فلم هندي مدبلج

[dream-lady]

..ذهبت ميسم حاملة شعر خصلات وحيد الذهبية فوجدت الفكي(الاصيل)جالسا وسط دخان كثيف لاتظهر الا طاقيته الحمراء فطفق يديم اليها النظر وقال لها"عندك شنو ياحلوة ياعسولة انتي؟

قالت : وحيد ده عندو مشكلة عاوزاك تشوف لي حل؟

قال ليها :ولايهمك ياعسل...
قالت: اها بكم ياحاج؟

قال:,,,ليكي ببلاش ياحلوة ...بس بلاش كلمة حاج انا لسه شاب ومعرس ايوه..بس لامانع من الدبل

[وحـــيد]

..ذهبت ميسم حاملة شعر خصلات وحيد الذهبية فوجدت الفكي(الاصيل)جالسا وسط دخان كثيف لاتظهر الا طاقيته الحمراء فطفق يديم اليها النظر وقال لها"عندك شنو ياحلوة ياعسولة انتي؟

قالت : وحيد ده عندو مشكلة عاوزاك تشوف لي حل؟

قال ليها :ولايهمك ياعسل...
قالت: اها بكم ياحاج؟

قال:,,,ليكي ببلاش ياحلوة ...بس بلاش كلمة حاج انا لسه شاب ومعرس ايوه..بس لامانع من الدبل

الفكي عايز ميسم

[الماسة الخماسية]

أيوه كده ادوها شوية إثارة :

البطل والبطلة اخوان ودريم بت وحيد من زمان

وميسم الجميلة فيها الفكى طمعان

[dream-lady]

وجاء مهاجر متوشحا سيفه...ووقف قبالة زعيم العصابة الاصلع قائلا: لاحل سلمي مع الخونة ...

هنا ضحك (القلب)..ضحكة صفراء قائلا:,,,قواتنا اكثر من قواتكم وانتم سلاحكم السيف ولاتملكون سوى حصان اعرج ومؤجر كمان

هنا سالت الدموع من عيني وحيد بعد أن جرح شعوره ....

وانقض مهاجر بسيفه على زعيم العصابة..وأتت مسلمة من هناك تثكل,,,,وووووب علي ياجدعان

[وحـــيد]

هنا ادرك البطل انهم هالكون لا محالة فالتفت الي رئيس العصابة قائلاً

(( اسمع عندي لابتوب توشيبا استعمال خفيف نديك ليهو وتخلينا كيف معاك ؟))

فرد عليه زعيم العصابة والشك يملاء عينيه : (( راماتو كم ؟))

هنا قاطعتم دريم قائلة : وحيد عايزاك دقيقة

اخذته وذهبت بعيداً وقالت : وحيد لابتوبك انا بعتو عرس صاحبتي وانا كنت محتاجه لي

لبسه وكريمات اها اعمل شنو يعني بعتو بس

قاطعهم رئيس العصابة بصوت مرعب : ماذا هناك ؟



يتبع

[dream-lady]

ردت دريم بسرعة: دقيقة بس...وأتت لزعيم العصابه تحنسه..وتجر واطي

قالت: قلبو ...نحن مهما كان ..كنا زمان...اخوان ...في منتدى انا سواني
فمعليش مشى حالك عندي جوال c3مابطال

زمجر الاصلع: بتتلككوا حضراتكم؟....سي ثري مابخارج معاي..

هنا أتى وحيد يهدئ الوضع قائلا:,,,بتتدبر ان شاء الله يازعيم ..ادينا فرصة نشاور أفراد القبيلة

[مسلمة وافتخر]

وكانت مسلمة تقف خلف وحيد فى الركن وكانت تبدو على وشها علامااااااااات الفزع والخوف

لانها كانت تملك ام بى ثرى جديد اشترته بالتقسيط المريح

وخايفة وحيد المفترى ياخدو منها ويديهو لزعيم العصابة وهى تقع من قد القفة

((على فكرة مسلمة صديقة اخت وحيد دريمو من ما كانوا فى الروضة))

ولكن قبل ان تقع عينى وحيد العاملات ذى البصلة الفى الروووب ديل على ام بى ثرى بتاع مسلمة

رن تلفون زعيم العصابة والناس كلها ركزت مع الزعيم ( شماارات تقيلة)


يتبع

[dream-lady]

...رد زعيم العصابة؟ألووووو

..........

:وميسم مالاقينها؟
.........................

:,,,طيب ...ومهاجر آخر كلامو؟؟...اهااااااااااااااا....يعني مافي حل غير كده؟

..................

:,,,خلاص ...خلصوا على الماسة

[مسلمة وافتخر]

وعند سماعنا لجملة الزعيم سابت ركبنا وعرفنا وقتها اننا دخلنا فى الغريق

لا ام بى ثرى بتاعى ولا لاب توب وحيد بنفع

والتفت الينا وكانت على وشه ابتسامة كريهة اظهرت اسنانا مطلية باللون الذهبى

وقال
انتو كمان اتشهدو على روحكم يا لهوووووووى

هنا نط مهاجر وعمل فيها شجيع السيما (سبع والسباع قليل )

وقال

انتو قايلين الدنيا دى سايبة ولا سايبة كدى اهبشوا ضفر من ضفر الماسة وانا اوريكم يا لبش

وهنا تبادل زعيم العصابة النظرات مع رفيقة الذى يشبه الفزاعة

وووووووووووووووو

فاصل ونواصل

يتبع

[dream-lady]

وهنا دخلت امال الناس ترتدي توب توتل سويسري تركوازي يجنن ماشفتوهو كيف يازاتو

المهم....توجهت بحنان أموي فائق تجاه زعيم العصابة وانشدت له شعر حماسي يقطع القلب

فقال لها الزعيم: رغم احترامي ليك ياست الكل لكن

ردت : عندي كردان دهب بديك ليهو سدد ديونك واختاهم...

