منتدى أنا سوداني

مرسل: **الأحد 2013.6.16 7:13 pm**

كم ﻛﺘﻴــﺮ ﺷـﺮﺣﺖ ﻋﻴﻮﻧــﻲ
ﻭﻟﻠﺸــﺮﺡ ﻓﻬــﻤﺕ ﻋﻴــﻮﻧﻚ
ﻭﺇﻧــﺖ ﺑـﺮﺿــﻚ ﻳﺎﺣﺒﻴﺒــــﻲ
ﻟﺴﻪ ﺗــــﺎﻳﻪ ﻓــﻲ ﻅﻨــﻮﻧﻚ
ﻣـﺎﻫﻮﻳﺖ ﻳﺎﺳﻴــﺪﻱ ﻏﻴــﺮﻙ
ﻭﻛﻴﻒ ﺃﻋﻴﺶ ﺍﺻﻶ ﺑﺪﻭﻧــﻚ
ﻣﺎﺧﻄــﺮ ﻓـﻲ ﺑــﺎﻟﻲ ﻣــﺮﺓ
ﺑﻲ ﻭﺭﺍﻙ ﺃﻋﺷﻖ ﻭﺍﺧﻮﻧـﻚ

مرسل: **الثلاثاء 2013.6.18 7:32 pm**

[align=center]معاك دعوات قليب مشتاق
عرق في لحظة وجودك كل اشكال الانتما
كان الجدال فاكهة حديث اللحظة
كان الغزل بنده عليك
خجلان يجيك
خايف يقصر عن مقامك
واتجاوز الاحساس مدى

[/b][/font][/color][/size][/align]

مرسل: **الأربعاء 2013.6.19 7:28 pm**

يا التاورتي هواجس الشوق
أدي شعاع الشمس مساحة
شان رقراق الضل يتغطي

ويلقي في وادي الوحشة براحة

يا الدخلتي غناي الميس

سيبي حروفي تنوم مرتاحة

مرسل: **الخميس 2013.6.27 12:41 pm**

اشتقت ليك
[align=right]إشتـقت ليــكْ وأنا شـــوقـى بايـن أصــلـو ما دايـــر دلــــيل
زى الشمس فى عـيـونى ظـاهـر حـتى فـى جـسمى النحــيل
لكـنى صــــابـر وأمـلـى بـاكــــر ألـقـى لـى وصــلك ســــبيل
ونـتــلاقـى تـانـى بـعـــد فـــراق ونـرجِّــع الـزمــن الجـــميل

[/color][/size][/font][/b][/align]

مرسل: **الجمعة 2013.6.28 3:05 am**

احساسي بيك فاق الوصف
وكل ما اقول باكر بخف
القاهو كل مايوم يزيد
بضرب غلاوتك في الف
اتجاوز احساسك مداو
وزمان عبر حد الولف
وانا خايف اسبح في سماك
والقاني غرقان يوم يجف
خايف احلق في بحور عينيك براي
خطواتي عكس الموج تلف
خايف يحاصرني العشق
وادمن غلاوتك وانجرف
ولساني من بعد البكم
يفضحني في يوم واعترف
وانا لسه بدري علي احب
وفي الريده مابعرف حرف
وانا هسه متورط شديد
ماقادر انسي كلام عينيك
ولاحتي بقدر ارد عليك
انا لسه تايه في جواي
خايف وحيران برتجف
مارق من الروح الضياع
مشوار وبرجع بعد الف
يمكن يريحني البعاد
وارجع اجيك زول مختلف

مرسل: **الأربعاء 2013.7.3 10:52 pm**

[align=right]وانت موجتي

جنون غربتي

وعودتي

وكلما في خوابي السفر

لوعة السهر

رحالة الغمام

سجعها اليمام

وروعة الغرام

حينما احس حبك ابتهاج

حينما اجي حاملا كل الهوى امام مقلتيك

فاسرج القوافي الشوارد

اوارتحل مع الهيام

[/size][/font][/b][/align]

