دحدوح وربني يكفني شر الحادقين والحاسدين
وانشا الله وباذن الله منتصرين

[الرايح]

أنشاءالله يجو عايدين و منتصرين أبطالنا السودانين..
يا هلالاب يا حاقدين و يا حاسدين..المريخ بيلعب بي أسم السودان..
و يعلم الله نحنا كنا أمبارح بنشجعكم بس انتو دايما بتخذلو الناس..
و ربنا يهديكم للطريق الصحيح..[/font][/size]

[مصعب الحداد]

قلنا ليكم 100مره ماديرين تشجيعكم ولاتدعوا لينا ولاتقيفوا معانا

انشاالله تجوا مكسورين يارب تجرون اذيال الخيبة بالعشرة

مططؤوا رؤوسكم انشالله ابدنا ماتتوفقوا

[ودعلبوب]

يا سلام ياشباب
طبعا توقعناها رباعية لكن حتى الاشانتى ما الاشانتى بتاع زمان لكن الحمدلله فى المسمار الواحد الدقوا ليهم فى راسهم دة وفى انتظار منتصف رمضان الفضيحة الكبيرة
ودى طبعا من قبل مباراة النجم ح نفتح ليها بوست مخصوص وح نسميه بيت البكا لان الفضيحة ح تكون كبيرة شديد للمريخاب انشاءالله ____ دحدود دحدوح كوتوكو كيييييييييييييييييييييييف

[محمدالامين على الجريفابى]

السلام عليكم ورحمة الله وبركاته
أخوتى فى المنتدى وعشاق الاحمر السودانى الزعيم ومجندل أباطرة الكرة فى أفريقيا والوطن العربى ....الهزيمة بشرف داخل أدغال غانا ووسط قبيلة الاشانتى والتى وقفت باكملها مزهولة من مارد السودان الزى زلزل الارض وحبس أنفاس 35 ألف متفرج ..حتى أخر دقيقة من عمر المباراة ليفوز أبناء الاشانتى بالجولة الاولى ولكن من نحن .....نحن من عرف الشرق فى قوتنا سر الهوى ونطق الصخر من عزتنا أسباب النوى ..فمن نحن ؟ نحن الجراح ونحن الدواء............. دائما ما تاتى الخيول الاصيلة فى اللفة ........؛؛؛ عودا حميدا كواسر أفريقيا.

[مصعب الحداد]

انت ياود علوب الناس دي الليله وين
انا حايم من قبيل مافي بالكضب واحد طاشي
اقلب يمين اقلب يسار مافي صربي واحد
عارفم يراقبوا من بعيد لبعيد طبعا الخجله كاتلاهم
ما امبارح قعدوا يتفاصحوا والليله المسمار ده مع الصيام
هدا حيلهم زي الصابا فيهم مطره
انشالله دايما مكسورين عشان مانسمع فصاحتهم الفاضيه

قال الزعيم قال
ده اسمو الزعيييييييييييييييييييييييييييييييييييييق هههههههههههههههههه

بعد كده حقو الهلالاب يخلوا اسم الزعيييييييييييييييييييييييييق ليهم يفرحوا بيهو

انحنا خلونا على اسياد البلد

[hanody]

يلا يالمريخ ارفعوا اسم السودان فى البطولات الخارجيه عشان النحليه ما بتحلموا بيها

[ودعلبوب]

استعداداَ لى بيت البكاء الكبير المريخ يتوجه الى القاهرة فى معسكر قصير قبل أن يتوجه حاملاَ كفنه بيديه الى تونس لملاقاة نجمها التونسى والليييييييييييييييييييييييييييييلللللللللللللة

[وين القاك]

الجواب باين من عنوانو (سلسه احزان المريخ)
انا ما ح اقول اي كلام فيهو اساءه لمعشر الاهله
لكن بتمنى تعم الروح والاخلاق الرياضيه
وبالاخص في التواجد الدولي لانديتنا ونقيف صف واحد
ونقول (فوق فوق مريخنا او هلالنا فوق)
بدل الكلام الفاضي والمهاترات الذايده عن حدها
ولكم التحيه......

[فتى السقاي]

المريخ وبس والباقي كلو خسسسسسسسسسسسسسسسسسسسسسسسسسس.

هاهاهاهاهاها.


والله ما عايز اقول كدا لكن انتو يا هلابية فتحتوا الموضوع دا وسخنتوعشان كدا اتحملوا البجيكم وان شاء الله المريخ فائز .

[hanody]

والله كلامك صاح بس انا ما بسمح ليك تقول الهلالاب بتكلموا كلام فاضى

[وين القاك]

كلنا سودانييييين في المقام الاول
وثانيا بنحب اندنيتنا وده من حقنا الطبيعي
بس ممكن نشجع ونقيف ورى انديتنا من دون
تعصب وهمجيه وزي مابنحب فرنقنا تفوز
كمان نتقبل الخساره ولا رايكم شنو........

[hanody]

والهلال مافائز يعنى ولا شنو ؟

[ودعلبوب]

وزي مابنحب فرنقنا تفوز
كمان نتقبل الخساره ولا رايكم شنو.
( اقتباس من كتابات الوصيفابى al7mry

(((( دى هترشة شنو)))) كتاباتكم ركيكة زى تيمكم
سبحان الله انتو بيت البكاء بتاعكم بدأ من الليلة ولا شنو ولا اكيد عارفين فريقكم زى ما بقولوا ميت اكلينيكيا
..يا al7mry نحن ما بنشجع ولا بنقيف من اليوم ولى قدام مع الاقل مننا وبتطاولوا علينا يا اخى دة الهلال هلالنا وين وانتو وين

[hanody]

هلالنا سيد البلد والقاره الافريقيه وبس

[وين القاك]

برجع واقول التحلي بالروح الراياضيه
اهم حاجـــه وانا ما كتبت في البوست
ده علشان ادخل في نقاشات حاده ووصف الغير
بالهترشه وغيرو.
كل القصد ان مادام المريخ والهلال بالعبو مباريات
دوليه حقو نكون وراهم لانو الايد الواحده ما بتصفق
بس شكل الكلام اتفهم غلط واخد منحنى تاني
والمريخ فريق عظيم والكل بشهد بتارخيو وانجازاتو الكبيره
راجع نفسك يا (ود علبوب) وافهم معني الكلام كويس قبل ماتحرف فيهو

[hanody]

بس الحاجه العارفنها انحنا انو الهلال احسن من المريخ