إحتفال العيد الأول،، يديكم العافية شباب

[sunni]

انت يا صلاح أحسن من صورة راشد،، عاوز شنو تاني؟؟

[nunoosa]

كانت المتابعات من المشرفين والاعضاء عبر الهاتف لها وقع خاص في نفوسنا

كانوا معانا باستمرار ومتابعين خطوة خطوة


الاعزاء

السيد المشرف العم

السيد المدير العام

السيد ابن بطوطه

السيد استارو

الست اصيلة

دومازيل سارونا

السيد ود الجيــو

دومازيل الدكتورة




وجميع المتداخلين داخليا وخارجيا

لكم التحية والشكر على الاتصالات

والغريبة ياجماعة الناس بتتكلم لمن رصيدها يقطع ويمشوا يشحنوا ويرجعوا يتصلوا تاني

وهكذا

[حموودى]

وكدي تعال أحاسبك يا حموودي.

حسب معرفتي انه الصور دي لو كانت ديجيتال،، ولا صورتها وعملت ليها مسح،، فتسمية الصور دي من الجهاز،، سواء كان من برنامج الماسحة،، أو من برنامج الحفظ في الكاميرا،، ومن هنا وقعتك سودة معاي،، وخلي الدسدسة. وكدي خليني اشرح ليك قصدي

والله مامسحته ولا دسيت أي حاجه كل ما هنالك اني كنته بصور بي تلفوني ومسحته لي كم صوره كده وانا جاي علي الاحتفال
وطبعا الصور الجديده نزلت مكان الصور الممسوحه.
هي هي هي هي ههههههههه


دي مرقته منها موش؟

وتاني شي زي ما وريتك في التلفون معاي صور للعضوات وطبعا ما ممكن انزلم انا

ورسلتهم لي ننوسه وهناك بعض الصور مع الاخ حليم وعندي صور داير اعمل ليها تعليقات طريفه لزوم التنقشه وكده...

[nunoosa]

[quote="حموودى"]

راشد صلاح



اونكل صلاح

العسل ده طلع دفعتي في المدرسة

وود جيرانا كمان

[حموودى]

كترتوا الكلام....!!
وين الصور يا شباب.؟؟؟؟؟؟؟؟؟؟؟

ننوسه صبرنا كمل...!!

العم الغالي والوجيه (عمو صلاح)بعد التحايا والتبريكات بالعيد الرااااائع والذي فقدناكم فيه



أولا ونسبه للحضور المتأخر من بعض الاعضاء والواطه ضلمت وكده كان نصيبي من الصور بسيط جدا وهي الان ارسلت الي الاخت ننوسه.
ولكن الاخ حليم صور الحفل بكاميرا ديجتل بي فلاش ونحن الان بانتظاره ولقد اختفي من يوم الاحتفال ونحن لازلنا في انتظاره .

[nunoosa]

حموودي الحق ناس الدبل مدورين وهاك يا نقة


بالمناسبة يا جماعة اللمة دي جابت نسب وحاجات كتيرة كدا



وين انت يا ترطيبة

[حموودى]

ترطيبه في عينك انا قاعد كنب ساي؟

[صلاح يحيى سليمان]

بالمناسبة يا جماعة اللمة دي جابت نسب وحاجات كتيرة كدا

دى يا ننوسة اجمل صفة فينا احنا السودانين ...كلنا بنبقه لبعض
وكلنا اقارب بعض.....الميزة دى نادر جدا تلقيها عند الشعوب الاخرى.
نكته سريعة....!
واحد سعودى بتونس مع سودانى ....قال ليهو والله انتو السودانين
.....يعنى لو البشير وقرنك قعدوا يتونسوا مع بعض ...يطلعوا اولاد اعمام....!!!
ديل السودانين واهليتم....!!! عندو حق ...كلنا اخوان....واهل.