مرسل: **الاثنين 2013.7.8 6:29 pm**

حرفين من قلم

ﺗﻠﻦ ﻳﺮﺍﻗﺼﻦ ﻟﻴﻜﻲ

ﻳﺎ ﻧﻮﺭ ﺍﻟﻌﻴﻮﻥ

ﺩﺍﻳﺮﻩ ﺍﻟﺴﻼﻡ ﻳﻬﺪﻳﻜﻲ

ﺍﺧﺒﺎﺭﻙ ﻧﻘﻂ ﻓﻮﻕ ﺍﻟﺴﻄﻮ ﺗﻮﺭﻳﻜﻲ

ﺣﺎﻟﻲ ﺍﻟﺒﻲ ﺻﻔﺎﻙ

ﻭﺍصفى ﺍﻟﻮﺭﻭﺩ ﺍﻫﺪﻳﻜﻲ

ﺳﺎﺳﻖ ﻓﻲ ﺍﻟﺨﻴﺎﻝ

ﻛﺎﻥ ﻳﻮﻡ ﺍﺯﻭﺭ ﻭﺍﺩﻳﻜﻲ

ﻭﺍﺭﺗﻊ ﻣﻦ ﺳﻨﺎﺀ ﺍﺷﺮﺍﻗﻚ ﺍﻟﻤﺎﻟﻴﻜﻲ

ﻟﻜﻦ ﺍﻟﻘﺪﺭ

ﺣﺎﺭﻡ ﺧﻄﺎي ﺘﻤﺸﻴﻜﻲ

ﻣﺎﺳﻚ ﻓﻲ ﺍﻟﺼﺒﺮ

ﻭﺣﺘﻲ ﺍﻟﺼﺒﺮ ﺭﺍﺟﻴﻜﻲ

ﺍﻟﺤﺎﻥ ﺍﻟﻘﻮﺍفي اﻟﻄﺎﻟﻌﻪ ﻣﻨﻚ ﻭﻓﻴﻜﻲ

ﺷﺮﻗﺖ ﻓﻲ ﺍﻟﻘﻤﺮ

ﻭﻛﻞ ﺍﻟﻨﺠﻮﻡ ﺣﻮاﻠﻴﻜﻲ

ﻳﺎ ﺯﻫﺮ ﺍﻟﺒﻔﺴﺞ ﻭﺍﻟﻐﻤﺎﻡ ﻇﺎﻟﻴﻜﻲ

ﻓﺎﻗﺪ ﻟﻠﺪﺭﻳﺐ

ﻭﻭﺍﻗﻒ ﻭﺍﻃﺎﻟﻊ ﻟﻴﻜﻲ

مرسل: **الثلاثاء 2013.7.9 10:55 am**

[align=right]ليك براك
هوج الحروف المرسلات
تاتيك لواقح
ويتبرعم الحس المدوزن أغنيات
ماكان حديثي اليك ازجاء لفراغ
او زخرفات خالية من انتما
كان حاجة من عمق الحنين
تنظم هواك
ويظل معاي
في كل مشاوير التسكع
والتطلع

وارتياد الامنيات

[/size]
[/align]