فالتفت اليها: بس الجماعة ديل اتصرفوا تصرفات ماعاجباني

يتبع

[مهاجر في البلد]

وهنا ظهر مهاجر كان شايل طبنجة 9 ملم وداسيها في شنطة اللاب توب بتاعو ومع النطة في الجو فتح الشنطة وطلع الطبنجة وعمرا ( زي رجل المستحيل بشتغل 14 حاجة في وقت واحد ) الجماعة الركبهم سايحة من م شافو مهاجر اتشجعو شوية ومسلمة بقت تجعر وتضرب في السكلي وووووب علينا اسي كان بقينا كفتة زعيم العصابة داير يضبحنا ضبح

امال الناس قالت الحمد لله الليلة كان لحقتو امات طه

[مسلمة وافتخر]

توب تحفة فنية بجد وعاملين فيه تخفضااااااات

كانت امل الناس تتميز بالرصانة والفطنة ما ذى ناس دريمو ووحيد الرايحيين ديل

فعلا اخوااااااااان

ولكن زعيم العصابة كان لديه طموح اكبر من الكردان بتاع امال الناس القديم دا (اكل الدهر عليه وشرب)

ولم تستفيد امال الناس من هذه المجازفة الا انها ذادت عدد المخطوفين لتصبح واحدة منهم

مع انه كان نيتها سليمة (كترت الطيبة بتودى فى داهية)

وهنا ولولت دريمو وصاااحت (رحنا فى شربة مووووووووووية )........




وفى مكاااااااااااان اخر

كانت الماسة ماشة فى الشارع لابسة الشبشب الزنوبة بتاع امها وقاعدة تتجدع بيه ( ويا دنيا اتهدى ما عليكى ادى)

وكان قاطرها واحد من العصابة وهى ما جايبة خبر...

يتبع

[dream-lady]

لم يفطن مهاجر لأحد الخونة خلفه....الذي سدد له ضربة مباغتة وقع على أثرها جريحا...

وهنا بلغ السيل الزبى....جاءت امال الناس بمفراكة قديمة كانت تخبئها بالمخزن وانهالت ضربا على زعيم العصابة وهو يصرخ: امولة انا ماعاوز امد يدي عليكي...

وكانت دريم وزاتو ميتتان من الضحك....وجاء وحيد مسرعا وحمل مهاجر للمستشفى ليداوي جروحه...

[مهاجر في البلد]

وجنب الباب تجي الحاجة ام مهاجر بعد دريم بتاعت الشمارات رسلت ليها مسج
سجمي سجمي سجمي الليلة يا وليدي مالك الضربك دا يضربو الضريب شقاقا العناقريب
شكيتو علي الله دا الراجل اب صلعة السنونو مخلفات
الليلة بوريك المكشم برا بصل اصبر لي ساي
وهنا دريم اثناء ضحكها تسقط فيها مزهرية كانت فوق دولاب زعيم العصابة

نواصل

[مهاجر في البلد]

الحمد لله الزهرية الوقعت فوت راس دريم طلعت فاضية مافيها شيء تقيل بس زعيم العصابة كان بجدع فيها سفتو بعد نفاد صلاحيتها وطبعا يادوب دريم عرفت معنى سفة شنو لانها شافتها الليلة
المهم ناس العاصبة اتلخمو لخمة والزعيم من دق المفراكة ضهرو اتورم
وناس وحيد ومسلمة يقرقرو مبسوطيييين للحاصل

[dream-lady]

بكت دريم بشدة بعد ان اتسخ وجهها بالسفة القد الكورة ..ذهبت الى البحيرة القريبة من منزل زاتو لتستحم ...هناك وجدت الاميرة توتة جالسة دامعة العينين...لابسة فستان فوشي وحذاء ذهبي وحاملة شنطة فوشي بالذهبي ومسرحة شعرها لفوق...كانت صراحة جميلة تغار الشمس منها...

فكرت في وحيد...لو خطبت له هذه الاميرة حتفتك منه

يتبع

[BAD BOY]

ههههههههههههههههههههه

ما عايزين خائن للعصابه

[ود الخير]

فلم ككارب جدا
لى حق انط بالحيطه واتابع الفلم الحلو
ههههههههههههههههه

[مسلمة وافتخر]

كانت الاميرة توتة جالسة تشكى همها للبحيرة لمن البحيرة لملمت مويتها ونشفت

وجاءت دريمو تمشى بشوويش على طراطيف اصابعنها لانها لا تريد ان تخلع الاميرة توتة

وعندما راتها اميرتنا الجميلة كادت ان تقع فى البحير من الخلعة

لان دريمو بصراحة كانت بتخوف والسفة مدنكلة فى جبهتها (صورة مرعبة )لاميرة حسحااااسة ذى توتة

واثناء ما الاميرة توتة واقعة (الصور بالبطئ ) ظهر فارس يركب فى ركشة ابيض فى اسود

وكان مشغل اغنية حرامى القلوب تلب

يتبع

[dream-lady]

ههههههههههههههههههههه

ما عايزين خائن للعصابه

اف كورس كاو بوي

خلاص نحن جندناك تبعنا حاول خارج لينا امال دي مابتتحمل الخطف

لانو الطفسة مسموسة شكلها مبسوطة بالخطف شكلو واحد من العصابة معجب بيها وطاقي معاها حنك