المشرف: بانه
ود أونسه كتب:بريت درب الغرام في قصورو او في عششو
ضقت كتير كمــان من زبدتـــو ومن وغشــو
ضاق مني الصحــاب من احتمـالي اندهشــو
والممكون هــوى ما بخلي لي يــوم نعشــــو
الاغبش كتب:يا اخونا الكرام جائنا قوة هجين
زي لحم الراس مسيوطة ياخي عجين
فيها الكافر والفاسق اب طبعا شين
ما دخلت بلد الا خلت احبابو مختلفين
ود أونسه كتب:[align=center]حوش مسدارنا يا زمال خبارو ضلمه
لا شالعات كهاربو لا ضجيج لا لمــه
يالاغبــش ويا ايمـن كفانــــا مذمـــه
يا ود مرغني اســرع وسولك همـــه[/align][/color]
أيمن كتب:[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوداونسه ليك الحق وهاك النمه=
فى المسدار ده لابد من عزيمه وهمه=
من باكر معاك والناس تمه التتلمه=
واسمع منى قالو الانبدا بينتمه=[/poem]
أمين السنجك كتب:يا أخواني العزاز جيتكم جـديد برلـوم
بترحبو بي ولا أقبل ويجافيني النوم
كلامكم سمح زي كرير القمري ما البعشوم
والله ماهي مجامله وحـاة أمـي بـت الـتوم
ود أونسه كتب:الزول الحالي لهجو وعودو باني رطيب
مسلط جوز عيونو في بهـــدله وكهريب
جور نفرة طباعو اورث مفارقي الشيب
من جنـي العلي ما اظنـي تانـي اطــيب