مرسل: **السبت 2013.7.13 12:30 am**

ﺃﺭﺩﺩ ﺇﺳﻤك ﺃﺗﻐﺰﻝ
ﻭﺃﻫﻴﻢ ﻭﺃﻃﺮﺏ ﻭﺍﺟﺮ ﺍﻟﻨﻢ
ﻟﻤﺎ ﺍﻟﻠﻴﻞ ﻳﻠﻮﺡ ﻗﻤﺮﻭ
ﻭﻣﻦ ﺣﻮﻟﻮ ﺍﻟﻨﺠﻮﻡ ﺗﺘﻠﻢ
ﻭﻟﻤﺎ ﺍﻟﻨﻮﻡ ﻳﺸﻴﻞ ﺍﻟﻨﺎﺱ
ﻭﻣﻦ ﺗﻌﺐ ﺍﻟﺮﺯﻕ ﺗﻨﺠﻢ
ﺃﻋﻴﺪ ﺍﻟﺬﻛﺮﻱ ﻭﺍﻷﻳﺎﻡ
ﻣﻊ ﺑﺪﺭ ﺍﻟﺒﺪﻭﺭ ﺍﻟﺘﻢ
ﻭﺃﻗﻮﻝ ﻳﺎ ﺍﻟﻠﻪ ﻛﻴﻒ ﺣﺎﻻ
ﻭﻛﻴﻒ ﺃﻣﺴﺖ ﺑﻨﻴﺔ ﺍﻟﻌﻢ
ﻭﻫﻞ ﻣﺸﻐﻮﻝ ﻋﻠﻲ ﺑﺎﻻ
ﻣﻘﺎﺳﻤﺔ ﻗﻠﻴﺒﻲ ﻧﻔﺲ ﺍﻟﻬﻢ
ﻭﻻ ﺑﺮﺍﻱ ﺍﻧﺎ ﺍﻟﻤﺴﻜﻴﻦ
ﻣﺴﺎﻫﺮ ﺃﺑﻜﻲ ﻭﺃﺗﺄﻟﻢ
ﺇﻻ ﺇﺣﺴﺎﺳﻲ ﻟﻲ ﺑﻘﻮﻝ
ﺑﺘﻨﺰﻑ ﻟﻲ ﺩﻣﻮﻉ ﻣﻦ ﺩﻡ
ﺑﺘﺸﺮﺏ ﻓﻲ ﺣﻤﻴﻢ ﺍﻟﺸﻮﻕ
ﺻﺒﻮﺭﺓ ﻭﻗﺎﺩﺭﺓ ﺗﺘﻜﺘﻢ
ﺑﺘﺴﺄﻝ ﻋﻨﻲ ﺩﻳﻤﺔ ﺍﻟﻠﻴﻞ
ﻭﻟﻴﻠﻨﺎ ﺑﺨﺎﻑ ﺇﺫﺍ ﺇﺗﻜﻠﻢ
ﻳﺰﻳﺪ ﺑﻲ ﺭﺩﻭ ﺃﻭﺟﺎﻋﺎ
ﻭﺣﺼﻮﻥ ﺍﻟﺼﺒﺮ ﺗﺘﻬﺪﻡ
ﺩﻩ ﺣﺎﻻ ﺍﻟﻜﻨﺖ ﺑﺸﻌﺮ ﺑﻴﻪ
ﻭﺣﺎﺳﻲ ﻋﻠﻴﻨﺎ ﺇﺗﻘﺴﻢ

مرسل: **الأحد 2013.7.14 2:35 am**

ماتلوم زمانك والظروف
والدنيا وأحكام القدر
وماتقول مصيرنا نكون بعاد
بعد النجيمات والقــمر
قول لي سليت أو قول جفيت
قول إنت زي كل البشر
غدار وخاين للعهود
ما بتحمل الريد والسهر

