ذات الشجون كتب:غايتو كان جينا للصراحة يوم شيماء دى بتقتل ليها زول بكتاباتها دى قولي كتلتو
لكن هو منو ؟؟
ما بقول .. بتخلى الواحد يفقد المنطق زاتو ....... زى اخونا انسان دا
فقدان المنطق واحد من أدوات التعبير الفالتة
عشان كدا بجي رد الفعل على هذه الشاكلة
آآآآآآخ من الظن البيرفع حاجب الدهشة ..
وآآآآخ من الخطوة البتمشي على درب هشّة ..
وآه .. آآآآه من الظن المِقبقِب سِيدو !!!
إذا جِيدو .. صِبِح قاعد على الهبشة ..
...
وين الدروب السالكة .. والخطاوي الماب تعتّر ليها قشة ؟؟
يا ربي قام الهم طراها وختَّ في شارعنا وحشة ؟؟
ولّ المسافة أبت تسوقنا وبدّل الخطوات برعشة ؟؟
ياخي إمكن دي القماري الجاية تبني عُشّها قشة قشة ..
وفجأة جات الريح وراها .. والحلم من تاني طشّة !!
أصلو طبع الطاري حاري ..
والغريق .. بمسك فِـ قشّة ..
على فكرة يا شمشم
كان في بيت آخرو (ركشة)
قلت ياخ خيال الشعر قالوا لينا يرتاد الثريا ..
أقوم (ببساطة كدا) أركّبو ركشة ؟؟!!! ياهو الفضل !!!
ففضّلت الكدّاري على ركوب (أب تلاتة) طالما المسافة كدا كدا (مِزرقنة) ومشوار الألف ميل (حرن) !!!
هو ذاتو ما محتاج خُطى ..
طالما (اللهفة) سيّدة الموقف ..
جيتكم بي خطاوي تُقال
خطوة تصُد وخطوة تمد
اجرجر حرفي بي قوة
اناتل في الكلام عُنوة
واقول لا حول لا قوة
مداينكم !!!
براح فيه الجمال ممدود
مدن من نور مشتت ما بيعرف سور
حد الشوف تلاقي الروعة مالا حدود
رغم خطاي تقيلة علي ورغم البي
جيتكم لافحة توب الود
مبلمة بي هوايا براي
بفتش في شليل الحظ
اتاري الحظ حداي مفقود مخرج :- وبي دهشة .. اعاين فيك مندهشة
لا خاب ظن الحروف والقول
ولا سكن الكلام وحشة
ولا بارى الغمام ضُلي
عشان يسقيني بي رشة
كان راق الكلام والبوح
وخلى حروفي منتعشة
ولملم من حنيني سكات
دسدس روحو وانخشى
اتوسد هواي الشوق
وبعد مرات يسوقو معاه يتمشى
جيتكم بي خطاوي تُقال
خطوة تصُد وخطوة تمد
اجرجر حرفي بي قوة
اناتل في الكلام عُنوة
واقول لا حول لا قوة
بسم الله الرحمن الرحيم
أها يا يقين
جبت ليك القدرك
الخطى التقيلة دي بتمشي الهوينى قالت !!!!
إذا كان دي الجرجرة الله يقدّرنا على الإنكرابة
وإذا كان دي المناتلة لن أقول إلّا حسبي الله ونِعم الوكيل
إن كان علي بخُت الكورة واطة لحين استدعاء شيطاني (نمرة خمسة)
آآآآآآخ من الظن البيرفع حاجب الدهشة ..
وآآآآخ من الخطوة البتمشي على درب هشّة ..
وآه .. آآآآه من الظن المِقبقِب سِيدو !!!
إذا جِيدو .. صِبِح قاعد على الهبشة ..
...
وين الدروب السالكة .. والخطاوي الماب تعتّر ليها قشة ؟؟
يا ربي قام الهم طراها وختَّ في شارعنا وحشة ؟؟
ولّ المسافة أبت تسوقنا وبدّل الخطوات برعشة ؟؟
ياخي إمكن دي القماري الجاية تبني عُشّها قشة قشة ..
وفجأة جات الريح وراها .. والحلم من تاني طشّة !!
أصلو طبع الطاري حاري ..
والغريق .. بمسك فِـ قشّة ..
على فكرة يا شمشم
كان في بيت آخرو (ركشة)
قلت ياخ خيال الشعر قالوا لينا يرتاد الثريا ..
أقوم (ببساطة كدا) أركّبو ركشة ؟؟!!! ياهو الفضل !!!
ففضّلت الكدّاري على ركوب (أب تلاتة) طالما المسافة كدا كدا (مِزرقنة) ومشوار الألف ميل (حرن) !!!
هو ذاتو ما محتاج خُطى ..
طالما (اللهفة) سيّدة الموقف ..
ماكُل اليقين أبيض ولا الظن كلو بي الأسود ولا الألوان ..بيثبت لونا مرات في اقلّ ..بلل بتتماص والتياب بتهد والآفاق كما الدنيا يوم واصله السما حدودا ويوم الواطه هي المنبت يسقيها التقلب .. يوم وفي أعماقا .. يتوهط تمد الدنيا ايدا كمان تلاغيها وتلاهيها .. وتعجنا بالهموم والصد وفي وقت الحصاد تصبح زي بطيخة مقفولة يا أحمر لذيذ .. بالجد ويا .. ابيض مرير ..مُحتّد
،، آآحُمد .أخوي أسه أكان جبت لي الرقشه كان اخير بدل الكارو الجيت سايقاهو ده ثُمّن إزيك ياخ .. رغم العكر الحاصل..والجية البقت زي أبو الشهيق عواافي اوقاتك
جيتكم بي خطاوي تُقال
خطوة تصُد وخطوة تمد
اجرجر حرفي بي قوة
اناتل في الكلام عُنوة
واقول لا حول لا قوة
مداينكم !!!
براح فيه الجمال ممدود
مدن من نور مشتت ما بيعرف سور
حد الشوف تلاقي الروعة مالا حدود
رغم خطاي تقيلة علي ورغم البي
جيتكم لافحة توب الود
مبلمة بي هوايا براي
بفتش في شليل الحظ
اتاري الحظ حداي مفقود مخرج :- وبي دهشة .. اعاين فيك مندهشة
لا خاب ظن الحروف والقول
ولا سكن الكلام وحشة
ولا بارى الغمام ضُلي
عشان يسقيني بي رشة
كان راق الكلام والبوح
وخلى حروفي منتعشة
ولملم من حنيني سكات
دسدس روحو وانخشى
اتوسد هواي الشوق
وبعد مرات يسوقو معاه يتمشى
مدخل بيشبه مدخلِك خلاني أتخوف أجيك أو في مدارات الحروف أتجَوّلِك أبداكِ كيف والمُنتهى.. ياربي لَي ولا يتسرب إليكِ ..ويَحْتِلِك؟! لامِن سألتَ مراية الذات ..ذات حرج وينو الطريق المِنو أقدر أوصلك خنقتني بي مُر الجواب قالت ..حروفا بلا كِضِب : "يقين على إسمك يقين "خليك بعيده ..من البحر قدرك ..غرق .. ماف قشة منو بتنشلك"
بسم الله الرحمن الرحيم
أها يا يقين
جبت ليك القدرك
الخطى التقيلة دي بتمشي الهوينى قالت !!!!
إذا كان دي الجرجرة الله يقدّرنا على الإنكرابة
وإذا كان دي المناتلة لن أقول إلّا حسبي الله ونِعم الوكيل
إن كان علي بخُت الكورة واطة لحين استدعاء شيطاني (نمرة خمسة)
قدر منو ياخ .. شُكراً غايتو ع الدعم المعنوي ..والمُجامله اللطيفة بس يا إنسان ..رحم الله إمرئٍ عرف قدر نفسه ف..
أنا زوله سااااااي متواضعه رحلة إنتماي يادابا قدر الحال خُطاي حروفي تايهه من المَشي تعبانه في التاتاي معاي تعبيري رايح ..وكل شي ما قادر ينصاع لي رؤاي العجز بيلون سماي ماأظنو مُنقاد لي سواي لافاني أعجازو.. بنقاب ماليني من كُرعيّ لي حد الوَشِي والزوله دي ربيانه من اول حرف رابطاها بالمقدره حبال مدهونه بي زيت الوِلِف ممدوده أحرفها في جنان بديعا ..سحرها والبيان بين ايدا أول ما تشير يجوها مِنّم ..تغترف
أها يا يقين جبت ليك القدرك الخطى التقيلة دي بتمشي الهوينى قالت !!!! إذا كان دي الجرجرة الله يقدّرنا على الإنكرابة وإذا كان دي المناتلة لن أقول إلّا حسبي الله ونِعم الوكيل إن كان علي بخُت الكورة واطة لحين استدعاء شيطاني (نمرة خمسة)
حرفك مدخل
يخش جوة روح الروح
تفوح انسامو زي صندل
حرفك منجل
يحش الهم من جذرو
ويزرع فوق مكانه الفل
.
.
.
ما زولة ساي
والله جد ما زولة ساي
بيك الكلام منثور مموسق
يعزف الالحان كأنه ناي
ما زولة ساي
حتى الحرف يجري وينطط
في مرح .. رحلة اهازيج الفرح
يكتب هنا يرقص هناك
زي التقول في عضمو ياي
ما زولة ساي
انت اليقين المستكين جوة القلوب
ثبت رؤاك وساق رؤاي
يازولة هااااي
45 
