المسجات السودانية ،،،

[بت أبوظبي]

اعزائي ,,
تم دمج مجموعه من المواضيع المشتركه في موضوع واحد
شكرا

[هبه]

والله مشكورين على المسجات الروعه دى


تحياتى للجميع

[الساحل]

][اهلين بالناس الحلوين بالعيون الماهينين بالخدود الناديين بالقلب المليان حنين نحنا بالجد مشتاقين وبريدكم هايمين وغير هواكم ماعايزين

[الساحل]

[[اهلين بالناس الحلوين بالعيون الماهينين بالخدود الناديين بالقلب المليان حنين نحنا بالجد مشتاقين وبريدكم هايمين وغير هواكم ماعايزين
:

[حزن السنين]

مشكورين يا حلوين علي المرور و علي الرسائل الجميلة دي

الكلام دا لي الناس الاتية :-
(فقدان الرومانسية ، فقدان الحب ،اخوانة المشوكشين ، الفراع و الوداع ، الغدر و الخيانة )

ارجوا من الذين لديهم هذه الاشياء يراجعوا هذا البوست ...


كاااااااااااااااااااااااااااااااك شديد ،،،،

و لاشنو يا بيبو ،،، ،،،،،

و تاني كااااااااااااااااااااك

[حزن السنين]

انت حاول مرة أسأل
شوف بنقدر نحن نجهل ؟!
نحن ماقصرنا حاشا
بس ظروف الدنيا تشغل
انت لو عرفت حالنا
مابتغيب عن عينا أطول
ومابتفكر تاني لحظة
انو من عينينا ترحل
!

----------------------------------------------------------------------------

لما انت بقيت مجافي
قلنا نشكيك للقمر
قلنا ليهو الزول ده طول
لا رسالة ولاخبر
لاهو بيسأل من ظروفنا
ونحن ملينا الصبر
القمر عاتبنا نحن
وقام يفتش ليك عذر
!

----------------------------------------------------------------------------


يعني قاسية عليك ظروفك
تبقى عايش بس في همك
تنسى كل الكانوا حولك
ويبقى حالهم مايهمك
أصحى
خلي كل الدنيا تفرح
ببسمة ساحرة أو رسالة حلوة
يكفي انها جايه منك

----------------------------------------------------------------------------

لو كتير انك تهاتف
كان ترضينا برسالة
ليها تبتسم الدواخل
وتستمد الروح جمالها
نرتشف عبق الأزاهر
ونستظل في دوح ظلالها
يلا اختار بين تهاتف أو رسالة
إلا بس تنسانا خالص
ألف مليون استحالة
!

----------------------------------------------------------------------------

البريدك مابقول ليك
حقو انت تحس براك
يبتسم
يضحك
يقابلك
يبكي بالدمعات وراك
شايل القلب الحزين
يشكي من طولة جفاك
حن عليهو ومرة صالحو
أسقيهو من حلو مر هواك
...

----------------------------------------------------------------------------

لو عرفت غلاوة صوتك
كنت ماقصرت فينا
كنا في راس كل ثانية
نلقى اسمك بين ايدينا
تفرح الشاشة وتنور
وتعزف النغمة الحنينة
يرجف الجوال ويكتب
ديل عزازنا اتصلوا بينا

----------------------------------------------------------------------------

أنساك كيف ؟!
وانت الوحيد الكل يوم بتذكرك
انت الخيالك في الخيال
وأنا بالي يوم ماودرك
أنساك لو شفت الشمس شرقت غروب
أنساك لو إبليس قدر يرجع إلى المولى ويتوب
أنساك لو قالوا البشر ممكن تعيش من غير قلوب

----------------------------------------------------------------------------

[حزن السنين]

الغروب يسألني منك
وأمسياتنا في شوق إليك
الرمال الناعمة مشتاقة لمشيك
الطيور الراحلة في ضل المسا بتسأل عليك
كيف تفارق الضل
والنيل كيف هان عليك
؟!

----------------------------------------------------------------------------

الغربة ما بعد المسافة
ولا السفر أخر مطافا
الغربة في القلب البعاند
وفي السحاب الطش جافا
الغربة في الموية البتنزل
تطرد الناس من ضفافا
الغربة في الزول التريدو
تلقاهو في أخر مسافة

----------------------------------------------------------------------------

يا سحابة
زوري أحبابنا الهناك وقولي ليهم
الرسائل ما بتكفي حتى لو كانت قصايد
والهواتف ما بتطمن حتى لو طال الكلام
البكفينا العيون تحضن عيونكم والإيدين تحيا بلمسة سلام

----------------------------------------------------------------------------

لمتين غياب وأنا روحي فيك يامشحتف الروح لمجيك
ياخطوتين ياضفتين بين بين وبين فى ليل متاهات التعب درب الوصول الليك صعب
ولمتين غياب وأنا وروحي فيك يامشحتف الروح لمجيك