مرسل: **الأحد 2013.7.14 4:47 pm**

رائعة
كيف لا
وقد تشربت
من القاش وتوتيل

كن دائما بود

مرسل: **الأحد 2013.7.14 6:30 pm**

ود ابنعوف كتب:رائعة
كيف لا
وقد تشربت
من القاش وتوتيل

كن دائما بود

ودابنعوف ,,,, تسلم على الطله والمرور يا أنيق ,,

تشكراتي ,,

ﺍﻋﺎﻳﻦ ﻟﻲ ﺳﻮﺍﻙ ﺍﻧﺖ ..
ﺍﻻ‌ ﺗﻜﻮﻥ ﺑﺘﺘﺨﻴﻞ
ﺑﺒﻘﻲ ﺯﻱ ﺍﻟﺘﻌﺐ ﻗﺪﻣﻮ
ﻓﻲ ﻋﺰ ﺍﻟﺸﻤﺲ ﻗﻴﻞ
ﻭﺯﻱ ﺷﻜﻞ ﺍﻟﻨﻀﻴﺮ ﻧﺎﻳﺮ
ﻋﻠﻲ ﺷﻮﻙ ﺍلأﻟﻢ ﻣﻴﻞ
ﺍﻋﺎﻳﻦ ﻟﻲ ﺳﻮﺍﻙ ﺍﻧﺖ
ﺍﻧﺖ ﺍﻛﻴﺪ ﺑﺘﺘﺨﻴﻞ ..!
***
ﻷ‌ ﻣﺎ ﻭﺍﻋﻲ
ومافي ﺩﺍﻋﻲ
ﺗﻘﻮﻝ ﺍﻟﻘﻠﺘﻮ في ﺣﻘﻲ
ﻭﻏﻴﺮ ﺍﺳﻤﻚ ﻓﻲ ﺗﺎﻧﻲ ﺍﺳﻢ
ﺑﺤﻠﻲ ﺍﻟﺪﻧﻴﺎ ﻑ ﺣﻠﻘﻲ .؟!
ﺍﻧﺖ ﺟﻨﻮﺏ ﺷﻤﺎﻝ ﻗﻠﺒﻲ
ﺍﻧﺖ ﻏﺮﺏ ﺣﻨﺎﻥ ﺷﺮﻗﻲ
ﻋﺸﺎﻥ ﺍﻟﻘﺎﻙ ﻭﺍﻋﺎﻳﻦ ﻟﻴﻚ
ﺑﺠﻴﻚ ﻛﻞ ﻳﻮﻡ ﻭﺍﺗﺤﻴﻞ
ﻭﺍﻧﺖ ﺗﻘﻮﻝ ﺑﺸﻮﻑ ﻏﻴﺮﻙ ؟
ﺍﻧﺖ ﺍﻛﻴﺪ ﺑﺘﺘﺨﻴﻞ....!

مرسل: **الخميس 2013.8.1 11:20 pm**

[align=center]وإذا قرب الحبيب ميل
براي بقعد قصاد النيل وبتخيل
مدارات لي حبيب اوسع
بشوفك من نجوم الكون دوام ارفع
حبيب أخدع
بخادع في الشمس بالليل
عشان بكرة الصباح تطلع
شمس موزونة بي كيف ريد
على فنجان بلد اروع
مناي تطلع
على كل الحروف راجياك تزفك للقصيد مطلع

[/size][/font][/b][/align]

مرسل: **الأحد 2013.8.4 5:52 am**

اﺻﻠﻮ ﻗﺎﻟﻮ ﺍﻟﺮﻳﺪ ﻣﺮﺍﺣﻞ ﺑﺒﺪﺍ ﺑﻴﻦ ﻟﺤﻈــــﻪ
ﻭﺩﻗﻴـــــــﻘـــ ــﻪ
ﻧﺎﺱ ﺑﺘﻌﺸﻖ ﻓﻲ ﺍﻟﺪﻭﺍﺧﻞ ﻭﻛﻞ ﺯﻭﻝ
ﺑﺨﺘﺎﺭ ﻃﺮﻳﻘـــــــــﻪ
ﻭﺍﻧﺖ ﺑﺘﺨﺒــﻲ ﺍﻟﻤﺸﺎﻋﺮ ﻭﺍﻟﻌﻴــــﻮﻥ
ﺑﻠﻤـــﻊ ﺑﺮﻳﻘــــﻪ
ﻓﻴﻬﺎ ﺍﻳﻪ ﻟﻮ ﻳﻮﻡ ﻋﺸﻘﺘﻚ ﻭﺟﻴﺖ ﺍﺻﺎﺭﺣﻚ
ﺑﺎﻟﺤﻘﻴـــــــﻘـ ﻪ

مرسل: **الاثنين 2013.8.12 7:21 pm**

[align=right]انت الوطن العايش فيهو
وانت الامل البحلم بيهو
وانت النور البمشى عليهو
وانا من غيرك كيف برتاح
جيتك وشايل ريدك منية
وبكتب سيرتك اجمل غنية
جيتك بحلم افوز برضاك
افضل احبك وابقى حداك
ااطوف دنياك واعيش فى سماك
افرح بيك واتهنى معاك
واحلف انك اجمل دنيا.

