جميع المغتربين ((سؤال صعب جدا))...

[سودانية صريحة]

أكيد السودان وبدون أي نقاش أوتفكير

.

[بنت سدن دن]

أنا ما دام مافي السودان ما حاختار في السودان وحاختار في بلاد الغربة لأنو أنا ما ضامنة أنو أنا حاعيش لمن أسافر وامشي السودان وأعيش في البيت ده عشان كده حاختارو في البلاد اللي انا فيها (قطر).

[ABDOWLOHAB2]

انا بختار في في السودان

[موكب فرح]

شكرا علي الموضوع المميز ده ياسارونا . بس البيت ليس بالمقصد المنشود في حصاد الغربة ولكن سبيل العيش وتوفير مصدر لذلك . ويصعب ذلك في سودانا . ولكن إذا توفر مصدر العيش يسهل المأوي ولو في قطية من قش وتكون في قمة السعادة الغامرة والسودان بلد المليون ميل مربع . وحبنا لي وطنا شي والفوز بالبيت شي آخر .وليس كل من في الغربة يتطلع الي بناء بيتا أو قصرا بل القليل منهم والبقية في تأمين لقمة العيش .

سؤال : إذا كنت أملك قصرا ولم يكن بحوزتي قوت اليوم , أو حق الركشة فما الفائدة؟؟


عموما هذا راي الشخصي , ولكن بكل وضوح وصراحة بحب السودان وأهله الي حد الجنون ولكن بيتك الكبير ده محتاج ليه هنا في قطر لانو الايجارات في السماء ولي السودان ربك بيسهلها بعدين.

مع خالص شكري

موكب

[soliyaa]

طبعا في السودان

حتى لو البت من غير موية
بمشي و بجيبها من النيل بالجرادل ...

بس المهم اعيش معززة مكرمة في بلادي الحبيب

[كجووول]

والله يا بتنا الحكاية دي برد ليك عليها بقصيدة غناها الراحل مصطفي سيد احمد
الحال دا بنطبق علي وكدة حيث داير البلد والرجوع ليهو لكن الحياة صعبة جدا فيها

ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
اصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لى وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجى السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير البر
أيامى توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختي تى فوقى الليل .. والليل سقانى السم
أنا خاطرى فى المطرة ..
ريحة الدعاش والشم
وما كان عول ريدي الصبح صفصاف هدير البر

كجووووووول
[mklb]كجووووووول[/mklb]

[Amona]

الوطن طبعا
كفايه بس جمعه الاهل والونسه الطيبه

[محمد خطاب]

الصراحه عاوز البيت يكون في السودان
بس تعرف لشنو لاني مصيري ارجع الا بلدي

[قمر ام درمان]

انا عشت بره السودان اكثر من عشرين سنة ومن الناس المتواصلين
بالوطن كل سنتين بننزل اجازة وبنقضي وقت جميل وممتع وسط الاهل
والعيش في بلاد الغربة دائما بكون اسهل من السودان .. لكن رغم كدا
احب دائما ان اكون وسط الاهل والجيران .. واتمنى ارجع واعيش فيه
عيشة دائمة عندما تتتسهل فيه الحياة وتكون شبيه بالمكان الذي عشنا فيه
معظم حياتنا ..

[جراح]

السودان
هو دى عاوزه درس عصر

[الامير]

[align=center]بدون تفكيرـ أكيد ...... أكيد السودان
وبدون أى خيارات ...... صدقنى ما محتاج أسأل الجمهور
أو أتصل بصديق ..
والافضل نقضى شبابنا فى بلدنا
أحسن مما نرجع بعد عمر وأنحنا ع المعاش

تقبل مرورى..........[/align][/font][/size]

[IRocK]

في السودان طبعاً
لكن برضو ح يبقى جزء مني في بلد الغربة لأني عشت فيها أغلب حياتي

[m!ss Sudan]

أكييييييييييييييييييد في السوداان بـلدى لأنى انا ما ضامنـة أقعد فى بلاد الغربـة ؟

وتاني شئ نحنا في الاول وفي الأخر حنرجع بلدنـــا


و تسلمى يا بنووووتة ع السؤااال ^_^

[sma7a]

[align=center]اكيد وبدون شك فى السوادن
لانو مصيرى انى ارجع السودان لو الله مده فى العمر
دمت بخير
تحياتى[/align][/size]

[عابده مرغنى عبدالله]

طبعاااااااا حنختار السوداااااااان لانو مهما كان ده بلدنا وكل حد
بحب بلدو وانا بصراااحه بحب السوداااااااااااااااااااااااااااااااان
شدييييييييد وما بحب الامارات
مشكووووووره
الله يعطيك العافيه
تقبلي مروري

عابده

[شاهيناز]

[grade="00008B 0000FF 008000 008080"]طبعا وأكيد[/grade] السودان [grade="FF4500 4B0082 0000FF 000000 F4A460"]لانه فيه الأهل والأحباب[/grade]

[عاشقة النيل]

طبعا اختار البيت يكون في السودان لانوا دا بلدي ومصيري حرجع ليهوا مهما اغتربتا .وشكرا على الموضوع

[khalsami]

سلام...
كيفكم؟
ان شا الله بخير....
جميع المغتربين اذا مثلا زول منكم فاز في مسابقة والجائزة كانت منزل كبير جدا وفاخر ...
وخيروكم عايزين المنزل ده في السودان ولا في بلاد الغربة ....
بصدق وصراحة حتختاروا اي واحد؟؟؟...ولماذا..؟
تحية كبيرة مني ليكم...
وانثر وريقات الزهور من قلبي ليكم...
محبتي واحترامي...saro0ona
عايزة تفاعل وردود...

حاقول دايرو في بلد غير السودان شان السودان محل ما تقبل بدفعوك رسوم هههههه علي الييمين كان داير تسجلو باسمك يدفعوك دم قلبك وما تستبعدي يقوليك دايرين حق النفايات هههههههه من اس المشكلة ما الرسوم لكن المشكلة الخدمات ما باينة واهو راي وتقبلي مروري

[ود الطالباب]

بلادى وإن جارت على عزيزة وأهلى وإن ضنوا على كـــــرام
إخوتى وأعزتى تحيــــــــــــــــــة وإجلال للوطن الغالى أولا وإليكم ثانيا
بعد أن إنقســــــــــــــــــــــــــــــم العمـر فى الغربة وطيلة هذه الفترة و ما زلت أجــــــاهد لكى
أكمل منزلى بمسقط رأسى ........
وفى النهاية كل واحد و واحدة حتى لو كان مولود خارج السودان فى الآخـــر هو راجع راجع للســـودان وزى ما بقول المثل ( العرجاء لمراحها ) يعنى فى الآخر كلنا راجعين للسودان ...
بالمناسبة عمرى فى الغربة 21 عام ::::::::

[الطالبابي]

انا شخصيا حأختاروا في بلاد الغربة
لان المعيشة في السودان صعبة من جميع النواحي
وتسلم كتير