----------------------------------------------------------------------------

ياما فيك نحن انظلمنا
وفرقتك بكتنا ياما
ولسه برضو بندعي ليك
تلقى في دربك سلامة
وتلقى ناس يدوك حنانهم
وأصلو ما يدوك ملامة
مافي عاشق ببقى عاشق
كان بشيل الابتسامة
يبدل القاسيات محنة
يظلل الساحات غمامة

----------------------------------------------------------------------------

مرات أقول أديهو كلمة تزعلو
حبة عذاب وكلام عتاب
أنا عارفو ما بتحملو
علشان أشوف خدو الحرير الدمعة جارية تتبللو
لكني قبال ابدا بلحظات أقيف أتأملو
الضحكة واللفتة البتاخد من عيوني النوم شهور وتجفلو
أنسى العتاب الكنت ناوي أقوله
أرجع منهزم
الدنيا يا ناس تنقسم

----------------------------------------------------------------------------

خسارة الزول تغنيلو
وما يفهم معاني غناك
خسارة الزول تناديلو
وما يفهم شنو الجواك
خسارة الزول تشيل همو
وما يسأل شنو الهماك
ولما يزيد عليك همك
يسيب حزنك تعيشو براك
توسد ريدك الواطة
وما تلقى البدفنو معاك

----------------------------------------------------------------------------

[sarona]

[font=Tahoma


----------------------------------------------------------------------------

الغربة ما بعد المسافة
ولا السفر أخر مطافا
الغربة في القلب البعاند
وفي السحاب الطش جافا
الغربة في الموية البتنزل
تطرد الناس من ضفافا
الغربة في الزول التريدو
تلقاهو في أخر مسافة

----------------------------------------------------------------------------
خسارة الزول تغنيلو
وما يفهم معاني غناك
خسارة الزول تناديلو
وما يفهم شنو الجواك
خسارة الزول تشيل همو
وما يسأل شنو الهماك
ولما يزيد عليك همك
يسيب حزنك تعيشو براك
توسد ريدك الواطة
وما تلقى البدفنو معاك

----------------------------------------------------------------------------[/font]

حزن السنين ...

رسائل جميلة ومعبرة ....

تسلم ...

[حزن السنين]

الرائعة دوماً / سارونا
مشكورة علي المرور و التعقيب ،،،،،،،،

[استارو]

تسلم ياراقى
فى انتظار جديدك
تقبل تحياتى

[بت أبوظبي]

كلمات تحلق بنا بعيدا إلى من نحب
شكرا يا حزن ..
اختيارك رقيق .. موفق ..
جاء في وقته !

[حزن السنين]

تسلم ياراقى
فى انتظار جديدك
تقبل تحياتى

الرائع دوماً / استارو
مشكور يا راقي علي المرور و التعقيب

[حزن السنين]

كلمات تحلق بنا بعيدا إلى من نحب
شكرا يا حزن ..
اختيارك رقيق .. موفق ..
جاء في وقته !

بت ابوظبي
تسلمي اي ستي علي المرور و التعقيب
والي الامام دوماً

[نغم]

اخى حزن السنين كل الرسائل الكتبتها جميلة ومعبرة انا احترت اقول ياتوا واحدة جميلة لانها بالجد كلها جميلة اديك العافية وتسلم يا غالى.

[حزن السنين]

اخى حزن السنين كل الرسائل الكتبتها جميلة ومعبرة انا احترت اقول ياتوا واحدة جميلة لانها بالجد كلها جميلة اديك العافية وتسلم يا غالى.

الغالية نغم ،،،
مشكورة يا ستي علي المرور و علي كلماتك الرائع و علي المجاملة الرقيقة منك ،،،،

[بت الشيخ]

الراااائع دوماا ...... حزن السنين تسلم عل الرسااايل الحلوة دي والله من زماان بدور في رساايل بالسوداني
تشكر ياااا رااائع

[حزن السنين]

اختي الغالي / بت الشيخ ،،،
مشكورة علي المرور ،،،
و انتظري المزيد من الرسائل السودانية

[بنت الكلاكلة]

[grade="FFA500 FF6347 008000 4B0082"]هذه كلمات اهديها لكم:-[/grade]

اليكم تساق الحروف النديه وشهد التواصل وعطر الكلام ..
وفرح المحنه وحلو القصيد .جئنا اليكم بطيب الخواطر وعطر الازاهر وحفنة غمام
اليكم تساق الامانى البهيه وصدق التواصل وحلو السلام


[grade="D2691E 0000FF DC143C FF1493"]شكرا اخوي حزن على رسائلك الجميلة دي و ربنا يديك العافية [/grade]
مع تحياتي لك:-

[grade="00008B FF6347 008000 4B0082"]بنت الكلاكلة[/grade]

[حزن السنين]

[grade="00008B FF6347 008000 4B0082"]مسجات سودانية ......