[/color][/font][/b][/align]

مرسل: **الثلاثاء 2013.8.13 6:35 pm**

ما غريبه هروبي منك
روحي منك وليك فراره
وما غريب انو تقسي
ما القمر مليان حجاره
الغريبه بدور سعادتك
حتي لو تصلاني ناره
وانتي تسعدي بي شقايا
وبي هلاك روحي ووداره

اصلي زول مسكين محطم
ارضو محروم من ثماره
ضيعوا الشوق لي عيونك
وفوقو عدت كم قطارى
عشت في دنياكي حاير
يا هدي الناس الحيارى
وياما كم مجنون مودر
قالو اسبابو العذارى

مرسل: **الجمعة 2013.8.16 7:20 pm**

انا لو علي افضل معاك
واحرسك اسكن مساماتك
شجون اجلس برااااااي
واستوطنك
اسرج جواك وما بمل
اصلك كتاب وانا صفحتك
اقعد اراجع ليك واعيد
احفظ نصوصك ومنهجك
و في صفحتك الريد الهناك
مرسومه اشكال روعتك
محتار معاك يوم اشتهيك
تسبقني دايما لهفتك
انا و الغرام دربين طوال
كايسين مداخل سكتك

مرسل: **الأربعاء 2013.8.21 2:27 pm**

بحبك حب.....!!
تقل موية المطر المن
السما بينزل
قدر ..........رمل البحار
الليها بستقبل...
عدد سيقان شجر مد
البصر مثمر
عدد ناسا..!
بتراوج
وتتوالد
تتسال ...........وتتكآثر

بحبك حب
ما حباه جن لجن..!
ولا حباه زول لبشر
ولا الجايين من الأرجام
من بعدك ومن بعدي
ح يعرفو كيف دا كان
بحصل...!

مرسل: **السبت 2013.8.24 4:02 pm**

ﺍﻟﺴﻤﺤﺔ ﺳﺖ ﺍﻟﺸﺎﻣﺔ

ﺍﻟﺤﻠﻮﺓ ﻧﺎﺩﺭﺓ ﺣﻼﺗﺎ

ﺯﻱ ﺍﻟﺸﻮﺍﺩﻱ ﻛﻼﻣﺎ

ﻭﺯﻱ ﺍﻟﻨﺴﻴﻢ ﻫﻤﺴﺎﺗﺎ

ﻧﺎﺭ ﺍﻟﻬﻤﻮﻡ ﺍﻟﻔﻴﻨﺎ

ﺑﺘﺮﻭﺡ ﻣﻊ ﺑﺴﻤﺎﺗﺎ

ﺳﺖ ﺍﻟﺠﻤﺎﻝ ﻭﺍﻟﺰﻳﻨﺔ

ﺇﺷﺘﻘﺖ ﻟﻲ ﻃﻼﺗﺎ

مرسل: **السبت 2013.8.24 4:55 pm**

عيوني أنا ....

عيون ترحل تسافر ليك ..

عيون مسكونه بي زاتك..

بتتمناك وتفرح بيك ..

اشتقت ليك

اشتقت للحظة البتسرق عمري كلو تجيبو ليك

اشتقت للنجم البسافر في الخيال يرحل يجيك

اشتقت والشوق

مستحيل في دربو يتمرد عليك

منتدى أنا سوداني

همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية