نــكاتـ علـــى كيـفـ كيفكـ ...

[ود الخير]

لا شماته في الموت
فقد (افاء) لما افضى اليه
وتصفية الرجل جسديا بعد اسره (مخالفة) لكل الاعراف والعادات وقوانيين حقوق الانسان
وجريمة (حسب اتفاقيات جنيف الاربعة بخصوص اسري الحرب)
كان من المفترض تقديمة للمحاكمة (والعدالة تاخد مجراها)
والانتقام والقتل العشوائي يؤدي الى (نافرة دم) وتتحول ليبيا لعراق اخر (ماكفايا حمامات الدم في العراق)

بس ولدى ما قاصد يعنى وكدا
جات كدا وبس

[بعد الزمن]

[quote="the sniper"][align=center]

ذي ما قلت يا ملك لا شماتة في الموت

ربنا يهدي الجميع و يحفظ اهل ليبيا من التشتت


بعدو يا ملكـ :: مشتاقييين

[/color][/size][/font][/quote]

لا والله ماقاصدك انت بالكلام
وعارف قصدك بس قلت نصيحة للجميع
(امبارح اثبت الاعلام العربي الجزيرة وغيرها انها اعلام عاطفي وليس مهني مراسل الجزيرة يقول
الشعب الليبي في الشوارع مبتهج ويغني ويرقص وجثة القذافي في شوارع مصراته مشهد لا يجسد
احترام حقوق الانسان ولا بالاسلام الرسول صلى الله عليه وسلم نهى الصحابة رضي الله عنهم عن تمزيق وتشويهة جثث كفار قريش والقران نهى عن ذلك )

مشتاقين يا ملك[/size][/align]

[بعد الزمن]

بس ولدى ما قاصد يعنى وكدا
جات كدا وبس

والله عارفو ما قاصد
والله يرحم جميع موتى المسلميين

[The Sniper]

لا والله ماقاصدك انت بالكلام
وعارف قصدك بس قلت نصيحة للجميع
(امبارح اثبت الاعلام العربي الجزيرة وغيرها انها اعلام عاطفي وليس مهني مراسل الجزيرة يقول
الشعب الليبي في الشوارع مبتهج ويغني ويرقص وجثة القذافي في شوارع مصراته مشهد لا يجسد
احترام حقوق الانسان ولا بالاسلام الرسول صلى الله عليه وسلم نهى الصحابة رضي الله عنهم عن تمزيق وتشويهة جثث كفار قريش والقران نهى عن ذلك )

مشتاقين يا ملك

انا فهمت من الاول انك ما قصدت شئ و الله

و دي واحدة ليك :

ماهو الحيوان الذي يزحف؟
هاني: السلحفاة يا استاذ،
الاستاذ: برافو عليك يا هاني...
ابوك شغال شنو؟رد هاني: دكتور،
الاستاذ: شفتوا اولاد الدكاترة شطار كيف..الله يحفظك يا ابني اقعد،

ما هو الطائر الجميل اسمو يبداء بي حرف الباء؟
عمر: البقرة يا استاذ،
الاستاذ: غبي..مرض؟في بقرة بتطير؟
ابوك شغال ايه؟عمر: مدير مباحث امن الدولة..
الاستاذ: برافو عليك ياعمر فعلاً البقرة لو شدت حيلا شوية ممكن تطير...

[Batta]

الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..

رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..

رباطابي جاهو شايقي من السفر قال ليه ارح وريني قبر امي الرباطابي مشى معاهو المقابر وقال للشايقي اها ده قبر امك الشايقي قال ليه حددو لي بالضبط ياخي ده ولا ده؟؟ الرباطابي قال ليه يا زول شيل فاتحتك ساي ..اصلك انت داير تديها مصاريف؟؟

رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ..

رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

حمار اتعود يحك راسو بشباك فصل في مدرسة .. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟ رد عليهو تلميذ رباطابي: والله ما بجي إلا في حصتك يا أستاذ..!!

حمار اتعود يحك راسو بشباك فصل في مدرسة .. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟رد عليهو تلميذ رباطابي: والله ما بجي إلا في حصتك يا أستاذ..!!

رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كانتو خاتنو في الشاحن ...

شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

واحد رباطابي راكب القطر قاعد جنب الشباك ... فطلب منو الزول القاعد جنبو : ممكن اقعد جنب الشباك عشان انا بسف السـعوط وبتف ...الربطابي رد عليو : نان وانا بسف وببلعو ..

رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل العيد

رباطابي جارو عندو غنماية عايز يبيعا بعدين في السوق الغنماية قربت تزوووغ قام رفع ليها ولدا عشان تشوفو جات راجعه والرباطابي مصور الموقف كلة قام قال ليه اسمع ياصحبي جبتها بالريمووووووت

في واحد رباطابي جنننننو شراب ..وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) ..
الرباطابي اتلفت وقال ليهو: ( أنا زاتي ما مستعجل ) !!!!!

واحد قال لرباطابى انتوا عليكم الله عندكم موية ...الرباطابى قال ليهو طيب الشجر العندنا داااك قام بالتيمم ...

