عم التنقو...

[الفارعة]

ودي مني ليك يا ود النصر عشان نثبت ليك الموهبة هههههههههههههه...

عمك تنقو بقى دكتور...
بالسماعة بشوف الزول...
عمك تنقو جاتو ولية...
قبال مايشوفا قال عملية...
في العملية البت اتوفت...
وعمك تنقو قعد يتلفت...

[overline]ياناس الموهبة نفتو ولا ندسو ههههههه[/overline]

[الفارعة]

[overline]تنقو الراجل الشايب
خنفس وقال ح تشوفو عجايبعمك
لبس الجزمة أم كعبا علي
وشارلستون من توب بنقالي
وسلسل فوق لي الرقبة معلق
وبقى في المشية يميل يزلق
مرة ركب باص الحلة
وراح متشابي عشان يتدلى
كعب الجزمة شبك في الباب
وتنقو إتزحلق وسف تراب
عمك قام خجلان مكسوف
ومن الناس قام رايح صوف
وجدع السلسل والباروكة
وقال الشينة خلاص متروكة [/overline]

[Keeptown]

[overline]ياناس الموهبة نفتو ولا ندسو ههههههه[/overline]

اعملي رايحة يا الفارغة...

[الفارعة]

اعملي رايحة يا الفارغة...

(سويتها رايحة) خلاص رايحة مع سبق الإصرار والترصد

[Keeptown]

(سويتها رايحة) خلاص رايحة مع سبق الإصرار والترصد

خلاص كدا حيكون بينا بيزنس...

[الفارعة]

[overline]عمك تنقو أشتـرى جـوال
عايز يبقـى رجـل اعمـال
قال بربطنـي مـع العمـال
بيهـو اعـرف الاحــوال
اجرى مكالمة مع ود الخـال
شابكة ليك كيفنك ازي الحال
خلى رصيده على المس كول
قـال اصلـوا مـا معقـول
شاف العازة هناك بتعـوس
قال اجـرب فيهـا بلوتـوث
قالت ليه يا راجل يا مهوس
اقفل الكاميرة يا مطمـوس
راحت فاكاه باقـرب كـوز
رمت جواله وبقى مدهـوس [/overline]

[Keeptown]

طيب رايك شنو في دي يا الفارغة...

دي تأليف بحت...

عمك تنقو ليقوهو سكران...
سكتو مباحث وشرطة كمان...
للقسم طويل ودوهو...
عمك تنقو جرجير جروهو...
ركبوهو بوكسي مكيف...
عمك تنقو قعد واتكيف...
اليوم التاني جاتو العازة...
شايلة معاه لبن وجداده...
لمن عرفتو سوه شنو...
دقتو ليك في قدومو...

[ود النصر]

[align=center]عمك تنقو عامل تفتيحة
قال حيفتح دكان ريحة
جابلو رفوف وكنبة مريحة
ورصة فتايل تملا صفيحة

وفي التسويق عامل فنان
في كل جريدة عمل اعلان
اشتري واحد واتنين مجان
وتعال اتريح ساهي كمان

زولك خبرو وصل للحلة
عمك جوهو الناس بالجملة
يدخلوا شلة ويمرقوا شلة
وبقوا كل يوم يكملوا قُلة

اها كده كيف يا حبة بنفع؟؟؟[/align][/size]

[Keeptown]

والله ياود النصر بتنفع ونص وعشره...

[الفارعة]

[overline]عمك تنقو بفنو السحري
قرر يتريض ومصمم يجري
قام اتحرك بدى من بحري
قال الوقفه ح تكون في كرري
عمك يلهث وصل الكبري
الحقيني يالعازه وااه ياصدري
لازم افكر واستخدم عقلي
حتي اكون رياضي عصري
اخد الجري بشكل حضاري
عشان اكون افضل من كاكي
اقوي ضهري وعضلة ساقي
واشوف مخرج لصلعة راسي
حتي يكون شكلي شبابي
اتمرن بفهم واكون جادي
بعديها بمزاج امثل بلادي
وذهبية الجري بجيبها عاد[/overline]

[الفارعة]

[overline]عمك تنقو اب عقلا ثلجي
فكر وفكر بقي جوهرجي
محلو عجيب ملان ديكور
مركب فيهو قرون التور
لملم شال دهب العازة
جبو مثال للعينة الجاهزة
جو النسوان يدقو غوايش
شايف ايديهن وراحلك دايش
سيح دهبو وحك الراس
لقاهو مقصر زادو نحاس
عمك كان مقاسو دبارة
سوة غويشة تقول ترتارة[/overline]
جو النسوان وفتحو بلاغ
وعمك ترتر عجلو وزاغ.

[الفارعة]

[overline]عمك تنقو راكب موتر
قاطع الكبري وماش على كوبر
وجمب الكبري هناك في اللفة
حفره كبيره وما بتدسا
وجمب الحفره هناك في مرور
يمينو المويه وجمبو السور
عمك تنقو مافي فصال
يا الحفره الظاهره يا الايصال؟
وعمك تنقو خيالو الواسع
بسرعه 1000 فحط راجع
دخل الشارع التاني شمال[/overline]

[Keeptown]

عمك تنقو أبو وش ساده...
قرر يعمل ليه شهاده...
طالع نازل كل عشيه...
داخل دار محو الاميه...
ولمن قرروا يمتحنوه...
فاكر الناس ما بشوفوه...
سحب البخره الراقده في جيبو...
شوفوا يا ناس الراجل عيبو...
وقام أستاذ وكشف اللعبه...
وكانت طرده جميله وصعبه...

[Keeptown]

عمك تنقو بقي سمسار...
شايل الحقة والسفه دقار...
سمسرة روزة لوري ود دفار...
قال دي البيعه ومافيها هظار...
جاهو زبون ود حاج مرزوق...
فاكر تنقو خبير في السوق...
جايك يا تنقو انت ضروري...
تكشفلي السوق واحسن لوري...
عمك عامل فيها همام...
قاله ابشر ده لوري تمام...
نعمل لفه ابنصي لحام...
سوق يازول ولا اي كلام...
عمك قالوا تعال قرب...
اركب معايا خلينا نجرب...
ده احسن لوري يشيل الطوب...
يمشي نيالا ولي حنتوب...
في اول لفة بقى مقلوب...

[ابولفته]

ياسلام على الزمن الجميل وارسل التحيه الى المبدع الفنان الاستاذ شرحبيل احمد

[Keeptown]

وتنقو بعد ما إحتكر السكر...
قعد يغني و يمشي تبختر...
و بكرة العازه توبا بوليستر...
أكلو جداد وتحليتو كمان كستر...
الليله في أمواج قاعد متحكر...
وبعدو في لذيذ عمك متقنطر...
و جاهو الزين سيد الدكان...
باس رجليو سامحني غلطان...
يوم شكيتك في ديني ا لكان ...
تنقو طلع ربطه هاك يا عدمان...
دايما" ساكي ديونك يافلسان...
العازه مرتو كانت وش فال...
بذكاءو تنقو بقى رجل أعمال...
وفجأة قام صوت الباب كركب...
وعمك مايسمع إلا يازول أركب...
وسريع جدا رفعوهو عساكر...
ودي نهاية الدايما" للشر بيبادر...

[Keeptown]

عمك تنقو بكل مهارة...
اصبح كابتن يسوق طيارة...
بالسيموليتر ثبات وشطارة...
عبر الشاشة لفة القارة...
وقت العملي ووقت الحارة...
قال يالجـو جاتك كارة...
جاتنا الفرصة واللحظة السارة...
سلام يا أخوانا فرصة سعيدة...
تنقو يحييكم والرحلة بعيدة...
إرتفاعنا يكون آلاف أقدام...
أربطوا حزامكم ربطة تمام...
وإن شاء الله معاي تصلوا بسلام...
عم التنقو قبال ما يقوم...
العازة صحتو ليك من النوم...

[The Sniper]

سلام لكل المشاركين هنا

فهموني النظام كيف ( يعني ألف و لا انقل بس )




و ثانكس كتير علي البوست

[Keeptown]

سلام لكل المشاركين هنا

فهموني النظام كيف ( يعني ألف و لا انقل بس )




و ثانكس كتير علي البوست

والله يا مان في المنقول وفي المنجور...


انت وزوقك المهم تشاركنا...


وين انت يا مان؟؟؟...

[Keeptown]

عمك تنقو بدون اجبارى...
عين نفسو جندى صوارى...
راح اختار حصاناً ماكر...
نط عليه وعامل شاطر...
دخل الحله فى نص الليل...
ولقى ظلام شديد بالحيل...
وفجأه هناك شاف اشباح...
عصابه لئيمه شايله سلاح...
رجف العم وحس حصانو
عايز يزوق يريح اضانو...
حصانو اتجنن جاتو الهوشه...
وشنقل تنقو فوق الكوشه...
اتلمت حولو كلاب الحى...
تعضعض فيه تهوهو فيه يقول حى حى...