--------------------------------------------------------------------------------

يا سحابة زوري احبابنا الهناك ..
وقولي ليهم الرسائل ما بتكفي حتي لو كانت قصائد .
والهواتف ما بتطمن حتي لو طال الكلام ...
البكفينا العيون تحضن عيونك.
والايدين تحيا بلمسه سلام ...
*************************************
مرات احس انك براك ما زينا انت الملاك ونحن البشر..
صمتك اصيل حزنك نبيل زي الغناوي المرهفه زي الدعاش ...
ويا روعتك لمن تفيض بالطيبة زي موج البحر تغمر ضفافنا محبتك ....
*************************************
عيوني أنا ....
عيون ترحل تسافر ليك ..
عيون مسكونه بي زاتك..
بتتمناك وتفرح بيك...
*************************************
اشتقت ليك
اشتقت للحظة البتسرق عمري كلو تجيبو ليك
اشتقت للنجم البسافر في الخيال يرحل يجيك
اشتقت والشوق
مستحيل في دربو يتمرد عليك
*************************************
ياغنوة في وترا حزين
ياضحكة في الزمن الصعب
يا واحة في عز الهجير
يا راحة من بعد التعب
يانسمة هبت في الدغيش
عزفت علي وترا صعب
يا رحمة من رب العباد
مكبوبة فوق خلق الله كب.
*************************************
هناك اشخاص يعزفون على اوتار احساسنا الحانا رائعة ...
ويخلدون فينا ذكرى لاتمحى ....
نهفو الي رؤياهم ...
ويزدان الوجود بهم ...
لنا الفخر بمعرفتهم ...
فليحفظ الله الود بيننا ...
*************************************
اتخيل الزول يشتهيك ويخاف
ويهرب من لقاك...
يخاف عليك من شوقو ليك...
ما شوقو اكبر من هواك ...
ما ريدو ليك ما بتوصف ما روحو دائما مشتهاك ...
ما قلبو غيرك ما عرف وما مستعد يعرف بلاك...
*************************************
قالو أصلو الدنيا معبر ..
فيها جد ما بتلقى راحة...
إلا صاحب ليك يعزك...
يبقى عنوان الصراحة...
في غيابه الدنيا وحشة...
فاقدة لي انوار صباحة ...
*************************************
لما اشتاق لعيونك ما بيكون الشوق جريمه !!
ولما يسال قلبي عنك بالحنان الفيهو ديمه !!
يبقى دا الوضع الطبيعي للمشاعر المستديمة ..
*************************************
عشان خاطرك تمد عين الشمس نورا..
وتدور ترتاح ملامح الدنيا تتغير وقت ما انتا تطوي براح ..
وكل حمامه لما تشوف جمال عينيك تطير وتشيل سلام وسماح..
تسافر ليك بدون ميعاد يحرك شوقا الف جناح ...
*************************************
ستبقي في فمي نغما اردده مدي الدهر..
وفي روحي مناجاه ورمزا للهوي الابدي..
إذا ما غبت عن عيني فليس تغيب عن فكري ..
أراك بكل ما حولي خيالا سابحا يسري..
أراك وانت لا تدري ولا ادري متي تدري ..
*************************************
عندما يتوارث الناس روائع الأشياء أباً عن جد ...
تكون الخصال بمعاني ألأصالة والق التهذيب الشفيف...
هكذا التقيناكم...
وهكذا ...(عشقناكم).. حتى الارتواء...
وتبؤتم في دواخلنا اماكن لا يدخلها الا الملوك ..
لك الود ايها الملك الرقيق....
*************************************
وحاتك انت لما تغيب نحس بقلوبنا تايهه وراك ..
ومهما يطول عذابنا معاك بنرجع تاني لدنياك..
لا حسينا يوم بندم ولا فكرنا يوم ننساك ..
*************************************
فتشت ليك أجمل حروف ..
لو ألقى ليك أجمل وصف..
كل الحروف إتغازلت..
والنسمة ليك إتنازلت..
يا أغلى من كل البشر..
يا نسمه جات والدنيا حر..
*************************************
ولما الفرقة تطرانا بشيل خطواتي واتباعد ..
ولسه عيوني في عيونك بي يوم بكرة تتواعد !!
أعاين ليك وأشيل ذادي ..
وأخاف ميعادنا لو عاند ..
أجيب من وين متل عينيك لو رجع الحنين عاود...
*************************************
سلام كتير لا بتشال ولا بتقال ..
وشوق دفاق أخره محال ..
يقولك عني كيف الحال ..
*************************************
مساك نديان وليلك بالفرح عامر..
نهارك خير ويومك شرو مكتوف اليدين حاير..
*************************************
يا سحابات اشتياقي صبي في راحة يديهو ..
اكتبيلو اني دائما بفقدو وبسأل عليهو ..
*************************************
لو اهاجر ماني هاجر..
لو اغيب انا من عيونك أنت في عينى حاضر..
مانى ناسى ومانى قاسى الا بس مشتاق وصابر..
*************************************
احسك تسري بين الدم..
اشمك يا عطر ينشم ..
اشيلك جوه شرياني علي كيفك تضخ الدم ..
*************************************
ما على لو جات مواكب
ولا فاتتني المراكب
القمر ما دام معايا
أعمل إيه أنا بالكواكب ..!
*************************************
و الله ماني كاره وصل الاحباب
لكن ظروف الوقت هي عاندتني..!
يا وقت أنا اللي من ضحاياك منصاب
و زود البلا دنياي ماريحتني..
مهما حصل مانسى الحبايب والاصحاب
و لهم مكانة لو ظروفي حدتني..!
*************************************
فتشت في اعماق دواخلي التشتهيك عن كلمة توصف شوقي ليك..
مالقيت غير نبضات قليب يلفظ اواخر انفاسو بيك ...
يفضل يردد كل دقة وكل ثانية مشتهيك
واحن اليك وفي كل نبضة تلقاهو ذايد شوقو ليك.....
*************************************
وكت نحتاااج بنرجع ليك
بندخل فى الحروف نلقاك
وفى نبض االقصيد نلقاك
وفى لون الغبش نلقاك
وفى وهج الصباح نلقاك
وفى كل العيون نلقاك
واصلك انته لسه معانا فى شريانا فى وجدانا فى دنيانا خلدناك.
*************************************
نتقابل ونرسم في حشا الأيام تصاويرنا
نضيع في زحمة الدنيا وتحس بالألفة ناس غيرنا
مع ضوء الشمس تشرق ملامحنا وتعابيرنا
ونضيع لكن لسه موجودين , لا بنتعب ولا كملت مشاويرنا
ونتفابل
*************************************
اقسم قلبي بارتشنات
واعمل صوتك mp3
وكل صورك خلفيات
وانزل ويندوز الريدة بدون تعريفات
تكون زكراك كرت شاشتي
ويكون حبك مع السورصات
وامسك الكي بورد والماوس والباص ويرد والفايلات تجي
وفي الاخر تدوس فورمات
*************************************
لما تهجع في وسادتك تلقي روحي ملت جوانحك
ولما تغمض رمش عينك ابقي في نومك ازاحمك
ولما تبقي امام مرايتك تلقي صورتي كست ملامحك
ولما تمرق لي صحابك وكل زول بي شوق يسالمك
تلقي في ايديهو ايدي ولمحة من عيني تصافحك
*************************************
بتمر علي نسمات دعاش طافت علي ما الطفا..
بتشيل سلامي وشوقي ليك تهديك اشعار الوفاء..
ترحل تجيك عز الصعيق وتلاقي في حضنك دفا..
وانا لما قلبي إختار يعز إختارك انت وإكتفى..
*************************************
يا السمح
خصايلك
مشتاقين
لرسايلك
هل أنعدمت
وسايلك!
أم إتسرق
موبايلك!!
************************************
صورتك في فكري على
سبع شاشات..
وأفضل برامج سهرتي
؛؛ ذكرياتك؛؛
لوشوشت على البث
كل المحطات..
يلقط رسيفر خاطري
؛؛ ذبذباتك؛؛
جرب على ريموت الاحساس ضغطات...
تلقاه مايختار الا
؛؛ قناتك؛؛.
*************************************
فقدناكم ولو بي ايدنا
وسط الحلم جيناكم
وحشتونا ولا ندرى اذا كنا وحشناكم
*************************************
اشتقنا ليك لمن عيون الشوق بكت
واحترنا كيف نعبر متاهات الدروب الابعدت...
ولمن عرفنا الشوق حبالو اتمددت
رسلنا اجمل امنيات لي اغلي زول واحشنا جد والشوق كتير لمن غلط
الفين سلاااااااااام
*************************************[/grade]

[ضـــوء القـــمــر]

اداري لوعتي عن الناس تدرابي
واخفي دموعي واكتم اسبابي
مثل غيري اشتاق لكن
ما درى بالشوق احبابي
اضحك والحزن يسكن
مهجتي والهم يستوطن اهدابي

غريم وقلبي هايم مولّع
كني على جمر الغضى
والنار تصلابي
غريب حبي ما جربه غيري
فريد عصري وكل علوم تقرا بي

شاعر توالي الليل تلقاني
اناجي حبيبي و بالشوق شرعت ابوابي

قولو لحبيبي يجي قبل
لا تنطفي شموعي
ويموت اعجابي

الرائع دوما حـــــــــــزن السنين مشكور اخي