[Batta]

واحد رباطابي لابس جلابية نظيفة ومكوية اللاهم قاشر يعني وهو ماري بالسوق وبعد ما اشتري حاجاتو قام رفع الجلابية عشان القروش طبعا في العراقي والعراقي كان حالتو بالبلي الله لايوريك ليه فقام واحد سالو قال ليه انت مملحين ليك في فضلة ولا شنو

[Batta]

اتنين جارين محصلين القطر لأنو اتحرك قام واحد ركب

والتاني فاتو وبقى يضحك الجماعة سألو يازول بي تضحك عشان

القطر فاتك؟؟ قاليهم لا لكن الزول الركب دا جايي مقدمني المسافر انا

[ود الخير]

هههههههههههههههههههههههههههههههههههههههههههههههه
عثل والله

[آيات التفاؤل]

قال أنه يوجد 4حقائق في العالم..
الحقيقه 1 : يستحيل أن تنطق حرف الباء وفمك مفتوح...
الحقيقه 2 : بعدقراءة الأولى كل الأغبياء يحاولون نطق حرف الباء الآن..
الحقيقه 3 : أكيد إنك الآن تضحك على نفسك ..!
الحقيقه 4 : تريد إرسالها لأصدقائك ليضحكوا على أنفسهم مثلك

[ahmedBolbol]

قمة السطله

بت مسطوله في واحد كدا مسطول مكرها الدنيا وكل يوم بتصل بيها
قامت غيرت رقم تلفونها ورسلت ليهو رساله من رقمها الجديد كتبت
فيها انا غيرت رقمي يا حقير
المسطول رد ليها برساله :
والله رقمك الجديد دا بجيبوا من تحت الارض

[waya]

قمة السطله

بت مسطوله في واحد كدا مسطول مكرها الدنيا وكل يوم بتصل بيها
قامت غيرت رقم تلفونها ورسلت ليهو رساله من رقمها الجديد كتبت
فيها انا غيرت رقمي يا حقير
المسطول رد ليها برساله :
والله رقمك الجديد دا بجيبوا من تحت الارض

هههههههههه
أنت يا بلبل من الصباح


تشكراتي ,,

[ahmedBolbol]

اسبوع العطاء والتقدير والحب والشكــر لمجـهوداتــ اعضــاء المنتدى
The Sniper
الضيف لهذا الاسبوع

[ahmedBolbol]

هههههههههه
أنت يا بلبل من الصباح thumbup.gif


تشكراتي ,,

اجمل حاجة تكون من الصباح وهاك دى

مساطيل واقفين في نص الشارع واتفقوا انوا اول زول اجي ماشي بقطعوا راسو
وبلعبوا بيه كوره جاء ماشي مسطول لط الا خط قالوا ليه اقيف هنا ماشي وين ؟
قال ليهم في شنو ؟
قالوا نحن اتفقنا اول زول بجي ماشي بي جاي بنقطع راسو ونلعب بيه كوره
المسطول طلع سكينو و طعن راسو وقال ليهم مش كورتك دي اها انا قديتها ليكم

وتحياتى ليك
ياسيد الاسم

[العسجد]

حلوة والله ربنا يعطيك العافية على النكات الجميلة دى ودائما مبتسم وضاحك زى ما خليتنا ضاحكين

[The Sniper]

واحد جعلي عرس ليهو واحدة شايقية من كريمة، وطوالي رحلها بقطر كريمة، مودِّيها أهلو في شندي، لما القطر اتخارج خلاص من كريمة، قالت ليهو: (وا شريري! خلاص فارقنا كريمي؟!!) مافي حاجة زهَّجتو في كلامها أكتر من الكسرة الأخيرة دي! قال ليها: بالله تاني قولي كريمة وما تقولي كريمي!)، لما وصلوا عطبرة، قالت: بالله دي عطبري؟؟!!قال ليها ما قلنا ليك الكسرة دي خليها؟!! لما وصلوا كبوشية، قالت: (كرْ عليْ وصلنا كبوشيِّي؟!!)، قال ليها: (عليْ بالطلاق أسمعك تاني تقولي إيييييييي؛ إلا أطلِّقك وأرجِّعك أهلك بالقطر الجايي!!)، زولتك خافت جد، ولما القطر وصل شندي قامت قالت: (الحمد لله أخيراً وصلنا شندا )

[ahmedBolbol]

واحده بايره بوره شديد لمن وصلت المرحله الحرجه
ماشه بالليل لقت شماسي نام في الشارع صحتو ونفضتو من التراب
وقال حرااام والله يجدعو النعمه دي في الواطه

[waya]

دي من كمبيوتر واحد صاحب بكور " هنا في مصر "

[جسور الود]

[align=center]حلفاوى .. جا لقى ولدو فى الحمام بيردد طلع البدر علينا من ثنيات الوداع
استناهو لما طلع وقام اداهو كف .. مرتو زعلت منو شديد قالت ليهو هوي يا راجل
مالك ضربت الولد كف ؟؟ قال ليها كيف يقرا القران فى الحمام؟؟ قالت ليهو
لكن ده ما قران دى انشوده .. عمنا الحلفاوى قعد يبكى.. مرتو قالت ليهو يا راجل مالك
بتبكى ؟.. قال ليها لانو لى 30 سنه بصلى بيها [/align][/size]

[بعد الزمن]

[quote="جسور الود"][align=center]حلفاوى .. جا لقى ولدو فى الحمام بيردد طلع البدر علينا من ثنيات الوداع
استناهو لما طلع وقام اداهو كف .. مرتو زعلت منو شديد قالت ليهو هوي يا راجل
مالك ضربت الولد كف ؟؟ قال ليها كيف يقرا القران فى الحمام؟؟ قالت ليهو
لكن ده ما قران دى انشوده .. عمنا الحلفاوى قعد يبكى.. مرتو قالت ليهو يا راجل مالك
بتبكى ؟.. قال ليها لانو لى 30 سنه بصلى بيها

[/size][/font][/color][/quote]

هههههههههههههههههههه

ههههههههههههههههههه[/align]

[بكور]

أبدو لزيز ، أبدو لزيز ياله كومي موتراساه !.. أبدو لزيز ، أبدو لزييييييز ياله كومي موتراساه
.
.
.
.
.
.
.
.
.
.
.
.
.
.
.
.
.
.

أندونيسية بتصحّي عبدالعزيز للمدرسة