[هتان]

حموودي الحق ناس الدبل مدورين وهاك يا نقة


بالمناسبة يا جماعة اللمة دي جابت نسب وحاجات كتيرة كدا



وين انت يا ترطيبة

الما بتحصلو جدعو ,,,

[nunoosa]

[quote="المشرف العام"][align=center]
كترتوا الكلام....!!
وين الصور يا شباب.؟؟؟؟؟؟؟؟؟؟؟

ننوسه صبرنا كمل...!![/align][/quote]


اولا كل عام وانتم بخير

والمنتدى الي لامام دوما

والله يا عمو صلاح مفاجأة ولا في الاحلام

وانا في وسط الاحتفال وبعد ما تلقيت مكالمة من المانيا (احم احم )

تلقيت مكالمة اخرى من عضو لم تكشف عن شخصيتها وقالت انها في البوابة

اتحركت عشان اوصف ليها المدخل واتلاقينا في منتصف الطريق

ادهشتني الطواقي اللي كانو مرتدينها وعليها شعار انا سوداني ولفتت نطري جدا حسيت انهم ما مجرد اعضاء عاديين

اتعرفت على حليم وبت بري وعلى سيدة فاضلة قالت انها العضو سليم

بعد وصولنا الي الشباب وتوزيع الطواقي عليهم

اخدتني العضو سليم على جنب وقالت لي المفاجأة الداوية

طبعا اتسمرت في مكاني شوية كده مذهولة وبعدين رجعت سلمت عليها تاني

وعلى راشد كمان وواصلنا الا حتفال ولمن اطفأنا الشمعة اعلنا وقتها عن المفاجأة

عمنا العزيز صلاح حقيقي شرفتنا ونورتنا اسرتكم الكريمة بالحضور

وكان لحضورهم وقع خاص في انفسنا جميعا وخاصة شخصي الضعيف

اتشرفنا بي معرفتهم وسعدنا بي وجودهم بيننا

حرمكم المصون

وصديقي الصغير راشد

والاخ الرائع حليم

والاخت العزيزة بت بري

كانت لحظة لا توصف

الف الف شكر على حضورهم الرائع[/color]

[صلاح يحيى سليمان]

اولا كل عام وانتم بخير

والمنتدى الي لامام دوما

والله يا عمو صلاح مفاجأة ولا في الاحلام

وانا في وسط الاحتفال وبعد ما تلقيت مكالمة من المانيا (احم احم )

تلقيت مكالمة اخرى من عضو لم تكشف عن شخصيتها وقالت انها في البوابة

اتحركت عشان اوصف ليها المدخل واتلاقينا في منتصف الطريق

ادهشتني الطواقي اللي كانو مرتدينها وعليها شعار انا سوداني ولفتت نطري جدا حسيت انهم ما مجرد اعضاء عاديين

اتعرفت على حليم وبت بري وعلى سيدة فاضلة قالت انها العضو سليم

بعد وصولنا الي الشباب وتوزيع الطواقي عليهم

اخدتني العضو سليم على جنب وقالت لي المفاجأة الداوية

طبعا اتسمرت في مكاني شوية كده مذهولة وبعدين رجعت سلمت عليها تاني

وعلى راشد كمان وواصلنا الا حتفال ولمن اطفأنا الشمعة اعلنا وقتها عن المفاجأة

عمنا العزيز صلاح حقيقي شرفتنا ونورتنا اسرتكم الكريمة بالحضور

وكان لحضورهم وقع خاص في انفسنا جميعا وخاصة شخصي الضعيف

اتشرفنا بي معرفتهم وسعدنا بي وجودهم بيننا

حرمكم المصون

وصديقي الصغير راشد

والاخ الرائع حليم

والاخت العزيزة بت بري

كانت لحظة لا توصف

الف الف شكر على حضورهم الرائع

ننوسة....ياريت لو كنت معاهم....!!!
انا برضوا ادونى مفاجأة.....وان شاء الله بعد
اسبوعين معاى فى المانيا.

[nunoosa]

ننوسة....ياريت لو كنت معاهم....!!!
انا برضوا ادونى مفاجأة.....وان شاء الله بعد
اسبوعين معاى فى المانيا.

صاح

وبرضو ح يكون في مفاجأة من نوع تاني خاااالص


ودي مخصوص عشانك ياعمو

stay toon

[حافظ عوض الله محمد]

توووووووووووووووووووووووش
الاكبر من كل المفأجات انو الاخت ننوسة كانت تعانى من الالتهاب وكانت تتحرك ذات اليمين وذات الشمال الى ان اطلقت عليها الاخت نار لقب ام العروس
تحت تحت كدة لسة ترطيبة ما جاء


ياجماعة اخونا ترطيبة دا كان مغترب وفلس وماعندو حق النت عشان كدة انا برسل ليكم تلفونو وحولو ليه رصيد بحبتين عشان الزول دا يورينا الحاصل شنو ،

[هتان]

انتو دقيقه


انا احكي ليكم روايتي ,,,

[هتان]

اشرح ليكم كلام حافظ



طبعا هتان جه متأخر شويه كده يعني ساعه ونص بس

وقعد ياكل وياكل ومره مره يخش في الكلام وبعد ما نقفل الموضوع يجي هتان يرجعنا ليو تاااني (فارق زمن)


وفجأه تلفونو ضرب وجري بعييييييييد وقعد يتكلم زي الزانقنو في حاجه
ولم جه راجع قال ياشباب ناس البيت وكده وانا لااااازم امرق طوالي قدر ماحنسناو رفض نهااااائي


وفجأه







فجأه






وتااااااني فجأه







ظهرت ست الحسن والجمال وصاحبنا اتكهرب وماعرف يمينو من شمالو


وهاك ياقعده ومشاركات وونسات وطلع آآآآآآخر زول من الحديقه


غايتو ناس بيتم حايكونو ادوهو الكرت الاحمر






ومن المتوقع انو حايسكن في المنتدي الشعري.





هههههههههههههههههه

عادي جدا ,,,

اول شي في ناس كده ضربو قالو لي تعال عشان نحنا حنطلع مع ناس بيتكم الحدايق
هنا راسي ضرب
امشي ليهم ولا اقعد

لكن شفت لي ناس كده و طوالي رخيت برنامج الناس الضربو ,,,

و هاك يا قعده ,,,

[Halimeek]

هههههههههههههههه تعليقك رائع جدا ياحمودي وخصوصا بتاعت الكيكة خخخخخخخخخخخخخخ

على العموم والله كان يوم جميل اتمنيت انه كل الاعضاء كانوا متواجدين وبقية الصور بإذن الله بتكون مسئولة منها العضوة نسنوسة وبتنزل ليكم بكرة او بعد بكرة ان شاء الله

[صلاح يحيى سليمان]

حليم....مهندس معمارى المنتدى.....!
الف حمد لله على السلامة....!!
شايف صرحك العظيم ...لمه ناس طيبين كيف؟؟؟

والله نفتخر بيكم....!!

[هتان]

بالاضافه لي كده يا عم صلاح
حليم ده راجل متواضع لي ابعد درجه ,,,


انا لمن استغربت ,,,

[sunni]

طبعا زي ما بيقولو،،، لايحسد الحاسد،، إلا ما لديه ما يحسد عليه،، ونحن الحمد لله لمتنا دي ما بتتلقي في حتات كتيرة،، والحساد بدو يشتغلو فينا،،

اليوم،، وحوالي الساعة أربعة ونص بتوقيت مسقط،، تلاتة ونص بتوقيت السودان،، تمت محاولة عمل هاك أو إختراق للموقع،، بس بحمد الله،، وبفضل الأعضاء احادبين على المنتدى الجميل ده،، بديت اتلقى المكالمات،، وكان التداخل في المسنجر،، وفي وقت واحد،، بدت لي نقل الخبر ننوسة،،، ثم سارونا، ثم لحظة غروب،، وتلفون من السودان من صهيب،،،، السني ألحق،، الموقع تم إختراقه.

والحق يقال،، الأخ صهيب مش قال لي انه تم إختراقه وبس،، لكن كمان كان عنده رؤية عن الحل وكيفية حل الإختراق،، ومنو الإخترق،، والمشاركة بتاعته شنو. أحييك يا صهيب،، مع انه الكمبيوتر ما مجالك،، ومع انك هلالابي، بس كلامك كان صحيح،، وتصورك في محله.

بحمد الله وبفضل الجنود الرائعين ديل بعد المولى عز وجل،، رجع المنتدى للعمل بعد توقف حوالي 21 دقيقة فقط لاغير.

وين منتدى فيه ناس رائعين بالشكل ده،،، يشيلو هم بعض،، يحتفلو بي لمتهم،، يهبوا كلللهم لما منتداهم تحصل ليه حاجة

بكررا تاني،،، يديكم العافية يا شباب

[هتان]

ومع انك هلالابي،


مالهم الهلالاب يا استاذ ؟؟؟؟؟؟؟